Sveinsstaðahreppur 1000-2005

• Sveinsstaðahreppur

Sveinsstaðahreppur var hreppur í Austur-Húnavatnssýslu fram til ársloka 2005. Hreppurinn var kenndur við Sveinsstaði í utanverðum Vatnsdal. Fólksfjöldi 1. desember 2005 var 92.

20. nóvember 2004 samþykktu íbúar sveitarfélagsins sameiningu við Bólstaðarhlíðarhrepp, Svínavatnshrepps og Torfalækjarhrepp og gekk hún í gildi 1. janúar 2006. Nýja sveitarfélagið hlaut nafnið Húnavatnshreppur í fyrstu kosningunum í sameinuðu sveitarfélagi 10. desember 2005.

Eyðibýli;
1) Prjámsstaðir. 2) Trumbsalir. 3) Litlu-Sveinsstaðir. 4) Ranhólar. 5) Háholt. 6) Sleggjubeinsstaðir eru vestur á hálsinum vestur af Hnjúki, en í Breiðabólstaðar-landi. Á. M. getur þeirra ekki, en margt bendir til, að þetta muni vera sama býlið og Háholt. Rústaleifar eru allglöggar og túnummál skýrt. Sagnir herma, að þetta sé landnámsbýli Sleggjubeinsstaða er hvergi getið í prentuðum jarðabókum. Sagnir um þá í Vatnsdælu. 7) Faxabrandstaðir eru fram með Breiðabólstaðalæknum, en í Hnjúkslandi. Sagnir telja þá Iandnámsbýli. Á. M. getur þeirra ekki og ekki heldur yngri jarðabækur. Rústir og allar girðingaleifar eru óljósar; þó sést ummál á túni. Bendir allt til að eyðibýli þetta hafi um fleiri aldir verið í auðn. 8) Grundarkot. Var sjálfstætt lögbýli, er var keypt undir Hjallaland; liggur norðanvið Hjallaland. Grundarkot fór í auðn af skriðuhlaupi í október 1899. 9) Skriðukot eða Skúlakot. 10) Skammbeinskot 11) Steinkot. 12) Skíðastaðir. Í Landnámu eru Skíðastaðir taldir landnámsjörð. Hvar þeir hafa verið, er ekki með öllu ljóst. Fitjaannáll, Skarðsárannáll og Húnvetningasagnir telja að Skíðastaðir hafi eyðilagzt í skriðuhlaupi 1546. — Á tveim stöðum út með fjallinu á milli Bjarnarstaða og Axlar eru líkur fyrir túnblettum og rústum; benda þær nyðri fremur á fjárhús eða beitarhús. 13) Gullberustaðir. 14) Geitaból. Býli þetta hefir verið síðar byggt upp, og fram á seinni hluta 19. aldar verið við beitarhús frá Brekku. Nú um langt skeið í auðn sem býli. 15) Hnausasel á Sauðardal; byggt frá Hnausum fram yfir aldamótin 1900, nú í auðn. 16) Helgavatnssel, vestur við Gljúfurá, var byggt frá Helgavatni fram á seinni hluta 19. aldar. Nú í auðn. 17) Bárðarsel, vestur við Gljúfurá, var byggt frá Steinnesi og Sveinsstöðum fram á seinni hluta 19. aldar. 18) Þingeyrasel við Gljúfurá hefir verið byggt frá Þingeyrum, en stundum hefir enginn verið þar. Nú, 1930, var það byggt fram í nóvember. Varð bóndinn, Níels Gunnarsson úti; hrapaði í Melrakkadal. Fjölskyldan flutti burtu, og selið féll í eyði. Tún er talið þar, að gefi af sér allt að 60 hestum. Verður sennilega ekki byggt. Þessara selja er ekki getið í jarðabókum.

10.1.2018 frumskráning í atom, SR

• Icelandic

Guðmundur Paul https://is.wikipedia.org/wiki/B%C3%B3lsta%C3%B0arhl%C3%AD%C3%B0arhreppur sótt þann 10.1.2018

SR