Ingimar Ástvaldur Magnússon fæddist á Ytri-Hofdölum í Viðvíkursveit í Skagafirði 13. október 1907. Hann lést á hjúkrunar- og dvalarheimilinu Holtsbúð í Garðabæ 24. júní síðastliðinn. Ingimar fluttist til Reykjavíkur 1930 og hóf skömmu síðar húsasmíðanám hjá Zóphoníasi Snorrasyni, húsasmíðameistara. Hann lauk prófi við Iðnskólann í Reykjavík 1933, sveinsprófi 1935 og fékk húsasmíðaréttindi í Reykjavík 1939.
Ingimar starfaði um árabil við húsasmíðar í þjónustu ýmissa aðila, lengst af hjá Ingólfi B. Guðmundssyni, sem í marga áratugi rak Sögina hf. í Reykjavík. Á sjötta áratugnum stofnaði Ingimar ásamt öðrum byggingarfélagið Afl sf., sem rak öfluga byggingarstarfsemi í Reykjavík í hartnær tvo áratugi.
Útför Ingimars verður gerð frá Grafarvogskirkju í dag og hefst athöfnin klukkan 13.30.

Ingileif Sæmundsdóttir, Kleifum Fædd 2. júní 1902 Dáin 7. júní 1993. Á sínum yngri árum tók Ingileif virkan þátt í félagslífi. Ungmennafélagið hafði barnaball sem við kölluðum svo, en nú heitir jólatrésskemmtun, á hverjum vetri eftir jólin. Þá skemmtu félagarnir okkur krökkunum og dönsuðu við okkur. Ingileif vildi fá að kenna mér marsúka.
Ingileif var glæsileg kona og bar sig ákaflega vel, enda vakti hún alls staðar athygli. Og hún var það alveg fram á síðustu ár. Hún var svo heppin að geta verið heima og haft heimili með aðstoð Magnúsar sonar síns alveg fram á síðustu mánuði er hún lagðist inn á sjúkradeild Héraðshælis Húnvetninga, sem nú má ekki heita það lengur heldur héraðsspítali. Þar dó hún sl. mánudag.
Húsfreyja á Blönduósi 1930. Var á Kleifum, Blönduóshr., A-Hún. 1957. Síðast bús. í Blönduóshreppi.

Inga fæddist 13. júlí 1903 að Árnesi á Ströndum, en flutti ung með foreldrum sínum, Daníel Gestssyni og Valgerði Níelsdóttur, í Vestur-Húnavatnssýslu. Hún varí vist með foreldrum sínum á ýmsum bæjum uns hún fór í kaupavinnu um eða uppúr fermingu.
Þegar börnin uxu úr grasi byggðu þau Inga og Sigurður nýtt hús niðri í þorpinu 1947 og heitir það Sólland, sem tónlistarskólinn er starfræktur nú. Þau fluttu í húsið 1948. Húsið er byggt á sólríkum stað.

Inga tók til að rækta tré, blóm og garðávexti í nýja garðinum sínum og dafnaði þetta allt vel hjá henni. Síðasta húsið sem þau fluttu í á Hvammstanga var Breiðagerði og þaðan lá leiðin til Reykjavíkur haustið 1967.

Inga og Sigurður höfðu það fyrir reglu eftir að þau eignuðust tengdabörn og barnabörn að bjóða öllum í hádegismat á aðfangadag jóla, það má því með sanni segja að jólin hafi byrjað snemma dags hjá okkur og var alltaf mikil tilhlökkun að koma til þeirra. Sigurður hjálpaði henni alltaf við að ganga frá í eldhúsinu á eftir matnum. Ég man alltaf eftir því þegar ég kom fyrst í heimsókn til þeirra, þá unglingsstúlka nýflutt frá Þórshöfn, hvað mér þótti þetta skrítið að sjá karlmann við uppvaskið en svo að sjálfsögðu vandist þetta og til allrar lukku erfðu drengirnir þetta frá honum og margt fleira gott.

Inga kom á Sjúkrahúsið á Hvammstanga 22. október 1983 og eru því orðin nærri því sjö ár sem hún hefur verið sjúklingur hér, áður var hún búin að dvelja á elliheimilinu Grund í Reykjavík.

Húsfreyja á Blönduósi 1930. Var á Sólvöllum, Blönduóshr., A-Hún. 1957. Síðast bús. í Blönduóshreppi.

Ingibjörg Vigfúsdóttir 24. des. 1872 - 17. okt. 1944. Húsfreyja á Akureyri. frá Bjarghúsum í Vesturhópi.

Árný Ingibjörg Tómasdóttir 22. ágúst 1891 - 18. september 1952 Kennari á Reyðarvatni, Oddasókn, Rang. 1930.

Skuld, Hafnarbraut 3 Blönduósi

Húsfreyja á Ísafirði. Nefnd Ingibjörg Þóra í 1910. Húsfreyja á Ísafirði 1930.

Ingibjörg Þorsteinsdóttir fæddist á Þverhamri í Breiðdal 23. apríl 1917. Hún lést á Elli- og hjúkrunarheimilinu Grund 25. mars síðastliðinn. Ingibjörg verður jarðsungin í dag frá Laugarneskirkju og hefst athöfnin klukkan 15.

Ingibjörg Jóhanna Þorsteinsdóttir 13. okt. 1878 - 4. júní 1931. Var á Geithálsi, Mosfellshreppi, Kjós. 1910. Ráðskona í Hraunprýði , Reykjavík 1930. „Komst upp en giftist ekki“, segir í Kjósarmönnum.

Ingibjörg Þorleifsdóttir andaðist þann 30. september 1980 á Héraðshælinu á Blönduósi. Hún var fædd 14. september 1891 að Stóra-Búrfelli í Svínadal.
Hún var af seinna hjónabandi föður síns, er átti alls 15 börn með konum sínum. Honum búnaðist vel og var auðsæll, og var börnum hans haldið mjög til vinnu, og ólust þau upp við reglusemi og góða hagi að þeirra tíma hætti. Ingibjörg varð snemma þrekmikil til starfa og áhugasöm og ætlaði sér að verða sjálfstæð í lífinu. Hún var það alla tíð. Ingibjörg Þorleifsdóttir fór á Hússtjórnarskólann í Reykjavík, og síðan lærði hún karlmannafatasaum á námskeiði á Sauðárkróki.

Ingibjörg Þorláksdóttir 6.9.1947 Salvogum, Dýrafirði. Kvsk á Blönduósi 1968-1969.

Var á Bogabraut 1, Höfðakaupstað , A-Hún. 1957.

Húsfreyja á Blönduósi 1930. Var í Tilraun, Blönduóshr., A-Hún. 1957. Síðast bús. í Blönduóshreppi.

Ingibjörg Jóninna Þórarinsdóttir fæddist á Hjaltabakka í Torfalækjarhreppi hinn 17. október 1903. Hún lést í Hátúni 10b hinn 7. nóv. Útför Ingibjargar var gerð frá Árbæjarkirkju.

Vinnukona í Miðhópi. Forsæludal 1855, tökubarn Helgavatni 1860 og 1880. Húskona Hjallalandi 1890. Aðkomandi Sveinsstöðum 1910

Var í Kaupfélagsstjórahúsinu, Blönduóshr., A-Hún. 1957.

Húsfreyja í Stapaseli, Stafholtssókn, Mýr. 1930. Húsfreyja að Flóðatanga í Stafholtst., Mýr.,síðast bús. í Stafholtstungnahreppi.

Ragnheiður Ingibjörg Sveinsdóttir 12. nóvember 1871 - 1. október 1927. Húsfreyja í Enni, Höskuldsstaðasókn, Hún. 1901. Húsfreyja Skuld á Blönduósi.

Inga á Eyri eins og hún var oftast kölluð, var fædd á Vestdalseyri í Seyðisfirði 10. nóvember 1917. Hún lést á Heilbrigðisstofnuninni á Siglufirði 7. maí síðastliðinn. Ingibjörg ólst upp á Vestdalseyrinni, og fluttist með fjölskyldunni inn í kaupstaðinn skömmu eftir að bræður hennar drukknuðu. Er hún var nokkurra ára var hún smátíma í fóstri hjá þeim hjónum Láru Bjarnadóttur frá Hvanneyri í Siglufirði og Gísla Lárussyni, en fór svo aftur til foreldra sinna.
Ung að árum fór hún til Reykjavíkur og starfaði þar á Hótel Heklu og einnig aðstoðaði hún móðursystur sína Pálínu Ottadóttur við verslun þá er hún rak á Baldursgötu 36 í Reykjavík og eins við heimilisstörf.
Fyrir sunnan kynntist hún eiginmanni sínum og fluttust þau til Siglufjarðar, festu þar kaup á húseigninni við Hvanneyrarbraut 28b og bjuggu þar allan sinn búskap.
Ingibjörg vann við ýmis störf með húsmóðurstarfinu, við síldarsöltun og fiskvinnslu. Ingibjörg tók virkan þátt í félagslífi á Siglufirði. Hún var félagi í Slysavarnafélaginu Vörn á Siglufirði og var kjörin heiðursfélagi 1992.
Útför Ingibjargar verður gerð frá Siglufjarðarkirkju í dag og hefst athöfnin klukkan 14.

Ingibjörg Steinunn Eyjólfsdóttir fæddist á Seltjarnarnesi 23. september 1916. Hún lést á Hrafnistu í Hafnarfirði 18. desember síðastliðinn. Útför Ingibjargar Steinunnar fór fram frá Hvalsneskirkju 21. desember.

Ingibjörg Stefánsdóttir fæddist í Mjóadal í Laxárdal, Austur-Húnavatnssýslu, 8. maí 1907. Hún lést á hjúkrunarheimilinu Eir í Reykjavík 11. apríl síðastliðinn. Ingibjörg stundaði nám við Kvennaskólann á Blönduósi 1926¬-1927, Laugaskóla í Þingeyjarsýslu 1929¬-1931 og lauk ljósmæðraprófi frá Ljósmæðraskóla Íslands 30.9. 1935. Hún var ljósmóðir í Austur-Húnavatnssýslu frá 1935¬-1968, starfaði á heilsuhæli NLFÍ í Hveragerði 1969¬-1976 og vann síðan í fimm ár hjá Áklæðum og gluggatjöldum í Reykjavík. Ingibjörg er komin af traustum og góðum húnvetnskum og skagfirskum ættum. Móðir hennar, Elísabet, var systir Sigurðar Guðmundssonar, skólameistara. Ingibjörg aflaði sér góðrar menntunar á þeirra tíma mælikvarða. Var einn vetur á kvennaskólanum á Blönduósi og tvo vetur á Laugaskóla í Þingeyjarsýslu. Síðar fór hún í ljósmæðraskólann og útskrifaðist sem ljósmóðir haustið 1935.

Þá voru mörg og smá ljósmæðraumdæmi í landinu og var hún ráðin ljósmóðir í Bólstaðarhlíðarumdæmi um leið og hún kom heim 1. október 1935. Þar kynntist hún misjöfnum kjörum og aðstæðum sængurkvenna því allar fæddu þær börn sín heima. En það voru umbrotatímar í þjóðfélaginu. Samgöngur bötnuðu og þá gat sama ljósmóðirin sinnt stærra svæði og svo fór, að hún þjónaði öllu innhéraðinu og tók þannig á móti flestum Austur-Húnvetningum er litu dagsins ljós fram á árið 1968 er hún flutti suður.

Þegar nýr og fullkominn spítali leysti gamla sjúkraskýlið af hólmi í janúar 1955 vann Ingibjörg að því öllum árum, að allar konur kæmu á spítalann og ættu þar börn sín. Hún þekkti vel aðstæðurnar og líka hvar hættan gat leynst. Og það tók mjög stuttan tíma að fá konur til þess að breyta til og nýta sér þessa þjónustu.

Ingibjörg var gift Þorsteini Jónssyni frá Eyvindarstöðum í Blöndudal. Þau bjuggu fyrstu árin hjá foreldrum hennar að Gili í Svartárdal, en brugðu búi og fluttu í stríðslokin til Blönduóss. Þorsteinn gerðist þá sýsluskrifari hjá sýslumanni Húnvetninga. Hann var sérstaklega söngnæmur og söngmaður mikill, gleðimaður og kappsamur.
Hjónaband þeirra var einstaklega ástúðlegt og var oft sagt að þau væru ávallt eins og nýtrúlofað par. Frá árinu 1992 dvaldist hún á Laugaskjóli og síðar á hjúkrunarheimilinu Eir, þar sem hún lést 11. apríl sl. Útför Ingibjargar fer fram frá Blönduóskirkju í dag og hefst athöfnin klukkan 14.

Húsfreyja í Engihlíð, Höskuldsstaðasókn, A-Hún. 1930. Húsfreyja í Engihlíð í Langadal, A-Hún.

húskona Þverá í Hallárdal 1910. Var á Svínavatni, Svínavatnssókn, Hún. 1860. Eiðsstöðum 1870, Fjósum 1880, Bergstöðum 1890, Hafurstöðum 1901. Ógift barnlaus.
Farin úr manntali 1920

Ingibjörg Skaftadóttir Hraundal 24. júní 1909 - 24. des. 1986. Vinnukona í Garðastræti 41, Reykjavík 1930. Síðast bús. í Reykjavík.

Erla Ingibjörg Sigvaldadóttir 4. janúar 1954 Blönduósi. Í vegabréfi 2.4.1974 er skrifuð Ingibjörg Erla

Ingibjörg Sigurjónsdóttir 22. maí 1921 - 19. júlí 1977. Húsfreyja á Bjarnarnesi í Bjarnarfirði, Strand. 1939-47, fluttist þá til Drangsness, síðan húsfreyja þar, vann hjá Pósti og síma og fleira. Síðast bús. í Kaldrananeshreppi. Kvsk á Blönduósi 1939-1940.

Ingibjörg Sigurðardóttir fæddist á Hvoli í Saurbæ í Dalasýslu, 4. mars 1925.
Ingibjörg var húsfreyja í Ásgarði frá 1954 til dauðadags. Hún stýrði heimilinu í Ásgarði af festu og myndarskap. Lengst af var hún heilsuhraust og eftir lát Ásgeirs bjó hún ein í húsinu sem þau byggðu sér, þar til í september í haust þegar heilsan fór að bila verulega.
Útför Ingibjargar fór fram frá Hvammskirkju, laugardaginn 19. desember 2009, og hófst athöfnin kl. 14.
Hún lést á dvalar- og hjúkrunarheimilinu Silfurtúni 6. desember 2009.

Ingibjörg Sigurðardóttir fæddist í Vík í Mýrdal 31. janúar 1916. Ingibjörg bjó í Drápuhlíð til ársins 2007 er hún flutti í Bólstaðarhlíð og bjó þar til dauðadags.
Var í Víkurkauptúni, Víkursókn, V-Skaft. 1930. Verslunarstarfsmaður og síðar verslunareigandi í Reykjavík.
Hún andaðist á hjartadeild Landspítalans við Hringbraut, 12. ágúst 2011. Útför Ingibjargar fór fram frá Háteigskirkju 22. ágúst 2011, og hófst athöfnin kl. 13.

Ingibjörg Guðrún Sigurðardóttir 16. nóv. 1905 - 12. júlí 2003. Verzlunarmær á Akureyri 1930. Var í Jónasarhúsi, Blönduóshr., A-Hún. 1957.

Ingibjörg Sigurðardóttir fæddist í Garðinum 20. apríl 1898 og ólst upp í Hausthúsum. Hún lést á Garðvangi, dvalarheimili aldraðra í Garði, 8. janúar síðastliðinn. Inga var trúuð og sótti ævinlega kirkju meðan heilsan leyfði. Hún var traustur félagi í kvenfélaginu Gefn og slysavarnadeild kvenna hér í Garðinum. Var hún heiðursfélagi beggja þessara félaga.
Barngóð var Inga svo eftir var tekið, og voru oft börn yfir sumartíma í Hausthúsum. Inga og Bjarni bróðir hennar tóku einnig lítinn móðurlausan dreng í fóstur, Reyni Gíslason. Veit ég að Inga bar mikla umhyggju fyrir þessum dreng.
Í mörg ár var Inga með börn í stafaskóla. Mín yngri börn fengu að njóta kennslu hjá henni. Minnast þau enn hvað gott var að læra hjá Ingu og oft stakk hún að þeim kandísmola eða öðru góðgæti.
Sigurður faðir Ingu dó af slysförum, þá á góðum aldri, og var hans sárt saknað. Jórunn móðir hennar lifði í hárri elli í skjóli Ingu og Bjarna. Kom það í hlut Ingu að hjúkra henni þar til yfir lauk. Var það gert af mikilli umhyggju. Þá naut Inga ekki þeirra þæginda sem þykja sjálfsögð í dag. Trúlega hefur það verið erfitt, en aldrei kvartaði hún, heldur vann sín verk af trúmennsku.
Útför hennar fór fram frá Útskálakirkju 13. janúar.

Ingibjörg Sigurðardóttir 6. mars 1874 - 25. október 1970 frá Kjalarlandi, póst- og símaafgreiðslukona í Búðardal 1930. Kennari við Kvsk. á Blönduósi 1908-1913

Ingibjörg [Margrét] Sigurðardóttir (Ingibjörg Walter) 3. júlí 1861 - 20. júní 1944. Var í Þernumýri, Breiðabólstaðarsókn, Hún. 1870. Fór til Vesturheims 1874 frá Þernumýri, Þverárhreppi, Hún. Var í Gardar, Pembina, N-Dakota, USA 1900. Var í Edinburg, Walsh, N-Dakota, Bandaríkjunum 1920.

vk Stóruborg 1910. Hreppsómagi í Kistu, Vesturhópshólasókn, Hún. 1860, niðursetningur Efri-Þverá 1870. Vinnukona Húnstöðum 1880 og 1920, Vesturhópshólum 1890, Snæringsstöðum í Vatnsdal 1901. Ógift og líklega barnlaus

Húsfreyja á Grund, Breiðabólsstaðarsókn, V-Hún. 1930. Var á Grund, Þverárhr., V-Hún. 1957. Síðast bús. í Þverárhreppi. Fóstursonur: Friðbjörn Jósafatsson, f. 12.3.1921.

Skólastjórafrú á Blönduósi

Var í Haugshúsum, Garðasókn, Gull. 1870. Húsfreyja á Heggstöðum.

Ingibjörg Samúelsdóttir Walan 16.6.1852. Var á Brekkulæk, Staðarbakkasókn, Hún. 1860. Var í Grafarkoti, Melstaðarsókn, Hún. 1870. Vinnukona á Söndum, Melstaðarsókn, Hún. 1880. Fór til Vesturheims 1887, óvíst hvaðan. M.: Walan, enskur að uppruna. [sra George Walen frá Hanaka?]

Ingibjörg Bjarnadóttir Rafnar 30. janúar 1894 - 6. júlí 1971 Var í Steinnesi, Þingeyrasókn, Hún. 1901. Húsfreyja á Heilsuhælinu í Kristnesi, Grundarsókn, Eyj. 1930. Húsfreyja á Kristneshæli í Eyjafirði og síðar á Akureyri.

Ingibjörg Þórdís Pétursdóttir Blöndal 14. okt. 1896 - 28. feb. 1977. Var í Tungu, Þverárhr., V-Hún. 1957 Húsfreyja þar 1920. Lengi ráðskona í Hindisvík á Vatnsnesi, V-Hún. Síðast bús. í Þverárhreppi. Ógift og barnlaus.

Ingibjörg Pétursdóttir 18. janúar 1865 - 3. september 1959. Húsfreyja á Ysta-Gili í Langadal, A-Hún., síðar verkamaður á Blönduósi. Var á Veðramótum, Blönduóshr., A-Hún. 1957.

Ingibjörg Pálsdóttir fæddist á Blönduósi 7. ágúst 1928. Hún lést á Fjórðungssjúkrahúsinu á Akureyri 24. febrúar síðastliðinn. Ingibjörg ólst upp á Blönduósi og bjó þar nær allan sinn aldur. Hún vann margvísleg störf um ævina bæði á Blönduósi og í sveitunum í kring. Hún var Blöndósingur í húð og hár, fædd þar og uppalin, og bjó þar nær allan sinn aldur. Móðurforeldrar Ingibjargar, Ólafur Ólafsson og Ingibjörg Lárusdóttir, fluttu til Blönduóss rétt fyrir aldamótin 1900, og þar fæddist móðir hennar Jóhanna. Faðir Ingibjargar var Páll Bjarnason ættaður frá Stokkseyri. Páll var atvinnubílstjóri, og Budda, eins og Ingibjörg var kölluð, sagði mér frá því með stolti að Páll faðir hennar hefði komið með fyrsta bílinn á Blönduós árið 1923. Ingibjörg átti einn bróður, Bjarna, sem er fæddur 1927. Fjölskyldan bjó alla tíð í Ólafshúsi á Blönduósi. Ingibjörg og Bjarni sitt á hvorri hæðinni eftir lát foreldra sinna.
Strax á unglingsaldri fór Ingibjörg að vinna á sveitabæjum í nágrenni Blönduóss.
Rúmlega tvítug fór Ingibjörg til Eyjafjarðar í Tóvinnuskóla. Þar nam hún prjóna- og saumaskap og meðferð ullar einn vetur. Budda var alla tíð mikil prjónakona. Hún starfaði á prjóna- og saumastofu um tíma, en alla tíð prjónaði hún mikið fyrir vini sína og sveitunga. Einkenni á prjóni Buddu var hvað flíkurnar voru hlýjar, og fræg er lambhúshetta hennar, sem margir Blönduósingar eiga eflaust enn í dag. Annars vann Ingibjörg fjölmörg störf á Blönduósi, eins og í bakaríi, á sjúkrahúsinu og a.m.k. tuttugu og fimm haust vann hún í Sláturhúsi Sölufélagsins. Í Sláturhúsinu vann hún undir verkstjórn Gísla Garðarssonar, sem hún mat mikils. Ingibjörg hafði mjög gaman af trjárækt og garðrækt. Hún byggði sér skjól á túni sínu við Blöndu, og skírði Geitaból. Þar dvaldi Budda sumrin löng þegar hún var hætt að vinna. Þar plantaði hún trjám, ræktaði kartöflur og grænmeti, og leit eftir folaldsmerum á vorin. Í Geitabóli leið henni vel, þar var Budda í sínu ríki. Ingibjörg var praktísk og mjög nýtin eins og hennar kynslóð. Frægt er farartæki hennar, barnavagninn, sem hún notaði til ýmissa flutninga. Budda sagði oft að barnavagn rúmaði margt fleira en börn.
Ingibjörg var mikill dýravinur. Hún hafði kindur í mörg ár heima við Ólafshús, og kunnugir hafa sagt mér að hún hafi verið einstaklega natin við féð.
Ingibjörg hafði mjög gaman af því að spjalla við fólk. Hún gat verið stríðin við þá sem hún taldi hafa efni á að taka stríðni, og oft var stutt í háan og hvellan hlátur hennar. En Buddu var einnig mjög umhugað um þá sem minna máttu sín. Hún gat átt það til að færa fólki eða stofnunum eitthvað sem hún taldi vanta.
Ingibjörg var litríkur persónuleiki, sem ekki fór troðnar slóðir. Það verður sjónarsviptir að henni úr mannlífinu á Blönduósi.
Útför Ingibjargar verður gerð frá Blönduóskirkju í dag 7. mars 2004 og hefst athöfnin klukkan 13.30.

Húsfreyja á Reykjum, Torfalækjarhr., A-Hún. Var á Akri, Þingeyrasókn, Hún. 1870. Húsfreyja á Reykjum, Þingeyrasókn, Hún. 1901.

Ingibjörg Dagbjört Ólafsdóttir 8. sept. 1886 - 3. apríl 1976. Húsfreyja á Skeggstöðum, Bergstaðasókn, A-Hún. 1930. Var á Skeggsstöðum, Bólstaðarhlíðarhr., A-Hún. 1957. Tóvinnukona. Ógift og barnlaus.

Ingibjörg Ólafsdóttir 6. apríl 1871 - 26. ágúst 1957. Fæðingar Ingibjargar finnst ekki getið í kirkjubókum en við fermingu í Glaumbæjarsókn er hún sögð fædd 7.4.1871. Fór til Vesturheims 1887 frá Vatnsskarði í Seyluhr., Skag. Hún sneri aftur til Íslands og var lengi ráðskona hjá Brynjólfi Bjarnasyni, bónda í Þverárdal.

Húsfreyja í Ási í Vatnsdal

Ingibjörg M. Daníelsdóttir, Þórukoti Fædd 23. mars 1931 Dáin 26. ágúst 1989. Ingibjörg er fædd að Valdarási í Víðidal 23. mars 1931. Árið 1962 flutti Ingibjörg ásamt börnum sínum heim í Þórukot þarsem hún gerist ráðskona hjá Pétri bróður sínum.

Húsfreyja í Reykjavík 1910. Var í Borgarnesi 1930. Húsfreyja Friðfinnshúsi og Læknabústaðnum, frá Grenjaðarstöðum

Var á Páfastöðum, Glaumbæjarsókn, Skag. 1930.

Ingibjörg Lárusdóttir 19.9.1883 – 30.6.1977. Húsfreyja og ráðskona á Botnastöðum, Bergstaðasókn, A-Hún. 1930. Húsfreyja á Fjósum og Botnastöðum í Svartárdal, A-Hún., síðar á Siglufirði og Akranesi. Ekkja í Reykjavík 1945. Síðast bús. á Akranesi. Fædd 16.9.1883 skv. kb.

Ingibjörg Lárusdóttir 3. des. 1860 - 19. júní 1949. Rithöfundur, síðar kaupmaður, Ólafshúsi á Blönduósi 1889-1949.

Ingibjörg Kristmundsdóttir 19.3.1884 - 1.6.1952. Var á Melstað, Melstaðarsókn, Hún. 1890. Staðarbakka 1910, lausakona Aðalbóli 1920, Ráðskona bróður síns í Hafnarfirði 1930. Ógift barnlaus

Ingibjörg Kristmundsdóttir 31. des. 1861 - 22. feb. 1937. Vinnukona á Breiðabólstað í Vatnsdal 1893. Húsfreyja á Kötlustöðum. Húsfreyja á Marðarnúpi, Undirfellssókn, A-Hún. 1930.

Ingibjörg Kristjánsdóttir, verkakona og húsmóðir á Blönduósi, f. 26. júní 1942,

Ingibjörg fæddist 17. febrúar 1923, dóttir hjónanna Sigurbjargar Sigurvaldadóttur og Lárusar F. Björnssonar kaupmanns á Fjölnisvegi 20. Ólst hún upp ásamt þremur systrum sínum, þeim Sigurrósu og Valdísi, sem báðar eru búsettar í Reykjavík, og Birnu, sem síðar fluttist til Bandaríkjanna ásamt fjölskyldu sinni og hefur verið bú sett þar í mörg ár. Sigurbjörg og Lárus bjuggu fyrstu árin á heimaslóðum, fyrir norðan, en fluttust þá til Reykjavíkur og eftir fá ár byggðu þau myndarlegt hús á Fjölnisvegi 20 og bjuggu þar síðan meðan heilsa entist og þar ólust dæturnar upp.
Bergur var ekki heilsusterkur maður og átti á síðustu árum sínum við alvarleg veikindi að stríða. Þá komu ekki hvað síst í ljós eðlisþættir Ingu, sem mestu varða er á reynir, kærleikur og fórnfýsi. Þótt sjálf væri hún ekki hraust, átti hún þrek til að létta manni sínum erfiðar veikindastundir og hlú að honum svo vel, sem framast mátti verða, uns yfir lauk.

Snemma á búskaparárunum byggðu þau hjónin sér sumarbústað og fékk Bergur til þess land í heimahögum sínum. Hann var hagleiksmaður og notaði frístundirnar vel. Og áður en langir tímar liðu var risið upp snoturt hús með vaxandi trjám í kring. Þarna átti fjölskyldan ótal ánægjustundir, í friði og ró, með fagurt útsýni fyrir augum.

Ingibjörg Sólveig Kolka Bergsteinsdóttir fædd 15. október 1947 þroskaþjálfi.

Ingibjörg Júlíusdóttir fæddist í Hólskoti í Vatnsdal í A.-Hún. 13. ágúst 1919. Hún lést á Hjúkrunarheimilinu Droplaugarstöðum 23. febrúar síðastliðinn. Ingibjörg fór tæplega þriggja ára í fóstur til móðursystur sinnar, Þórunnar Björnsdóttur f. 1891, d. 1979 og eiginmanns hennar Björns Þorsteinssonar f. 1877, d. 1953 að Miðhópi í Vatnsdal. Ingibjörg stundaði nám við Kvennaskólann 1934-7 og fór í læri í kjólasaum hjá Guðlaugu Jónsdóttur, sem rak Saumastofu Guðlaugar að Lækjargötu 4. Starfaði hún lengst af við kjólasaum á heimili sínu.
Útför Ingibjargar fer fram frá Grafarvogskirkju í dag, 2. mars 2012, og hefst athöfnin kl. 13.