Anna Þórðardóttir 17. mars 1909 - 12. júlí 1996 Húsfreyja í Garði, Skildinganesi, Reykjavíkursókn, Kjós. 1930. Húsfreyja í Reykjavík 1945. Síðast bús. í Reykjavík.
Útför Önnu fór fram í kyrrþey að hennar ósk 26. júlí 1996.

Anne Helene Jóhannsdóttir 10. desember 1933. Var í Húsi Einars Evensens, Blönduóshr., A-Hún. 1957.

Anton Bjarnason 11. ágúst 1914 - 16. desember 1992. Málarameistari í Reykjavík. Síðast bús. í Reykjavík. Kjördóttir: Kolbrún Lilja Antonsdóttir, f.19.1.1949.

Anton Vilhelm Kristjánsson 7. mars 1902 - 13. júní 1969. Vélstjóri á Siglufirði 1930. Ólst upp á Siglufirði. Vélstjóri og verkamaður á Raufarhöfn og víðar, síðast bús. í Raufarhafnarhreppi.

Ari Eiríksson 9. febrúar 1850. Var í Tungu, Tjarnarsókn, Hún. 1860. Bóndi í Valdalæk, Vesturhópshólasókn, Hún. 1901. Kjörbarn: Guðmundur M. Eiríksson, f.17.3.1891.
Skv kirkjubókum var hann fæddur 26.1.1851 ["Iceland Baptisms, 1730-1905", database, FamilySearch (https://familysearch.org/ark:/61903/1:1:FGRS-RYV : 22 January 2020), null, 1851.]

Ari Hafsteinn Richardsson 29. júní 1957. Sjómaður Blönduósi. Faðir skv. Krossaætt: Richard Reed Addy, f. 9.12.1923 í Bandaríkjunum.

Ari Jóhannes Jósefsson 28. ágúst 1939 - 18. júní 1964. Skáld. Var á Bala, Blönduóshr., A-Hún. 1957. Drukknaði. Hann fór til Reykjavíkur eftir að hafa hætt í MA, þar sem hann varð fljótlega áberandi í hópi ungu skáldanna. Hann stundaði nám í íslenskum fræðum í tvö ár, hélt svo til Rúmeníu til að læra rómönsk fræði og var á heimleið þaðan þegar hann féll fyrir borð á Gullfossi og drukknaði, þann 18. júní 1964.
Um brostinn streng
er skyldi skærast hljóma
um skugga er bar
á vornótt svona heiða
lognaldan þylur fregn við fjörusand.

Feiknstöfum rituð
eru örlög manna
alinn við mold og steina
hafdjúp gistir
einn er hver sér þótt sýnist fleiri í för.

Fjallkonan beið þín
hreina hjartaprúða
með hvítan kollinn
nýja rós á barmi var seiður hafsins þyngri þessa nótt?

Hví fórstu Ari
í faðminn Ránar kalda?
Fagnað þér skyldi
er stigir þú á grundu.
Það er ei öllum unnt að komast heim.
H.B.B.
Mikils er vant — en með í för
munu augu þín dul og snör
þar sem baráttan brýnust er;
bera megi hún svip af þér —

gustur sem úngur ör og hlýr
inní þykknið af bragði snýr
kliðar saungva í regnsins raust
ryður brautina hlífðarlaust

unz í myrkviðnum mannsins vé:
moldin bakvið hin dauðu tré
finnur í vexti frjómögn sín —
félagi, slík er minníng þín.
Þorsteinn frá Hamri.

Ari Jónsson Arnalds 7. júní 1872 - 14. apríl 1957. Bæjarfógeti á Seyðisfirði og Sýslumaður í N-Múl. Húsbóndi í Reykjavík 1910. Bæjarfógeti á Seyðisfirði 1930. Fyrrverandi bæjarfógeti í Reykjavík 1945. Sýslumaður Blönduósi 1914-1918.

Arndís Jónsdóttir 25. júní 1890 - 19. ágúst 1978. Húsfreyja á Höskuldsstöðum, Hjarðarholtssókn, Dal. 1930. Saumakona Borðeyri 1910, þá búsett á Bæ í Hrútafirði.

Arnkell Benediktsson 9. október 1922 - 19. júní 1955. Var á Ási, Undirfellssókn, A-Hún. 1930. Verkfræðingur í Reykjavík. Ókvæntur og barnlaus.

Arnljótur Guðmundsson 2. febrúar 1836 - 12. nóvember 1893. Var á Guðlaugsstöðum í Svínavatnssókn, Hún. 1845. Bóndi á sama stað og Syðri-Löngumýri. Bóndi Syðrilöngumýri 1870.

Arnljótur Jónsson 21. desember 1903 - 13. febrúar 1970 Lögfræðinemi í Ingólfsstræti 9, Reykjavík 1930. Lögfræðingur í Reykjavík 1945. Aðalgjaldkeri Sjúkrasaml. í Reykjavík. Síðast bús. í Reykjavík. Læknishúsi Blönduósi 1920.

Arnljótur Ólafsson 11. júlí 1879 - 7. október 1937. Fór til Vesturheims 1883 frá Tyrfingsstöðum, Akrahreppi, Skag. Var í Thingvalla, Pembina, N-Dakota, USA 1900.
Arnljótur ólst upp og var til heimilis hjá stjúpföður sínum og móður, þangað til hann kvongaðist árið 1902, Sigurrósu Sigurbjörnsdóttur Guðmundssonar úr Eyford-bygð, N. D., ættaðri úr Eyjafirði í móðurætt, en frá Hólsfjöllum í Þingeyjarsýslu í föðurætt. Það ár fluttu ungu hjónin norður til Winnipegosis, Man. og staðnæmdust þar í 2 ár, en komu til baka aftur til þessarar bygðar 1904, og keyptu bújörð 2 ½ mílu norðvestur af Mountain, og hafa búið þar síðan í 33 ár. Þar kvaddi hann ástvini sína, og þar býr ekkja hans enn, með syni sínum, ásamt dóttur og tengdasyni, Mr. og Mrs. John Hallgrímson

Arnór Sigurðsson 1. mars 1919 - 14. nóvember 1998 Sýsluskrifari og verslunarmaður á Sauðárkróki. Var á Sauðárkróki 1930. Síðast bús. í Kópavogi.

Auðólfur Gunnarsson 15. apríl 1937 yfirlæknir skurðlækningasviðs kvennadeildar Landspítala Hringbraut.

Auður Sturludóttir 24. nóvember 1975

Axel Arnór Einar Bjarnason 12. október 1911 - 12. desember 1981 Daglaunamaður á Stýrimannastíg 5, Reykjavík 1930. Bílstjóri í Reykjavík 1945. Síðast bús. í Reykjavík. Uppeldisfor: Bjarni Bjarnason 28. nóvember 1867 - 10. nóvember 1956 Málarameistari í Reykjavík. Húsbóndi í Reykjavík 1910. Húsamálari á Stýrimannastíg 5, Reykjavík 1930 og kona hans Guðlaug Hannesdóttir 27. nóvember 1883 - 23. október 1970 Húsfreyja í Reykjavík 1910. Húsfreyja á Stýrimannastíg 5, Reykjavík 1930.

Axel Gígjar Ásgeirsson 18. apríl 1964.

Baldur Þórður Steingrímsson 3. ágúst 1907 - 20. júlí 1968 Nemi á Akureyri 1930. Deildarverkfræðingur hjá Rafmagnsveitu Reykjavíkur.

Baldvin Ingimarsson Kristjánsson 22. apríl 1944. Fósturforeldrar um tíma: Guðbrandur Jón Frímannsson 26. maí 1922 - 20. mars 2000 og Hallfríður Eybjörg Rútsdóttir 8. nóvember 1927 - 30. nóvember 2015

Benedikt Helgason 2. október 1877 - 28. apríl 1943 Bóndi í Ytra-Tungukoti, Blöndudal, á Skinnastöðum í Húnavatnssýslu, Agnarsbæ Blönduósi 1925 og 1941.

Benedikt Kristjánsson 5. nóvember 1840 - 26. janúar 1915 Vígðist að Skinnastað í Axarfirði og var prestur þar 1869-1873, prestur á Helgastöðum í Reykjadal 1873-1876 og loks á Grenjaðarstað 1876-1907 en mun hafa haldið staðinn til 1911. Fluttist þá til Húsavíkur og var þar til æviloka. Prófastur Suður-Þingeyinga 1878-82. Sýslunefndarmaður. Póstafgreiðslumaður. Mildur og vinsæll kennimaður.

Benedikt Líndal Hjartarson 1. desember 1892 - 31. október 1967 Var í Reykjavík 1910. Bóndi og hreppstjóri í Efra-Núpi í Fremri-Torfustaðahr., V-Hún.

Benedikt Samsonarson 11. júlí 1857 - 11. nóvember 1925 Vinnuhjú á Miðhúsum í Þingi 1873 og 1875. Vinnumaður í Miðhúsum, Þingeyrasókn, Hún. 1880. Járnsmiður í Skálholtskoti, Reykjavíkursókn, Gull. 1890. Fór til Kanada eftir skilnað við Guðríði 1892.

Berghildur Ásdís Stefánsdóttir 4. apríl 1972

Berglind Grímsdóttir f. 15. júní 1995

Bergþór Gunnarsson 21. júní 1964 Blönduósi

Bergþór Ingi Leifsson f. 10. júlí 1964 Blönduósi 1971

Bergþóra Sigfúsdóttir Benediktsson (Berga) 20. maí 1877 - 29. 8 1957. Fór til Vesturheims 1886 frá Vestdalseyri, Seyðisfjarðarhreppi, N-Múl. Toppenish Yakima Washingthon fylki USA.
Foreldrar hennar voru merkishjónin Sigfús Magnússon (dáinn 31. okt. 1932 í Toppenish Wash), sonur séra Magnúsar Jónssonar, prests á Grenjaðarstað og Guðrún (dáin 26. janúar 1913) dóttir séra Benedikts prófasts Kristjánssonar í Múla. Sigfús fór kynnisför, 18 ára gamall, til Bandaríkjanna 1873, rétt eftir að vesturflutningar hófust, dvaldi þar um hálft annað ár, ferðaðist í nýlenduskoðun til Nebraska ásamt Jóni Halldórssyni frá Stóruvöllum í Barðardal og Torfa Bjarnasyni, síðar skólastjóra í Ólafsdal, en átti þó aðallega heima í Milwaukee. Heim hvarf hann aftur í byrjun desember mánaðar 1874, kvongaðist nokkru seinna 1876, Guðrúnu Benediktsdóttir og byrjuðu þau búskap í Múla. Eftir 6 ára veru þar fluttu þau á Seyðisfjörð og þaðan vestur 1886. Staðnæmdust þau fyrst í grend Long Pine í Nebraska, námu þar land og bjuggu þar í 6 ár. Fluttu þau þá þaðan til Duluth og bjuggu þar, það sem eftir var, þangað til nú fyrir fáum árum að Sigfús flutti vestur á Kyrrahafsströnd til dóttur sinnar giftrar, konu Baldurs Kristjánssonar frá Grenjaðarstað og andaðist þar sem áður segir.

Birgir Þórbjörnsson 5. febrúar 1944 Var á Flankastöðum, Höfðahr., A-Hún. 1957.

Birna B Guðjónsdóttir 9. október 1948 Var á Fellsbraut 4, Höfðakaupstað , A-Hún. 1957.

Birna Sigurbjörg Richarðsdóttir 17. ágúst 1951 Var í Laufskála, Hvammstangahr., V-Hún. 1957. Hólmavík.

Bjarghildur Ingibjörg Sigurðardóttir 9. apríl 1926 - 13. janúar 2015 Var í Vallanesi, Vallanessókn, S-Múl. 1930. Húsfreyja, verslunarstarfsmaður, skrifstofustarfsmaður og staðgengill skattstjóra á Egilsstöðum. Gegndi ýmsum félagsstörfum.

Birna Hallbera Ragnarsdóttir 19. október 1954 Var á Björnshúsi, Blönduóshr., A-Hún. 1957.

Bjarni Bjarnason 2. mars 1913 - 30. mars 1979 Var á Túngötu 16, Reykjavík 1930. Hæstaréttarlögmaður í Reykjavík. Síðast bús. í Reykjavík. Bæjarfógeti á Siglufirði skv. ÍÆ.

Bjarni Hinriksson 6. september 1963, myndlistarmaður og grafíker hjá fréttastofu RÚV.

Bjarni Ingvi Einarsson 3. ágúst 1897 - 15. ágúst 1978 Daglaunamaður á Blönduósi 1930. Var á Blöndubakka, Blönduóshr., A-Hún. 1957. Járnsmiður á Blönduósi. Ókvæntur og barnlaus.

Bjarni Jónsson 18. september 1835 - 25. febrúar 1873 Bóndi í Glerárskógum 1859, í Ásgarði, Sælingsdalstungu, Teigi og Rauðbarðaholti. Bóndi í Knarrarhöfn í Hvammssveit, Dal. 1871-73.

Bjarni Kristinsson 28. apríl 1915 - 18. febrúar 1982 Var á Hofi, Undirfellssókn, A-Hún. 1930. Fósturfor: Ágúst Böðvar Jónsson og Ingunn Hallgrímsdóttir. Bóndi á Kornsá, Áshr., A-Hún. Vegamótum Blönduósi 1944-1951 og á Stöðlum og í Auðsholtshjáleigu í Ölfusi. Síðar verkamaður á Selfossi. Síðast bús. í Selfosshreppi., kona hans 31.12.1944; Jónína Alexandra Kristjánsdóttir f. 25. nóv. 1925 Blö. d. 30. maí 2011, sjá Langaskúr, Kornsá og Selfossi.

Björg Jóhannesdóttir 22.8.1866-1924

Björg Jónsdóttir 15.10.1867 Var á Vesturá í Holtastaðasókn, Hún. 1890.

Björg Kolka Haraldsdóttir (BJ Melkun) 14. september 1944 Var á Héraðshælinu, Blönduóshr., A-Hún. 1957. Kisa Texas

Björg Sigurðardóttir 1. febrúar 1841. Var á Kárdalstungu, Grímstungusókn, Hún. 1845. Vinnukona á Helgavatni, Undirfellssókn, Hún. 1860 og 1880.

Björg Stefánsdóttir 19. desember 1852 - 17. desember 1913 Var á Brekku, Þingeyrasókn, Hún. 1880. Ógift Reykjum 1890

Björg Steinsdóttir 29.4.1863. Var í Grundarkoti, Holtastaðasókn, Hún. 1870. Vinnukona í Bólstaðarhlíð, Bólstaðarhlíðarsókn, Hún. 1880.

Björg Sveinsdóttir 17. desember 1897 - 4. september 1990. Var í Mjóadal, Holtastaðasókn, Hún. 1901. Húsfreyja á Skógum, Reykholtssókn, Borg. 1930. Húsmóðir að Skógum í Flókadal og á Akranesi. Síðast bús. á Akranesi.

Björghildur Klara Sigurðardóttir 7. febrúar 1907 - 30. janúar 1985 Var í Reykjavík 1910. Vinnukona á Ásvallagötu 10 a, Reykjavík 1930. Húsfreyja í Reykjavík 1945. Síðast bús. í Reykjavík.

Björg Sigríður Sigurðardóttir 10. júní 1900 - 5. maí 1988 Húsfreyja á Sóleyjargötu 15, Reykjavík 1930. Húsfreyja í Reykjavík 1945.

Björn Bergmann Guðmundsson Björnson 4. mars 1898 - 26. ágúst 1969 Verkfræðingur í Bandaríkjunum. Var í Reykjavík 1910.

Björn Berthel Líndal 31. desember 1929 - 14. desember 2010. Var á Svalbarði, Svalbarðseyri, Svalbarðssókn, S-Þing. 1930. Nefndur Björn Bertel á manntali 1930.

Björn Björgvin Jónsson 16. mars 1954 Var í Köldukinn í Torfalækjahr., A-Hún. 1957.

Björn Cýrusson 7. desember 1886 - 24. desember 1967 Bóndi í Sólheimum I, Hjarðarholtssókn, Dal. 1930. Var í Öndverðarnesi, Ingjaldshólssókn, Snæf. 1890. Bóndi á Hömrum í Laxárdal, Dal. 1912-22 og í Gröf 1922-27. Verkamaður í Reykjavík 1949. Síðast bús. í Reykjavík.

Björn Eiríkur Geirmundsson 25. maí 1891 - 7. febrúar 1965 Bóndi í Holti, Þingeyrasókn, A-Hún. 1930. Bóndi á Hnjúkum í Sveinsstaðarhr. A.-Hún., og á Strjúgsstöðum í Langadal.

Björn Guttormur Gunnlaugsson 23. desember 1954 bóndi Heiðarseli N-Múl

Björn Guðmann Karlsson 23. mars 1917 - 30. ágúst 1991 Var í Kirkjuskarði, Holtastaðasókn, A-Hún. 1930. Var á Björnólfsstöðum, Engihlíðarhr., A-Hún. 1957. Síðast bús. í Blönduóshreppi.

Björn Guðmundsson 1839 Umsvölum 1840. Bóndi Gautsdal 1870, var á Bakka í Vatnsdal 1845.

Björn Guðmundur Björnsson 23. desember 1882 - 23. nóvember 1961 Var á Urriðaá, Staðarbakkasókn, Hún. 1901. Bóndi á Hvammstanga 1930. Bóndi í Torfustaðahúsum í Ytri-Torfustaðahr., V-Hún., ekkill þar 1920, síðar smiður og organisti á Hvammstanga. Var í Reykholti, Hvammstangahr., V-Hún. 1957.

Björn Jóhann Jóhannesson 17. nóvember 1905 - 27. apríl 1970 Bóndi á Fjósum í Svartárdal, Hún., síðast bús. í Bólstaðarhlíðar.

Björn Jóhannesson 9. nóvember 1858 - 21. apríl 1935 Var á Syðri-Kárastöðum, Kirkjuhvammssókn, V-Hún. 1930. Bóndi á Ósum, Vesturhópshólasókn, Hún. 1890. Bóndi og formaður á Kárastöðum.

Björn Jóhannesson 28. mars 1895 - 22. nóvember 1964 Bæjarfulltrúi og hafnargjaldkeri í Hafnarfirði. Í stjórn verkamannafélagsins Hlífar í mörg ár, formaður um skeið. Einn af stofnendum Sjómannafélags Hafnarfjarðar, í stjórn þess og formaður um hríð. Gjaldkeri í Hafnarfirði 1930. Félagi í Kvæðamannafélagi Hafnarfjarðar.

Björn Jóhannsson 6. október 1882 - 17. september 1944 Bóndi og kennari á Skarði og Skuggabjörgum í Dalsmynni, S-Þing. og síðar í Lundi í Grenivík. Síðast bús. í Lundi.

Björn Jónsson 15. júlí 1858 - 3. febrúar 1924 Prestur á Bergsstöðum í Svartárdal 1886-1889, Miklabæ í Blönduhlíð 1889-1921. Prófastur á Miklabæ í Blönduhlíð, Skag. 1914-1919.

Aðalbjörn Benediktsson, fyrrverandi héraðsráðunautur og bóndi á Grundarási í Miðfirði í Vestur-Húnavatnssýslu, fæddist á Aðalbóli í Miðfirði hinn 23. júlí 1925. Hann lést á Landspítalanum 13. ágúst síðastliðinn. Foreldrar hans voru Ólöf Sigfúsdóttir húsfreyja á Aðalbóli, f. 22. febrúar 1894, d. 17. apríl 1983, og Benedikt Jónsson bóndi á Aðalbóli, f. 28. júní 1895, d. 30. janúar 1988. Bróðir Aðalbjarnar var Jón bóndi í Höfnum á Skaga, f. 23. maí 1921, d. 30. desember 2002.
Eiginkona Aðalbjarnar er Guðrún Benediktsdóttir fyrrverandi kennari og bóndi, f. 10. júlí 1928. Foreldrar hennar voru Ingibjörg Guðmundsdóttir húsfreyja og Benedikt H. Líndal bóndi og hreppstjóri. Þau bjuggu á Efra-Núpi í Miðfirði. Aðalbjörn og Guðrún eignuðust þrjár dætur. Þær eru: 1) Sigrún prófessor, f. 9. júlí 1949, maki Þórólfur Ólafsson. Þau eiga tvo syni, a) Aðalbjörn, sambýliskona Þorbjörg S. Stefánsdóttir og eiga þau þrjú börn, Sigrúnu Auði Tinnu, Benedikt Inga og Baldur Thor, og b) Þórólf Rúnar. 2) Inga Hjördís kennari, f. 22. ágúst 1951, maki Helgi Jón Jónsson. Þau eiga tvo syni, a) Aðalbjörn Hrannar, sambýliskona Signý Þórarinsdóttir, dóttir þeirra Matthildur Emelía, og b) Hrafnkel Helga, maki Guðfinna Ásta Birgisdóttir, sonur þeirra Benedikt Birgir. 3) Aldís kennari og leiðsögumaður, f. 30. október 1952, sambýlismaður Páll Sigurðsson. Dætur Aldísar og Jóns Tryggva Kristjánssonar, fyrrverandi sambýlismanns hennar, eru a) Guðrún Elfa, maki Baldvin Björn Haraldsson, þau eiga synina Sólon Baldvin, Dag Baldvin og Eið Baldvin, og b) Aldís Arna, sambýlismaður Sigurður Guðmundsson, sonur þeirra Örn Daði.
Aðalbjörn lauk búfræðiprófi frá Bændaskólanum á Hvanneyri vorið 1946, landsprófi frá Héraðsskólanum á Laugarvatni vorið 1947 og brautskráðist sem búfræðikandídat frá nýstofnaðri framhaldsdeild Bændaskólans á Hvanneyri vorið 1949. Næstu tvö árin starfaði Aðalbjörn hjá Nautgriparæktarsambandi Borgfirðinga. Árið 1951 flutti hann í Aðalból með fjölskyldu sína og gerðust þau hjónin bændur í sambýli við foreldra hans. Vorið 1953 réðst Aðalbjörn til Búnaðarsambands Vestur-Húnavatnssýslu til að annast rekstur Ræktunarsambands V-Hún. (RSVH) og gerðist jafnframt kennari við Reykjaskóla í Hrútafirði. Árið eftir var hann ráðinn í fullt starf sem héraðsráðunautur og framkvæmdastjóri RSVH. Hann gegndi því starfi til ársins 1988 eða í 35 ár. Þau hjónin bjuggu á Laugarbakka í Miðfirði í nokkur ár áður en þau byggðu nýbýlið Grundarás. Hin síðari ár hafa þau búið í Reykjavík.
Aðalbjörn tók mikinn þátt í félagsmálum og gegndi ýmsum trúnaðarstörfum. Hann sat meðal annars í hreppsnefnd Fremri-Torfustaðahrepps, var oddviti um árabil og sýslunefndamaður hreppsins um skeið. Þá sat hann í stjórn Kaupfélags Vestur–Húnvetninga frá 1968-1985 og var formaður þess í 10 ár frá 1975. Í störfum sínum stóð Aðalbjörn fyrir og tók þátt í að koma á ýmsum umbótum í sýslunni. Má þar nefna ræktunarmál, uppbyggingu húsakosts og flýtingu rafvæðingar. Sérstakt hugðarefni hans var að fá því framgengt að laxastigi yrði settur við Kambsfoss í Austurá í Miðfirði. Hann vann að því máli í áratugi áður en það markmið náðist og leit á það sem jarðabætur á landsvísu. Aðalbjörn lét sig ýmis þjóðmál varða og skrifaði greinar um þau í dagblöð og tímarit.
Útför Aðalbjarnar verður gerð frá Fossvogskirkju í dag 21. ágúst 2006 og hefst athöfnin klukkan 13.

Aðalheiður Jóhannesdóttir fæddist í Reykjavík 9. febrúar 1931. Hún lést í Sjúkrahúsi Reykjavíkur 15. júní 1997. . Aðalheiður lauk prófi frá Verslunarskóla Íslands 1949. Hún stundaði jafnframt tónlistarnám í píanóleik, síðast við Tónlistarskólann í Reykjavík, og kenndi síðar píanóleik um nokkurra ára skeið. Haukur og Aðalheiður bjuggu fyrstu hjúskaparárin í Svíþjóð þar sem Aðalheiður vann við skrifstofustörf. Þau fluttust heim árið 1957. Aðalheiður tók próf sem leiðsögumaður ferðamanna árið 1973. Auk húsmóðurstarfa vann hún við ferðaleiðsögn í 5 ár, en var síðan skrifstofumaður, lengst af sem fulltrúi á Orkustofnun. Aðalheiður var um árabil félagi í International Training in Communication og einn af stofnfélögum ITC-deildarinnar Kvists. Útför Aðalheiðar fer fram frá Hallgrímskirkju í dag 26. júní 1997 og hefst athöfnin klukkan 13.30.

Aðalheiður Jónasdóttir fæddist á Eiðsstöðum í Blöndudal í Austur-Húnavatnssýslu 30. desember 1922.
Hún lést í Reykjavík 16. febrúar 1995. Útför Aðalheiðar Jónasdóttur fór fram frá Langholtskirkju 24. febr. 1995 og hófst athöfnin kl. 15.

Björn Arason fæddist 15. desember 1931 á Blönduósi.
Hann lést á Landspítalanum 22. febrúar 2002.
Útför Björns fór fram frá Borgarneskirkju 1. mars 2002 og hófst athöfnin klukkan 14.

Erla Bergþórsdóttir fæddist í Ólafsvík 16. júní 1941. Hún andaðist á sjúkrahúsi Blönduóss 27. mars 2003. Foreldrar hennar voru Bergþór Steinþórsson, f. í Ólafsvík 26. nóv. 1921, d. 22. sept. 2001, og Helga Ólafsdóttir, f. á Brimisvöllum á Snæfellsnesi 25. júní 1913, d. 13. mars 1998. Systkini Erlu eru Guðrún Geirmundsdóttir, f. 13. sept. 1935, d. 6. febr. 1985, Guðmundur Bergþórsson, f. 9. febr. 1950, Þorsteinn Bergþórsson, f. 30. júní 1951, Ásdís Unnur Bergþórsdóttir, f. 17. júlí 1952, Hrönn Bergþórsdóttir, f. 30. okt. 1953, Freyja Elín Bergþórsdóttir, f. 29. sept. 1956, Björk Bergþórsdóttir, f. 5. sept. 1958, Aron Karl Bergþórsson, f. 10. des. 1959, og Jóhanna Bergþórsdóttir, f. 22. okt. 1964.
Erla eignaðist sitt fyrsta barn, Helgu Hauksdóttur, 8. maí 1963 með sambýlismanni sínum, Hauki Heiðdal, f. 12. júlí 1941 á Patreksfirði, sonur Önnu Sigríðar Jóhannesdóttur, f. 7. nóv. 1903, d. 17. febr. 1993. Helga er gift Hirti Sævari Hjartarsyni, f. 26. nóv. 1961. Börn þeirra eru Rannveig Aðalbjörg, f. 9. febr. 1984, unnusti hennar er Haukur Berg Guðmundsson, f. 7. okt. 1984, Erla Guðrún, f. 26. des. 1985, Ólína Björk, f. 13. sept. 1988, Helga Rut, f. 29. apríl 1991, Hjörtur Sævar, f. 21. des. 1995, Sigurður Ingi, f. 8. ágúst 1999, og Vilberg Haukur, f. 31. ágúst 2002.

Erla giftist 20. apríl 1967 Sigurði Inga Þorbjörnssyni, f. 30. nóv. 1945, frá Kornsá II í Vatnsdal, syni Þorbjörns Kristjáns Jónssonar, f. 12. okt. 1905, d. 30. júní 1976, og Elínar Sigurtryggvadóttur, f. 26. sept. 1920. Þau eignuðust þrjá syni. Þeir eru: 1) Þorbjörn Ragnar Sigurðsson, f. 27. sept. 1966, kvæntur Sigríði Brynju Hilmarsdóttur, f. 6. sept. 1966, eiga þau Hilmar Örn, f. 28. júní 1990, og Eyrúnu Ingu, f. 8. sept. 2000. 2) Haraldur Sigurðsson, f. 7. mars 1971, kvæntur Pálu Pálsdóttur, eiga þau Pál, f. 1. nóv. 2001, og Örnu, f. 1. nóv. 2001. 3) Bergþór Sigurðsson, f. 9. janúar 1977, dætur hans eru Ingunn Mist, f. 4. okt. 1998, og Ýrena Sól, f. 26. apríl 2000.

Erla ólst upp hjá móður sinni á Snæfellsnesi. Fluttust þær til Reykjavíkur 1955.

Erla flytur í Austur-Húnavatnssýslu 1964 og fer að búa með Sigurði Inga á Nautabúi í Vatnsdal. Bjuggu þau síðan í Grundarfirði frá 1974 til 1977. Þá flytjast þau að Kornsá II í Vatnsdal og hefja aftur búskap. Vann hún einnig utan heimilis, í mötuneyti Húnavallaskóla, við umönnun á Sjúkrahúsi Blönduóss og í mötuneyti Landsvirkjunar við Blönduvirkjun.

Útför Erlu verður gerð frá Blönduóskirkju í dag 5. apríl 2003 og hefst athöfnin klukkan 11. Jarðsett verður í Sauðárkrókskirkjugarði.

Erla Guðjónsdóttir var fædd að Fremstuhúsum í Dýrafirði 17. maí 1922. Hún lést á Grensásdeild Sjúkrahúss Reykjavíkur 25. nóvember 1997. Foreldrar hennar voru hjónin í Fremstuhúsum, þau Guðjón Finnur Davíðsson, f. 28.6. 1891, d. 23.12. 1979, og Borgný Jóna Hermannsdóttir, f. 28.2. 1897, d. 29.1. 1986. Systkini Erlu: Vilborg, f. 4.12. 1917; Laufey, f. 18.6. 1919, d. 9.10. 1986; Guðrún, f. 29.10. 1920; Drengur, f. 23.9. 1923, d. 19.11. 1990; Rannveig, f. 7.12. 1927; Kristín Sigríður, f. 25.9. 1930, og Hermann Birgir, f. 19.06. 1936. Erla giftist hinn 26.12. 1949 Guðjóni Jóhannessyni, byggingarmeistara á Patreksfirði, f. 28.1. 1911, d. 13.9. 1993. Börn Erlu og Guðjóns eru: 1) Friðrik Vagn, f. 23.12. 1950, læknir, búsettur á Akureyri, kvæntur Kristínu S. Árnadóttur og eiga þau tvö börn og eitt barnabarn. 2) Hermann, f. 17.10. 1952, verkfræðingur, búsettur í Reykjavík, kvæntur Berthu S. Sigurðardóttur og eiga þau tvær dætur. 3) Guðjón Jóhannes, f. 21.8. 1957, tæknifræðingur, búsettur á Nýja Sjálandi, kvæntur Vivienne Iverson og eiga þau þrjú börn. 4) Björgvin, f. 20.2. 1959, jarðfræðingur, búsettur á Akranesi, kvæntur Hjördísi Hjartardóttur og eiga þau fimm börn 5) Dýrleif, f. 16.3. 1963, viðskiptafræðingur, búsett í Reykjavík, gift Óðni Þórarinssyni og eiga þau tvö börn. Erla stundaði nám við Héraðsskólann að Núpi í Dýrafirði og Kvennaskólann á Blönduósi. Hún fór til Patreksfjarðar árið 1948 til að vinna og þar kynntist hún Guðjóni manni sínum. Erla og Guðjón bjuggu öll sín búskaparár á Patreksfirði. Erla flutti til Reykjavíkur fyrir tveimur árum. Útför Erlu fer fram frá Patreksfjarðarkirkju í dag 3. des 1997 og hefst athöfnin klukkan 14.

Fjóla var fædd á Blönduósi 23. ágúst 1927. Fjóla var í leyfi frá vinnu vegna veikinda er hún lést.

Freyja Þorsteinsdóttir frá Efstakoti Fædd 9. ágúst 1916 Dáin 7. janúar 1990 Frænka okkar Freyja Þorsteinsdóttir var jarðsett á Dalvík 13. janúar síðastliðinn. Hún fæddist á Hamri í Svarfaðardal 9. ágúst 1916 og fluttist með foreldrum sínum í Efstakot á Dalvík árið 1918. Foreldrar hennar voru Kristrún Friðbjörnsdóttir frá Efstakoti og Þorsteinn Antonsson útvegsbóndi frá Hamri. Freyja giftist 12. júlí 1952 Sigurði Hjartarsyni múrara ættuðum frá Auðsholtshjáleigu í Ölfusi.

Börn þeirra eru: Kristrún Júlía fædd 1950, kennari á Hauganesi, maki Hilmir Sigurðsson útgerðarmaður. Þau eiga 3 börn, Guðrúnu, Freyju og Trausta.

Hjörtur fæddur 1953, húsasmiður á Akureyri, maki Sigrún Stefánsdóttir. Þau eiga 4 börn, Sigurð, Katrínu Maríu, Kristrúnu Sigríði og Stefán.

Þorsteinn Óli fæddur 1957, tæknifræðingur í Reykjavík, maki Ingileif Sigfúsdóttir hjúkrunarfræðingur. Þau eiga tvo syni, Arnar og Bjarka.

Friðgeir Kemp fæddist á Illugastöðum í Laxárdal í Skagafirði 29. apríl 1917. Hann lést á sjúkrahúsinu á Sauðárkróki 2. september síðastliðinn.
Friðgeir ólst upp á Illugastöðum í Laxárdal og stóð fyrir búi með foreldrum sínum þegar hann hafði aldur til. Árið 1950 hófu þau Elsa búskap í Efri-Lækjardal á Refasveit í Austur-Húnavatnssýslu og sátu þá jörð til 1993 að þau brugðu búi og fluttust til Sauðárkróks.
Útför Friðgeirs var gerð frá Sauðárkrókskirkju 10. september.

Friðrik Gunnar Indriðason ­ Minning Fæddur 20. júlí 1916 Dáinn 20. nóvember 1993. Var á Blönduósi 1930. Var í Hreppshúsinu, Blönduóshr., A-Hún. 1957. Húsvörður og bifreiðastjóri á Blönduósi.

Gorm Erik Hjort fæddist í Stövring í Danmörku 11. september 1917. Hann lést í Árósum 16. nóvember síðastliðinn. Foreldrar hans voru Arne Hjort læknir og kona hans Erna Claudía María Hjort.
Gorm Erik giftist 24. júlí 1949 Salóme (Lóu) Gísladóttur húsmæðrakennara og skólaárið 1947 til 1948 skólastýru Kvennaskólans á Blönduósi, f. 29. okt. 1913 í Þórormstungu í Vatnsdal. Hún andaðist 21. ágúst 1990. Heimili þeirra hjóna var á Alphavej 21 í Árósum í Danmörku og þar heima andaðist Gorm Erik eftir skamma sjúkdómslegu þar í borg.

Í samræmi við lærdóm sinn og próf frá Danmarks Tekniske Höjskole árið 1943 varð ævistarf Gorm Eriks hjá ýmsum fyrirtækjum í Danmörku er nutu sérhæfni hans, m.a. Landbohöjskolen í Frederiksberg og frá árinu 1949 til starfsloka 1982 hjá Aarhus Oliefabrik A/S. Börn þeirra hjóna eru: 1) Níels Arne Hjort, f. 9. maí 1949 í Árósum. Hann veiktist í frumbernsku af heilahimnubólgu er stöðvaði andlegan þroska hans og mótaði líf hans upp frá því og fjölskyldunnar allrar. Hann lifði móður sína en dó fyrir nokkrum árum. 2) Katrín Erna Hjort, f. 21. júlí 1951 í Árósum, sál- og viðskiptafræðingur m.m. Hún hefir starfað við Viðskiptaháskólann í Kaupmannahöfn og Kaupmannahafnarháskóla. Sambýlismaður hennar er Ole Bundgaard, tónsmiður og rithöfundur, f. 11. sept 1947 í Österild í Danmörku og eru synir þeirra Andreas Hjort Bundgaard, f. 18. des. 1987, og Jacob Hjort Bundgaard, f. 23. okt. 1994. 3) Aase Hjort, f. 14. júní 1955 í Árósum, kennari í Kaupmannahöfn. Eiginmaður Aase er Lars Níelsen, f. 21. sept. 1953 í Nordborg á Suður-Jótlandi, lögfræðingur. 4) Anna Hjort, f. 14. júní 1955 í Árósum, hjúkrunarfræðingur í Árósum. Eiginmaður Önnu er Steen Andersen, f. 26. júní 1952 í Esbjerg í Danmörku, lærður bakari og sjúkraliði. Synir þeirra eru Rune Hjort, f. 16. sept. 1986, og Theis Hjort, f. 13. ágúst 1991.

Útför Gorm Eriks var gerð frá Fredens Kirken í Árósum laugardaginn 22. nóvember.

Grímur Heiðlund Lárusson fæddist á Blönduósi 3. júní 1926. Hann lést í Landspítalanum 23. október síðastliðinn. Útför Gríms fór fram frá Hallgrímskirkju 31. október.

Ráðsmaður og bryti í Laugarvatnsskóla, Miðdalssókn, Árn. 1930. Síðast bús. í Biskupstungnahreppi. Grímur átti góða konu, Ingibjörgu Guðmundsdóttur frá Bíldsfelli, sem lést fyrir fáum árum. Þau eignuðust einn son, Grétar, sem nú býr á Syðri-Reykjum.

Guðfinna Pálsdóttir hjúkrunarfræðingur fæddist á Hofi á Skagaströnd 21. september 1930. Hún lést 27. apríl 2015 á Blönduósi.

Hún vann við síldarsöltun á Skagaströnd á sumrin með systrum sínum. Hún starfaði lengst af á Héraðshælinu á Blönduósi sem hjúkrunarfræðingur.

Útför Guðfinnu fór fram frá Blönduóskirkju 9. maí 2015, kl. 14.

Guðmundur Ingimarsson ­ Minning Fæddur 17. september 1900 Dáinn 20. september 1990.
Hann fæddist á Efri-Reykjum í Biskupstungum 17. september 1900 og var því 90 ára þegar hann lést. Á Efri-Reykj um sleit hann barnsskónum og alla tíð var hann tengdur fæðingarsveit sinni sterkum böndum. Þar dvaldi hann líka langdvölum sín manndómsár. Bóndi á Efrireykjum, Haukadalssókn, Árn. 1930. Bóndi í Mjóadal og Efri-Reykjum í Biskupstungum. Síðast bús. í Stokkseyrarhreppi. Síðustu árin var Mundi slitinn og heilsuveil og dvaldi á Kumbaravogi nokkur ár.

Guðrún fæddist á Litla-Fljóti í Biskupstungum 26. desember 1893, einkadóttir hjónanna Einars Jónssonar bónda þar og Guðfinnu Arnfinnsdóttur. Móður sína missti hún í bernsku, en faðir hennar kvæntist síðar Guðfinnu Guðmundsdóttur, og gekk hún Guðrúnu í móðurstað. Hún var einbirni en átti fósturbróður sem Ingvar Jóhannsson hét, síðar bóndi á Hvítárbakka í Biskupstungum, en hann er látinn fyrir allmörgum árum.

Gunna dvaldi í foreldrahúsum fram yfir tvítugsaldur, en þá fann hún hjá sér sterka löngun til að hleypa heimdraganum og kynnast nýju umhverfi. Á þessum tíma var farkennsla eina menntunin sem bauðst þarna í sveitinni. Ég efa ekki að löngun í meiri fræðslu hafi verið fyrir hendi, svo fróðleiksfús og vel gefin sem hún var.

Svo skipaðist að hún réðst að Torfastöðum í sömu sveit til prestshjónanna séra Eiríks Stefánssonar og frú Sigurlaugar Erlendsdóttur. Gunna dvaldi á heimili þessara mætu hjóna í rúm 20 ár og minntist hún jafnan með þakklæti og virðingu þessa tímabils í lífi sínu. Hefur dvölin á Torfastöðum án efa verið henni góður skóli og veitt henni haldgóða reynslu fyrir lífið. Órjúfandi tengsl og vinátta við einkadóttur prestshjónanna, Þorbjörgu Eiríksdóttur, og hennar fjölskyldu hélst til hinstu stundar. Þorbjörg hefur tjáð mér að Gunna hafi þótt afar skemmtilegt á heimilinu, ávallt glöð í sinni og félagslynd. Hún hafði m.a. tekið þátt í leikstarfsemi sem fram fór í sveitinni og þótti standa sig þar með prýði. Kom fljótt í ljós hversu greind hún var og áhugasöm um menn og málefni og áttu þær frú Sigurlaug vel skap saman og urðu miklir mátar.

Á þessum árum dvaldi á Torfastöðum um tíma skáldkonan Ólína Andrésdóttir og varð þeim Gunnu fljótt vel til vina. Gunna hafði þá gaman af að setja saman vísur, en flíkaði því lítt síðar á ævinni. En hún hafði alla tíð mikla ánægju af lestri góðra bóka meðan sjónin hélst óskert. Rúmlega fertug fluttist Gunna alfarin til Reykjavíkur. Fljótlega eftir komu sína þangað hóf hún starf á Kleppsspítala og varð starfsvettvangur hennar þar næstu rúm 30 árin, eða þar til hún hætti störfum fyrir aldurs sakir komin á áttræðisaldur. Þrjár góðar vinkonur hennar, Jóna Kristófersdóttir, Sigríður Guðmannsdóttir og Sigríður Guðmundsdóttir, sem allar hjálpuðust að, hver á sinn hátt, að gera henni ævikvöldið sem léttbærast. Þessum konum ber fyrst og fremst að þakka að hún gat búið í sinni eigin íbúð allt til 98 ára aldurs. Þá þurfti hún skyndilega að yfirgefa heimili sitt vegna lasleika og var flutt á Borgarspítalann og átti ekki afturkvæmt þaðan.

Guðrún Helgadóttir fæddist á Neðra-Núpi í Miðfirði 27. október árið 1911. Hún lést á Dvalar- og hjúkrunarheimilinu Grund í Reykjavík 6. janúar síðastliðinn. Foreldrar hennar voru hjónin Helgi Jónsson frá Huppahlíð, f. 14.7. 1884, d. 2.9. 1965, og Ólöf Jónsdóttir frá Hömrum í Þverárhlíð, f. 15.2. 1880, d. 11.10. 1969.
Guðrún var þriðja í röð átta systkina. Hin voru Jóhannes Ólafur, f. 30.5. 1909, d. 21.3. 1999, kvæntur Jónu Sveinbjarnardóttur, f. 14.9. 1912; Jón, f. 11.9. 1910, d. 20.9. 2000, kvæntur Pertónellu Pétursdóttur f. 9.8. 1911, d. 22.6. 1987; Marinó, f. 4.6. 1913, d. 29.3. 1991, kvæntur Ástu Maríu Jónasdóttur, f. 18.1. 1909, d. 18.6.1967; Jóhann, f. 14.9. 1914, d. 24.11. 2001, kvæntur Jóhönnu D. Jónsdóttur f. 28.12. 1923; Ólöf, f. 30.1. 1918, gift Benedikt Sveinbjörnssyni f. 4.3. 1915, d. 29.12. 1989; Björn, f. 4.7. 1921, kvæntur Jóhönnu Hjaltadóttur, f. 17.8. 1919; og Aðalsteinn, f. 15.10. 1925, var kvæntur Signýju Þ. Óskarsdóttur f. 19.5. 1930.

Guðrún fluttist með fjölskyldu sinni að Hnausakoti árið 1921 þegar foreldrar hennar festu kaup á jörðinni. Hún stundaði nám við Kvennaskólann á Blönduósi veturinn 1934-35. Eftir að hún fluttist til Reykjavíkur um þrítugt starfaði hún lengst af við gólfteppagerð en síðustu starfsárin vann hún við ræstingar á Borgarspítalanum.

Útför Guðrúnar fór fram frá Háteigskirkju 19. janúar, í kyrrþey að ósk hinnar látnu.

Guðrún fæddist í Fosskoti í Miðfirði 1. október árið 1904. Útför, Guðrúnar Jónsdóttur, sem andaðist á Sólvangi var hinn 20. þ.m. frá Fríkirkjunni í Hafnarfirði. Um tvítugsaldur fer Guðrún í Kvennaskólann á Blönduósi. Að loknu námi fer hún aftur heim á bernskustöðvarnar og er þar um nokkurt skeið. Hún fer svo aftur að heiman og þá til Hafnarfjarðar, þar sem hún stundaði fiskvinnu. Það átti fyrir Guðrúnu að liggja að ílengjast á æskustöðvunum. Systkinin Jón og Guðrún taka síðan við búi í Fosskoti og búa þar góðu búi meðan kraftar entust. Haustið 1965 flytja þau Guðrún og Jón til Hafnarfjarðar, þar sem þau kaupa sér lítið og snoturt hús við Álfaskeið og koma sér þar vel fyrir. Eftir að Jón lést árið 1971, bjó hún ein í húsinu þar til hún flutti á Sólvang. Guðrún var bókhneigð og las mikið, hún var ljóðelsk og kunni ógrynni ljóða. Eins og áður er getið dvaldist Guðrún síðustu árin á Sólvangi. Á starfsfólkið þar þakkir skildar fyrir þá umönnun og hlýju, sem það sýndi henni.

Guðrún M. Andrésdóttir ­ Minning Fædd 17. janúar 1896 Dáin 25. mars 1991 Guðrún Margrét Andrésdóttir, sem jarðsungin verður frá Fossvogskirkju í dag, fæddist á Búrfellshóli í Svínadal í Húnavatnssýslu, dóttir hjónanna Sigurlaugar Friðriksdóttur og Andrésar Jónssonar bónda. Guðrún lést á sjúkradeild Elliheimilisins Grundar 25. mars sl. Lítið veit ég um ættir Guðrúnar nema hvað þær voru úr Húnavatns- og Skagafjarðarsýslum, en með þeirri undantekningu einni að Friðrik Hildebrandt, danskur kaupmaður á Skagaströnd, var móðurafi hennar. Foreldrar Guðrúnar voru leiguliðar og síðustu þrjú hjúskaparárin bjuggu þau í Grundargerði í Blönduhlíð í Skagafirði. Andrés drukknaði í Héraðsvötnum 30. ágúst 1901, þegar hann var á leið til vinnu upp í afgjald jarðarinnar. Sigurlaug móðir Guðrúnar gat ekki haldið áfram búskapnum eftir lát Andrésar og kom því Guðmundi bróður Guðrúnar, sem var tíu árum eldri, fyrirhjá vandalausum en réðst sjálf í vist til Einars bónda Jónssonar og konu hans Sesselju Sigurðardóttur í Flataratungu í Skagafirði, þar sem Guðrún ólst upp til fermingaraldurs. Eftir Flatartungu lá leiðin á aðra bæi í Skagafirði, í vist á Uppsölum í Blönduhlíð hjá Jónasi Sveinssyni og Björgu Björnsdóttur og síðan að Miklabæ hjá séra Birni Jónssyni og Guðfinnu Jensdóttur. Stundum rifjaði Guðrún upp minningar sínar frá uppvaxtarárunum í Skagafirði. Það var bjart yfir þeim minningum og ljóst er að hún hafði verið heppin með húsbændur. Vinátta samferðarfólksins á æskuárunum entist ævilangt og síðast í fyrra fór hún í 95 ára afmæli einnar dætranna frá Miklabæ, Guðbjargar Bjarman. Frá þessum tíma er einnig ævilöng vinátta hennar við móður mína, Ingibjörgu Árnadóttur, sem var í fóstri hjá Jónasi og Björgu í Uppsölum. Frá Miklabæ lá leiðin suður á landað Hesti í Borgarfirði, til Sigríðar dóttur prestshjónanna á Miklabæ og manns hennar séra Eiríks Albertssonar. Guðrún var um tíma í kaupamennsku í Viðey og á Korpúlfsstöðum, en þá var Sigurlaug móðir hennar komin til hennar og bjó hún síðan hjá dóttur sinni þar til hún lést á nítugasta og fjórða aldursári árið 1948.
Guðrún var á Korpúlfsstöðum þegar Ingibjörg Árnadóttir æskuvinkona hennar lést frá tveimur ungum sonum, Hauki og undirrituðum. Faðir okkar Davíð Jóhannesson símstöðvarstjóri á Eskifirði hafi samband við Guðrúnu og bað hana að koma til sín og sjá um heimilishaldið. Ekki var hægt um vik fyrir Guðrúnu að verða við þessari bón, því nú var móðir hennar á áttræðisaldri hjá henni. Þó lauk því svo að þær mæðgur fóru austur á Eskifjörð, þar sem þær dvöldu í tæp fjögur ár, þar til Davíð kvæntist öðrusinni Sigrúnu, systur Ingibjargar. Eftir þetta vann Guðrún á ýmsum stöðum í Reykjavík og var um tíma ráðskona hjá Birni Rögnvaldssyni byggingameistara, sem þá var ekkjumaður. Guðrún giftist aldrei, né eignaðist sjálf börn, en börn þau sem hún annaðist fyrir aðra urðu öll vinir henar og héldu sambandivið hana til æviloka. Vináttusambönd þessi voru henni og móður hennar mikils virði sem og börnunum sem uxu úr grasi og eignuðust börn sem einnig fylltu vina- og kunningjahóp Guðrúnar. Hjá henni varþví oft glatt á hjalla þegar unga fólkið var í heimsókn. Guðrún var gangastúlka á Landspítalanum í áratug og vann síðan í sælgætisgerð í mörg ár á meðan starfsþrek entist. Tveggja ára hlé varð þó á útivinnunni þegar hún gegndi ráðskonustörfum fyrir Víglund Gíslason, sem hafði verið kvæntur Þórhildi Sveinsdóttur, frænku Guðrúnar. Þetta varð afdrifaríkasta ráðskonustarf Guðrúnar, því þegar Víglundur kvæntist öðru sinni varð yngsta barnið Vilborg Guðrún eftir hjá Guðrúnu og ólst upp í skjóli frænku sinnar. Þegar Vilborg síðar giftist Gísla Albertssyni byggingameistara fluttist Guðrún til þeirra og dvaldi hjá þeim og börnum þeirra í góðu yfirlæti þartil hún fór á Elliheimilið Grund, þarsem hún dvaldi síðasta áratug ævinnar. Guðrúnu leið vel á Grund og hrósaði starfsfólki og stjórnendum fyrir góða aðhlynningu.

Guðrún Þorbjörnsdóttir var fædd í Vestmannaeyjum 20. júní 1912. Hún lést á Sólvangi í Hafnarfirði 13. ágúst síðastliðinn.
Guðrún lærði sjúkraþjálfun í Skodsborg í Danmörku. Guðrún kom heim til Íslands árið 1937 og skömmu síðar fór hún norður á Siglufjörð. Þar bjó hún til ársins 1982. Guðrún vann alla tíð við sjúkraþjálfun og var með aðstöðu á heimili sínu á Grundargötu 6. Seinustu árin vann hún á Sjúkrahúsi Siglufjarðar. Hún hætti störfum þegar hún varð sjötug 1982 og flutti þá til Hafnarfjarðar og átti þar heimili á Langeyrarvegi 13 og síðustu misserin dvaldi hún á sjúkrahúsinu Sólvangi í Hafnarfirði. Útför Guðrúnar fer fram frá Siglufjarðarkirkju í dag og hefst athöfnin klukkan 11.

Gunnlaugur Snædal fæddist á Eiríksstöðum í Jökuldal 13. október 1924. Hann lést í Reykjavík 7. september 2010.
Gunnlaugur lauk stúdentsprófi frá Menntaskólanum í Reykjavík árið 1944. Hann lauk kandidatsprófi í læknisfræði frá Háskóla Íslands árið 1951. Hann nam kvensjúkdómalækningar og fæðingarhjálp í Danmörku og Svíþjóð og starfaði við fæðingardeild Landspítalans frá 1959, fyrst sem sérfræðingur en síðar sem yfirlæknir 1975-1985 og prófessor frá 1985 þar til hann hætti störfum fyrir aldurs sakir 1994. Árið 1964 varði Gunnlaugur doktorsverkefni sitt um brjóstakrabbamein á Íslandi. Hann kenndi við Hjúkrunarskóla Íslands, Ljósmæðraskóla Íslands og læknadeild Háskóla Íslands. Gunnlaugur skrifaði fjölda fræðigreina í innlend og erlend tímarit. Hann gegndi fjölda trúnaðarstarfa, var m.a. formaður Læknafélags Reykjavíkur, Krabbameinsfélags Reykjavíkur og Krabbameinsfélgs Íslands og síðar heiðursfélagi þess. Hann var formaður félags Norrænna kvensjúkdómalækna. Árið 1985 var hann sæmdur riddarakrossi Hinnar íslensku fálkaorðu.
Gunnlaugur verður jarðsunginn frá Dómkirkjunni í dag, 20. september, og hefst athöfnin kl. 13.

Hafþór Örn Sigurðsson fæddist á Hafursstöðum í Vindhælishreppi 24. mars 1945. Hann lést 6. janúar 2013.
Hafþór fór á Reykjaskóla haustið 1960 og var þar í þrjú ár og fór þá til Reykjavíkur að læra bifvélavirkjun hjá Heklu og síðar hjá Sveini Egilssyni.

Hafþór og Ragnheiður flytjast norður á Blönduós árið 1967 og vann hann lengst af hjá trésmiðjunni Stíganda eða í 33 ár þar til hann lét þar af störfum 67 ára. Hafþór hafði mikið yndi af ferðalögum, einkum og sér í lagi innanlands, og ferðuðust þau hjón víða.

Hafþór starfaði um árabil í Lionsklúbbi Blönduóss og var þar virkur og gegn félagi og lagði alltaf gott til málanna. Hann var næmur á samfélagið og einkar laginn að koma auga á broslegu hliðar þess og koma þeim í bundið mál en kveðskapur lá afar vel fyrir honum.
Útför Hafþórs fór fram frá Blönduósskirkju 19. janúar 2013 og hófst athöfnin kl. 14.

Halldóra Aðalbjörg Eggertsdóttir fæddist að Skúfum í Norðurárdal 7. desember 1916. Hún lést á Landspítalanum við Hringbraut 25. nóvember síðastliðinn. Halldóra lauk stúdentsprófi frá Menntaskólanum á Akureyri 1939, kennaraprófi frá Kennaraskóla Íslands 1940 og hússtjórnarkennaraprófi frá Hússtjórnarkennaraskóla Íslands 1944. Hún starfaði sem kennari við Barnaskóla Siglufjarðar 1940-1942. Skólastjóri Húsmæðraskóla Suðurlands á Laugarvatni 1944-1946 og 1947-1948. Stundakennari við Hússtjórnarkennaraskóla Íslands 1968-1969 og 1974-1975. Námsstjóri húsmæðrafræðslunnar 1948-1969, er staðan var lögð niður. Fulltrúi í heimilisfræði á Fræðsluskrifstofu Reykjavíkur 1969-1986.
Halldóra tók virkan þátt í félagsmálum. Hún var formaður Húsmæðrakennarafélags Íslands 1947-1953, formaður kennarafélagsins Hússtjórnar 1953-1977 og í stjórn Landssambands framhaldsskólakennara 1955-1964. Í stjórn Neytendasamtakanna 1953-1968. Ritari og varaformaður í Bandalagi kvenna í Reykjavík 1972-1978 og varaformaður 1978-1980. Stofnfélagi í Alfa-deild Delta Kappa Gamma Society International 1975 og hefur unnið þar ýmis trúnaðarstörf. Stofnfélagi í Soroptimistaklúbbi Reykjavíkur 1959 en hann var fyrsti klúbbur sinnar tegundar hér á landi. Erlendur bréfritari Soroptimistaklúbbs Reykjavíkur 1959-1966 og síðan formaður klúbbsins 1966-1968. Formaður útbreiðslunefndar Soroptimistaklúbbs Reykjavíkur 1970-1974 og síðan Soroptimistasambands Íslands 1976-1982. Sendifulltrúi samtakanna á fjölmörgum sendifulltrúaþingum Evrópusambands Soroptimista. Formaður bráðabirgðastjórnar Soroptimistasambands Íslands 1973-1974 og síðan forseti sambandsins 1974-1976. Annar varaforseti Evrópusambands Soroptimista 1977-1979. Stofnandi 12 klúbba Soroptimista 1973-1983 og annaðist útgáfu ýmiss konar fræðsluefnis fyrir samtökin. Heiðursfélagi Soroptimistasambands Íslands 1983 og Hússtjórnarkennarafélags Íslands 1986.
Ritstörf: Nýja matreiðslubókin (ásamt Sólveigu Benediktsdóttur) 1954; Þvottur og ræsting (þýð.) 1948; Heimilisáhöld 1954. Hún var sæmd riddarakrossi hinnar íslensku fálkaorðu 1977.
Halldóra var ógift og barnlaus.
Útför Halldóru fór fram frá Háteigskirkju6.12.2000 og hófst athöfnin klukkan 15.

Hallfríður Guðbjörg Jónsdóttir fæddist á Broddadalsá í Strandasýslu 16. mars 1916. Hún andaðist 3. okt síðastliðinn.
Útför Hallfríðar fer fram frá Kollafjarðarneskirkju í dag og hefst athöfnin klukkan 14.

Hjónaminning: Ásdís Baldvinsdóttir Haraldur Jóhannesson Fædd 30. október 1902 Dáin 27. júlí 1989 Fæddur 1. júlí 1898 Dáinn 31. desember 1990 Nú hafa þau bæði kvatt þennan heim, með aðeins eins og hálfs árs millibili.
Haraldur Jóhannesson Fædd 30. október 1902 Dáin 27. júlí 1989 Fæddur 1. júlí 1898 Dáinn 31. desember 1990.
Árið 1925 fluttu þau frá Klambraseli í Héðinsvík á Tjörnesi og bjuggu þar í eitt ár, en bjuggu svo í leiguhúsnæði á Húsavík, þar til þau byggðu húsið Bjarg við Garðarsbraut árið 1939 og þar bjuggu þau það sem eftir var af þeirra búskap. Haraldur vann við hin ýmsu verkamannastörf, en lengst af hjá Fiskiðjusamlagi Húsavíkur. Samhliða vinnu sinni hafði hann 1 kú, kindur og hænur, sér til búdrýginda í fyrstu, en seinna meir til ánægju. Hann var góður fiðluleikari og lék oft á böllum í gamla daga. Ásdís var húsmóðir og sá um heimilið, og var þar í mörg horn að líta. Það var ávallt mjög gestkvæmt á Bjargi, því að marga áttu þau ættingja í sveitunum sem litu gjarnan inn að lokinni bæjarferð. Það var líka oft sem barnabörnin komum á Bjarg til afa og ömmu, og má segja að þar hafi verið okkar samkomustaður. Ógleymanlegir eru laufabrauðsdagarnir, þar sem við mættum öll með okkar bretti og hnífa og skárum út kökur af hjartans list og ekki var hún amma að amast yfir því þótt nokkrar kökur eyðilegðust eða hveiti sullaðist út um stofuna hennar, það mátti alltaf gera meira deig, gleði barnanna var fyrir mestu. Það var líka gott eftir fjörugan leik að skreppa inn á Bjarg til ömmu-Dísu og fá sér kökur og mjólkurglas, því hún var oftast heima og átti alltaf nóg handa svöngu barnabarni og ekkert gerði til þótt nokkrir leikfélagar slægjust í hópinn, amma átti alltaf nóg handa öllum. Það má því segja að þau hafi haft tíma og rúm fyrir alla sem til þeirra komu.

Var á Hveravöllum, Húsavíkursókn, S-Þing. 1930. Heimili: Húsavík. Húsfreyja á Klambraseli í Aðaladal, S-Þing. og í Húsavík.
sjá umfjöllun um mann hennar.

Haraldur Jónsson Fæddur 25. apríl 1916 Dáinn 16. maí 1992. Var í Póst-og Símahúsinu, Blönduóshr., A-Hún. 1957. Símstöðvarstjóri þar. Síðast bús. í Blönduóshreppi. Er við nú kveðjum Harald Jónsson, svífa um í hugskoti okkar allar minningarnar sem tengjast honum. Allt frá því hann kom í okkar föðurhús á Hvammstanga á sínum unglingsárum, hefur hann verið hluti af okkar tilveru sem Halli frændi. Sumar bernskuminningar eru tengdar honum, unga frænku sína bar hann á háhesti þegar snjór og aðrar hindranir voru til trafala og enginn tálgaði betur bogaörvar heldur en Halli frændi.
Margoft á lífsleiðinni áttum við athvarf hjá honum og nutum frændseminnar sem einkenndist af hlýleika og prúðmennsku. Það var sama hvort hann bjó á Hvammstanga, Borðeyri, Brú eða Blönduósi, alltaf var hægt að leita til Halla. Og ekki bara við, heldur ekki síður okkar börn sem einnig hafa notið þess hve vel kvæntur Halli var. Það var á Hvammstanga sem hann kynntist eftirlifandi eiginkonu sinni, Ebbu Jósafatsdóttur og var sambúð þeirra einstaklega góð og gestrisni þeirra frábær. Svo samstillt voru þau að í huga sumra af yngri kynslóðinni var þá fyrst ljóst um hvern var verið að tala, þegar sagt var Halli og Ebba. Ekki var það okkur minna virði hve Halli reyndist föður okkar vel. Hjá þeim hjónum átti hann jafnan visst athvarf, nánast sitt annað heimili, einkum hin síðari ár ævinnar er hann átti oft erindi norður.

Haraldur Steinþórsson fæddist á Akureyri 1. desember 1925. Hann andaðist á Landspítalanum - háskólasjúkrahúsi 16. ágúst síðastliðinn.
Haraldur lauk stúdentsprófi frá Menntaskólanum í Reykjavík 1944 og starfaði sem kennari frá 1948 til 1973, fyrst við Gagnfræðaskóla Ísafjarðar, þá Gagnfræðaskólann við Vonarstræti og loks Hagaskóla í Reykjavík. Hann starfaði lengi innan samtaka kennara og Bandalags starfsmanna ríkis og bæja, varð annar varaformaður BSRB 1962 og síðar einnig framkvæmdastjóri uns hann lét af störfum árið 1985. Starfsævi sinni lauk Haraldur á Tryggingastofnun ríkisins, þar sem hann vann við endurskoðun lífeyrisgreiðslna.
Haraldur var bæjarfulltrúi og bæjarráðsmaður Sósíalistaflokksins á Ísafirði 1950 til 1954 og gegndi ýmsum trúnaðarstörfum fyrir Sósíalistaflokkinn og síðar Alþýðubandalagið. Þar á meðal var hann forseti Æskulýðsfylkingarinnar í tvö ár.
Auk stjórnmálastarfa var Haraldur virkur innan íþróttahreyfingarinnar og gegndi formennsku í Knattspyrnufélaginu Fram 1955 til 1960. Hann var einnig um tíma formaður Knattspyrnufélagsins Vestra og Íþróttabandalags Ísafjarðar. Fyrir störf sín að íþróttamálum hlaut hann gullmerki ÍSÍ og KSÍ.
Haraldur tók sæti í stjórn Landssamtaka hjartasjúklinga (nú Hjartaheilla) árið 1985 og sat þar í ellefu ár. Þar beitti hann sér sérstaklega fyrir stofnun HL-stöðvarinnar, endurhæfingarstöðvar fyrir hjarta- og lungnasjúklinga.
Haraldur verður jarðsunginn frá Fossvogskirkju í dag og hefst athöfnin klukkan 13.