Steinnes í Þingi

Fornt býli, gæti verið Steinsstaðir þeir sem getið er um í Þorvaldsþætti víðförla. Bærinn stendur á allháu barði skammt vestur frá Vatnsdalsá, Steinneskvísl. Tún út frá bænum aðallega til suðurs, beitiland til norðurs og vesturs nálega allt graslendi mest vaxið mýrargróðri, en númikið framræst, ræktunarskilyrði mjög góð. Flæðiengi er stórt austan ár. Aðsetur presta í Þingeyraklaustursprestakalli hefir jörðin verið aftan úr öldum til ársins 1968. Íbúðarhús byggt 1928 endurbætt 1974, 533 m3. Fjós fyrir 22 gripi með mjaltarbás, mjólkurhúsi og haughúsi. Fjárhús yfir 500 fjár. Vothey 760 m3. Hlöður 1000 m3. Geymsla. Tún 14,9 ha. Veiðiréttur í Vatnsdalsá

Þing; Sveinsstaðahreppur; Vatnsdalsá; Steinneskvísl; Þingeyraklaustur; uppspretta við Kvíslina, sem Syngjandi nefnist; Hóll í götu; Hagatóptir; hóll sem Katla heitir; Skinnastaðapartur; Landengjatá; Steintjörn; steinn við Ásgötu, sem er merkjasteinn á milli Haga og Leysingjastaða; Haginn; Geirastaðakofi; Meginkvíslarbakkinn; Suðurþverkvíslar; Markkelda; Álptartjörn; Hjaltabakki; Hnausar; Geirastaðir;

Þorvaldsþáttir víðförla;

Ábúendur;

1887-1922- Bjarni Pálsson 20. janúar 1859 - 3. júní 1922 Prestur á Ríp í Hegranesi 1886-1887 og í Þingeyraklaustri i Þingi frá 1887 til dánardags. Prófastur í Steinnesi, Sveinsstaðarhr. A-Hún. frá 1914 til dauðadags. Kona hans; Ingibjörg Guðmundsdóttir 5. mars 1867 - 1. maí 1916 Húsmóðir í Steinnesi.

1923-1967- Þorsteinn Björn Gíslason 26. júní 1897 - 8. júní 1980. Bóndi og prestur á Steinnesi, Þingeyrasókn, A-Hún. 1930. Var á Steinsnesi, Sveinsstaðahr., A-Hún. 1957. Prestur þar frá 1922. Síðast bús. í Reykjavík. Kona hans; Ólína Soffía Benediktsdóttir 2. nóvember 1899 - 26. febrúar 1996 Var á Steinsnesi, Sveinsstaðahr., A-Hún. 1957.

1967- Jón Jósef Magnússon 22. maí 1919 - 4. okt. 2015. Var á Brekku, Þingeyrasókn, A-Hún. 1930. Var á Þingeyrum, Sveinsstaðahr., A-Hún. 1957. Bóndi á Hnjúki, Þingeyrum og loks Steinnesi í Sveinsstaðahreppi. Kona hans; Guðrún Vilmundardóttir 20. feb. 1925 - 17. maí 2005. Var á Nýlendugötu 12, Reykjavík 1930. Var á Þingeyrum, Sveinsstaðahr., A-Hún. 1957. Húsfreyja á Þingeyrum 1955-1974 og síðar í Steinnesi, Sveinsstaðahr., A-Hún. Kirkjuvörður í Þingeyrarkirkju.

Magnús Jósefsson 15. maí 1953. Var á Þingeyrum, Sveinsstaðahr., A-Hún. 1957. Kona hans; Líney Árnadóttir 30. apríl 1957

Landamerkjaskrá fyrir þjóðjörðinni Steinnesi í Sveinstaðahreppi.

Að sunnan ræður bein lína frá uppsprettu þeirri við Kvíslina, sem Syngjandi nefnist, og í svo nefndan Hól í götu, þaðan beina leið í Hagatóptir, frá Hagatóptum norður í grjótvörðu á hól þeim, sem Katla heitir, og frá henni sömu stefnulínu í stein þann við Ásgötu, sem er merkjasteinn á milli Haga og Leysingjastaða og merktur L., síðan frá nefndum steini eins og bein lína ræður yfir Hagann og norðurenda Steintjarnar í snidduvörðu, sem hlaðin er fremst á Landengjatánni. Austan Kvíslar er merkin á þessa leið: Skammt fyrir sunnan Geirastaðakofa er hlaðin merkjavarða á Meginkvíslarbakkanum, og ræður frá henni bein lína austu engið í merkjavörðuna, sem greinir Steinness engið frá Skinnastaðapartinum, frá síðast nefndri merkjavörðu beina línu í miðjan Tjarnarhólma, síðan úr miðjum Tjarnarhólma beina línu suður í Þverkvísl og er á Þverkvíslar bakkanum hlaðin upp merkjavarða, þá ræður Þverkvíslun merkjum vestur að merkjavörðu, sem hlaðin er á Suðurþverkvíslar bakkanum við vik eitt, sem gengur upp á bakkann, frá vörðu þessari sjónhendingu eins og Markkelda bendir til, suðurs í Álptartjörn, og er við tjörnina hlaðin merkjavarða, þá beina línu frá síðast nefndri merkjavörðu yfir enda tjarnarinnar í skurðinn, sem gengur úr tjörninni, ræður svo skurðurinn merkjum og liggur hann til Meginkvíslar.

Steinnesi í júlímánuði 1890.
Bjarni Pálsson prestur í Þingeyra- og Hjaltabakkaprestakalli
Landamerkjaskrá þessi samþykkist hjer með af oss undirskrifuðum:
Magnús Steindórsson eigandi Hnausa
Jón Ásgeirsson eigandi Þingeyra og Geirastaða.
B.G. Blöndal umboðsmaður Þingeyrakl.jarða.

Lesið upp á manntalsþingi, að Sveinsstöðum hinn 27. maí 1891, og innfært í landamerkjabók Húnavatnssýslu, No. 232, fol. 120b.

GPJ 14.10.2019

• Icelandic

Guðmundur Paul
Landamerkjabók Húnavatnssýslu, No. 232, fol. 120b.
Húnaþing II bls 314