Hnjúkur í Þingi

Bærinn stendur austan Vatnsdalsvegar vestri sunnan undir Hnjúkahnjúk, beint á móti Jörundarfelli. Gamlatúnið og nokkrar nýræktir eru austan vegar, en aðrar vestan hans, sumar spölkorn vestur í hálsinum. Engjar eru í óshólmum Vatnsdalsár og beitiland víðlent á hálsinum. Ræktunarskilyrði heima við nálega full nýtt. Jörðin er fornbýli getið í Hallfreðarsögu, klausturjörð fyrr meir, nú um skeið bændaeign og ættarból í 5 ættliði [1975]. Íbúðarhús byggt 1951, 716 m3. Fjós fyrir 24 gripi og mjólkurhús. Fjárhús yfir 630 fjár. Hesthús yfir 30 hross. Hlöður 800 m3. Vothey 80 m3 Gömul fjárhús. Tún 64 ha. Veiðiréttur í Vatnsdalsá.

Sveinsstaðahreppur; Þing; Hjallaland; Helgavatn; Hnjúkeyri; Kórbrík; Grundarkot; Bolaklettur; Hvíthóll; Vatnsdalsá; Vatnsdalur; Helgavatnstjarnarós; Óskrókur; Hrafnaklettur; Gljúfurá; Þingeyrarklaustur; Hnjúkahnjúkur; Jörundarfelli:

Hallfreðarsag:

Ábúendur;

1890-1922- Hallgrímur Sveinn Jónsson 10. ágúst 1852 - 22. október 1922 Bóndi á Hnjúki, Sveinstaðahr., A-Hún. Kona hans; Þorbjörg Þorsteinsdóttir 14. október 1862 - 26. september 1941 Var í Lækjarkoti, Víðidalstungusókn, Hún. 1870. Vinnukona á Stóruborg, Breiðabólstaðarsókn, Hún. 1880. Húsfreyja á Hnjúki, Sveinstaðahr., A-Hún. Var á Hnjúki, Þingeyrasókn, A-Hún. 1930

1923-1947- Jón Óli Hallgrímsson 27. janúar 1891 - 15. júní 1967 Bóndi á Hnjúki, Þingeyrasókn, A-Hún. 1930. Bóndi á Hnjúki, Sveinsstaðahr., A-Hún. Var á Hjúki, Sveinsstaðahr., A-Hún. 1957. Kona hans 4.8.1923; Stefanía Steinunn Jósefsdóttir 21. ágúst 1886 - 16. desember 1977 Húsfreyja á Hnjúki, Þingeyrasókn, A-Hún. 1930. Síðast bús. í Sveinsstaðahreppi.

1947- Sigurður Sveinn Magnússon 4. ágúst 1915 - 6. ágúst 2000. Var á Brekku, Þingeyrasókn, A-Hún. 1930. Verkamaður og vinnumaður á ýmsum stöðum. Vinnuvélastjóri í Reykjavík. Var á Hnjúki, Sveinsstaðahr., A-Hún. 1957. Bóndi þar 1955-94. Síðast bús. á Blönduósi. Kona hans; Guðrún Jósefína Jónsdóttir 17. jan. 1916 - 30. mars 2014. Var á Hnjúki, Þingeyrasókn, A-Hún. 1930. Var á Hnjúki, Sveinsstaðahr., A-Hún. 1957.

Magnús Rúnar Sigurðsson 7. feb. 1951. Var á Hnjúki, Sveinsstaðahr., A-Hún. 1957.

Merkjaskrá fyrir þjóðjörðinni Hnjúki í Sveinstaðahreppi.

Að austan er markalína milli Hnjúks og Hjallalands beint úr marksteinum á Helgavatns og Hjallalands eyri eða hólma, norður í stein á stóru Hnjúkeyri, sem merktur er L, frá honum er sama stefna að steinum austur undan Kórbrík og eru þeir í beinni línu frá Kórbrík í lítið lækjargil rjett fyrir norðan Grundarkots bæjartóptir, frá nefndum steinum beint vestur í Kórbrík, og frá henni í sunnanverðan Bolaklett, frá honum til suðvesturs í Hvíthól, og áfram sömu stefnu fram og vestur á hálsinn. Að sunnan, frá snidduhlaðinni þúfu á graseyri þeirri eða hólma í Vatnsdalsá, er tilheyrir Hnjúki og Helgavatni, vestur í lítinn en háan grashólma. Sem er í vestari kvísl Vatnsdalsá, norðvestur af Helgavatnstjarnarós, þá sem ósinn ræður upp í krókinn á honum, beint norður undan tjörninni, frá þessum nefnda Óskrók í vörðu á Hrafnakletti, og aðra vörðu á barði því, er ber við lopt, að sjá frá Hrafnakletti, og svo áfram sömu stefnulínu vestur á hálsinn. Að vestan ræður Gljúfurá.

Hvammi, 8. maí 1890.
B.G. Blöndal umboðsmaður Þingeyrarklaustursjarða.
Jósep Einarsson eigandi og ábúandi að Hjallalandi.

Lesið upp á manntalsþingi að Sveinstöðum, hinn 29. maí 1890, og innfært í landamerkjabók Húnavatnssýslu, No. 174, fol. 90b.

GPJ 26.3.2019

• Icelandic

Landamerkjabók Húnavatnssýslu, No. 174, fol. 90b.
Húnaþing II bls 305