Höllustaðir Svínavatnshreppi

Höllustaðir I mun vera byggð um 1600 af ¼ hluta Guðlaugsstaðalands. Seinna var svonefndur Hólareitur, sem er væn landspilda gegnt Blöndudalshólum, lagður undir jörðina. Í gömlum skjölum er talið að nafnið sé dregið af halllendi sem býlið stendur í. Má það teljast sennilegt, því landið er í halla en ekki bratt. Um lýsingu á landinu vísast til lýsingar á Höllustöðum II. Íbúðarhús byggt 1943, 446 m3. Fjós fyrir 22 gripi með mjólkurhúsi og áburðargeymslu. Fjárhús yfir 180 fjár og torfhús yfir 100 fjár. Hlöður 600 m3. Votheysturn 65 m3. Bílskúr 45 m3. Tún 25,4 ha. Veiðiréttur í Blöndu.

Höllustaðir II. Nýbýli stofnað 1958 á hálfu landi Höllustaða. Ræktunarland niðri í lágdalnum er nú uppunnið að mestu, en ofan við bæjarbrún í um 200 metra hæð yfir sjávarmáli er gnægð ræktarlands og hefur talsverður hluti þess verið þurrkaður. Félagsbú hefur verið rekið á býlunum nokkur síðustu ár [1975]. Íbúðarhús byggt 1958, 490 m3. Fjárhús yfir 180 fjár og önnur jarnklædd yfir 100 fjár. Hesthús yfir 7 hross torfhús. Hlöður 539 m3 og önnur 212 m3. Véla og verkfærageymslur 134 m3. Tún 42 ha. Veiðiréttur í Blöndu.

Svínavatnshreppur; Blanda; Blöndubakki; Guðlaugsstaðir; Blöndudalshólar; Hólareitur; Brandsstaðir; Bæjarbrún; Barkarás; Grámanaflá; Hálsbrún; Sellækur; Stórabarð; Gilsárgil; Syðri-Löngumýri:

Höllustader. Hjáleiga frá Guðlaugsstöðum bygð í stekkjarstæði fyrir 50 árum. Hvörnin nafnið komi til, vita menn ekki, því öngvar sjást hjer forngirðíngar. Hyggja menn því nafngiftin sje gjör eftir hallendi, því kotið stendur í brekku.
Dýrleikinn er áður talinn í heimajörðinni, og stendur kotið í óskiftu heimalandi. Ábúandinn ekkjan Helga Eyjólfsdóttir.
Landskuld lx álnir. Betalast í landaurum, nema fóðri, og afhendist til heimabóndans. Leigukúgildi iii. Leigur betalast í smjöri heim til heimabóndans. Kvaðir öngvar.
Kvikfjenaður ii kýr, xxvii ær, iii sauðir tvævetrir, vi veturgamlir, xiii lömb, i hross óvist, i foli tvævetur, i veturgamall, i fyl óvist. Fóðrast kann i kýr ríflega, xx ær, xii lömb, i hestur, hinu
er vogað á útigáng.
Túninu spillir lækur og er ekki bænum óhætt. Annara hlunninda jarðarinnar nýtur kotið í óskiftu landi

Ábúendur;

1901 og 1920> Sigurbjörg Jónsdóttir 10. mars 1860 - 25. maí 1947. Leigjandi á Höllustöðum, Auðkúlusókn, A-Hún. 1930. Húskona á Höllustöðum. Ógift og barnlaus.

Guðmundur Kristjánsson 17. mars 1888 - 8. apríl 1939. Bóndi í Sléttárdal, Auðkúlusókn, A-Hún. 1930. Ólst upp hjá móðurafa sínum Arnljóti Guðmundssyni f. 1836. Bóndi á Hafgrímsstöðum í Tungusveit, síðar í Sléttárdal í Svínavatnshr. og víðar í Húnaþingi. Kona hans; Pálína Anna Jónsdóttir 8. október 1894 - 2. desember 1972 Húsfreyja í Sléttárdal, Auðkúlusókn, A-Hún. 1930. Húsfreyja á Höllustöðum og Auðkúlu, Svínavatnshr. Ólst upp hjá föðurforeldrum sínum Hannesi og Halldóru.

1927-1934- Jón Ingimundur Ólafsson 6. nóv. 1891 - 15. apríl 1987. Frá Sléttadal. Bóndi á Höllustöðum og Eiðsstöðum í Blöndudal, síðar á Blönduósi. Kona hans; Júnía Þuríður Helgadóttir 9. júní 1893 - 29. sept. 1961. Húsfreyja á Höllustöðum, Auðkúlusókn, A-Hún. 1930. Húsfreyja á Höllustöðum og Eiðsstöðum í Blöndudal, síðar á Blönduósi.

1934- Pétur Pétursson 30. nóv. 1905 - 7. maí 1977. Var á Steiná, Bergstaðasókn, A-Hún. 1930. Bróðir bónda? Bóndi og hreppstjóri á Höllustöðum. Var á Höllustöðum, Svínavatnshr., A-Hún. 1957. Síðast bús. í Svínavatnshreppi. Kona hans; Hulda Sigurrós Pálsdóttir 21. ágúst 1908 - 9. jan. 1995. Barnakennari í Efri-Hreppi, Fitjasókn, Borg. 1930. Heimili: Guðlaugsstaðir, Svínavatnshr., Hún. Var á Höllustöðum, Svínavatnshr., A-Hún. 1957. Kennari og húsfreyja á Höllustöðum, síðast bús. í Svínavatnshreppi.

1958> Páll Bragi Pétursson 17. mars 1937. Kona hans, Helga Ólafsdóttir 30. okt. 1937 - 23. maí 1988. Húsfreyja og bóndi á Höllustöðum 1959-1988, Svínavatnshreppi, A-Hún.

GPJ 12.3.2019

• Icelandic

Guðmundur Paul
Jarðabók Páls Vidalín 1706. Bls 348
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 120, fol. 63. 17.5.1890
Húnaþing II bls 230 og 231.
ÆAHún bls 846