Guðrún Júlíusdóttir 22. jan. 1917 - 24. sept. 1981. Var á Hæðarenda, Reykjavík 1930. Var í Hólkoti, Undirfellsókn, Hún. 1920. Síðast bús. í Reykjavík.

Guðrún Katrín Þorbergsdóttir forsetafrú lést á sjúkrahúsi í Seattle í Bandaríkjunum skömmu fyrir miðnætti 12. október. Hún var 64 ára gömul þegar hún lést. Guðrún Katrín hafði í rúmt ár barist við alvarlegan sjúkdóm. Herra Ólafur Ragnar Grímsson, forseti Íslands, var við sjúkrabeð konu sinnar við lát hennar ásamt dætrum þeirra.

Guðrún Katrín fæddist í Reykjavík 14. ágúst 1934. Guðrún Katrín ólst upp í Vesturbæ Reykjavíkur í skjóli móður sinnar, en föður sinn missti hún sjö ára gömul. Hún fór í Menntaskólann í Reykjavík og varð stúdent árið 1955. Á árunum 1956¬1963 starfaði Guðrún Katrín sem fulltrúi á Náttúrufræðistofnun Íslands. Frá 1965¬1973 bjó hún á Hvammstanga, í Danmörku og Svíþjóð. Hún las fornleifafræði við Gautaborgarháskóla skólaárið 1971¬1972. Eftir að Guðrún Katrín kom heim settist hún á skólabekk og nam þjóðfélagsfræði við Háskóla Íslands frá 1973¬1975.

Árið 1979 tók Guðrún Katrín við starfi framkvæmdastjóra Póstmannafélags Íslands. Starfinu gegndi hún til ársins 1988 þegar hún setti á stofn verslunina Garn gallerí við Skólavörðustíg í Reykjavík. Verslunina rak hún til ársins 1991 þegar hún tók aftur við starfi framkvæmdastjóra Póstmannafélagsins og gegndi því til ársins 1996. Um tíma var Guðrún Katrín dagskrárfulltrúi hjá Sjónvarpinu og hún var framkvæmdastjóri verkefnisins Þjóðþrif.

Guðrún Katrín sat í bæjarstjórn Seltjarnarness frá 1978¬-1994. Frá 1991 sat hún í stjórn Minja og sögu, vinafélags Þjóðminjasafns Íslands.
Guðrún Katrín bjó yfir ríkum listrænum hæfileikum og vann alla tíð mikið að sauma- og prjónaskap. Prjónauppskriftir eftir hana hafa birst í blöðum bæði heima og erlendis. Hún hafði fágaða framkomu og vakti hvarvetna aðdáun fyrir glæsileik.

Guðrún Katrín tók virkan þátt í kosningabaráttu með eiginmanni sínum Ólafi Ragnari Grímssyni þegar hann bauð sig fram til embættis forseta Íslands árið 1996. Eftir að hann var kjörinn forseti fylgdi hún honum í fjölmargar heimsóknir hér heima og erlendis.

Í september 1997 greindist Guðrún Katrín með bráðahvítblæði og gaf forseti Íslands út yfirlýsingu um veikindi hennar 17. september það ár þar sem sagði að hún myndi ekki geta gegnt starfsskyldum á opinberum vettvangi næstu mánuði. Gekk hún í gegnum erfiða sjúkdómsmeðferð um veturinn á Landspítalanum. Árangur af meðferðinni virtist í fyrstu vera góður og kom hún fram opinberlega með eiginmanni sínum á fyrri hluta þessa árs. Í júní sl. kom í ljós að sjúkdómurinn hafði tekið sig upp að nýju og hélt hún til Seattle í Bandaríkjunum 23. júní þar sem hún gekkst undir beinmergsaðgerð.

Í síðasta mánuði veiktist Guðrún Katrín alvarlega af lungnabólgu og var lögð inn á gjörgæsludeild. Hún lést skömmu fyrir miðnætti 12. október. Ólafur Ragnar Grímsson og dætur þeirra, Guðrún Tinna og Svanhildur Dalla, voru hjá henni við andlátið.

Guðrún Sigríður Rannveig Lárusdóttir Knudsen 16. sept. 1852 - 8. júlí 1882. Tökubarn í Hrappsey, Dalverðarnessókn, Dal. 1860. Húsi Jóns Árnasonar 1880. Húsfreyja á Lundi, dó af barnsförum. Barnlaus.

Guðrún Katrín Konráðsdóttir 3. ágúst 1951 Dalvík, Var í Haukagili, Áshr., A-Hún. 1957.

Guðrún Kristín Sigurmarsdóttir Jensen 28. júní 1936.

Guðrún Medonía Kristjánsdóttir 17. nóv. 1892 - 28. des. 1928. Var á Bakka, Garpsdalssókn, Barð. 1901. Flutti til Reykjavíkur 1905. Var í Reykjavík 1910. Ógift.

Guðrún Hanna Kristjánsdóttir 17. júní 1937. Var í Reykjavík 1945.

Guðrún Kristmundsdóttir 24. nóv. 1840 - 27. júlí 1930. Húsfreyja í Auðunnarstaðakoti, Víðidalstungusókn, Hún. 1870 og 1880. Var á Sveinsstöðum, Þingeyrasókn, Hún. 1901. Húsfreyja á Auðólfsstöðum í Langadal, A-Hún.

Guðrún Kristmundsdóttir 5. des. 1883 - 28. des. 1947. Var í Ásbjarnarnesi, Vesturhópshólasókn, Hún. 1890. Húsfreyja á Litla-Búrfelli og Smyrlabergi, A-Hún. Húsfreyja á Smyrlabergi, Þingeyrasókn, A-Hún. 1930.

Guðrún Kristófersdóttir fæddist í Vestmannaeyjum 10. desember 1925. Hún lést 7. janúar 2018 á Hraunbúðum, dvalarheimili aldraðra í Vestmannaeyjum.

Guðrún Kristófersdóttir 16. feb. 1962, Skólaliði Blönduósi.

Guðrún Magnúsdóttir frá Fagranesi. Fædd 17. apríl 1913 Dáin 26. júní 1993, fædd í Reykjavík.
Haustið 1933 lá leið Guðrúnar til Blönduós, á kvennaskóla Húnvetninga. Þar kynntist hún tilvonandi manni sínum, Óskari Jóhannessyni frá Móbergi. Reistu þau sér bæ í landi Holtastaða og gáfu honum nafnið Fagranes. Bjuggu þau þar uns þau fluttust til Blönduóss. Síðustu árin áttu þau heimili í Hnitbjörgum, heimili aldraðra. Þar var gott að dveljast í góðum félagsskap við aðra íbúa hússins þar sem allir voru boðnir og búnir að rétta hver öðrum hjálparhönd.
Guðrún og Óskar voru bæði viðmótsgóð og létt í lund, góð heim að sækja. Það var gaman að sjá hve samstillt þau voru og tóku þátt í öllu félagsstarfi aldraðra sem fór fram í húsinu. Eftir að heilsu Óskars hrakaði rétti Guðrún honum hjálparhönd við það sem hann var að vinna að.

Guðrún Magnúsdóttir 1. des. 1884 - 1. nóv. 1968. Húsfreyja Klömbrum 1910 og á Stóru-Borg, Þverárhreppi, V-Hún. 1930, ekkja þar 1920. Var í Ytri-Stóru-Borg, Þverárhr., V-Hún. 1957. Síðast bús. í Þverárhreppi.

Guðrún Elísa Magnúsdóttir 24. apríl 1899 - 26. júní 1988. Húsfreyja í Austurhlíð, Holtastaðasókn, A-Hún. 1930. Húsfreyja í Kolgröf Skagafirði o.v. Síðast bús. á Sauðárkróki.

Guðrún M. Andrésdóttir ­ Minning Fædd 17. janúar 1896 Dáin 25. mars 1991 Guðrún Margrét Andrésdóttir, sem jarðsungin verður frá Fossvogskirkju í dag, fæddist á Búrfellshóli í Svínadal í Húnavatnssýslu, dóttir hjónanna Sigurlaugar Friðriksdóttur og Andrésar Jónssonar bónda. Guðrún lést á sjúkradeild Elliheimilisins Grundar 25. mars sl. Lítið veit ég um ættir Guðrúnar nema hvað þær voru úr Húnavatns- og Skagafjarðarsýslum, en með þeirri undantekningu einni að Friðrik Hildebrandt, danskur kaupmaður á Skagaströnd, var móðurafi hennar. Foreldrar Guðrúnar voru leiguliðar og síðustu þrjú hjúskaparárin bjuggu þau í Grundargerði í Blönduhlíð í Skagafirði. Andrés drukknaði í Héraðsvötnum 30. ágúst 1901, þegar hann var á leið til vinnu upp í afgjald jarðarinnar. Sigurlaug móðir Guðrúnar gat ekki haldið áfram búskapnum eftir lát Andrésar og kom því Guðmundi bróður Guðrúnar, sem var tíu árum eldri, fyrirhjá vandalausum en réðst sjálf í vist til Einars bónda Jónssonar og konu hans Sesselju Sigurðardóttur í Flataratungu í Skagafirði, þar sem Guðrún ólst upp til fermingaraldurs. Eftir Flatartungu lá leiðin á aðra bæi í Skagafirði, í vist á Uppsölum í Blönduhlíð hjá Jónasi Sveinssyni og Björgu Björnsdóttur og síðan að Miklabæ hjá séra Birni Jónssyni og Guðfinnu Jensdóttur. Stundum rifjaði Guðrún upp minningar sínar frá uppvaxtarárunum í Skagafirði. Það var bjart yfir þeim minningum og ljóst er að hún hafði verið heppin með húsbændur. Vinátta samferðarfólksins á æskuárunum entist ævilangt og síðast í fyrra fór hún í 95 ára afmæli einnar dætranna frá Miklabæ, Guðbjargar Bjarman. Frá þessum tíma er einnig ævilöng vinátta hennar við móður mína, Ingibjörgu Árnadóttur, sem var í fóstri hjá Jónasi og Björgu í Uppsölum. Frá Miklabæ lá leiðin suður á landað Hesti í Borgarfirði, til Sigríðar dóttur prestshjónanna á Miklabæ og manns hennar séra Eiríks Albertssonar. Guðrún var um tíma í kaupamennsku í Viðey og á Korpúlfsstöðum, en þá var Sigurlaug móðir hennar komin til hennar og bjó hún síðan hjá dóttur sinni þar til hún lést á nítugasta og fjórða aldursári árið 1948.
Guðrún var á Korpúlfsstöðum þegar Ingibjörg Árnadóttir æskuvinkona hennar lést frá tveimur ungum sonum, Hauki og undirrituðum. Faðir okkar Davíð Jóhannesson símstöðvarstjóri á Eskifirði hafi samband við Guðrúnu og bað hana að koma til sín og sjá um heimilishaldið. Ekki var hægt um vik fyrir Guðrúnu að verða við þessari bón, því nú var móðir hennar á áttræðisaldri hjá henni. Þó lauk því svo að þær mæðgur fóru austur á Eskifjörð, þar sem þær dvöldu í tæp fjögur ár, þar til Davíð kvæntist öðrusinni Sigrúnu, systur Ingibjargar. Eftir þetta vann Guðrún á ýmsum stöðum í Reykjavík og var um tíma ráðskona hjá Birni Rögnvaldssyni byggingameistara, sem þá var ekkjumaður. Guðrún giftist aldrei, né eignaðist sjálf börn, en börn þau sem hún annaðist fyrir aðra urðu öll vinir henar og héldu sambandivið hana til æviloka. Vináttusambönd þessi voru henni og móður hennar mikils virði sem og börnunum sem uxu úr grasi og eignuðust börn sem einnig fylltu vina- og kunningjahóp Guðrúnar. Hjá henni varþví oft glatt á hjalla þegar unga fólkið var í heimsókn. Guðrún var gangastúlka á Landspítalanum í áratug og vann síðan í sælgætisgerð í mörg ár á meðan starfsþrek entist. Tveggja ára hlé varð þó á útivinnunni þegar hún gegndi ráðskonustörfum fyrir Víglund Gíslason, sem hafði verið kvæntur Þórhildi Sveinsdóttur, frænku Guðrúnar. Þetta varð afdrifaríkasta ráðskonustarf Guðrúnar, því þegar Víglundur kvæntist öðru sinni varð yngsta barnið Vilborg Guðrún eftir hjá Guðrúnu og ólst upp í skjóli frænku sinnar. Þegar Vilborg síðar giftist Gísla Albertssyni byggingameistara fluttist Guðrún til þeirra og dvaldi hjá þeim og börnum þeirra í góðu yfirlæti þartil hún fór á Elliheimilið Grund, þarsem hún dvaldi síðasta áratug ævinnar. Guðrúnu leið vel á Grund og hrósaði starfsfólki og stjórnendum fyrir góða aðhlynningu.

Sú aldraða kona, hét Guðrún María Teitsdóttir og var frá Bergsstöðum á Vatnsnesi í Vestur-Húnavatnssýslu. Þar fæddist hún á aldamótaárinu og ólst upp í stórum systkinahópi við harða lífsbaráttu og þau kröppu kjör sem tíðkuðust hjá smábændum þeirra tíma. Hún var komin af harðduglegu og vinnusömu fólki sem lét ekki deigan síga fyrr en fullreynt var. Alla sína löngu æfi var það siður hennar sjálfrar að skila sínu dagsverki þannig að sómi væri að. Náið sambýli við húsdýrin og náttúruna hefur án efa mótað skapferli hennar þegar í æsku og skerpt athyglisgáfuna. Ung taldi hún sig sjá og heyra hluti, sem öðrum var ekki gefið að nema, og sambýli við álfa og huldufólk var henni ekki síðri veruleiki en það sem gaf að líta í þessum heimi. Skömmu eftir tvítugt fór Guðrún úr foreldrahúsum og dvaldi síðan í nokkur ár hjá vinafólki sínu í Saurbæ á Vatnsnesi. Þar vann hún við almenn sveitastörf, en flutti síðar að Geitafelli í sömu sveit og þar mun hún hafa verið einyrki um nokkurra ára skeið. Breyting varð í fábreyttu lífi hennar þegar hún fluttist til Hvammstanga og tengdist fjölskyldu Björns Sigurðssonar, læknis, og konu hans Sólveigar Sigurbjörnsdóttur. Í skjóli þeirra og síðan barna þeirra hefur hún síðan verið. Sagan segir að Björn læknir hafi sótt Guðrúnu fárveika um miðja nótt út að Geitafelli og flutt í sjúkraskýlið á Hvammstanga til meðferðar. Meðan á sjúkralegunni stóð tókst mikil vinátta með henni og eldri börnum Björns. Eftir þessi veikindi gat Guðrún ekki búið ein lengur og fluttist hún þá að Höfða við Hvammstanga til Jakobínu systur sinnar. Sambandið við fjölskyldu Björns treystist, hún tók að sér ýmis verk fyrir heimilið og fluttist loks í læknisbústaðinn sem heimilismaður haustið 1942. Þegar Björn flutti svo til Keflavíkur árið 1945 fylgdi Guðrún með fjölskyldunni og bjó þar til ársins 1960 er hún fylgdi augasteininum sínum, yngri dóttur Björns, í skóla til Reykjavíkur árið 1960. Þá keypti hún sér lítið hús á Njálsgötunni og varð þá aftur einbúi. Síðustu árin bjó hún svo í lítilli íbúð við Efstaland í Reykjavík. Alveg ein var Guðrún þó aldrei, því að litla heimilið hennar varð fljótt vinsæll áningarstaður vina og vandamanna, sem leið áttu um.

Í Keflavík vann Guðrún fyrst á heimili Björns, en tók brátt að sér ýmis trúnaðarstörf á lækningastofu hans og í litlu apóteki sem læknirinn rak þar. Hún sá meðal annars um ljósböð fyrir börn, annaðist nudd, stuttbylgjumeðferð og fleira þess háttar og gaf einnig sprautur þegar á þurfti að halda. Komin um sextugt hóf hún störf í sláturhúsi hjá Sláturfélagi Suðurlands í Reykjavík og síðar vann hún við ullariðnað hjá félaginu Framtíðinni. Starfsþrekið var ekki aldeilis á þrotum þegar komið var að sjötugu, því að þá tók hún að sér að sjá um kaffi og hreingerningar í litlu fyrirtæki og sinnti því fram undir áttrætt. Kappsemi hennar og vinnuharka varð að sögn ekki alltaf til að afla henni vinsælda meðal samstarfsmanna, en réttlætistilfinning hennar var svo rík að allt annað en að leggja sig af alhug í starfið varð að skoða sem vinnusvik.
Foreldrar Guðrúnar bjuggu við mikla fátækt og oft var mjög þröngt í búi þótt heldur væri farið að rætast úr eftir að þau fluttust að Bergsstöðum árið 1897. Þegar Guðrún fæddist voru ekki aðrir fullorðnir á heimilinu en móðir hennar og 17 ára dóttir og tók hún á móti Guðrúnu með tilsögn móður sinnar. Guðrún var snemma tápmikil og þegar árin og getan leyfðu fór hún að hjálpa til við heimilisstörfin og þá einkum utanhúss en Guðrúnu féll alltaf vel að vinna útistörf enda harðdugleg og sterk svo að hún gaf karlmönnum ekki eftir. Gekk hún hiklaust í hin erfiðustu karlmannsverk og leysti þau vel af hendi. Guðrún sá að klæðnaður karla hentaði betur við útiverkin og það var því snemma sem hún braut allar hefðir í klæðaburði og klæddist karlmannsfötum við störf sín. Guðrún var á Bergsstöðum til ársins 1923 en þá réðist hún til starfa að Saurbæ á Vatnsensi og var þar til ársins 1930 er hún fluttist að Geitafelli í sömu sveit og hóf þá búskap sjálfstætt. Árið 1941 hætti hún búskap og flutti að Höfða við Hvammstanga og byggði þar hús yfir nokkrar kindur. Um þessar mundir varð Gurðún fyrir því að veikjast og þurfti að fara á sjúkrahúsið á Hvammstanga. Þá kynntist hún læknishjónunum Birni Sigurðssyni og Sólveigu Sigurbjörnsdóttur.

Guðrún Nordal Þorsteinsdóttir 21.4.1947 Reykjavík. Kvsk á Blönduósi 1964-1965.

Var í Steinnesi, Þingeyrarsókn, Hún. 1835. Skrifuð Þórunnardóttir í 1835. Vinnukona í Steinnesi, Þingeyrarsókn, Hún. 1860. Húsfreyja á Hólabaki, Þingeyrasókn, Hún. 1870. Húsmóðir á Flögu, Undirfellssókn, Hún. 1880. Húsfreyja á Flögu, Undirfellssókn, Hún. 1890. Lýstur faðir: Ólafur Ólafsson vinnumaður á Framnesi í Skagafirði, en hann sór fyrir að eiga barnið.

Guðrún Ólafsdóttir 23. ágúst 1866 - 10. júlí 1922. Húsfreyja á Keldulandi í Vindhælishreppi, A-Hún. Syðra Mallandi 1870.

Guðrún Sigríður Ólafsdóttir 27. nóv. 1890 - 25. júní 1918. Prestfrú í Görðum á Álftanesi, Bergstöðum, á Sauðárkróki og víðar.

Guðrún Ólafsdóttir 27. mars 1943 - 7. maí 1994, Gili, Hólshreppi. Bjó á Bolungarvík.

Guðrún Solveig Pálmadóttir 4. jan. 1878 - 26. júlí 1960. Húsfreyja á Æsustöðum í Langadal, A-Hún. Var á Bjarnastöðum, Þingeyrasókn, A-Hún. 1930. Var á Bjarnastöðum, Sveinsstaðahr., A-Hún. 1957. Þórðarhúsi 1941

Guðrún Sigríður Pálmadóttir 1. mars 1951. Iðjuþjálfi frá Holti.

Guðrún Pálsdóttir 19. sept. 1839 - 17. nóv. 1927. Húsfreyja á Syðri-Reistará á Galmaströnd 1873. Húsfreyja í Reykjavík 1910.

Guðrún Pálsdóttir 15. sept. 1943. Starfaði um árabil hjá Pósti og síma, síðar bankastarsfmaður á Blönduósi.

Guðrún Edda Paulsdóttir 10. apríl 1958. Svíþjóð, Skrifstofumaður Blönduósi, Sóló flugmaður.

Guðrún Pétursdóttir 28.10.1866-24.7.1951. Var í Þorsteinskoti, Reykjavík 1870. Húsfreyja á Njálsgötu 40 b, Reykjavík 1930.

Guðrún Valgerður Pétursdóttir Hoffmann 18. júní 1901 - 22. sept. 1992. Vordingborg Danmörku.

Guðrún Soffía Pétursdóttir 14. júní 1956. Var í Húsi Péturs Péturssonar, Blönduóshr., A-Hún. 1957. Skagaströnd:

Guðrún Karólína Pétursdóttir 5. des. 1970. Brandsstöðum

Guðrún Ingibjörg Rafnsdóttir 10. september 1875 - 24. maí 1932 Fór til Vesturheims 1900 frá Hvalnesi í Skefilsstaðahr., Skag. Gardar, Pembina, North Dakota. Innflytjandi til Pembina, North Dakota, Canada 8.7.1900 frá Quebec, Canada með skipinu Lake Megantic. Walsh, North Dakota, United States Census 1932, jarðsett í Gardar

Guðrún Ragna Ragnarsdóttir Ragnars Borg 2. júlí 1917 - 22. nóv. 2004. Sjúkraliði og húsfreyja, síðast bús. í Reykjavík. Nemandi á Akureyri 1930.
Hún lést á Landspítalanum í Fossvogi 22. nóvember 2004.
Útför Guðrúnar verður gerð frá Háteigskirkju í dag og hefst athöfnin klukkan 15.

Guðrún Davía Ragúels Davíðsdóttir 22. des. 1880 - 24. júní 1973. Tökubarn á Geirseyri, Sauðlauksdalssókn, Barð. 1890. Vinnukona í Austurstræti, Reykjavík. 1901. Húsfreyja á Akureyri 1930. Síðast bús. á Akureyri.

Guðrún Rebekka Runólfsdóttir 27.2. 1917, d. 15.8. 1985. Var í Ingólfsstræti 21 b, Reykjavík 1930. Húsfreyja í Reykjavík 1945. Síðast bús. í Reykjavík. Sjúkraþjálfari.

Guðrún Rolvsdóttir 1937 Holmås Noregi

Guðrún Rósa Skúladóttir 15. maí 1834 - 21. nóvember 1920. Var á Skinnastöðum, Þingeyrarsókn, Hún. 1845. Vinnukona í Sauðá, Sjávarborgarsókn, Skag. 1860. Vinnukona á Ytri-Ey, Höskuldsstaðasókn, Hún. 1880. Los Angeles. vk Sauðá 1860, sigldi frá Seyðisfirði 1877 til Winnipeg með Miacra-Los Angeles. [Ath; í íslendingabók er hún sögð hafa farið vestur 1887 en 1877 skv Vesturfaraskrá]

Guðrún Árdís Runólfsdóttir 17. maí 1950 Var á Kornsá, Áshr., A-Hún. 1957. Verslunarmaður Kópavogi. Ógift. Alin upp að hluta hjá Ara Jónssyni í Skuld.

Guðrún Sigfúsdóttir fæddist í Forsæludal í Vatnsdal 18. maí 1924. Hún lést á Heilbrigðisstofnuninni á Hvammstanga 29. ágúst 2016. Guðrún og Ívar hófu sambúð 1944 og bjuggu í Vatnsdal öll sín búskaparár, lengst af á Flögu árin 1962 til 1989. Þau brugðu búi og fluttust til Hvammstanga 1989, þar sem þau héldu heimili þar til Ívar lést árið 1999. Frá árinu 2005 var Guðrún til heimilis á dvalarheimili Heilbrigðisstofnunar Hvammstanga þar sem hún lést.

Útför Guðrúnar fer fram frá Hvammstangakirkju í dag, 16. september 2016, klukkan 15.

Guðrún Sigríður Björnsdóttir fæddist á Auðkúlu í Svínavatnshreppi í Austur-Húnavatnssýslu 30. júlí 1930. Hún lést á heimili sínu laugardaginn 24. janúar síðastliðinn.
Guðrún nam heimspeki við Háskóla Íslands 1951-1952 og lauk þaðan cand. phil. 6. júní 1952. Hún vann hjá Innkaupastofnun ríkisins á árunum 1952-1954. Guðrún bjó ásamt manni sínum í Bandaríkjunum árin 1955-1958 í New York og Iowa og aftur 1969-1970 í Maryland en þess á milli og eftir það bjó hún í Reykjavík, lengst af í Grundarlandi 4 í Fossvogsdal en síðar á Þorragötu 5.
Útför Guðrúnar fer fram frá Fossvogskirkju mánudaginn 2. febrúar og hefst athöfnin klukkan 15.00.

Guðrún Sigurbjörg Bjarnadóttir fæddist á Hvammstanga 20.10. 1930. Hún lést á Landspítalanum 24.8. 2009. Eftir barnaskólann og Alþýðuskólann á Hvammstanga starfaði Guðrún Sigurbjörg (Didda) sem aðstoðarráðskona í vegavinnuflokk í nokkur sumur. Didda nam við Húsmæðraskólann á Blönduósi veturinn 1947-1948, um það leyti lágu leiðir þeirra Guðmundar saman.

Húsmæðraskólamenntun hennar nýttist vel á búskaparárum þeirra hjóna. Eftir stofnun heimilis sinnti hún mest heimilisstörfum. Þegar elstu synirnir voru uppkomnir hóf Didda störf á saumastofunni Drífu. Henni líkaði vel við þau störf, enda átti hún vinsældum þar að fagna. Didda var glaðlynd og spaugsöm og undi sér vel með samstarfsfólki sínu, hún vann á sumastofunni þar til hún fór á eftirlaun. .
Guðrún Sigurbjörg var jarðsungin frá Hvammstangakirkju 4.9.2009, kl. 15.

Guðrún Sigurbjörg Ólafsdóttir Reykdal fæddist á Siglufirði 16. desember 1922. Hún lést á Hjúkrunarheimilinu Eir 21. september síðastliðinn.
Veturinn 1940-1941 var Guðrún farkennari á Engidal og í Héðinsfirði. Hún vann við síldarsöltun mörg sumur og hjá Mjólkursamsölunni á Siglufirði frá 1966 og síðar hjá Kaupfélagi Eyfirðinga á Siglufirði.
Guðrún hafði mikinn áhuga á þjóðlegum fróðleik og ættfræði. Hún safnaði þjóðsögum Ásdísar Ólafsdóttur, ömmu sinnar, saman og fjallaði um hana í bók sem gefin var út árið 1991 undir heitinu "Úr sagnabrunni".
Útför Guðrúnar verður gerð frá Siglufjarðarkirkju í dag og hefst athöfnin klukkan 14.

Guðrún Sigurðardóttir 2. sept. 1831 - 20. feb. 1903. Húsfreyja á Ríp í Hegranesi, Skag. 1855. Húsfreyja á Heiði í Gönguskörðum, Skag.

Guðrún Sigurðardóttir 14. maí 1855 - 15. júlí 1930. Húsfreyja á Fornastöðum. Þau voru barnlaus. Fósturdóttir skv. ÍÆ.: Guðrún Þorkelsdóttir.

Guðrún Sigurðardóttir Björnsson 31. des. 1864 - 29. jan. 1904. Var í Reykjavík 1870. Húsfreyja í Reykjavík.

Guðrún Sigurðardóttir 6. apríl 1868 - 9. okt. 1941. Var á Akureyri 39a, Hrafnagilssókn, Eyj. 1870. Húsfreyja í Reykjavík 1910. Ekkja á Hallveigarstíg 6 a, Reykjavík 1930.

Guðrún Ingibjörg Sigurðardóttir 16. apríl 1871. Breiðabólsstað 1880, óg vk Pósthússtræti 3 1901. Hólabaki 1910. Ekkja, sjúklingur í Helguhvammi 1920

Guðrún Sigurðardóttir 1. júní 1875 - 9. nóv. 1964. Húsfreyja í Skagastrandarkaupstað 1930. Húsfreyja á Syðri-Ey og síðar á Brimnesi. Var í Ásgarði, Blönduóshr., A-Hún. 1957.

Guðrún Sigurðardóttir 18. maí 1878 - 23. feb. 1947. Húsfreyja á Hnjúkum á Ásum, A-Hún. Húsfreyja á Fremstagili skv. Æ.A-Hún. Húsfreyja á Blöndubakka, Höskuldsstaðasókn, A-Hún. 1930.

Guðrún Sigurðardóttir 13. júní 1883 - 23. júlí 1968. Litlaseli 1901. Húsfreyja í Kaupmannahöfn og síðar í Reykjavík. Foreldrar hennar;

Guðrún Pálína Sigurðardóttir 4. nóv. 1883 - 9. maí 1979. Húsfreyja í Kirkjuskarði, Holtastaðasókn, A-Hún. 1930. Húsfreyja á Gunnfríðarstöðum. Var á Sléttu, Blönduóshr., A-Hún. 1957. Síðast bús. í Blönduóshreppi.

Guðrún Sigurðardóttir 25. okt. 1890 - 4. maí 1960. Var á Nunnuhóli, Möðruvallaklausturssókn, Eyj. 1890. Var í Spákonufelli, Spákonufellssókn, Hún. 1901. Ólst að mestu upp með móður og stjúpa á Skagaströnd og nágrenni. Húsfreyja á Haðarstíg 8, Reykjavík 1930.

Guðrún Sigurðardóttir 4. feb. 1911 - 8. feb. 1938. Barnakennari

Guðrún Sigríður Sigurðardóttir 18. apríl 1923 - 15. des. 1975. Húsfreyja í Finnstungu í Blöndudal, A-Hún. Var á Leifsstöðum, Bergstaðasókn, A-Hún. 1930. Var í Finnstungu, Bólstaðarhlíðarhr., A-Hún. 1957. Var í Reykjavík 1945. Síðast bús. í Reykjavík.

Guðrún Sigurfinnsdóttir 9. júní 1937. Var að Hurðarbaki í Torfalækjahr., A-Hún. 1957. Sjúkraliði Reykjavík. Ógift.

Guðrún Sigurhjartardóttir 28. október 1915 - 27. nóvember 1979 Húsfreyja á Siglufirði. Var lærð saumakona og fékkst við verslunarrekstur. Var á Siglufirði 1930. Síðast bús. í Reykjavík.

Guðrún Sigurjónsdóttir 22. apríl 1956. Var á Brandsstöðum, Bólstaðarhlíðarhr., A-Hún. 1957. Auðkúlu. Einkabarn.

Guðrún Sigurlaug Stefánsdóttir 5. janúar 1887 að Galtarnesi í Víðidal: - 23. maí 1970. Húsfreyja í Kistu, Breiðabólsstaðarsókn, V-Hún. 1930. Húsfeyja á Sigríðarstöðum í Vesturhópi, V-Hún., síðast bús. í Reykjavík. Þegar foreldrar hennar brugðu búi var henni komið í fóstur að Refsteinsstöðum í Víðidal til hjónanna Helgu Þórarinsdóttar og Guðmundar Guðmundssonar og reyndust þau henni sem beztu foreldrar. Einnig var þremur af eldri systkinum hennar komið niður, en tvö þau yngstu fylgdu foreldrum sínum eftir. Voru þau 6 systkinin sem upp komust. Fótur vor er fastur en fljúga vill önd". Þessi orð koma mér í hug nú, þegar ég minnist Guðrúnar og eru þau sannmæli. Hún átti lengi við vanheilsu að stríða og gat ekki borið sig yfir hin síðari ár nema með hækjum. Sálarstyrkur hennar var þeim mun meiri. Hann virtist alltaf óskertur, enda þótt hún gengi sjaldan heil til skógar.

Í frumbýli sínu bjó hún við litil efni. Var það algengt í þá daga. Hún lét alltaf lítið yfir sér, en var því traustari, þegar á reyndi. Heilsuleysi það, sem hún átti við að stríða, var henni ekki eins mikill fjötur um fót og ætla mætti. Kjarkur hennar og trúin á lífið og framhald þess gaf henni þann styrk, er hún gladdi sig við. Enginn sá henni bregða. Guðstrú hennar var henni mikill styrkur í lífsbaráttunni. Ekki skemmdi það heldur að maður hennar, Ólafur Dýrmundsson, stóð fast við hlið hennar og var henni ómetanleg stoð, sem aldrei brást, á hverju sem gekk.

Hún andaðist að Hrafnistu 23. maí eftir langvarandi heilsuleysi.

Guðrún Sigurlína Jónsdóttir 17.2.1952 Mosfellssveit, Hvammsgerði, Skagafirði. Kvsk á Blönduósi 1969-1970. Einkabarn

Guðrún Sigvaldadóttir 6. sept. 1905 - 1. ágúst 1981. Húsfreyja á Mosfelli, Auðkúlusókn, A-Hún. 1930. Var á Mosfelli, Svínavatnshr., A-Hún. 1957. Síðast bús. í Svínavatnshreppi.

Guðrún Halldóra Sigvaldadóttir 3. júlí 1927 - 30. apríl 2014. Var á Kúfustöðum, Bergstaðasókn, A-Hún. 1930. Húsfreyja og saumakona í Kópavogi.
Hún lést á Hjúkrunarheimilinu Grund 30. apríl 2014. Útför Guðrúnar fór fram frá Kópavogskirkju 9. maí 2014, kl. 13.

Guðrún Sigríður Sigvaldadóttir 24. sept. 1955. Blönduósi

Jóhanna Guðrún Símonardóttir Skaptason 16. mars 1878 - 13. okt. 1960. Kennari í Árnesi, Kanada. Dvaldi á Íslandi 1897-1898 en fór síðan aftur til Kanada. nefndist; Guðrún Skaptason, vestra. Flutti vestur 1874 eða 1876. 378 Maryland Str., Winnipeg, Man., Canada. Fjallkona á Íslendingadeginum í Gimli 2.8.1943.

Guðrún Jakobína Snæbjörnsdóttir 22. sept. 1891 - 1. okt. 1969. Var í Reykjavík 1910. Húsfreyja í læknishúsinu, Flateyri 1930.
Hún var jarðsungin frá Dómkirkjunni 8.10.1969 kl. 13.30.

Guðrún Sólmundardóttir Simonson Olson 1877 [6.10.1875]- 1. ágúst 1950. Fór til Vesturheims 1888 frá Reykjavík. 4 ára 1880 og 2 árum eldri en Margrét. Þjónustustúlka Lisgar Gimli Manitoba Census 1891.

Guðrún Sigurlaug Stefánsdóttir 5. jan. 1887 - 23. maí 1970. Húsfreyja í Kistu, Breiðabólsstaðarsókn, V-Hún. 1930. Húsfeyja á Sigríðarstöðum í Vesturhópi, V-Hún., síðast bús. í Reykjavík.

Að morgni þrettándadags jóla andaðist móðursystir mín, Guðrún Stefánsdóttir, á hundraðasta og öðru aldursári. Hún var vistmaður á Elliheimilinu Grund, hafði dvalið þar síðustu 10­15 árin í góðu yfirlæti, en var orin þreytt og hvíldinni fegin, en hún andaðist í svefni og hélt andlegri heilsu til hins síðasta.

Hún fæddist að Kotleysu, sem er hógvært bæjarnafn, og ólst upp í Kumbaravogi við Stokkseyri, þar til hún hleypti heimdraganum ung að árum og hélt til Reykjavíkur til þess að nema hannyrðir og annan saumaskap, karlmannafatasaum lærði hún og vann við þá iðju í mörg ár. Einnig lærði hún til rekstrar svokallaðra rjómabúa, en þau voru við lýði frá aldamótum til heimsstyrjaldarinnar fyrri, 1914­ 1918, að þau lögðust af að mestu. Guðrún lærði sín fræði á Hvítárvöllum í Borgarfirði og stóð fyrir rekstri rjómabúa í Ytri-hrepp og Ölfusi. Guðrún fæddist á erfiðum tímum kólnandi veðurfars, vesturfarir voru enn við lýði, mönnum var í minni mesta rán þeirra tíma, Kambsránið, því þá fundust eftirhreytur ránsfengsins í kistuhandraða í Simbakoti við Eyrarbakka, 6 pund silfurs. Mikill uggur var í fólki og óvissa um framtíðina. En þrátt fyrir allt var fólk nægjusamt og hjálplegt við náungann.

Suðurlandsskjálftinn reið yfir 1896 með miklum hörmungum, sem þeim náttúruhamförum fylgdu. Mundi Guðrún það vel og hafði frá mörgu að segja af því sem hafði á dagana drifið. Hún fór kaupstaðarferðir til Reykjavíkur með föður sínum og var aðalinnleggið kartöflur og rófur. Ferðin tók ekki minna en þrjá daga.

Guðrún gifti sig aldrei, hún vildi vera frjáls. En hún eignaðist eina dóttur, Sigríði, sem hún ól upp ein. Guðrún fylgdist vel með þjóðmálum, var mikil sjálfstæðiskona og fannst að Sjálfstæðisflokkurinn stæði sig vel núna, og hefði ekki í annan tíma staðið sig betur. Forsætisráðherra, Davíð Oddsson, árnaði henni heilla á 101 árs afmælinu og sagði að það hefði glatt hann hve fögrum orðum hún fór um Sjálfstæðisflokkinn. Guðrún var mikil og ákveðin jafnréttiskona og vildi vera sjálfstæð, henni fannst ganga illa hjá konum að berjast fyrir sínum málum, þær verða bara að herða sig og berjast fyrir sínum réttindum, sagði hún. Einn mann mat Guðrún öðrum fremur, það var Thor Jensen sem hún sagði að hefði verið besti maður sem hún hefði fyrir hitt á lífsleiðinni.

Guðrún vann fyrir sér við fatasaum, aðallega við saum á karlmannafötum og var hjá ýmsum klæðskerum aðallega Guðmundi Vikar og þótti dugleg og vandvirk saumakona. Hún var einnig ráðskona og bústýra norðanlands í nokkur ár hjá Sigurði bónda Árnasyni frá Höfnum á Skaga. Þau eignuðust saman eina dóttur, Sigríði, sem gift er Friðrik L. Guðmundssyni, fv. leigubílstjóra í Reykjavík. Sigríður hafði áður eignast son, Þórarin, með fyrri manni sínum, Baldvin Baldvinssyni. Þórarinn stundaði nám í listdansi í Englandi í mörg ár og var í miklu uppáhaldi hjá ömmu sinni.

Guðrún fluttist til Reykjavíkur 1933 og átti hér heima síðan. Þá var Norðurmýrin að byggjast og reisti hún sér hús við Vífilsgötu, sem hún bjó í, þar til hún þurfti á umönnun og vist að halda á dvalarheimili fyrir aldraða. Síðan hefur hún búið á Elliheimilinu Grund og undi þar vel hag sínum. Hún var við allgóða heilsu, hugurinn var ern og minnið gott. Útför Guðrúnar fór fram í kyrrþey.

Guðrún Skagfjörð Stefánsdóttir 12. apríl 1919 - 20. jan. 2009. Var í Glaumbæ, Holtastaðasókn, A-Hún. 1930. Var í Matarbragga, Blönduóshr., A-Hún. 1957. Ógift.

Guðrún Jóhanna Stefánsdóttir 20. júní 1967 frá Kagaðarhóli.

Guðrún Þuríður Steindórsdóttir 25. júlí 1901 - 26. feb. 1999. Var í Forsæludal, Undirfellssókn, Hún. 1901. Saumakona Langaskúr á Blönduósi 1933. Verkakona. Síðast bús. í Kópavogi.
Útför hennar fór fram frá Fossvogskapellu þann 8. mars 1999..

Guðrún Kristín Steingrímsdóttir fæddist á Skagaströnd 4. janúar 1929. Hún lést á Dvalar-og hjúkrunarheimilinu Grund 31. október 2013. Guðrún ólst upp á Skagaströnd til 14 ára aldurs, en þá var hún ráðin í vist á Holtastöðum í Langadal. Hún hóf nám við gagnfræðaskólann á Akureyri árið 1944 og lauk þaðan gagnfræðaprófi. 18 ára gömul fluttist hún til Reykjavíkur og hóf nám í Fósturskóla Íslands. Eftir útskrift þaðan sigldi hún til Danmerkur og vann þar um tíma á saumastofu Magasin du Nord og seinna á leikskóla. Hún fékk styrk til náms í skóla í Þýskalandi, og dvaldi þar í eitt ár. Þegar heim kom hóf hún störf sem leikskólakennari og vann við ýmsa leikskóla í Reykjavík og tvö sumur í Pálmholti á Akureyri. Eftir að hún giftist og stofnaði fjölskyldu starfrækti hún föndurskóla á heimili þeirra hjóna í Kennarablokkinni á Hjarðarhaga 28. Þar bjuggu þau mestallan sinn búskap. Guðrún var í stjórn Fóstrufélags Íslands á árunum 1981-1983. Frá árinu 1977 starfaði Guðrún sem leikskólastjóri, lengst af á Hagaborg v/Fornhaga, allt þar til hún lét af störfum sökum aldurs árið 1996. Frá árinu 2011 dvaldist Guðrún á Dvalar- og hjúkrunarheimilinu Grund.

Guðrún verður jarðsungin frá Neskirkju í dag, 12. nóvember 2013, og hefst athöfnin klukkan 13.

Guðrún Þórunn Steingrímsdóttir 9. okt. 1932 - 4. sept. 2018. Húsfreyja á Bollastöðum í Bólstaðarhlíðarhreppi. Var á Bollastöðum í Bólstaðarhlíðarhr., A-Hún. 1957.

Guðrún Steingrímsdóttir [Gæja] 16. ágúst 1943. Var á Snæringsstöðum, Svínavatnshr., A-Hún. 1957.

Guðrún Steinsdóttir fæddist á Hrauni á Skaga 4. september 1916. Hún lést á sjúkrahúsinu á Sauðárkróki 7. mars síðastliðinn. Guðrún lauk prófi frá Kvennaskólanum á Blönduósi 1938. Hún var ráðskona við Reykjaskóla í Hrútafirði í eitt ár, stundaði verslunarstörf í Reykjavík í sjö ár en hefur verið húsfreyja á Reynistað frá 1947. Guðrún starfaði í Ungmennafélaginu Æskunni, var í mörg ár formaður Kvenfélags Staðarhrepps, formaður sóknarnefndar Reynistaðarkirkju um árabil auk þess sem hún hafði umsjón með Reynistaðarkirkju í áraraðir. Útför Guðrúnar fer fram frá Reynistaðarkirkju í dag og hefst athöfnin kl. 16.

Guðrún Steinsdóttir 1868 - 26. mars 1936. Geitaskarði 1890. Fór til Vesturheims 1893 þá ógift, frá Holtastaðakoti. Gimli Manitoba í mt í Gimli er hún sögð f 1869.

Guðrún Hlíf Sveinbjörnsdóttir 18. ágúst 1949. Var á Hólma, Skagahr., A-Hún. 1957. Bústýra Króksseli. Ógift.

Guðrún Sveinsdóttir 29. des. 1864 - 31. des. 1898 af barnsförum. Kennari á Ísafirði og í Keflavík.

Guðrún Sveinsdóttir 30. maí 1890 - 23. okt. 1978. Húsfreyja á Sauðárkróki 1930. Síðast bús. á Sauðárkróki. Kennari í Bjarnarstaðahlíð. Bl.

Guðrún Sveinsdóttir 30. mars 1922 - 24. júlí 1981. Húsfreyja og afgreiðslukona á Sauðárkróki. Var í Kálfholti, Oddasókn, Rang. 1930. Síðast bús. á Sauðárkróki.

Guðrún Sigurlína Teitsdóttir 26. okt. 1889 - 17. júní 1978. Húsfreyja í Kringlu, Blönduósssókn, A-Hún. 1930. Húsfreyja og ljósmóðir, síðast bús. í Höfðahreppi. Var í Árnesi, Höfðahr., A-Hún. 1957.