Ræktarland mikið og gott. Beitiland er ekki víðáttu mikið en notagott. Jörðin má teljast mjög auðunnið og gott býli. Blöndubrú fremri er niður unadan bænum og vegamót skammt frá. Íbúðarhús byggt 1957, 443 m3. Fjárhús yfir 340 fjár. Fjós yfir 24 kýr og 12 geldneyti með mjólkurhúsi, kjarnfóðurgeymslu og áburðarkjallara. Hesthús yfir 18 hross, torfhús. Hlaða 600 m3. Tún 27,7 ha. Veiðiréttur í Blöndu.

Jarðardýrleiki x € og so tíundast tveim tíundum. Eigandinn er biskupsstóllinn að Hólum. Ábúandi Árni Jónsson.
Landskuld lx álnir. Betalast í öllum gildum landaurum, eftir því sem umboðsmanni og leiguliða um semur. Leigukúgildi iiii. Leigur betalast í smjöri þángað sem umboðsmaður tilsegir innan hjeraðs. Kvaðir öngvar.
Kvikfjenaður ii kýr, i kvíga tvævetur kelfd, i veturgömul, lxviii ær, xxiiii sauðir tvævetrir og eldri, xxv veturgamlir, xl lömb óvís, iiii hestar, iii hross, i foli tvævetur, i veturgamall.
Fóðrast kann iii kýr, xxiiii lömb, xl ær, iii hestar. Torfrista bjargleg. Hrísrif lítið til eldiviðar, kolgjörð þarf til að fá. Túninu spilhr vatnsuppgángur, sem sumstaðar gjörir jarðföll.
Vatnsból þrýtur um vetur til stórmeina og er þá erfitt að sækja.

Ábúendur;

1861-1893- Arnljótur Guðmundsson 2. febrúar 1836 - 12. nóvember 1893. Var á Guðlaugsstöðum í Svínavatnssókn, Hún. 1845. Bóndi á sama stað og Syðri-Löngumýri. Bóndi Syðrilöngumýri 1870. Kona hans; Gróa Sölvadóttir 9. mars 1833 - 28. apríl 1879. Húsfreyja á Guðlaugsstöðum og Syðri-Löngumýri. Var á Löngumýri syðri, Svínavatnssókn, Hún. 1845. Húsfreyja á Syðrilöngumýri 1870.

1893-1909- Magnús Björnsson 5. júlí 1867 - 11. desember 1909. Bóndi á Syðri-Löngumýri. Kona hans; Guðrún Arnljótsdóttir 12. júlí 1874 - 12. september 1943 Húsfreyja á Syðri-Löngumýri, Auðkúlusókn, A-Hún. 1930. Húsfreyja á Syðri-Löngumýri.

1909-1947- Sigurður Magnússon 26. febrúar 1904 - 17. desember 1984 Var á Syðri-Löngumýri, Auðkúlusókn, A-Hún. 1930. Innheimtumaður í Reykjavík og Guðrún móðir hans.

1947-1976- Halldór Ingimundur Eyþórsson 12. mars 1924 - 21. sept. 2007. Bóndi á Syðri-Löngumýri, Blöndudal, Hún. Var í Hnífsdal 1930. Var á Syðri-Löngumýri, Svínavatnshr., A-Hún. 1957. Kona hans; Guðbjörg Sveinsína Ágústsdóttir 21. ágúst 1923 - 2. feb. 1974. Var í Litladal, Svínavatnssókn, A-Hún. 1930. Var í Syðri Löngumýri, Svínavatnshr., A-Hún. 1957. Húsfreyja þar. Síðast bús. í Svínavatnshreppi.

1976- Þorsteinn Hallgrímur Gunnarsson 16. jan. 1946. Kona hans; Inga Þórunn Halldórsdóttir 31. júlí 1947.

Landamerkjaskrá fyrir jörðinni Syðri Löngumýri í Svínavatnshreppi.

Að sunnan ræður merkjum svokallaður Sellækur frá Blöndu vestur á austari hálsbrún, þá frá upptökum hans í vörðu, sem er austast á Grámanaflá, þaðan í vörðu, ern er rjett vestur frá nefndri flá. Að austan eru merki síðast nefnd varða, og beinleiðis norður hálsinn í vörðu á mel á vesturbrún Mjódals, svo rjett austur yfir Sjónarhól í Litlaklett, sem er austan í hálsinum, þá í vörðu, norður frá Löngumýrarbæ, þaðan sömu stefnu í vörðu á Byrgisbrún yfir norðari Merkjahól, í vörðu á garðlagi við Blöndu og er hún landamerki að austan suður að áður nefndum Sellæk.

Syðri Löngumýri, 15. maí 1890.
Arnljótur Guðmundsson eigandi jarðarinnar.

Þessum merkjum á landi Syðri Löngumýrar erum vjer undirritaðir, er lönd eigum að nefndri jörð, samþykkir.
Sigurbjörg Jónsdóttir, Elín Jónsdóttir, Guðrún Jónsdóttir, eigendur Höllustaða.
Pálmi Jónsson, eigandi og ábúandi Ytri Löngumýrar.
I. Salome Þorleifsdóttir vegna Stóradals.
Þorleifur Erlendsson.

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 127. fol. 66b.