Fjórða býli, bygt fyrir meir en 40 árum á eyðihól, þar sem aldrei hafði áður bygð verið. Dýrleikinn er reiknaður x € af Ásgeirsá, og so tíundast fjórum tíundum, og hefur þetta býli töðuslægjur af heimaiörðunni.
Eigendur sem áður er sagt um heimajörðina. Ábúandinn Oddur Jónsson.
Landskuld Ix álnir. Betalast í öllum gildum landaurum heim til landsdrotna. Leigukúgildi iii. Leigur betalast í smjöri heim til landsdrotna. Kvaðir öngvar. Kvikfje ii kvígur að fyrsta kálfi, xxvii ær, viii lömb, i hestur, i únghryssa. Fóðrast kann ii kýr, xii lömb, xxiiii ær, ii hestar. Öll afhýlin hafa óskamtaðan haga, en töður og engjar eru hverjum afdeildar. Torfrista og stúnga bág og erfið á allri jörðunni, en þó híngaðtil við sæmt.

Móskurður til eldiviðar er nægur en brúkast ekki. Lax og silúngsveiðivon góð í Víðidalsá. Rekavon kirkjunnar fyrir Gnýstöðum á Vatnsnesi hefur ekki fengist, síðan Guðmundur Hákonarson hjelt þíngeyraklaustur, en Árni Daðason átti Ásgeirsá. Selstöðu á jörðin í Víðidalstúngulandi, þar sem heita Haugakvíshr, og sjást þar enn tóftirnar þar sem heitir Asgeirsársel; það hefur aldrei brúkað verið í manna minni. Lambaupprekstur á Víðidalstúnguafrjett for toll ut supra.

Enginu grandar Víðidalsá, mest á heimajörðunni. Högunum spilla fjallskriður.

Byggt um 1660 upphaflega á hluta af landi Stóru-Ásgeirsá. Síðar fékk jörðin viðvót af landi frá Lækjamóti og var endanlega frá þeim skiptum gengið laust fyrir aldamótin 1900.
Áður var stundum þræta á milli Lækjamóts og Ásgeirsár um slægjur neðan við Þóruhól en þar voru engjatök all góð en lækurinn sem réði merkjum ekki ávalt í sama farvegi.

Bærinn stendur hátt og hefur verið byggður á melhól þar sem sést víða um sveitina. Heyfengur var góður en beitiland frekar takmarkað.

Íbúðarhús byggt 1934 og 1951, 257 m³. Fjós fyrir 10 kýr. Fjárhús fyrir 420 fjár. Hlöður 950 m³. Votheysgryfja 40 m³. Tún 27 ha.