Finnstaðir og Háagerði eru samliggjandi jarðir. Þetta eru grasgefnar jarðir sem eiga land að sjó með góðri fjörubeit. Í landi þeirra er Finnstaðanes. Háagerði stendur í klettaás, sem mjög víðsýnt er af en Finnstaðir sunnar á skjólríkum stað. Núverandi (1975) eigandi Finnstaða er Höfðahreppur en Háagerði er í eigu Magnúsar Hjaltasonar á Bakka í Skagahreppi.

Skrá um landamerki Háagerðis og Finnsstaða.

Að norðan byrja merki á Gullhellisnöf við sjó, og er þar grjótvarða hlaðin á bakkanum, þaðan liggja merki beina sjónhending fyrir sunnan Hólkot, til vörðu, sem hlaðin er uppá Hólkotsbrekku, þaðan beina stefnu til vörðu á Hrossamýrarhrygg, þaðan ganga merki beina stefnu austur Brandaskarð, sunnan við Háagerðissel til vörðu á Selhrygg, þaðan liggja merki í Brandaskarðsgilbotn, þá ganga merki til vesturs norðan í fjallsbrúnum til klettastrýtu fyrir norðan Leynidali, fyrir norðan Borgarhaus, þaðan liggja merki beina stefnu yfir norðurenda Grenjadals, til Landamerkjagils, og þar sem það endar, sjer fyrir garði til sjóar, er stefnir norðanvert í Sandlækjarós. Í Finnstaðalandi á Spákonufell þrjá teiga fyrir utan Sandlæk út að Sandenda, og upp í flóann, eptir sem vörður vísa, ásamt öllum reka fyrir teigunum. Spákonuarfur er að nokkru leyti fyrir landi jarðanna, að undanteknum þeim hluta, sem liggur fyrir áður nefndum teigum, er heyra Spákonufelli til.

Árbakka í maí 1890.
J. Jósefsson, meðeigandi og í umboði meðeiganda minna að Háagerði
J. Jósefsson, Jens Jósefsson, Jóhann Jósefsson eigendur Spákonufells.
Árni Jónsson í umboði meðeiganda Harastaða.
Fyrir hönd ¾ Harastaða: Andrjes Árnason.
Jónann Jósefsson eigandi Finnsstaða.

Lesið upp á manntalsþingi að Viðvíki, hinn 23. maí 1891, og innfært í landamerkjabók Húnavatnssýslu, No. 252 fol. 131b.

Finnstunga er neðan Tunguhnjúks og stendur hátt í norðurausturhlíð Blöndudals. Útsýn er þar mikil og víð um Langadal og Ása. Bak Tunguhnjúks liggur Finnadalur fram til Skeggjastaðaskarðs. Land jarðarinnar liggur allt austur til Svartár. og eru víðlendar eyrar fram á móts við Bólstaðarhlíð. Ræktun er að mikluleyti valllendismóar og er mikill hluti túnsins í brattlendi. Íbúðarhús byggt 1942, 500 m3. Fjós fyri 14 gripi. Fjárhús yfir 300 fjár. Hlöður 920 m3. Tún 30 ha. Veiðiréttur í Blöndu og Svartá.
Í Tungu (Finnstungu) í Blöndudal var hálfkirkja „vel standandi" 1486.

Finnur Björgvin Frímannsson 23. ágúst 1909 - 18. mars 1969 Vetrarmaður á Sölvabakka, Holtastaðasókn, A-Hún. 1930. Heimili: Skagaströnd. Verkamaður í Höfðakaupstað, Höfðahr., Hún. Var á Höfðabrekku 1, Höfðakaupstað , A-Hún. 1957. Ókvæntur og barnlaus.

Kristian Finnur Björnsson Finnsson (1900-1940) Færeyjum

Finnur Eysteinsson 29. desember 1907 - 23. nóvember 1928 Var í Litla-Langadal, Breiðabólsstaðarsókn, Snæf. 1920. Ókvæntur.

Finnur Finnsson 29. september 1813 - 24. júlí 1893 Var á Litla-Bakka, Staðarbakkasókn, Hún. 1816. Var á Litlabakka, Staðarbakkasókn, Hún. 1835. Húsbóndi á Fremrifitjum, Staðarbakkasókn, Hún. 1860 og 1870. Ekkill í Finnmörk, Staðarbakkasókn, Hún. 1890. Einkabarn.

Finnur Guðmundsson 9. mars 1891 - 10. maí 1971 Var í Húsi Finns Guðmundssonar, Blönduóshr., A-Hún. 1957. Bóndi í Skrapatungu í Vindhælishr., A-Hún. Síðast bús. í Blönduóshreppi.

Finnur Jóhannsson 20. október 1947 Trésmiður Akranesi, Mosfellsbæ og Hveragerði.

Finnur Karl Björnsson 6. janúar 1952 Bóndi Köldukinn.

Finnur Frímann Kristjánsson var fæddur á Halldórsstöðum í Kinn í Suður-Þingeyjarsýslu 20. júní 1916. Var á Halldórsstöðum, Ljósavatnssókn, S-Þing. 1930. Kaupfélagsstjóri á Svalbarðseyri á Svalbarðsströnd og Húsavík, síðar forstöðumaður Safnahúss Þingeyinga á Húsavík. Síðast bús. á Húsavík.
Hann lést á Húsavík 16. júní 1994 tæplega 78 ára að aldri. Útför hans fór fram frá Húsavíkurkirkju 23.6.1994.

Finnur Magnússon 1. október 1898 - 29. september 1991 Kennari í Hólmavík 1930. Síðast bús. í Reykjavík.

Finnur Sveinsson 1. október 1887 - 12. nóvember 1982 Bóndi í Eskiholti, Borgarhr. Mýr., síðast bús. í Borgarhreppi.

Deildin var stofnuð 1939 og tilgangur hennar er að efla sjávarútveg á félagssvæðum, stuðla að vöruvöndun, bættri sölu sjávarafurða, aukinni samvinnu og félagsskap milli útgerðarmanna og sjómanna og yfir höfuð hverju því, sem vænta má að verði sjávarútgerðinni til hagsbóta og velfarnaðar. Að öðru leiti starfar deildin undir yfirumsjá Fiskifélags Íslands og samkvæmt lögum þess, eins og þau kunna að vera á hverjum tíma, enda njóti deildin allra hlunninda, er Fiskifélagið veitir deildum sínum út um landið. Fyrstu stjórn félagsins skipuðu: Bogi Björnsson formaður, Ingvar Jónsson ritari og Þórarinn Jónsson gjaldkeri.

Víðidalur er breiður, gróinn og búsældarlegur dalur í Vestur-Húnavatnssýslu, inn af Vesturhópi. Austan við dalinn er Víðidalsfjall, sem er hátt og tindótt en vestan að honum er Fitjárdalur og svo austurbrún Miðfjarðarháls, sem er fremur lágur og ávalur. Í norðanverðum dalnum eru gamlir sethjallar sem bera þess merki að á ísöld hafi sjór gengið langt inn í dalinn.

Um dalinn rennur Víðidalsá, sem á upptök á heiðunum suður af dalnum og er mikil laxveiðiá. Í hana fellur Fitjá, sem kemur upp á Stórasandi. Í miðjum dalnum rennur Víðidalsá í gljúfrum, 20-25 metra djúpum og hrikalegum. Kallast þau Kolugljúfur og eru sögð kennd við tröllkonuna Kolu.

Auðunn skökull Bjarnarson nam land í Víðidal fyrstur manna og bjó á Auðunarstöðum en helsta höfuðbólið í dalnum er þó Víðidalstunga, utarlega í tungunni milli Víðidalsár og Fitjár. Þar er kirkja sveitarinnar.

Jörðin Efri-Fitjar er gamalt býli og landmikið. Land jarðarinnar liggur meðfram Fitjá og er nú fremsta býli í byggð austan megin Fitjár.
Beitiland er ágætt og slægjur einnig allgóðar meðfram ánni.
Jörðinni var skipt við sölu árið 1935 í tvo jafna hluta og hélt hinn helmingur jarðarinnar gamla heitinu Neðri-Fitjar en sá hluti er nú í eyði.
Á Efri-Fitjum hófu þá búskap Kristín Ásmundsdóttir og Jóhannes Árnason og eru byggingar á jörðinni allar frá þeirra búskapartíð.

Veiðiréttur í Fitjará

Í Fitjárdrögum [FITJÁRDRÖG F. 65'00". 5621] er gangnamanna skáli Víðdælinga suðaustanvert við Arnarvatn. Fyrrum var stundum farin bein leið úr Vatnsdal til Kalmanstungu, þegar suður var farið. Innst í skálanum var pallur í mittishæð frá gólfi. Framan við hann var autt svæði, ætlað hestum og farangri. Skammt frá er Réttarvatn.

Fjóla Ágústa Ágústsdóttir, Langholtsvegi 114, lést að morgni hvítasunnudags, 59 ára að aldri eftir erfið veikindi síðustu fimm mánuði. Fram að þeim tíma hafði Fjóla verið mjög heilsuhraust og virtist í blóma lífsins. Að leiðarlokum er margs að minnast.

Fyrir tæpum 40 árum giftist hún Sigurði Runólfssyni hárskerameistara og eignuðust þau 5 börn. Þau eru Reynir, var kvæntur Jóhönnu Jóhannesdóttur sem er látin, Vilborg gift Birni Sigurðssyni, Jón kvæntur Ástu Maríu Þorkelsdóttur, Ágústa gift Guðmundi Óskarssyni og Ernu sem enn er í foreldrahúsum. Sigurður og Fjóla voru alla tíð mjög samrýnd og eyddu öllum frístundum saman. Veiðiferðir og ferðalög voru meðal fjölmargra áhugamála þeirra. Fjóla gaf bestu veiðimönnum ekkert eftir og margan stórlaxinn dró hún á land. Var í Reykjavík 1945. Síðast bús. í Reykjavík. Kjörforeldrar: Ágúst Jóhannesson, f. 26.9.1893 og Ágústa Vilhelmína Eyjólfsdóttir, f. 7.6.1892.

Jóhanna Fjóla Jónsdóttir 10.11.1947. Var í Asparlundi, Höfðahr., A-Hún. 1957.

Fjóla Jónsdóttir 11. maí 1979 Obstetrician / Gynecologist Herlev Hospital. Kaupmannahöfn

Fjóla Kristjánsdóttir 10. nóv. 1918 - 16. feb. 2014. Var á Lýtingsstöðum, Mælifellssókn, Skag. 1930. Var á Torfustöðum, Bólstaðarhlíðarhr., A-Hún. 1957.

Guðríður Fjóla Ólafsdóttir 19. janúar 1941 Var í Kambakoti, Vindhælishr., A-Hún. 1957. Hveragerði.

Fjóla Sigurðardóttir 25. september 1929 - 15. júní 1988 Var á Brekastíg 11 B, Vestmannaeyjum 1930. Síðast bús. í Höfðahreppi. Kjördóttir: Gréta Þorbjörg Jónsdóttir, f. 17.12.1954.

Fjóla var fædd á Blönduósi 23. ágúst 1927. Fjóla var í leyfi frá vinnu vegna veikinda er hún lést.

Fjóla Þorleifsdóttir 20. ágúst 1928 - 6. nóvember 2007 Var á Sólheimum, Auðkúlusókn, A-Hún. 1930. Ljósmóðir víða í Skagafirði, síðast á Sauðárkróki.
Fjóla og Olli bjuggu alla tíð á Sauðárkróki, fyrst í prestshúsinu við Kirkjutorg og síðar á Hólavegi 21.

Fjóla verður jarðsungin frá Sauðárkrókskirkju í dag og hefst athöfnin klukkan 11.

Skarphéðinn Ragnarsson og Unnar Agnarsson eiga Fjölritunarstofuna Gretti. Þeir keyptu fyrirtækið af Baldri Valgeirssyni árið 1986. Baldur var búinn að gefa út Gluggann áður, líklega með einhverjum hléum í nokkur ár. Ólafur Þorsteinsson hóf störf hjá Baldri árið 1985 og hefur starfað hjá Gretti nær óslitið allar götur síðan. Skarphéðinn, Ólafur og Unnar sáu um útgáfu Gluggans fram til ársins 2000 en þá flutti Unnar frá Blönduósi. Frá þeim tíma hafa þeir Skarphéðinn og Ólafur staðið að útgáfunni nánast að öllu leyti.
Í samtali við Húnahornið segir Skarphéðinn að starfsemi Grettis verði hætti af þeirra hálfu um áramótin og megi því segja að þeir séu að leggja fyrirtækið niður. Spurður hvað tæki við segist hann ekki getað svarað því. Hann vonar að einhver eða einhverjir sjái tækifæri í að halda starfsemi sem þessari áfram, en það verði bara að koma í ljós.
Skarphéðinn segir að það ætti ekki að koma neinum á óvart að útgáfa Gluggans standi ekki undir sér og það gangi auðvitað ekki til lengdar. Illa hafi gengið að hækka auglýsingaverð og hafi það varla hækkað sem nokkru nemi í mörg undanfarin ár, þrátt fyrir hækkanir á nánast öllum aðföngum.  
Fjölritunarstofan Grettir hefur, ásamt útgáfunni á Glugganum, séð um prentun á reikningum og eyðublöðum fyrir einstaklinga og fyrirtæki. Flestir eru viðskiptavinirnir úr Austur-Húnavatnssýslu en nokkrir koma frá höfuðborgarsvæðinu. Grettir hefur einnig séð um prentun á dreifibréfum og sölu á pappír.

Fyrir framan Fjós þrengist dalurinn og liggur vegurinn allhátt í hlíðinni yfir svonefnt Fjósaklif. Þar er flughengi niður í á, þar sem brattast er. Beint á móti Fjósaklifi eru Skeggsstaðir vestan árinnar. Þar bjuggu um miðja 18. öld hjónin Jón Jónsson (d. um 1785) og Björg Jónsdóttir. Þau áttu 14 börn og náðu 8 þeirra áttræðisaldri. Systkin þessi bjuggu á ýmsum jörðum í nágrenninu og er Skeggsstaðaætt mjög útbreidd um austurhreppa sýslunnar, Skagafjörð og víðar, svo víða, að jafnvel er talið að Ronald Reagan, fyrrum forseti Bandaríkja Norður-Ameríku, sé af Skeggsstaðaætt. Eftir miðja síðustu öld bjó á Skeggsstöðum Brynjólfur Brynjólfsson er síðar flutti til Vesturheims og dó þar háaldraður 1917. Sonur hans, Magnús Brynjólfsson ríkissaksóknari fyrir Pembina County í Norður-Dakota, var fyrsti Íslendingurinn, sem tók próf í lögum vestan hafs (d. 1911).

Fjósar eru í eigu Skógræktarsjóðs Austur Húnavatnssýslu og hefur verið í eyði frá 1970. Skógræktarhólf er í brekkunum neðan brúna. Landsnytjar eru lánaðar. Bærinn stendur í barði undir brattri hólbrekku, skammt norðan Fjósaklifs. Túnstæði er mjög takmarkað niðri í dalnum, en landkostir til fjalls. Voru um skeið beitarhús með nokkru túni ofan brúna, en jörðin á land um Fjósafjall til Arnarvatns og töluvert norður fyrir þjóðveg á Vatnsskarði. Fjárhús byggt 1951 221 m3. Fjós fyrir 18 gripi. Hlöður 440 m3. Geymslur 132 m3. Veiðiréttur í Svartá.

Flaga í Vatnsdal. Bærinn stendur á grundarræmu við brekkurætur gengt Hvammi. Undirlendi allmikið en mjög votlent

Flóðið er stöðuvatn við mynni Vatnsdals. Í það fellur Vatnsdalsá. Vatnsfallið skiptir um nafn við Flóðið og heitir Hnausakvísl þegar það fellur úr Flóðinu. Hnausakvísl er 7 km löng og fellur til sjávar í Húnaós. Vatnasvið við Flóðið er 993 m².

Flóðið varð til árið 1720 þegar Bjarnastaðaskriða féll.

Svæði 2 og 4 eru laxveiðisvæði. Veiðimenn á þeim svæðum búa í Flóðvangi, sem stendur sunnan við Vatnsdalshólana. Á svæði 2 er Hnausastrengur, gjöfulasti veiðistaður árinnar, og einn besti laxveiðihylur landsins. Svæði 5 er framan við Stekkjarfoss. Það er skemmtilegt veiðisvæði í gljúfri árinnar. Við það svæði er lítið veiðihús. Á aðal laxveiðisvæði árinnar eru leyfðar 7 stangir. Veiðar hefjast 18. júní og er jafnan fullbókað fram á haust. Oftast koma sömu veiðimenn ár eftir ár, og mörgum finnst ekkert sumar koma, komist þeir ekki til veiða í Vatnsdalsá.

Mikil náttúrurfegurð er í Vatnsdal. Þar er mikil saga og má geta þess að landnámsmaðurinn Ingimundur gamli var þar veginn vegna deilu um veiðirétt. Fyrsti innfæddi húnvetningurinn fæddist á hól skammt frá veiðihúsinu Flóðvangi. Til minningar um það hefur Húnvetningafélagið í Reykjavík gróðursett trjálund og nefnt Þórdísarlund eftir Þórdísi dóttur Ingimundar gamla.

Við Vatnsdalsá stendur veiðihúsið Flóðvangur og er nýbúið að leggja 80 milljónir króna í endurbætur á húsinu. "Menn vilja hafa það notalegt og að umhverfið sé þægilegt," segir Pétur K. Pétursson, en hann er leigutaki Vatnsdalsár ásamt frönskum athafnamanni. Rætt er við Pétur í ítarlegu viðtali í Viðskiptablaðinu í dag, um uppbyggingarstarfið við Vatnsdalsá, umdeildar seiðasleppingar, ástina á íslenska laxinum og eitt best geymda leyndarmálið í íslenskum stangveiðiheimi.
Í dag þykir það sjálfsagt mál að nýtísku veiðihús fylgi bestu ánum - og jafnvel þeim minni líka - og sú þjónusta sem veitt er veiðimönnum jafnast á við það sem í boði er á hótelum með fullri þjónustu. Það er af sem áður var en Ásgeir Ásgeirsson forseti sem veiddi oft við Vatnsdalsá lét sér nægja að gista í kofa við ána með fjórum kojum, vöskum og kolaofni og eldunargræjan var "kosangasapparat" og einn af veiðimönnunum sá um eldamennskuna!

Louice Florencé Guttormsson Taylor 1910 Selkirk. Winnipeg

Flosagjá er gjá á Þingvöllum sem rennur saman við Nikulásargjá fyrir enda hraunrima sem nefnist Spöngin. Flosagjá og Nikulásargjá eru því samtengdar.
Í Nikúlásargjá mun Nikulás Magnússon sýslumaður hafa drekkt sér 24. júlí 1742 en Nikulásargjá er líka stundum nefnd Nikulásarpyttur.

Eftir að menn tóku að kasta skildingum í Nikulásargjá af brúnni, sem er hluti af veginum að Þingvallabænum, kalla menn nú staðinn Peningagjá. Margir kannast aðeins við gjána undir því nafni en það er þó ekki eiginlegt nafn hennar.

Fnjóská er vatnsmikil dragá sem rennur norður endilangan Fnjóskadal og um Dalsmynni í Eyjafjörð, skammt frá Laufási. Hún er um 117 kílómetrar að lengd og telst vera níunda lengsta á landsins. Fyrr á tíð - á síðasta sumartímabili ísaldar - mun hún hafa fallið um Flateyjardalsheiði og til sjávar í Skjálfandaflóa. Þá hefur hún verið lengsta á Íslands. Enn má sjá gljúfur hennar á heiðinni.

Upptök árinnar eru í Bleiksmýrardrögum á Sprengisandi, inn af Bleiksmýrardal, sem er vestastur og lengstur dalanna þriggja sem liggja til suðurs inn af Fnjóskadal. Í botni Fnjóskadals rennur Bakkaá í hana en hún verður til skömmu innar þegar Hjaltadalsá og Timburvalladalsá, sem koma úr hinum dölunum tveimur, falla saman. Umhverfi árinnar þykir víða fallegt en hún rennur meðal annars um Vaglaskóg. Allnokkur lax- og silungsveiði er í ánni.

Elsta Fnjóskárbrúin var reist árið 1908 og var það fyrsta brú sem gerð var á Íslandi úr járnbentri steinsteypu og auk þess lengsta steinsteypubogabrú á Norðurlöndum á þeim tíma.

Fnjóskadalur (stundum kallaður Hnjóskadalur áður fyrr) er mikill dalur í Suður-Þingeyjarsýslu. Hann dregur nafn af svokölluðum „fnjóskum“, sem eru „þurrir og feysknir trjábútar“.

Dragáin Fnjóská rennur eftir honum. Í suðri endar hann í þrem eyðidölum, Bleiksmýrardal, Hjaltadal og Timburvalladal, en nyrst sveigir dalurinn til vesturs og heitir þar Dalsmynni. Um það rennur Fnjóská til sjávar í Eyjafirði. Norður af dalnum er Flateyjardalsheiði og norðan við hana Flateyjardalur. Vestan dalsins er Vaðlaheiði og vestan hennar er Svalbarðsströnd. Austan dalsins eru einnig fjöll, að norðan milli hans og Köldukinnar og að sunnan milli Fnjóskadals og Bárðardals. Þar á milli er Ljósavatnsskarð.

Hringvegurinn liggur um Fnjóskadal og til vesturs til Svalbarðsstrandar um Víkurskarð, nokkru sunnan við Dalsmynni, en til austurs um Ljósavatnsskarð til Bárðardals. Áður lá vegurinn til Eyjafjarðar upp úr dalnum á móts við Ljósavatnsskarð yfir Vaðlaheiði, en nú hafa verið gerð jarðgöng undir heiðina, Vaðlaheiðargöng.

Elsta Fnjóskárbrúin var reist árið 1908 og var það fyrsta brú sem gerð var á Íslandi úr járnbentri steinsteypu og auk þess lengsta steinsteypubogabrú á Norðurlöndum á þeim tíma.

Fornastaðir uppi á brekkunni, byggt af Jónasi Illugasyni frá Bröttuhlíð.

Fremsti bær í Vatnsdal. Stendur í brekkurótum syðst við Múlann mót vestri. Undirlendi mjó spilda með Vatnsdalsárgili, sem þarna er á þrotum. Spöl sunnar er Dalsfoss. Jörðin á stórt og gott beitiland. Áður fyrr átti jörðin allar Dalskvíslar. Heimagrafreitur stendur niður við gilið. Hjáleigan Dalkot var við túnið að norðan en Dalssel alllangt upp með Friðmundará og var þar búið fram undir aldamótin 1900. Hér sést sól ekki í 12 vikur. Íbúðarhús byggt 1949, 496 m3. Fjós fyrir 10 gripi. Fjárhús yfir 370 fjár. Hlaða 800 m3. Geymsla 84 m3. Tún 27 ha. Veiðiréttur í Vatnsdalsá.

"Brú smíðaði Karl Hinrik Árnason frá Víkum, á Fossá á Skaga fyrir Vegagerðina fyrir um það bil hálfri öld, sem enn er notuð. Ekki þurfti hann að nota nema tvo þriðju hluta þess fjár sem til verksins var ætlað og sýndi þar sig sem oft fyrr og síðar hversu verkhygginn hann var."

Fossar eru í Fossadal vestanverðu á fögrum og skjólstæðum stað. Gengt bænum blasir Lækjahlíð við, og yfir gnæfa Háutungur. Að norðan eru Þrengslin löngum viðsjálleið, og sunnan þeirra vegurinn uppá Eyvindarstaðarheiði. Framar í dalnum að austan er eyðibýlið Kóngsgarður, ræktað og byggt peningahúsum. Undirlendi er takmarkað og ræktun sundurslitin en landgæði. Áður kirkjujörð en varð bændaeign 1955. Íbúðarhús byggt 1957, 486 m3. Fjós fyri 4 gripi. Fjárhús yfir 630 fjár. Hesthús yfir 13 hross. Hlöður 2020 m3. Heimilisrafstöð frá 1930. Tún 42 ha. Veiðiréttur í Fossá.

Fossá, fellur fram af 20 m háu standbergi í Króksbjargi beint í sjó niður. Fossinn er tilkomumestur séður af sjó. Gatklettur sem Bjargastapi heitir ör­skammt norðan við fossinn

Framfarafélag Austur Húnavatnssýslu var stofnað 15. desember 1908 og voru fundarboðendur þeir Hafsteinn Pétursson, Jón Pálmason og Sigurgeir Björnsson. Félagið var lagt niður árið 1937 og breytt í Lands- og héraðsmálasamband.

Akrahreppur (áður kallaður Blönduhlíðarhreppur) er hreppur í Skagafjarðarsýslu, austan Héraðsvatna, norðan frá Kyrfisá allt suður að Hofsjökli. Aðalatvinnuvegur er landbúnaður og er ekkert þéttbýli í sveitarfélaginu. Grunnskóli hreppsins var á Stóru-Ökrum, í félagsheimilinu Héðinsminni, frá 1949 til 2006 en í kjölfar deilna milli foreldra og kennara var hann lagður niður og síðan hefur nemendum verið ekið í skóla í Varmahlíð.
Fjórar kirkjur eru í Akrahreppi, á Flugumýri, Miklabæ, Silfrastöðum og Ábæ í Austurdal en Ábæjarsókn er nú öll í eyði. Lítils háttar jarðhiti er á nokkrum stöðum í Akrahreppi og var byggð sundlaug á Víðivöllum árið 1938, sem ekki er lengur í notkun. Nú hefur hitaveita verið lögð frá Varmahlíð um mestalla Blönduhlíð.

Akrahreppur er sögusvið margra stórviðburða Sturlungaaldarinnar, þar á meðal Örlygsstaðabardaga (fjölmennustu orrustunnar), Haugsnesbardaga (mannskæðustu orrustunnar) og Flugumýrarbrennu.
Skáldið Hjálmar Jónsson bjó á ýmsum bæjum í Akrahreppi á 19. öld og er jafnan kenndur við einn þeirra, Bólu í Blönduhlíð.

Oddviti 1986-2002. Broddi Skagfjörð Björnsson 19. júlí 1939 á Framnesi.

„Grímr gjördist lögsgnari í Húnavazþíngi, son Gríms í Brokey Jónssonar lögsagnara, Össurarsonar, er sagt sá Össur kæmi af Lánganesi nordan, ok byggi sídan á Framnesi í Skagafirdi, en væri þareptir lögsagnari á Bardaströnd“ Árbækur Espólín

Marteinn biskup Einarsson flúði um Vindárdal 1548 frá Jóni biskupi Arasyni og Steini presti, sem gætti hans á Hólum í Hjaltadal. Marteinn náðist í tjaldi ofarlega í Vindárdal, þar sem heita Tjaldeyrar. Um flóttann orti Jón Arason:

“Biskup Marteinn brá sitt tal,
burt hljóp hann frá Steini,
vasaði fram á Vindárdal,
varð honum það að meini.”

Förum frá Framnesi austur að eyðibýlinu Axlarhaga og þaðan norðaustur í Vindárdal. Dalurinn er í krókum, en höfuðátt hans er austur. Við höldum okkar norðan Vindár. Innan við grjóthrunið Hólana eru sléttar Tjaldeyrar og fyrir ofan þær eru Bungur. Þar förum við bratt upp úr dalnum. Þegar upp er komið, í 1040 metra hæð, beygjum við spöl til suðurs til að komast fyrir kletta. Þar náum við greiðri en brattri leið norðaustur í Hvammsdal. Eftir dalnum er bein leið að Hvammi.

Wilfred Franklin Gillies 23.8.1892 Suður Cypres – 5.9.1944 St Boniface Winnipeg

Frederick William Gillies 15.2.1898 Selkirk

Frederikke Caroline Riis 20.7.1830 Húsfreyja á Ísafirði. Verslunarfulltrúafrú í Ísafjarðarkaupstað, Ís. 1870. Húsfreyja á Ísafirði, Eyrarsókn í Skutulsfirði, N-Ís. 1880. F. á Rönne á Bornholm.

Byggingar standa ofarlega í allbröttu túni. Bærinn er kendur til gils, ekki mikils, skammt norðan bæjar. Jörðin er ekki landmikil, graslendi frjótt og ræktunarmöguleikar sæmilegir. Um Fremstagil lækkar Langadalsfjall til norðurs. Hvassar klettabrúnir þess og hnjúkar jafnast þaðan út í ávalar bungur og fikrar gróður sig því ofar, sem utar dregur.
Íbúðarhúsbyggt 1914, viðbyggt 1955 og aftur 1973 alls 559 m3. Fjós fyrir 16 gripi. Fjárhús fyrir 220 fjár. Hesthús fyrir 14 hross. Hlöður 740 m3. Votheysgeymslur 110 m3..
Tún 28,2 ha. Veiðiréttur í Blöndu.

Freyja Kristín Kristófersdóttir 21. september 1924 Var á Brekastíg 26, Vestmannaeyjum 1930. Reykjavík. Kvsk á Blönduósi 1942-1943.
Sögð heita Freyja Kristjánsdóttir á Skólaspjaldi

Freyja Þorsteinsdóttir frá Efstakoti Fædd 9. ágúst 1916 Dáin 7. janúar 1990 Frænka okkar Freyja Þorsteinsdóttir var jarðsett á Dalvík 13. janúar síðastliðinn. Hún fæddist á Hamri í Svarfaðardal 9. ágúst 1916 og fluttist með foreldrum sínum í Efstakot á Dalvík árið 1918. Foreldrar hennar voru Kristrún Friðbjörnsdóttir frá Efstakoti og Þorsteinn Antonsson útvegsbóndi frá Hamri. Freyja giftist 12. júlí 1952 Sigurði Hjartarsyni múrara ættuðum frá Auðsholtshjáleigu í Ölfusi.

Börn þeirra eru: Kristrún Júlía fædd 1950, kennari á Hauganesi, maki Hilmir Sigurðsson útgerðarmaður. Þau eiga 3 börn, Guðrúnu, Freyju og Trausta.

Hjörtur fæddur 1953, húsasmiður á Akureyri, maki Sigrún Stefánsdóttir. Þau eiga 4 börn, Sigurð, Katrínu Maríu, Kristrúnu Sigríði og Stefán.

Þorsteinn Óli fæddur 1957, tæknifræðingur í Reykjavík, maki Ingileif Sigfúsdóttir hjúkrunarfræðingur. Þau eiga tvo syni, Arnar og Bjarka.

Freysteinn Gunnarsson 28. ágúst 1892 - 27. júní 1976 Var í Reykjavík 1910.

Freysteinn Þorbergsson 12. maí 1931 - 23. október 1974 Útgerðarmaður og skákmeistari á Siglufirði og í Hafnarfirði. Síðast bús. í Hafnarfirði.
Hann fékk heilablóðfall og lézt I Landspltalanum. Freysteinn var 43 ára gamall. Hann var fyrir löngu orðinn þjóðkunnur sem skákmaður og einnig sem mikill tungumálamaður. Freysteinn varð íslandsmeistari í skák 1960 og Norðurlandameistari 1965. Hann var fimm sinnum valinn I ólymplulið íslands í skák. Undanfarin ár var Freysteinn útgerðarmaður á Suðurnesjum.

Fríða Guðmundsdóttir 17. mars 1905 - 3. maí 1987 Var í Reykjavík 1910. Skrifstofustúlka á Smiðjustíg 11, Reykjavík 1930. Húsfreyja í Reykjavík 1945.
Síðustu æviár sín var hún á elliheimilinu Grund og fékk þar frábæra umönnun.

Var í Skála, Höfðahr., A-Hún. 1957.

Fríða Sigurbjörnsdóttir 10. nóvember 1893 - 17. desember 1976 Ljósmóðir á Sporði, Víðidalstungusókn, V-Hún. 1930. Ljósmóðir. Síðast bús. í Þorkelshólshreppi.

Fríða Stefánsdóttir Eyfjörð fæddist í Ólafsvík 8. febrúar 1915. Hún lést á Sjúkrahúsi Reykjavíkur 23. mars 1998. Hún hét fullu nafni Jónfríður Kristjana Stefánsdóttir.
Útför Fríðu fer fram frá Dómkirkjunni í Reykjavík í dag og hefst athöfnin klukkan 13.30.

Friðbjörn Snorri Hrafnsson 21. mars 1994

Finnur Friðbjörn Traustason 3. febrúar 1889 - 23. desember 1974 Hreppstjóri og ráðsmaður á Hólum, Hólasókn, Skag. 1930. Bóndi á Hofi í Hjaltadal, Skag. Síðar húsmaður á Hólum í sömu sveit. Hreppstjóri og oddviti Hólahrepps. Síðast bús. í Hólahreppi. Ókvæntur og barnlaus.

Friðborg Friðriksdóttir 26. september 1868 - 22. júní 1959 Húsfreyja Búðardal 1910, í Borgarnesi 1930. Veitingakona. Kvsk á Ytri-Ey 1890.

Byggt í upphafi fyrir starfsmenn Möllersverslunar, síðar bjuggu þar læknar þar til læknabústaðurinn var byggður.
Byggt 1896 af Jóhanni Möller kaupmanni. Þar bjó fyrst Jón Egilsson bókari hans, en 1897 er einnig kominn í húsið Sigurður Pálsson læknir. Læknar bjuggu svo í húsinu næstu árin.
Björn Blöndal 1899-1901 og Júlíus Halldórsson 1901-1903, en þá hafði hann byggt hús yfir sig, sem eftir það var bústaður lækna í meira en hálfa öld.
Eftir að Jóhann Möller dó keypti Friðfinnur húsið af ekkju Möllers.

Friðfinnur Jónas Jónsson 28. mars 1873 - 16. september 1955 Hreppstjóri og smiður Friðfinnshúsi á Blönduósi 1904-1947 og í Reykjavík.

Friðfríður Jóhannsdóttir var fædd 20. mars 1923 að Brekkukoti (nú Laufskálum)
Var í Brekkukoti [nú Laufskálar], Hólasókn, Skag. 1930. Húsfreyja í Hlíð í Hjaltadal og á Sauðárkróki. Síðast bús. á Sauðárkróki. Kvsk á Blönduósi 1943-1944.

Friðgeir Ágúst Eiríksson 4. ágúst 1904 - 17. maí 1985 Vinnumaður á Sviðningi, Hofssókn, A-Hún. 1930. Bóndi og vitavörður á Sviðningi á Skaga, Hún.

Friðgeir Jónasson 13. nóvember 1969 bóndi Blöndudalshólum.

Friðgeir Kemp fæddist á Illugastöðum í Laxárdal í Skagafirði 29. apríl 1917. Hann lést á sjúkrahúsinu á Sauðárkróki 2. september síðastliðinn.
Friðgeir ólst upp á Illugastöðum í Laxárdal og stóð fyrir búi með foreldrum sínum þegar hann hafði aldur til. Árið 1950 hófu þau Elsa búskap í Efri-Lækjardal á Refasveit í Austur-Húnavatnssýslu og sátu þá jörð til 1993 að þau brugðu búi og fluttust til Sauðárkróks.
Útför Friðgeirs var gerð frá Sauðárkrókskirkju 10. september.

Friðgeir Snæbjörnsson 6. júní 1947. Verkstjóri í Reykjavík,

Friðjón Guðmundsson, málari, fæddist í Miðgarði, Kolbeinsstaðahreppi, Snæfellsnesi 27. júlí 1916. Landbúnaðarstörf voru honum kær þótt málarastarfið yrði hans ævistarf.

Hann lést á Heilbrigðisstofnuninni á Blönduósi 7. janúar 2001.
Útför Friðjóns fór fram frá Blönduóskirkju 13.1.2001 og hófst athöfnin klukkan 14.

Friðmundarvötn eru á Auðkúluheiði í A-Húnavatnssýslu. Austara-Friðmundarvatn er 2,36 km², dýpst 1,15 m og í 436 m hæð yfir sjó. Það er svo mikil leðja í botni þess, að það má heita óvætt.

Vestara-Friðmundarvatn er 6 km², dýpst 2,25 m og í 441 m hæð yfir sjó. Mjóilækur rennur í það að sunnan en Fiskilækur úr því til Gilsvatns í norðri og síðan í Blöndu. Í vötnunum er bæði bleikja og urriði. Fyrrum veiddist mikið í net. Kjalvegur liggur rétt við vötnin. Vegalengdin frá Reykjavík er u.þ.b. 240 km um Kjöl og 60 km frá Blönduósi.

Friðrik Arnbjörnsson 15. september 1881 - 1. júlí 1948 Bóndi á Stóra-Ósi í Miðfirði frá 1905 til æviloka

Friðrik Ásgrímsson 26. mars 1909 - 22. september 1930 Hrappstöðum

Friðrik Bjarnason 13. október 1861 - 20. október 1937 Hreppstjóri. Bóndi á Mýrum í Dýrafirði. Fyrrverandi óðalsbóndi á Tjarnargötu 10 a, Reykjavík 1930. Ekkill.

Friðrik Brynjólfsson 24. desember 1923 - 18. ágúst 2008 Var í Laufási, Þingeyri 1930.
Friðrik ólst upp á Þingeyri til 10 ára aldurs er fjölskyldan fluttist að Klukkulandi í Núpsdal í Mýrarhreppi, Vestur-Ísafjarðarsýslu.
Eftir að Friðrik hætti atvinnumennsku í húsasmíðunum og flutti að Austurhlíð átti búskapurinn hug hans allan. Þegar þau Friðrik og Guðríður hættu búskap árið 1988 og seldu jörðina syni sínum tóku þau undan sem séreign um 7 hektara lands. Árið 1992 reistu þau sér notalegt timburhús og stofnuðu löglegt iðnaðarbýli til trjáræktar. Síðustu veturna meðan Friðrik hélt heilsu lærði hann að binda bækur og hafði það áhugamál sér til dægrastyttingar. Heilsu Friðriks hrakaði ört síðasta árið sem hann lifði. Hann lagðist inn á sjúkradeild Heilbrigðisstofnunarinnar á Blönduósi þann 21. apríl og átti þaðan ekki afturkvæmt. Í veikindunum var áberandi að Friðrik hélt húmornum og glettninni, sem var svo einkennandi fyrir hann, allt fram á síðasta dag.
Útför Friðriks Brynjólfssonar var gerð frá Bergsstaðakirkju 30. ágúst 2008.