Nýpukot Nípukot í Vesturhópi í Víðidal

• Nípukot

Afbýli bygt á fornu gerði fyrir 44 árum, þar sem áður hafði í manna minni ekki bygt verið. Dýrleikinn er kallaður v € og so tíundast ut supra.
Eigandinn Marchús Pálsson að Syðrivöllum við Miðfjörð og hans kvinna Sigríður Erlendsdóttir. Jörðin er afdeild í tvöbýli, annað beheldur nafni heimajarðarinnar, kallað og tíundað lv € , annað kallað Nípukot, tíundast v €. Ábúandinn Árni Guðmundsson. Landskyld 1 álnir í næstu 3 ár, áður lx álnir; því aftur fært að ekki hygðist ella. Betalaðist til forna með fiskatali í
kaupstað, en nú í landaurum, viðlíkt og segir um heimajörðina. Leigukúgildi iii. Leigur betalast í smjöri heim til landsdrottins. Kvaðir öngvar.
Kvikfje ii kýr, i kvíga veturgömul, xx ær, xx lömb, ii hestar, i únghryssa. Fóðrast kann ii kýr, xii lömb, xx ær, i hestur. Engjar má á hjáleigunni öngvar telja, nema það hent verður í mýrum og úthaga.
Hagar eru óskiftir og so önnur hlunnindi og bágindi jarðarinnar. Vatnsból hjáleigunnar ilt og bregst margoft sumar og vetur til stórmeina, er þá neyðarilt og erfitt til að sækja.
Sveitar fyrirsvar er hjer eftir proportion.

Víðidalur, Þorkelshóll; Áskot, Efstakot, Miðkot, Tóftakot. Syðri-Vellir í Miðfirði,

Byggt úr landi Þorkelshóls um 1660. Land var þó óskipt við heimajörðina fram yfir 1930.
Bærinn stendur sunnan við lágan melhrygg, þar heitir Nýpa sem hæst ber. Landið er flatlent og meðfram Víðidalsá. Mestur hluti þess er mýrlendi e einnig valllendisbakkar meðfram Víðidalsá og voru þar allgóð engjatök. Beitiland er gott og nú að miklu leyti framræst.

Íbúðarhús byggt 1967 ein hæð 242 m³. Fjós fyrir 8 kýr. Fjárhús fyrir 400 fjár. Hlöður 1280 m³. Tún 20 ha.

Veiðiréttur í Víðidalsá

Þannig var jötðin auglýst til sölu í Morgunblaðinu 26.2.1963 .

"Jörðin Nýpukot í Víðidal, Vestur-Húnavatnssýslu, er til sölu og laus til ábúðar í n.k. fardögum. Á jörðinni er steinsteypt íbúðarhús, steinsteypt fjós fyrir 8 kýr ásamt hlöðu, fjárhús fyrir 200 fjár og véltækt tún í góðri rækt, sem gefur af sér ca. 800—1000 hesta. Á jörðinni er rafmagn frá Laxárvatnsvirkjun, einnig fylgir jörðinni eignarréttur í vatnasvæði Víðidalsár.
Tilboðum sé skilað til Kristófers Kristjánssonar bónda ( Köldukinn II A-Húnavatnssýslu, sími um Blönduós, sem veitir allar frekari upplýsingar, fyrir 1. apríl n.k.
Leiga á jörðinni getur einnig komið til greina.
Réttur er áskilinn til að taka hvaða tilboði sem er eða hafna öllum.
Guðmundur Jósefsson, Nýpukoti."

Kolbeins er áður getið þar sem hann varð fyrir Skrímslinu á Vesturhópsvatni. Hann var heldur forn í skapi og þótti andríkur.

Í elli sinni var Kolbeinn flæmdur burt frá koti því sem hann bjó á, Bjarghúsum; því olli Kristín nokkur Jónsdóttir. Hún var ríkiskona, en vildi ná kotinu fyrir eitt barn sitt því henni þótti það hæfilegt fyrir frumbýling að byrja búskap á. Þá kvað Kolbeinn þetta:

„Kristín í Nípukoti Kolbein flæmdi frá Bjarghúsum.
Rekkur í ráðaþroti reynist af huga illfúsum.“

Síðan er mælt að niðjar Kristínar hafi orðið ólánsmenn. https://is.wikisource.org/wiki/%C3%8Dslenzkar_%C3%BEj%C3%B3%C3%B0s%C3%B6gur_og_%C3%A6fint%C3%BDri/Galdras%C3%B6gur/Kolbeinn_%C3%A1_Bjargh%C3%BAsum

Bæjarnafnið er skrifað með "Ý" í bókinni Húnaþing II en með "Í" í Jarðabók Árna Magnússonar og einnig víða annarsstaðar svosem á landakortum Landmælinga Íslands og einnig hjá Minjastofnun. Leit á netinu gefur 1870 svör við Nípukoti en 236 fyrir Nýpukot.

GPJ skráning 31.5.2020

• Icelandic

Guðmundur Paul
Húnaþing II bls 396