Hagi - Norðurhagi í Þingi

Hagi. Gamalt býli. Bærinn stendur á lágum ási skammt austur frá Hópinu, við norðurjaðar núverandi landeignar, áður nálægt miðju hennar, tún eru til vesturs og suðurs frá bænum, beitiland til suðurs og austurs, svo til allt graslendi og að verulegu leyti vaxið mýrargróðri, ræktunar skilyrði eru mjög góð. Jörðin var fyrr meir klausturjörð, nú um alllangt skeið bændaeign. Íbúðarhús byggt 1927 og 1946, 329 m3. Fjós fyrir 15 gripi, mjólkurhús og haughús. Fjárhús yfir 200 fjár. Hlöður 520 m3. Vothey 50 m3. Geymslur 90 m3. Tún 30 ha. Veiðiréttur í Hópinu.

Norður-Hagi. Nýbýli úr Hagalandinu, stofnað 1972. Bærinn stendur í sama túni og Hagi, aðeins lítið lækjardrag milli húsa. Tún vestur og norður frá bænum og beitiland til norðurs og austurs að meiginhluta mýrlendim nú að verulegu leyti framræst, ræktunarskilyrði mjög góð. Íbúðarhús byggt 1972, 660 m3. Fjárhús yfir 500 fjár. Hlöður 100 m3. Tún 16,7 ha. Veiðiréttur í Hópinu.

Sveinsstaðahreppur; Haginn; Þingeyrarkirkja; Hópið; Rústarhólr; Hagatópt; Sveinsstaðir; Leytisás; Steinholt; Landamerkjasýki; Steinnes; Leysingjastaðir:

Ábúendur;

1901-1933- Jón Jónasson 17. mars 1857 - 22. júlí 1933. Var í Melrakkadal, Víðidalstungusókn, Hún. 1860. Vinnumaður á Kornsá, Undirfellssókn, Hún. 1880. Bóndi í Haga,Þingeyrasókn, A-Hún. 1930. Bóndi í Haga í Þingi. Kona hans; Sigurlaug Bjarnadóttir 23. júlí 1866 - 9. okt. 1953. Húsfreyja í Haga í Þingi.

1933- Bjarni Jónsson 14. maí 1906 - 25. apríl 1990. Bóndi í Haga, Sveinsstaðahr., A-Hún. Vinnumaður í Haga, Þingeyrasókn, A-Hún. 1930. Síðast bús. í Sveinsstaðahreppi. Kona hans; Jófríður Kristjánsdóttir 1. júní 1920 - 22. maí 1995. Var á Vöðlum I, Holtssókn, V-Ís. 1930. Húsfreyja í Haga, Sveinsstaðahr., A-Hún. 1957.

Norðurhagi.

1972- Ragnar Páll Bjarnason 3. feb. 1950. Var í Haga, Sveinsstaðahr., A-Hún. 1957. Fyrri kona hans; Sonja Guðríður Wium Brynjólfsdóttir 2. nóv. 1953. Var á Leifsstöðum, Bólstaðarhlíðarhr., A-Hún. 1957. Seinni kona hans; Þorbjörg Pálsdóttir 23. apríl 1968.

Landamerkjaskrá fyrir þjóðjörðinni Haga í Sveinstaðahreppi.

Að norðan, úr vörðu við keldudrag það, sem glöggsjeð er, skammt fyrir norðan Rústarhólana og liggur niður að Hópinu, og úr nefndri vörðu beint í aðra vörðu austur á Haganum, og þá sömu línu í stóra stein við veginn á ásnum, og er steinn sá merktur L, þá að austan frá nefndum steini beina línu suður í Hagatóptu að Sveinsstaðalandi, þá áfram, samhliða því, í vörðu á Leytisás, sem er hornvarða Haga- og Sveinsstaða-lands, að sunnan, frá þessari vörðu beina línu vestur til annarar vörðu suður undan Steinholtinu, og svo beint í mitt Landamerkjasýki, sem fellur í Hópið, er liggur fyrir Hagalandi að vestanverðu.

Hvammur, 8. maí 1889.
B.G. Blöndal umboðsmaður Þingeyrarklaustursjarða.
Bjarni Pálsson prestur í Steinnesi
Guðjón Jónsson eigandi Leysingjastaða.

Lesið upp á manntalsþingi að Sveinstöðum, hinn 29. maí 1890, og innfært í landamerkjabók Húnavatnssýslu, No. 175, fol. 91.

GPJ 2.4.2019

• Icelandic

Landamerkjabók Húnavatnssýslu, No. 175, fol. 91.
Húnaþing II bls 315 og 316