Kennarafundur
Dagana 7. og 8. október s.l héldu kennarar af námsstjórasvæði Stefáns Jónssonar aðalfund sinn á Blönduósi. Fundinn sóttu yfir þrjátíu starfandi kennarar á félagsvæðinu og nokkrir gestir. Á fundinum fluttu erindi: Dr. Broddi Jóhannesson, um þreytu og áhrif hennar, Jónas B. Jónsson, fræðslufulltrúi um reikningskennslu í barnaskólum, Þorsteinn Einarsson þróttafulltrúi, um íþróttamál og Stefán Jónsson námsstjóri um bóklegt nám í barnaskólum.
Í sambandi við umræður um erindi Stefáns Jónssonar var samþykkt með einróma atkvæðum, svohljóðandi tillaga borin fram af Guðmundi Björnssyni kennara á Akranesi og Bjarna Jónassyni kennara í Blöndudalshólum. „Fundurinn skorar á fræðslumálastjórnina að dagskrá gera bráðlega ráðstafanir til að bæta úr brýnni þörf barnaskólanna á nýjum og bættum kennslutækjum, svo sem landabréfum, íslenzkum náttúrufræðimyndum og myndum af merkum mönnum og sögu stöðum hér á landi.“
Á laugardaginn kl. 18 flutti dr. Broddi Jóhannesson erindi í fimleikahúsi barnaskólans, sem hann nefndi „Afleiðing eða markmið“ — Voru áheyrendur um tvö hundruð.
Næsti fundarstaður er á í Stykkishólmi og stjóm kosin: Þorgeir Ibsen, skólastjóri Stykkishólmi, Bjarni Andrésson Stykkishólmi, Þuríður Kristjánsson, kennari, Stykkishólmi, og til vara: Elímar Tómasson, skólastjóri Grafarnesi, Jónas Þorvaldsson skólastjóri, Ólafsvík, Kristján Gunnarson, skólastjóri, Hell - issandi.
Fundarstjórar voru: Steingrímur Davíðsson, skólastjóri Blönduósi og Björn Bergmann kennari, en fundar ritarar Bjarni Jónasson kennari Blöndudalshólum og Sveinbjörn Jónsson kennari Snorrastöðum. Fundarmenn sátu kaffiboð hjá hreppsnefnd Blönduóss í Kvennaskólanum á Blönduósi. Á sunnudagsmorguninn bauð skólastjórinn á Höfðakaupstað, skólanefnd og nokkrum fleiri kennurum út í Höfðakaupstað. Var bærinn ogumhverfið skoðað og kaffi drukkið, og ræður fluttar. Á fundinum, milli þess er ræður voru haldnar og í veizlunum, stjórnaði Friðrik Hjartar, skólastjóri á Akranesi, söng með miklu fjöri.

Grein fengin af timarit.is 19.10.2023
64156137 (timarit.is)
Tíminn - 229. tölublað (26.10.1949) - Tímarit.is (timarit.is)