Ingileif Sæmundsdóttir (1902-1993) Kleifum

• Ingileif Sæmundsdóttir (1902-1993) Kleifum

Ingileif Sæmundsdóttir, Kleifum Fædd 2. júní 1902 Dáin 7. júní 1993. Á sínum yngri árum tók Ingileif virkan þátt í félagslífi. Ungmennafélagið hafði barnaball sem við kölluðum svo, en nú heitir jólatrésskemmtun, á hverjum vetri eftir jólin. Þá skemmtu félagarnir okkur krökkunum og dönsuðu við okkur. Ingileif vildi fá að kenna mér marsúka.
Ingileif var glæsileg kona og bar sig ákaflega vel, enda vakti hún alls staðar athygli. Og hún var það alveg fram á síðustu ár. Hún var svo heppin að geta verið heima og haft heimili með aðstoð Magnúsar sonar síns alveg fram á síðustu mánuði er hún lagðist inn á sjúkradeild Héraðshælis Húnvetninga, sem nú má ekki heita það lengur heldur héraðsspítali. Þar dó hún sl. mánudag.
Húsfreyja á Blönduósi 1930. Var á Kleifum, Blönduóshr., A-Hún. 1957. Síðast bús. í Blönduóshreppi.

Kleifar á Blönduósi:

Sjá bókina "Virkir dagar" eftir Guðmund Hagalín.

Faðir hennar var Sæmundur Sæmundsson. Ævisögu hans skrifaði Guðmundur Hagalín rithöfundur og heitir bókin "Virkir dagar" og kom út nokkru fyrir 1940.
Maður Ingileifar hét Kristinn Magnússon. Hann var fyrst kaupmaður og umboðsmaður fyrir Shell og síðar útibússtjóri fyrir Kaupfélag Húnvetninga fyrir innan ána eins og við segjum.
Þau hjón eignuðust þrjú börn.
1) Sæmund Magnús, sem tók við búi þegar faðirinn féll frá fyrir nokkrum árum.
2) Sigrúnu og
3) Ásdísi, sem báðar eru giftar og búa í Reykjavík.
Fósturbarn: Jónína Björnsdóttir, f. 16.7.1922.

GPJ 24.6.2017
ÆAHún bls 1233

• Icelandic

®GPJ ættffræði http://www.mbl.is/greinasafn/minningaleit/