Bjarni Sigurðsson (1937-2011) Barkarstöðum

• Bjarni Steingrímur Sigurðsson (1937-2011) Barkarstöðum

Bjarni Steingrímur Sigurðsson fæddist á Barkarstöðum í Svartárdal, A-Hún., 2. júní 1937. Hann lést á heimili sínu á Blönduósi 15. júní 2011.
Bjarni og Ísgerður hófu búskap á Barkarstöðum 1960 og bjuggu þar nokkur ár á móti Þorkeli, bróður hans en síðan á Eyvindarstöðum í Blöndudal. Þar var blandaður búskapur, kúabúið sérlega afurðagott. Árið 1992 slitu hjónin samvistum og fluttu þá bæði til Blönduóss.
Útför Bjarna fór fram í kyrrþey frá Garðakirkju á Álftanesi 8. júlí 2011 og hvílir hann þar við hlið fyrrverandi eiginkonu sinnar, Ísgerðar.

Barkarstaðir í Svartárdal A-Hún: Eyvindarstaðir í Blöndudal: Blönduós:

Bjarni stundaði nám við Bændaskólann á Hólum 1956-1958 og útskrifaðist þaðan sem búfræðingur.

Bóndi Barkarstöðum, Bólstaðarhlíðarhr., A-Hún. 1960. Búfræðingur og bóndi á á Eyvindarstöðum í Blöndudal, síðast bús. á Blönduósi.
Bjarni starfaði mikið fyrir Ungmennafélag Bólstaðarhlíðarhrepps, sérstaklega í félagsheimilinu Húnaveri. Hann söng frá unga aldri með Karlakór Bólstaðarhlíðarhrepps og síðar einnig með Samkórnum Björk, Kór eldri borgara og kórum Bergsstaða-, Bólstaðarhlíðar- og Holtastaðakirkna.

Foreldrar hans voru Halldóra Bjarnadóttir frá Hallfreðarstöðum, N-Múl., húsfreyja á Barkarstöðum, f. 26.8. 1903, d. 6.8. 1960 og Sigurður Þorkelsson, bóndi á Barkarstöðum, f. 27.3. 1888, d. 12.12. 1976.
Systkini:
1) Drengur f. 10.10. 1929, d. 12.11. 1929,
2) Þorkell f. 23.3. 1933 d. 7.10. 2008. Bóndi á Barkarstöðum í Svartárdal, A-Hún. Var á Barkarstöðum, Bólstaðarhlíðarhr., A-Hún. 1957.
3) Engilráð Margrét f. 15.11. 1941. Var á Barkarstöðum, Bólstaðarhlíðarhr., A-Hún. 1957.
Bjarni kvæntist hinn 8.9. 1960 Ísgerði Árnadóttur frá Þverárdal, Bólstaðarhlíðarhreppi, f. 25.4. 1939, d. 29.9. 2006. Foreldrar hennar voru Margrét Elísabet Jóhannesdóttir, húsfreyja í Þverárdal, f. 23.5. 1916, d. 13.10. 2000 og Árni Gunnarsson, bóndi í Þverárdal, f. 31.5. 1911, d. 16.6. 1991.
Börn Bjarna og Ísgerðar eru:
1) Jóhannes Ingi, f. 5.7. 1961, Eiginkona hans er Eleuteria Talledo Bjarnason, f. 2.10. 1976. Börn þeirra: a) Bjarni Már f. 11.11. 2008, b) Kristján Ingi f. 21.7. 2010.
2) Árni f. 13.6. 1963.
3) Halldóra f. 6.11. 1969. F.m.: Ragnar Björnsson, f. 30.4. 1970. Börn þeirra: a) Andri Björn f. 18.9. 1992, b) Bjarni Gunnar f. 11.8. 1996, c) Ísgerður Sandra f. 1.2. 2000, d) Ágústa f. 10.12. 2001. Halldóra og Ragnar skildu. S.m.: Guðni Kristmundsson f. 30.7. 1960. Barn þeirra: Ásta Margrét f. 25.2. 2005.

GPJ 13.5.2017

• Icelandic

®GPJ ættfræði
Íslendingabók
mbl 15.9.2011. https://www.mbl.is/greinasafn/grein/1392604/?item_num=0&searchid=d67f58df6628fdcd4c8cb413ea3102f4dfa14eb9