Jörðin kemur fyrst fyrir í jarðakaupabréfi frá 1385 þar nefnd Litlibakki. Í jarðabók frá 1706 segir að býlið hafi verið „Byggt úr gamalli auðn fyrir meir en 30 árum, á fornum bólstað, en
áður hafði hér sel verið frá Víðidalstungu.

“ Þar segir einnig að munnmæli geti þar um kirkju. Jörðin er komin í eigu Víðitalstungukirkju árið 1394, og er í máldaga nefnd Bakkahlíð og tók kirkjubóndi af henni lýsis-, heytolla og tíund eins og öðrum kirkjujörðum.

Í jarðatali frá 1847 er Bakkakot sagt hjáleiga frá Víðitalstungu og er jarðardýrleiki metinn með heimajörðinni ásamt þremur öðrum hjáleigum á 60 hundruð. Í nýrri jarðabók 1861 er
Víðidalstunga sögð 40 hundruð með hjáleigum að fornu en með nýju mati færð í 104,2 hundruð og þar af er Bakkakot metið 7,34 hundruð.

Bakki stendur að vestanverðu við Víðidalsá neðan við svo nefndar Bakkabrúnir. Beitiland er gott ofan við Brúnir en ræktunarland fremur erfitt og sundurslitið af melum. Áður hluti af Víðidalstungueign. Hér var talið rýrt býli en með ræktun og dugnaði ábúenda orðin góð bújörð.
Jarðarbók Árna Magnússonar segir býlið byggt úr auðn fyrir 30 árum. Fékk jörðin þá engi á Hávarðsstöðum. Rifhrís talið ótakmarkað.