Jörfi í Víðidal

Fyrst getið í mt 1835 og eru þar þá 6 til heimilis.

Ásmundarnúpur, Gálgagil, Víðidalsfjall.

Gamalt býli. Stendur á löngum og flatlendum ás og mun af honum draga nafn sitt. Býlið ber fremur hátt og snýr land jarðarinnar til fjalls frá Ásmundarnúpi að Gálgagili þar annálar herma að brotamenn hafi hengdir verið.
Að fornu mati er þetta lítið býli en ræktarland er nóg. Býlið stóð áður fyrr nær fjallinu en nú er eða norðarlega á svo kölluðum skriðum sem eru framhlaup úr Gálgagili.

Íbúðarhús byggt 1953 hæð og ris 335 m³. Fjós byggt 1963 fyrir 30 kýr. Fjárhús fyrir 220 fjár. Hlöður 1040 m³. Votheysgryfja 160 m³. Haughús 289 m³. Vélageymsla 264 m². Geymsla 160 m². Tún 40 ha.

Jörvabæir eru 5 á landinu, flestir bygðir, og sumir sögufrægir að fornu, t.d. Jörvi í Haukadal (Landn.) og Jörvi í Flysjuhverfi (Víga-Styrss. o.fl.). Jörva í Víðidal er fyrst getið í brjefi, ritað 1525 (þá í eyði. DI. IX. 314.), og er þá farið að rita það með f. Aftur á móti er Jörvanafn ávalt ritað með v í Íslendingasögunum (sjá Grettiss., Landn., Þorf. s. karlsefnis og Bjarnar s. Hítdælak.) en í Sturlungu er það ætíð með f (Sturl. II. b. bls. 250, 288 o.v.), og er merkilegt.

Árni Magnússon segir að Jörvi þýði „sljett melholt“ (Jarðabók 1703), og mun það nokkurnvegin rjett. Dr. Finnur Jónsson ákveður ekki merkingu orðsins til fulls, segir það sje „líkrar merkingar og sandur eða melur“. (Safn IV. B. bls. 490.) Ekki verður sjeð að það hafi þýtt sand, en aðeins mela og grjóthóla. Í vísu Björns Hítd.kappa um dráp Þorsteins Kálfssonar segir (bls. 50):

„Kálfs, veitk at son sjalfan

• sverðagóðs – á roðnum
• raddkappi ne kviddum -
  Klifsjörva namk förvi.“

Foreldrar Ægis Jóhannessonar keyptu jörðina Jörfa árið 1958 og þau Stella Jórunn A. Levy tóku við 1994. Alltaf hefur verið kúabúskapur en þó með blandað bú að einhverju leyti.

Stóre Jörfe.

Forn eyðijörð, aldrei bygð í manna minni. Munnmæli eru hjer hafi kirkja verið. Jarðardýrleiki er óviss, því eyðiland þetta tíundast öngvum. Eigandinn er kóngl. Majestat, og liggur þetta til þíngeyraklausturs og hafa þeir einir grasnautn alla hjer af, sem klausturhaldararnir leyfa, og hafa ýmsir hrúkað hjer selstöðu að forlagi þeirra, fyrir hvað mikla leigu eður góðvilja vita menn ekki, því lángt er um liðið. Ekki er örvænt að aftur mætti hjer byggja, en stórerfiði vildi það kosta a& rækta túnið úr lángvarandi vanrækt; þar með vildi sú bygð gjöra stóra landþröng Enniskoti og Titlíngastöðum, þvi að báðar þessar jarðir hafa nú gagn af hagbeitinni.

Hætt er hjer vofeiflega fyrir foruðum.

Litle Jorfe.
Hefur að fornu bygt kot verið, þvílíkt sem hjáleiga frá Stóra Jörfa; aldrei hefur það bygst í manna minni. Túnstæði er í mosa komið og örvænt aftur að byggja, bæði fyrir landþröng og slægnaleysi.

file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Jarðarbók Árna Magnússonar og Eggerts Ólafssonar bls 243

GPJ skráning 28.5.2020

• Icelandic

Guðmundur Paul https://www.feykir.is/is/frettir/torskilin-baejarnofn-jorvi-i-vididal
Húnaþing II bls 369
file:///C:/Users/Notandi/AppData/Local/Microsoft/Windows/INetCache/IE/TYHI81U1/JFJ-2001-01.pdf

file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Jarðarbók Árna Magnússonar og Eggerts Ólafssonar bls 243