Eyvindarstaðir í Blöndudal

Eyvindarstaðir er landnámsjörð Eyvindar sörkvis og stendur á háum bakka Blöndu andspænis hinu klettótta Gilsárgili, alllanga bæjarleið norðan Bollastaða. Tún er þar gott og samfellt út og suður frá bænum, að mestu ræktun af framframræslu. Landgott er á Eyvindarstaðahálsi og landið ágætlega gróið. Fyrrum fylgdi Eyvindarstaðaheiði jörðinni og greiddu menn Eyvindarstaðabónda lambtolla fyrir afnotin. Íbúðarhús byggt 1950, 570 m3. Fjós fyri 7 gripi. Fjárhús yfir 280 fjár. Hesthús yfir 10 hross. Hlaða 300 m3. Tún 24 ha. Veiðiréttur í Blöndu.

Bólstaðahlíðarhreppur; Gilsárgil; Bollastaðir; Eyvindarstaðaháls; Eyvindarstaðaheiði; Brandsstaðir; Austurhlíð [Eyvindarstaðagerði]; Blanda; Járnhryggur; Sauðabunga; Þrælsfell; Ólafsvarða; Gróf; Grófarhólmi; Barkarstaðir; Brandsstaðir; Guðlaugsstaðabæjarlækjarós; Sjónarþúfa; Nautastallur; Dæld; Torfustaðaland; Bollastaðir; Hólastóll; Þverárdalur; Rugludalur; Blöndugil; Guðlaugsstaðir; Jökulgerði; Þrætugerði;

Bænahús segja menn í gamallri tíð að hjer muni verið hafa, en af er það fallið fyri manna minni og sjást þess nú engin merki.
Jarðardýrleiki xl € og so tíundast presti og fátækum. Eigandinn biskupsstóllinn Hólar í Hjaltadal. Ábúandinn ekkjan Guðríður Jónsdóttir.
Landskuld ii € . Betalast með voð vaðmáls, hitt í landaurum þar heima. Leigukúgildi vi. Leigur betalast í smjöri að Þverárdal hjer í hrepp. Kvaðir öngvar.
Kvikfje viii kýr, i kvíga tvævetur, ii naut fjögra vetra, i veturgamalt, ic ær, xxxvii sauðir tvævetrir og eldri, lviii veturgamlir, margt af þessu geldfje óvíst, lxxxvi lömb, xiii hestar, vi hross,
i foli veturgamall, iii únghryssur, ii fyl. Tólf af þessum hrossum óvís. Fóðrast kann vi kýr, ii úngneyti, lxx ær, xl lömb, iiii hestar. Hinu sem yfir hefur, fje og hestum, er einúngis vogað á útigáng. Afrjett engin nema Eyvindastaðaheiði, sem liggur fram frá Ugludalslandi fyri austan Blöndu. Hjer hefur áður afrjettur verið, vide Selland ut supra.
Skóg á jörðin i nefndri afrjett við Blöndugil, hefur áður verið nægur til kolgjörðar en er nú gjöreyddur, nema hvað fauska og fornviði má saman tína þar sem skógurinn hefur áður verið. Torfrista og stúnga næg. Móskurður til eldíngar hefur verið, meinast nú eytt og brúkast þvi ei. Hrísrif bjarglegt til eldiviðar á Blöndugili, en brúkast sjaldan sökum vegalengdar og torfærna, sem á leiðinni eru. Fuglveiði hefur áður verið á Eyvindastaðaheiði, sjerdeilis af álftum, hefur ei brúkast í margt ár; því aflögð að ekki þótti aflast. Grasatekja næg á sömu heiði og brúkast árlega, og brúkast þessi grasatekja bæði að norðan og sunnan í leyfisleysi, og þiggur ábúandi hjer öngvan toll fyri, og so hefur verið um lángan aldur.
Selstöðu á jörðin sem brúkast hefur í gamallri tíð á Eyvindastaðaheiði, sem ekki hefur brúkast í manna minni sökum óbærilegrar vegalengdar. Túninu grandar smálækir, sem renna úr brattlendi og bera á völlinn leir og sand til stórskaða, sem verður við varðað. Enginu grandar í sama máta smálækir úr brattlendi, sem bera á þær grjót og leir til stórskaða, sem áeykst árlega. Beit þiggur áhúandi oftlega á vetur af Guðlaugsstöðum og kemur þar í mót óákveðin greiðasemi en ei viss tollur. Hætt er kvikfje fyrir afætudýjum og holgryfjulækjum, og verður oft mein að. Vatnsból bregst um vetur, og er þá mjög erfitt vatns að afla niður í Blöndu, og þegar vakað er á ánni þynnist ísinn kríngum vökina, og hafa þessvegna stundum naut dáið, þá ísinn hefur niður dottið.

Jökulgerði heitir eitt örnefni hjer í landinu, sem líklegt þykir að einhvörn tíma hafi bygt verið, því þar sjást enn tóftarústir og hjer og hvar deili til túngarðsleifa, sem þó er mjög úppblásið. það þykjast menn heyrt hafa, að um þetta landspláts hafi einhvört sinn fyri manna minni þræta verið millum jarðanna Eyvindastaða og Bollastaða, en það menn lengst til minnast, þá hefur þetta land verið eignað Eyvindastöðum og þaðan brúkað. Ekki má hjer aftur byggja, því túnstæði er ei annað en melholt og grámosamóar, og land er mestalt holt og melar.

Þrætugierde, fornt eyðibýli hjer í landinu og sjást ennþá ljóslega byggíngamerki, bæði af fornum tóftarústum og túngarðsleifum, en enginn man að hjer hafi bygð verið, en stekkur hefur hjer verið jafnlega hafður frá heimajörðunni, sem þó er fyri nokkrum árum aflagður sökum vegalengdar. Ekki má hjer aftur byggja nema heimajörðunni til meins og skaða,
því slægjur þær, sem brúkast jafnlega frá heimajörðunni, liggja í grend við þessar girðíngar, þó örðugt þyki þángað að sækja.

Ábúendur;

1890 og 1920> Jón Jónsson 21. október 1869 - 23. janúar 1962 Bóndi á Eyvindarstöðum, Bergstaðasókn, A-Hún. 1930. Bóndi á Eyvindarstöðum í Blöndudal, A-Hún. Kona Jóns var Ósk Gísladóttir 28. júní 1868 - 29. janúar 1956 Var á Eyvindarstöðum, Blöndudalshólasókn, Hún. 1870. Húsfreyja á Eyvindarstöðum í Blöndudal. Ekkja Fornastöðum á Blönduósi.

<1930-1937- Gísli Blöndal Jónsson 15. maí 1902 - 7. jan. 1937. Bóndi á Eyvindarstöðum í Blöndudal, A-Hún. Bóndi þar 1930. Kona hans; Friðbjörg Ísaksdóttir 25. júlí 1903 - 15. mars 1972. Vinnukona í Flögu, Undirfellssókn, A-Hún. 1930. Var á Hrísum, Þorkelshólshr., V-Hún. 1957. Húsfreyja á Hrísum. Síðast bús. í Hvammstangahreppi.

Frá 1972- Ísgerður Árnadóttir 25. apríl 1939 - 29. september 2006 Eyvindarstöðum, maður hennar 8.9.1960; Bjarni Steingrímur Sigurðsson 2. júní 1937 - 15. júní 2011 Var á Barkarstöðum, Bólstaðarhlíðarhr., A-Hún. 1957. Búfræðingur og bóndi á á Eyvindarstöðum í Blöndudal, síðast bús. á Blönduósi.

GPJ 11.3.2019

• Icelandic

Guðmundur Paul
Jarðabók Páls Vidalín 1708. Bls 355
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 137, fol. 71b. 19.5.1890
Landamerkjabók Húnavatnssýslu Nr. 302. fol. 164, 7.6.1921
Húnaþing II bls 208