Fyrirtæki/stofnun

Víðidalur V-Hvs

874 -

Víðidalur er breiður, gróinn og búsældarlegur dalur í Vestur-Húnavatnssýslu, inn af Vesturhópi. Austan við dalinn er Víðidalsfjall, sem er hátt og tindótt en vestan að honum er Fitjárdalur og svo austurbrún Miðfjarðarháls, sem er fremur lágur og ávalur. Í norðanverðum dalnum eru gamlir sethjallar sem bera þess merki að á ísöld hafi sjór gengið langt inn í dalinn.

Um dalinn rennur Víðidalsá, sem á upptök á heiðunum suður af dalnum og er mikil laxveiðiá. Í hana fellur Fitjá, sem kemur upp á Stórasandi. Í miðjum dalnum rennur Víðidalsá í gljúfrum, 20-25 metra djúpum og hrikalegum. Kallast þau Kolugljúfur og eru sögð kennd við tröllkonuna Kolu.

Auðunn skökull Bjarnarson nam land í Víðidal fyrstur manna og bjó á Auðunarstöðum en helsta höfuðbólið í dalnum er þó Víðidalstunga, utarlega í tungunni milli Víðidalsár og Fitjár. Þar er kirkja sveitarinnar.

Félagsheimilið Víðihlíð er í landi Auðunarstaða, svo og veitingaskálinn og ferðamannaverslunin Víðigerði.

Þorkelshólshreppur.

Ingimundur undi hvergi; því fýsti Haraldur konungur hann að leita forlaga sinna til Íslands. Ingimundur lést það eigi ætlað hafa, en þó sendi hann þá Finna tvo í hamförum til Íslands eftir hlut sínum. Það var Freyr og gör af silfri. Finnar komu aftur og höfðu fundið hlutinn og nát eigi; vísuðu þeir Ingimundi til í dal einum milli holta tveggja og sögðu Ingimundi allt landsleg, hve háttað var þar er hann skyldi byggja.

Eftir það byrjar Ingimundur för sína til Íslands og með honum Jörundur háls mágur hans og Eyvindur sörkvir og Ásmundur og Hvati, vinir hans, og þrælar hans, Friðmundur, Böðvar, Þórir refskegg, Úlfkell. Þeir tóku (Grímsárós) fyrir sunnan land og voru allir um veturinn á Hvanneyri með Grími fóstbróður Ingimundar. En um vorið fóru þeir norður um heiðar; þeir komu í fjörð þann, er þeir fundu hrúta tvo; það kölluðu þeir Hrútafjörð; síðan fóru þeir norður um héruð og gáfu víða örnefni. Hann var um vetur í Víðidal í Ingimundarholti. Þeir sá þaðan fjöll snælaus í landsuður og fóru þann veg um vorið; þar kenndi Ingimundur lönd þau, er honum var til vísað. Þórdís, dóttir hans, var alin í Þórdísarholti.

„.... at vetri kom Íngimundr í dal þann er var víði vaxinn, ok kallaði þat Víðidal, ok var hann þar annan vetr, ok gjörði sér þar skála er nú heitir Íngimundarholt“

Auðunn skökull Bjarnarson var landnámsmaður í Víðidal í Vestur-Húnavatnssýslu og bjó á Auðunarstöðum. Fyrri kona hans er óþekkt en með henni átti hann dótturina Þóru mosháls, móður Úlfhildar, móður Ástu, móður Ólafs konungs helga.

Síðar kvæntist Auðunn Þórdísi Þorgrímsdóttur, ekkju Önundar tréfóts, og áttu þau soninn Ásgeir, sem bjó á Ásgeirsá í Víðidal og var giftur Jórunni dóttur Ingimundar gamla. Sonardóttir þeirra var Dalla Þorvaldsdóttir, fyrsta biskupsfrúin í Skálholti.

Björn faðir Auðuns var sonur Hunda-Steinars jarls á Englandi og Álofar dóttur Ragnars loðbrókar. Ísgerður og Eiríkur hétu og börn þeirra.

Auðun skökull fór til Íslands og nam Víðidal og bjó áAuðunarstöðum. Með (honum) kom út Þorgils gjallandi félagihans, faðir Þórarins goða. Auðun skökull var faðir Þórumosháls, móður Úlfhildar, móður Ástu, móður Óláfs konungshins helga. Son Auðunar skökuls var Ásgeir að Ásgeirsá; hannátti Jórunni, dóttur Ingimundar hins gamla. Þeirra börn voruþau Þorvaldur, faðir Döllu, móður Gissurar byskups, og Auðun,faðir Ásgeirs, föður Auðunar, föður Egils, er átti Úlfheiði,dóttur Eyjólfs Guðmundarsonar, og var þeirra son Eyjólfur, erveginn var á alþingi, faðir Orms, kapalíns Þorláks byskups.Annar son Auðunar skökuls var Eysteinn, faðir Þorsteins,föður Helga, föður Þórorms, föður Odds, föður Hallbjarnar,föður Sighvats prests. Dóttir Ásgeirs að Ásgeirsá varÞorbjörg bekkjarbót.

Eyðijarðir í Víðidal; Gafl, Lækjarkot, Yxnatunga, Fosshóll, Stóra-Hlíð, Valdarásssel, Krókur, Stóra-Hvarf, Selás, Neðri-Fitjar, Sporðhús, Deildarhóll, Hvarf, Miðhóp II

Ingibjörg Eggertsdóttir (1928-2011) frá Stórhóli Víðidal (6.2.1928 - 25.12.2011)

Auðunnarstaðakot / Auðunnarkot í Víðidal ((1500))

Víðidalstunga í Víðidal ((1300))

Galtanes í Víðidal / Galtarnes ((900))

Nýpukot Nípukot í Vesturhópi í Víðidal (um1660)

Jakob Líndal (1880-1951) Lækjamóti (18.5.1880 - 13.3.1951)

Fitjá í V-Hvs (874 -)

Kerafossar í Víðidal (874 -)

Víðigerði í Víðidal (1960 -)

Tittlingsstaðir í Víðidal / Árnes / Laufás ((1500))

Jósefína Stefánsdóttir Hansen (1889) frá Litluhlíð (18.7.1889 -)

Víðidalsá í Víðidal (874-)

Kolufossar í Víðidal (874-)

Bergá og Bergárfoss í Víðidal (874 -)

Kolugil í Víðidal (1394 -)

Refsteinsstaðir í Víðidal ((1500))

Bakki í Víðidal (1385 -)

Þorkelshóll I og II í Víðidal ((1300))

Jörfi í Víðidal ((1500))

Brautarland í Víðidal (1936-)

Auðunnarstaðir I og II í Víðidal (um 880)

Miðhóp Í Víðidal ((900))

Hrísar í Fitjardal ((1300))

Fitjar í Víðidal [efri og neðri] ((1500))

Kambhóll í Víðidal ((1400))

Stóra- Ásgeirsá í Víðidal (um 920)

Þórukot í Víðidal (um 1660)

Lækjamót í Víðidal (um 900)

HAH00793

IS HAH

Loka

Fullt

GPJ skráning 28.5.2020

• íslenska

Guðmundur Paul https://www.snerpa.is/net/snorri/landnama.htm 55. og 56. kafli
Landnámsbók bls 175
Húnaþing II