Miðhús í Þingi

Bærinn stendur á lágum brekkustalli austan í Vatnsdalhálsi lítið eitt ofar en Breiðabólsstaður og samtýnis við þann bæ. Tún liggja liggja aðallega niður til Flóðsins og liggur Vatnsdalsvegur vestari gegnum þau sem og á Breiðabólsstað, beitiland á hálsinum, sem þarna hefur lækkað mikið, ræktunarskilyrði góð. Jörðin er allgamalt býli, er byggð ú r Breiðabólsstaðarlandi, bændaeign nú um skeið, áður klausturjörð. Frá 1850 fram yfir 1880 sameiginlegur þingstaður Ás og Sveinsstaðahrepps. Íbúðarhús byggt 1938 og 1973, 590 m3. Fjós fyrir 29 gripi. Fjárhús yfir 450 fjár. Hlöður 1320 m3. Tún 26 ha. Veiðiréttur í Flóðið.

Sveinsstaðahreppur; Þing; Vatnsdalháls; Breiðabólsstaður; Flóðið; Vatnsdalsvegur; Bolaklettur; Kórbrík; Vatnsdalsfjall; Grundarkot; Hvíthóll; Gljúfurá; Kerlingarhnjúkur í Víðidalsfjall; Hólagilslækur; Skúlahóll; Steinkot; Umsvalir [Uppsalir]; Einarsholt; Umsvalkelda; Umsvalaás; Rjúpnaás; Miðhúsalækur; Þingeyrakirkja;

Ábúendur;

<1890 og 1920> Halldór Jón Jóhannes Pálsson 16. mars 1852 - 14. júní 1933. Kemur frá Hvammi í Laxárdal að Höskuldsstöðum í Höskuldsstaðasókn 1866. Var á Höskuldsstöðum, Höskuldsstaðarsókn, Hún. 1870. Húsbóndi í Miðhúsum, Þingeyrasókn, Hún. 1890. Hreppstjóri í Miðhúsum í Vatnsdal. Bóndi þar 1901. Var í Miðhúsum, Þingeyrasókn, A-Hún. 1930. Kona hans; Ingibjörg Guðrún Friðriksdóttir Schram 23. nóv. 1850 - 24. jan. 1925. Var á Kornsá, Undirfellssókn, Hún. 1860. Vinnukona á Höskuldsstöðum, Höskuldsstaðarsókn, Hún. 1870. Húsfreyja í Miðhúsum í Vatnsdal. Húsfreyja þar 1901.

Pétur Björn Ólason 31. október 1915 - 18. júlí 1998 Vinnumaður í Miðhúsi, Þingeyrasókn, A-Hún. 1930. Bóndi í Miðhúsum í Vatnsdal. Kona hans; Sigurborg Fanney Daníelsdóttir 3. desember 1913 - 2. október 1968 Var á Bergstöðum, Kirkjuhvammssókn, V-Hún. 1930. Var í Miðhúsum, Sveinsstaðahr., A-Hún. 1957. Húsfreyja þar. Síðast bús. í Sveinsstaðahreppi.

Magnús Pétursson 5. nóvember 1944 Bóndi Miðhúsum; kona hans; Erla Njálsdóttir 15. júlí 1937, þau skildu. Fyrri maður hennar; 15.6.1961; Kristinn Svavar Hreindal Pálsson 13. október 1939 - 7. janúar 1998 Síðast bús. í Svíþjóð. Kjörfaðir: Páll Gunnarsson, f. 6.10.1917. Þau skildu. Maki; Halla Jónína Reynisdóttir 2. febrúar 1956 Var á Jörfa, Þorkelshólshr., V-Hún. 1957

Merkjaskrá fyrir þjóðjörðinni Breiðabólstað og Miðhúsum í Sveinsstaðahreppi.

Að sunnan, úr Bolakletti sunnanverðum, austur í Kórbrík, og þaðan sömu stefnu í steina austur í flóðinu eða á eyrum þess. (Stefnulína þessi er frá Kórbrík í lítið sandgil í Vatnsdalsfjalli, norðanhallt við Grundarkots bæjartóptir). Frá Bolakletti aptur til suðvesturs yfir Hvíthól, og áfram sömu stefnu til Gljúfurár. (Merkjalína þessi stefnir, að sjá frá sunnanverðum Bolakletti, yfir Hvíthól á háa hnjúkinn í Víðidalsfjalli (Kerlingarhnjúk), sem næstur er fyrir sunnan Hólagilslæk). Að austan er merkjalína eptir flóðinu frá fyrnefndum steinum á Kórbríkur leiðinni, norður í miðju þeirrar línu, er dregin er milli landa frá Skúlahóli austur undir Steinkot, og eiga jarðirnar Breiðabólstaður og Miðhús austur að þessari langlínu, norður á móts við vörðu, sem hlaðin er sunnan Þórdísarlækjar, skammt frá flóðinu. Þá að norðan frá þessari vörðu, eins og Þórdísarlækur fellur, og beint frá honum efst að merkjalínu Umsvala suður undan Einarsholti, þá fram miðja Umsvalkeldu í keldudragið vestan undan Rjúpnaás, að vörðu á Umsvalaás, og þaðan vestur að Gljúfurá, sem takmarkar land jarðanna að vestan. Beitiland er óskipt milli Breiðabólstaðar og Miðhúsa, en tún og útheysslægjur hefur hvor jörðin út af fyrir sig. Breiðabólstaður á slægjur allar fyrir sunnan Miðhúsalæk og keldudrag fyrir neðan lestarveginn, eða skurð, sem nú er gjörður neðan frá flóðinu og upp í það, frá honum eða snidduhlaðinni vörðu á flóðbakkanum við skurðinn, beint austur að langlínunni á flóðinu. En Miðhús eiga slægju allar fyrir norðan þessi nefndu merki.

Hvammi, 8. maí 1890.
B.G.Blöndal, umboðsmaður Þ.kl.jarða.

Lesið upp á manntalsþingi að Sveinstöðum, hinn 29. maí 1890, og innfært í landamerkjabók Húnavatnssýslu, No. 173, fol. 90.

GPJ 3.4.2019

• Icelandic

Guðmundur Paul
Landamerkjabók Húnavatnssýslu, No. 173, fol. 90.
Húnaþing II bls 308