Fyrirtæki/stofnun

Bólstaðarhlíð

[900]

Bólstaðarhlíð I.
Kirkjustaður og löngum stórbýli í Ævarsskarði hinu forna. Bærinn er byggður á sléttri grund norðan við kirkjuna með útsýn vestur skarðið allt til Svínadalsfjalls. Hlíðarfjall rís upp frá túninu með stílhreinum hnjúkum. Túnið er ræktað af valllendisgrundum og er harðlent. Í Hlíðarfjalli grær snemma ef vel vorar og landrými er til fjalls. Bólstaðarhlíðareigninni tilheyra gömul eyðibýli á Laxárdal og Skörðum. Eigandi og ábúandi stundar kennslu og símavörslu, en lánar nytjar af jörðinni.
Íbúðarhús byggt 1950, steinsteypt 355 m3. Tvíbýlishús með Bólstaðarhlíð III sem er í eyði. Tún 7 ha. Veiðiréttur í Svartá og Hlíðará.

Bólstaðarhlíð II.
Nýbýli stofnað 1954. Bærinn er við gamla þjóðveginn, nokkru ofar en Bólstaðarhlíð I. Ábúandi jarðarinnar og eigandi að hálfu fær lánaðar nytjar af hinum Bólstaðarhlíðarbýlunum, þar sem ekki er áhöfn. Bak Hlíðarfjalls er eyðibýlið Skyttudalur á Laxárdal fremri og fylgir það eigninni. Einnig er svokallaður Hlíðarpartur í Svartárdal, milli Botnastaða og Gils. Þar er nokkurt tún.
Íbúðarhús byggt 1954 steinsteypt 312 m3. Fjós yfir 12 gripi. Fjárhús yfir 150 fjár. Hlöður 400 n3. Tún 12 ha. Veiðiréttur í Svartá og Hlíðará.

Bólstaðarhlíð III.
Skipt út úr Bólstaðarhlíðareigninni, jafnt að dýrleika og Bólstaðarhlíð I. Landi utan túns óskipt. Þar hefur ekki verið búið frá 1967, en nytjar lánaðar, Helmingur Hlíðarpartsins fylgir Bólstaðarhlíð III.
Íbúðarhús byggt 1950 355 m3 [Tvíbýlishús með Bólstaðarhlíð I] Fjós fyrir 22 gripi. Fjárhús fyrir 170 fjár. Hlöður 475 m3. Tún 10 ha. Veiðiréttur á Svartá og Hlíðará.

Bólstaðarhlíðarhreppur; Æsustaðir; Skerpill; Blanda; Blóti; Skriðuhnjúkur [Rauðahnjúkur]; Skyttudalsdrög; Skyttudalur; Þórunnardæld; Þverárdalur; Þverárdalshöfði (Miðaptanshóll); Miðlækur; Votihvammur; Hlíðará; Botnastaðir; Svartá; Skeggstaðir; Finnstunga; Ytza-Tungukot; Tungunes; Ylfisgilslækur; Langabrekka; Þorgilslækur; Svínadalsfjall; Hlíðarfjall; Laxárdalur fremri; Skörð; Hlíðarpartur í Svartárdal; Gil; Ævarsskarð: Kálfadalur; Vatnshlíð; Bergstaðir í Svartárdal; Blöndugil; Hlíðará [Bólstaðarhlíðará]

Boolstadarhlyd.
Kirkjustaður annecteraður með Bergstöðum í Svartárdal. Jarðardýrleiki lx € og so tíundast fjórum tíundum. Eigandi að hálfri jörðunni Halldóra Ellendsdóttir hjer búandi.
Eigendur að hinum belmíngnum tveir hennar synir Benedicht og Arni Þorsteinssynir.
Abúandinn áðurtalinn eigandi ekkjan Halldóra Ellendsdóttir. Landskuld fyri meir en þrjátíu árum iii € , en síðan hafa eigendur haldið og því landsskuld óviss. Leigukúgildi er óvíst hvað mörg verið hafa meðan leiguliðar hjeldu, en síðan engin nema kirkjunnar kúgildi x, og tekur presturinn á Bergstöðum hálfar leigur; hálfra leignanna njóta proprietarii fyri æfinlega ábyrgð kúgildanna.
Kvikfje viii kýr, ii kálfar, lxl ær, xvi sauðir tvævetrir og eldri, xv veturgamlir, lx lömb, xii hestar, vi hross, ii folar þrevetrir, i tvævetur, iiii únghryssur. Fóðrast kann vi kýr, i úngneyti,
i eldishestur, lx ær, xl lömb, öðru kvikfje vogað á útigáng einúngis. Afrjett ut supra. Torfrista og stúnga engin nýtandi, og er torf til flutt úr Botnastaðalandi, sem þó er mjög grýtt og sendið. Hrísrif hefur verið til eldíngar, nú gjöreytt. Sortulýng bjarglegt fyri heimilið. Laxveiðivon hefur verið góð í Svartá en nú brugðist í margt ár. Beit um vetur krossmessna á milium fyri hross, sem á jörðinni eru, fyri vestan Blöndu í Túngunesslandi, og hefur brúkast árlega átölulaust um lángan aldur. Skógarhögg á jörðin til kolgjörðar fyri tvo menn í mánuð á Blöndugili; það er nú að mestu gjöreytt og hefur því brúkast lítt í nokkur ár. Túninu grandar Bólstaðarhlíðará, sem ber á nokkurn part vallarins grjót og sand í vatnagángi.
Engjar öngvar nema hvað hent verður úr fjallshlíðum og hvammabrekkum, sem þó spillist af grjóti og leir árlega. Úthagar eru mjög uppblásnir og allvíða komnir í holt og sanda.
Hætt er kvikfje fyri snjóflóðum og uppgöngusvellum í snarbröttum fjallshlíðum, og verður oft mein að. Vatnsból er erfitt á vetur í Bólstaðarhlíðará, sem bólgnar upp og gjörir svell hvað yfír annað, hleypur síðan undir ísinn so þá er stórt erfiði að ná vatninu. Girðíngar sjást hjer í landinu þar sem nú er stekkur frá jörðunni, so sem mönnum þykir ei ólíkt að þar hafi ein hvörntíma túngarður verið, en enginn veit að þar hafi bygð verið að fornu eður nýju.
Kálfadalur.
Þetta býli hefur verið bygt upp á selstæði frá Bólstaðahlíð fyri manna minni, og hefur hvorki fyrr nje síðar verið haldin fyrirsvars- eður lögbýhsjörð, heldur talin með heimastaðnum.
Jarðardýrleiki óviss, því kotið tíundast öngvum. Eigandinn Halldóra Ellendsdóttir að Bólstaðahlíð. Ábúandinn ekkjan Soffía Steinsdóttir. Landskuld lx álnir. Betalast í landaurum heim til landsdrottins. Leigukúgildi iiii. Leigur betalast í smjöri heim til landsdrottins. Kvaðir öngvar. Kvikfje ii kýr, xviii ær, ii sauðir veturgamlir, viii lömb, i hestur, i hross, i únghryssa.
Fóðrast kann i kýr, xx ær, xii lömb, i hestur. Afrjett ut supra. Torfrista og stúnga grýtt og sendin og lítt nýtandi. Hrísrif lítið og eyðist mjög, brúkast þó enn til kolgjörðar. Enginu grandar leir, sandur og grjót, sem smálækir bera úr brattlendi í slægjulandið. Hætt er kvikfje fyrir holgryfjulækjum. Kirkjuvegur bæði lángur og erfiður, yfir fjall að sækja, nokkuð skemra en frá Vatnshlíð ut supra.

Bólstaðarhlíð I.
1883-1916; Guðmundur Jónas Klemensson 26. sept. 1848 - 15. júlí 1931. Bóndi í Bólstaðarhlíð frá 1883 til æviloka. Kona hans; Ósk Ingiríður Erlendsdóttir 1859 - 24. feb. 1934. Húsfreyja í Bólstaðarhlíð.

1916-1944- Klemenz Guðmundsson 14. mars 1892 - 8. júní 1986. Bóndi í Bólstaðarhlíð, Bergstaðasókn, A-Hún. 1930. Bóndi, póstafgreiðslumaður, símstöðvarstjóri og kennari í Bólstaðarhlíð. Var á Botnastöðum, Bólstaðarhlíðarhr., A-Hún. 1957. Kona hans; Elísabet Magnúsdóttir 27. apríl 1891 - 3. apríl 1964. Húsfreyja í Bólstaðarhlíð, Bergstaðasókn, A-Hún. 1930. Húsfreyja í Bólstaðarhlíð, Bólstaðarhlíðarsókn, Hún. 1922.

1954-1998- Guðmundur Magnús Klemenzson 18. feb. 1927 - 24. des. 1998. Var í Bólstaðarhlíð, Bergstaðasókn, A-Hún. 1930. Kennari í Húnaveri í Bólstaðarhlíð og Varmahlíð í Skagafirði. Var í Bólstaðarhlíð, Bólstaðarhlíðarhr., A-Hún. 1957. Síðast bús. í Bólstaðarhlíðarhreppi 1994.

Bólstaðarhlíð II.
1954-1967- Erlendur Klemens Klemensson 24. júní 1922 - 4. ágúst 1987. Var í Bólstaðarhlíð, Bergstaðasókn, A-Hún. 1930. Var í Bólstaðarhlíð, Bólstaðarhlíðarsókn, Hún. 1922 og 1957. Bóndi í Bólstaðarhlíð. Kona hans; Þóranna Kristjánsdóttir 23. okt. 1926 - 14. jan. 2008. Var á Lýtingsstöðum, Mælifellssókn, Skag. 1930. Var í Bólstaðarhlíð, Bólstaðarhlíðarhr., A-Hún. 1957. Verkakona og sjúkrahússtarfsmaður á Sauðárkróki.

Eigandi að ½; Kjartan Erlendsson 9. sept. 1949. Var í Bólstaðarhlíð, Bólstaðarhlíðarhr., A-Hún. 1957.

1967- Kolbeinn Erlendsson 2. júlí 1948. Var í Bólstaðarhlíð, Bólstaðarhlíðarhr., A-Hún. 1957

Bólstaðarhlíð III.
1954- Magnús Ævar Klemensson 28. apríl 1930 - 13. feb. 2000. Var í Bólstaðarhlíð, Bólstaðarhlíðarhr., A-Hún. 1957. Síðast bús. á Dalvík. Kona hans; Jónína Jónsdóttir

29. des. 1932. Var í Bólstaðarhlíð, Bólstaðarhlíðarhr., A-Hún. 1957.

Landamerkjaskrá fyrir jörðinni Bólstaðarhlíð í Bólstaðarhlíðarhreppi.

Milli Bólstaðarhlíðar og Æsustaða ræður merkjum hryggur sá, sem kallaður er Skerpill, upp skriðuna, frá hyl þeim í Blöndu, er nefnist Blóti, og þaðan rjettsýnis í þann litla hnjúk, er stendur norðan undir Skriðuhnjúk [Rauðahnjúk], þaðan bein stefna á há fjall fyrir vestan yztu Skyttudalsdrög. Milli Bólstaðarhlíðar og Skyttudals ræður bein stefna frá grindum merkjum eptir háfjalli, niður í svo kallaða Þórunnardæld, ræður hún síðan merkjum niður allt að Þverárdalslandi. Milli Bólstaðarhlíðar og Þverárdals ráða merkjum 3 steinar, er standa í röð, merktir L.M. yzt á Dældarbrúnum, þaðan rjett stefna í stóran stein, merktan L.M., vestar á Þverárdalshöfða (Miðaplanshól) og þaðan bein stefna eptir vörðum í Miðlæk þann, er fellur ofan í Votahvamm, og þaðan í Hlíðará. Milli Bólstaðarhlíðar og Botnastaða ræður Hlíðará merkjum til Svartár. Milli Bólstaðarhlíðar og jarðanna Skeggstaða, Finnstungu og Ytza-Tungukots ræður Svartá merkjum til Blöndu. Milli Bólstaðarhlíðar og Tunguness ræður Blanda merkjum útí fyr nefndan hyl Blóta.
Engin ítök hafa aðrar jarðir í landi Bólstaðarhlíðar, en í landi jarðarinnar Botnastaða hefur Bólstaðarhlíðar ítak til slægna frá Ylfisgilslæk að sunnan Löngubrekku að ofan, og út undir Þorgilslæk að utan, allt niður í Svartá

Bólstaðarhlíð 3. maí 1890.
Guðmundur Klemensson, eigandi Bólstaðarhlíðar.

Framangreindum merkjum, erum við undirskrifaðir eigendur aðliggjandi jarða, samþykkir.
Brynjólfur Bjarnason.
Guðmundur Erlendsson.
Jónas Jónsson.

Lesið upp á manntalsþingi að Bókstaðarhlíð, hinn 19. maí 1890, og innfært í landamerkjabók Húnavatnssýslu, No. 139, fol. 72b.

Ingvi Guðnason (1914-1991) Valhöll, Skagaströnd (11.6.1914 - 31.12.1991)

Blanda ((1000-2019))

Pálmi Guðnason (1915-1994) Blönduósi, Ægissíðu á Skagastönd (8.11.1915 - 23.3.1994)

Gunnlaugur Klemensson (1830) Auðólfsstöðum 1860 (10.3.1830 -)

Skriður í Húnavatnssýslum (874 -)

Herbert Sigurðsson (1921-2002) frá Bólstaðarhlíð (13.1.1921 - 5.2.2002)

Erlendur Guðmundsson (1897) Bólstaðarhlíð (29.3.1897 -)

Steindór Sigvaldason (1863-1917) Forsæludal (10.8.1863 - 15.5.1917)

Svartá - Svartárdalur ((1000-2019))

Bólstaðarhlíðarhreppur ((1000-2019))

Mjóadalsrétt á Laxárdal fremri (1910 -)

Æsustaðir í Langadal ((1950))

Skeggstaðafjall í Blöndudal (874 -)

Hlíðarfjall / Hlíðará í Bólstaðarhlíðarhreppi (874 -)

Helga Pálsdóttir Vídalín (1895-1918) Laxnesi í Kjós (10.7.1895 - 24.11.1918)

Þverárdalur á Laxárdal fremri ([1300])

Laxárdalur fremri (874 -)

Ævarsskarð (um880 -)

Botnastaðir í Blöndudal ((1950))

Skeggsstaðir í Bólstaðarhlíðarhreppi ([1200])

Þorleifur Klemensson (1839-1902) Botnastöðum ov Svartárdal (4.7.1839 - 11.5.1902)

Skyttudalur á Laxárdal fremri ([1500])

Mjóidalur á Laxárdal fremri ([1300])

Hvammur á Laxárdal fremri ([1200])

Fjósar í Svartárdal ([1500])

Steiná í Bólstaðarhlíðarhreppi. ([1300])

Barkarstaðir Svartárdal (1921)

Torfustaðir í Svartárdal. ([1300])

Finnstunga í Bólstaðarhlíðarhreppi. ([1300])

Tungunes í Svínavatnshreppi ([900])

Svínavatn bær og vatn ([900])

Ævar Klemenzson (1930-2000) Bólstaðarhlíð og Dalvík (28.4.1930 - 13.2.2000)

Þóranna Kristjánsdóttir (1926-2008) Bólstaðarhlíð (23.10.1926 - 14.1.2008)

Erlendur Klemensson (1922-1987) Bólstaðarhlíð (24.6.1922 -4.8.1987)

Guðmundur Klemenzson (1927-1998) Bólstaðarhlíð (27.2.1927 - 24.12.1998)

Elísabet Magnúsdóttir (1891-1964) Bólstaðahlíð (27.4.1891 - 3.4.1964)

Guðmundur Klemensson (1848-1931) Bólstaðahlíð (26.9.1848 - 15.7.1931)

HAH00148

IS HAH-Bæ

Loka

Fullt

GPJ 25.3.2019

• íslenska

Guðmundur Paul
Jarðabók Páls Vidalín 1708. Bls 382 [Kálfadalur] 389 [Bólstaðarhlíð]
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 139, fol. 72b.
Húnaþing II bls 179
Húnaþing II bls 180
Húnaþing II bls 181