Fyrirtæki/stofnun

Þverárdalur á Laxárdal fremri

[1300]

Fremsti bær á Laxárdal, byggður á háum bröttum hól. Blasir hann við af Norðurlandsvegi ofan Húnavers. Þröngidalur gengur norðaustur í fjallgarðinn sunnan túns í Þverárdal og er brú á Hlíðará neðan við bæjarhólinn. Sunnan ár gnæfa Ógöngin, syðstihluti Laxárdalsfjalla ofan túnsins. Túnið er grasgefið, en sumt af því mjög brattir hólar. Norðan túns er víðáttu mikið flólendi óframræst. Íbúðarhús byggt 1948 358 m3. Fjós yfir 9 gripi. Fjárhús fyrir 280 fjár. Hesthús fyrir 15 hross. Tún 10 ha. Veiðiréttur í Hlíðará.

Þverárdalur; Mjóadalur; Laxárdalur fremri; Norðurlandsvegur; Húnaver; Þröngidalur; Hlíðará; Ógöng; Laxárdalsfjöll; Geirbjarnargil; Flókalækur; Kattaraugu; Skyttudalur; Rauðilækur; Þórunnarlág; Dældarbrúnir; Þverárdalshöfði; Höfðabrekkur; Miðlækjur; Votahvammur; Útburðarskál; Víðidalur; Vatnsdalsá; Miðlækur:

Þuerárdalur á Laxárdal. Jarðardýrleiki xxx € og so tíundast tveimur tíundum, presti og fátækum. Eigandinn biskupsstóllinn Hólar í Hjaltadal. Ábúandinn Guðmundur Þorsteinsson.
Landskuld i € lx álnir. Betalast í lándaurum hjer heima. Leigukúgildi vi. Leigur betalast í smjöri hjer heima. Kvaðir öngvar.
Kvikfje v kýr, ii kálfar, lx ær, xii sauðir tvævetrir og eldri, xx veturgamlir, xl lömb, iii hestar, iii hross, i foli þrevetur, i veturgamall, ii fyl. óðrast kann iiii kýr, xl ær, xxx lömb, i hestur, hinum komið burt til hagagöngu. Afrjett ut supra. Torfrista og stúnga bjargleg en erfið til að sækja. Hrísrif lítið til eldíngar, hefur verið bjarglegt en eyðist mjög. Grasatekja litil og valla teljandi. Túninu grandar kalda snjóvatn, sem jetur úr rótina. Enginu grandar smálækir úr brattlendi, sem bera á þær grjót og sand til stórskaða. Hætt er kvikfje fyrir holgryfjulækjum, og verður oft mein að,

Þverardalskot, eyðihjáleiga bygð í heimalandi skamt frá túninu fyri manna minni, og hefur í auðn verið í næstu þrettán ár og stundum þar fyri. Nokkur ár í býli. Landskuld lx álnir í landaurum. Leigukúgildi ii. Leigur betöluðust í smjöri, hvorutveggja til heimabóndans. Kvaðir öngvar. Fóðrast kunni i kýr, vi ær með lömbum. Þessi hjáleiga brúkast af ábúandanum heimajarðarinnar. Ekki má hjer aftur byggja nema heimajörðunni til meins og skaða, því það skerðir fyri heimajörðunni, sem hjáleigan brúkaði.

Ábúendur;
<1890-1917- Brynjólfur Benedikt Bjarnason 8. september 1865 - 5. desember 1928 Var í foreldrahúsum í Noisomhed, Vestmannaeyjasókn 1870. Bóndi á Refsstöðum, en lengst af bóndi í Þverárdal, Bólstaðarhlíðarhr., A-Hún. Síðar gerðist hann umboðssali. Kona hans; Steinunn Guðmundsdóttir frá Mörk í Laxárdal, húsfreyja, f. 16. október 1852, d. 25. janúar 1895. Bústýra hans; Ingibjörg Ólafsdóttir frá Ögmundarstöðum í Staðarhreppi.<1910- Þorvaldur Guðmundsson 13. október 1883 - 11. október 1961 Tökubarn í Holti, Hjaltabakkasókn, Hún. 1890. Bóndi og kennari í Brennigerði, Sauðárkrókssókn, Skag. 1930. Bóndi í Brennigerði í Borgarsveit, Skag. Kennari á Sauðárkróki. Hreppstjóri Sauðárkróks um skeið og kona hans 5.5.1909; Ingibjörg Salóme Pálmadóttir 7. nóvember 1884 - 21. apríl 1957 Húsfreyja á Sauðárkróki.
<1920- Björn Sveinsson 20. maí 1867 - 21. ágúst 1958 Bóndi Torfastöðum í Svartárdal 1901, Botnastöðum 1910 og Skagafirði. Síðast bóndi á Gili í Borgarsveit, Skag. Kona hans; Guðbjörg Jónsdóttir 15. desember 1866 - 26. apríl 1943 Húsfreyja í Gili, Sauðárkrókssókn, Skag. 1930. Húsfreyja á ýmsum bæjum í Skagafirði og Húnaþingi.
Eiríkur Björnsson 14. október 1895 - 3. september 1986 Bóndi í Þverárdal í Bólstaðarhlíð, A-Hún. Bóndi á Sjávarborg og Gili í Borgarsveit, Skag. Oddviti Skarðshrepps 1931-33. Síðar bifreiðarstjóri á Sauðárkróki. Síðast bús. á Sauðárkróki. „Eiríkur var hlédrægur og hæglátur, traustur maður og vandaður“ segir í Skagf.1910- Bóndi í Gili, Sauðárkrókssókn, Skag. 1930.1950 I. Kona hans 5.7.1919; Sigríður Margrét Reginbaldsdóttir 10. mars 1895 - 28. apríl 1955 Húsfreyja í Þverárdal í Bólstaðarhlíð
1921-1947- Gunnar Árnason 24. október 1883 - 22. mars 1969 Bóndi í Garði í Fnjóskadal, Skáldstöðum í Eyjafirði, Refsstöðum í Laxárdal, Hún., og Æsustöðum í Langadal en lengst í Þverárdal í Bólstaðarhlíðarhreppi. Bóndi í Þverárdal 1930. Síðast bús. á Akureyri og kona hans 23.5.1907; Ísgerður Pálsdóttir 1. desember 1885 - 24. nóvember 1971 Húsfreyja í Garði í Fnjóskadal, á Skáldstöðum í Eyjafirði, Þverárdal í Bólstaðarhlíðarhreppi og víðar. Húsfreyja í Þverárdal, Bergstaðasókn, A-Hún. 1930.
1944- Árni Gunnarsson 31. maí 1911 - 16. júní 1991 Bóndi á Botnastöðum og í Þverárdal í Bólstaðarhlíðarhr., A-Hún. Nemandi á Hólum, Hólasókn, Skag. 1930. Var í Þverárdal, Bólstaðarhlíðarhr., A-Hún. 1957. Síðast bús. á Sauðárkróki. Kona hans; Margrét Elísabet Jóhannesdóttir 23. maí 1916 - 13. október 2000 Var á Tungunesi, Auðkúlusókn, A-Hún. 1930. Var í Þverárdal, Bólstaðarhlíðarhr., A-Hún. 1957.

Landamerkjaskrá fyrir jörðinni Þverárdal í Bólstaðarhlíðarhreppi.

Að norðanverðu, milli Þverárdals og Mjóadals, eru landamerki: Geirbjarnargil í austurhlíð Laxárdals, það sem gilið endar ræður bein stefna eptir gömlum lækjarfarveg úr gilinu niður að Flókalæk, sunnan-vert við jarðbrýr, þar sem nefnist Kattaraugu. Þaðan til suðurs, móts við Skyttudal, ræður merkjum bein stefna að upptökum Rauðalækjar, og ræður hann merkjum síðan, suður á móts við Þórunnarlág. Frá Rauðalæk ræður bein stefna til vesturs upp eptir nefndri Þórunnarlág móts við landamerkjastein á Dældarbrúnum, þaðan ræður merkjum bein stefna til suðurs eptir fyr nefndum Dældabrúnum, og liggja þar stórir steinar eptir merkjalínunni, svo liggur hún í stein vestanvert við Þverárdalshöfða, og síðan ofan Höfðabrekkur, samkvæmt hlöðnum vörðum að upptökum að upptökum Miðlækjar, er fellur ofan Votahvamm, og sem ræður þaðan af merkjum, þar til hann fellur í Hlíðará. Frá fyr nefndu Geirbjarnargili ræður merkjum bein stefna austur yfir fjall, að Útburðarskál, þaðan Útburðarskálarlækur, þartil hann fellur í læk, er rennur suður Víðidal, og ræður hann merkjum þar til hann fellur í Vatnsdalsá, og rennu hún þaðan af að austan og sunnan við Þverárdalsland ofan hjá Þverárdal, og ræður merkjum, þaðan nefnist áin Hlíðará, og ræður hún merkjum þar til fyr nefndur Miðlækur fellur í hana.

Þverárdal, 16. maí 1890.
Í umboði eigenda: frú Hildar Bjarnadóttur Brynjólfur B. Bjarnason.
Framanskrifaðri landamerkjaskrá erum við undirritaðir eigendur og umráðamenn næstliggjandi jarða að öllu leyti samþykkir.
Jóh. Fr. Sigvaldason.
Guðm. Klemensson.
Þorl. Klemensson.

Lesið upp á manntalsþingi að Bókstaðarhlíð, hinn 19. maí 1890, og innfært í landamerkjabók Húnavatnssýslu, No. 136, fol. 71.

Þorvaldur Guðmundsson (1883-1961) hrstj Sauðárkróki frá Auðkúlu (13.10.1883 - 11.10.1961)

Ingibjörg Árnadóttir (1937-2022) Þverárdal, Bólstaðarhlíðarhreppi (5.5.1937 - 14.6.2022)

Kristín Guðmundsdóttir (1894-1983) Núpsöxl (27.11.1894 - 3.5.1983)

Bólstaðarhlíðarkirkja (1889 -)

Birgir Gunnarsson (1927-1975) frá Þverárdal (22.4.1927 - 13.12.1975)

Ingibjörg Gunnarsdóttir (1924-2015) Þverárdal, A-Hún (11.10.1924 - 5.5.2015)

Páll Friðrik Vídalín Bjarnason (1873-1930) sýslumaður Snæfellinga (16.10.1873 - 28.10.1930)

Laxárdalur fremri (874 -)

Guðmundur Sigurðsson (1845-1919) Vatnshlíð (10.3.1845 - 26.5.1919)

Guðbjörg Þorleifsdóttir (1870-1951) frá Móbergi (24.6.1870 - 17.3.1951)

Bólstaðarhlíðarhreppur ((1000-2019))

Mjóidalur á Laxárdal fremri ([1300])

Bólstaðarhlíð ([900])

Laxárdalur fremri (874 -)

Húnaver félagsheimili (1957 -)

Steinunn Guðmundsdóttir (1852-1896) Refsstað og Þverárdal á Laxárdal fremri (16.10.1852 - 25.1.1895)

Jón Jóhann Þorfinnsson (1884-1960) Þverárdal og Valabjörgum

Margrét Reginbaldsdóttir (1895-1955) Þverárdal (10.3.1895 - 28.4.1955)

Eiríkur Björnsson (1895-1986) Þverárdal (14.10.1895 - 3.9.1986)

Ingibjörg Ólafsdóttir (1871-1957) Þverárdal (6.4.1871 - 26.8.1957)

Gísli Hjálmarsson (1844-1898) Æsustöðum og Þverárdal (21.2.1844 - 7.5.1898)

Hóladómkirkja og Hólar í Hjaltadal ((1930))

Margrét Jóhannesdóttir (1916-2000) Botnastöðum (23.5.1916 - 16.10.2000)

Eyvindarstaðir í Blöndudal ([1300])

Árni Gunnarsson (1911-1991) Þverárdal (31.5.1911 - 16.6.1991)

Gunnar Árnason (1883-1969) Æsustöðum (24.10.1883 - 22.3.1969)

Guðbjörg Jónsdóttir (1866-1943) Gili Skagafirði (15.12.1866 - 26.4.1943)

Björn Sveinsson (1867-1958) Botnastöðum ov (20.5.1867 - 21.8.1958)

Brynjólfur Bjarnason (1865-1928) Þverárdal (8.9.1865 - 5.12.1928)

HAH00179

IS HAH-Bæ

Loka

Fullt

GPJ 6.3.2019

• íslenska

Húnaþing II bls 185
Landamerkjabók Húnavatnssýslu, No. 136, fol. 71. 19.5.1890