Ytri-Langamýri í Svínavatnshreppi

Ytri-Langamýri er nyrsta jörðin í Blöndudal að vestan. Heimalandið er ekki stórt, en næstum allt graslendi og að miklum hluta ræktanlegt. Mikið kjarngott beitarland sem liggur á vestanverðum Sléttárdal hefur verið lagt undir jörðina. Íbúðarhús byggt 1939, 647 m3. Fjárhús yfir 720 fjár og annað yfir 180 fjár. Hlöður 600 m3. Vélageymsla úr asbesti 95 m3. Tún 53,8 ha. Veiðiréttur í Blöndu.

Svínavatnshreppur; Svínavatn; Blöndudalur; Sléttárdalur; Blanda; Syðri-Löngumýri; Bekkjar; Litliklettur; Byrgisbrún; Sjónarhóll; Mjódalur; Stóridalur; Múlatjörn; Skollhóll; Múlinn; Múlahyrningur; Tungunes; Skjólsholt: Hólastóll;

Jarðardýrleiki xx € og so tíundast tveim tíundum. Eigandinn er biskupsstóllinn Hólar. Ábúandinn Magnús Torfason.
Landskuld i € . Betalast í gildum landaurum dauðum og oftast xx álna fóðri. Leigukúgildi nú v síðan í fardögum, og so segja menn að fornu verið hafi. En nokkur næstumliðin ár voru þar ekki nema iiii kúgildi, hvað borið hafi til þessarar breytni vita menn ekki gjör. Leigur betalast í smjöri þángað sem umboðsmaður tilsegir innan hjeraðs. Kvaðir öngvar.
Kvikfje iii kýr, xl ær, i sauður tvævetur, iiii veturgamlir, xxii lömb, sum óvís, ii hestar, i hross. Fóðrast kann iiii kýr, xxx lömb, l ær, v hestar. Torfrista og stúnga næg. Rifhrís má kalla þrotið og þarf kolgjörð til að fá. Túninu spillir vatn, vide Lángamýri syðri. Vatnsból ilt og þrýtur oft um vetur til stórskaða.

Ábúendur;

1886-1914- Pálmi Jónsson 5. okt. 1850 - 7. feb. 1927. Bóndi á Ytri-Löngumýri í Blöndudal, Svínavatnshr., A-Hún. Kona hans; Ingibjörg Eggertsdóttir 12. mars 1852 - 11. júní 1911. Húsfreyja á Ytri-Löngumýri í Svínavatnshr., A-Hún.

1915 og 1917-1923- Jón Pálmason 28. nóv. 1888 - 1. feb. 1973. Alþingismaður, ráðherra og bóndi á Ytri-Löngumýri í Svínavatnshr., í Mörk í Laxárdal og á Akri við Húnavatn, A-Hún. Bóndi á Akri, Þingeyrasókn, A-Hún. 1930. Var á Akri í Torfalækjahr., A-Hún. 1957. Kona hans; Jónína Valgerður Ólafsdóttir 31. mars 1886 - 3. jan. 1980. Húsfreyja á Akri, Þingeyrasókn, A-Hún. 1930. Var á Akri í Torfalækjahr., A-Hún. 1957. Húsfreyja á Ytri-Löngumýri í Svínavatnshr., síðar á Akri við Húnavatn, A-Hún., síðast bús. í Torfalækjarhreppi.

1916- Eggert Pálmason 16. feb. 1891. Var í Ytri-Löngumýri, Svínavatnssókn, Hún. 1901.

1923-1924- Sigvaldi Halldórsson 30. september 1897 - 16. maí 1979 Bóndi á Kúfustöðum, Bergstaðasókn, A-Hún. 1930. Bóndi í Stafni í Svartárdal, A-Hún. Kona hans; Steinunn Elísabet Björnsdóttir 4. janúar 1899 - 7. febrúar 1994 Húsfreyja á Kúfustöðum, Bergstaðasókn, A-Hún. 1930

1924-1930- Erlendur Hallgrímsson 14. september 1891 - 27. ágúst 1943 Bóndi í Tungunesi. Sauðárkróki. Hansína Sigurbjörg Guðmundsdóttir 9. desember 1886 - 1. janúar 1990 Húsfreyja á Ytri-Löngumýri, Auðkúlusókn, A-Hún. 1930. Húsfreyja í Tungukoti, síðast bús. á Sauðárkróki.

1930- Björn Pálsson 25. febrúar 1905 - 11. apríl 1996 Búfræðingur, kaupfélagsstjóri, alþingismaður og bóndi á Ytri-Löngumýri. Var í Ytri Löngumýri, Svínavatnshr., A-Hún. 1957. Kona hans 24.5.1945; Ólöf Guðmundsdóttir 10. mars 1918 - 5. september 2002 Var í Útibæ í Flatey, Brettingsstaðasókn, S-Þing. 1930. Var í Ytri Löngumýri, Svínavatnshr., A-Hún. 1957.

Björn Björnsson 14. júlí 1955 - 28. jan. 2019. Húsasmiður og bóndi á Ytri-Löngumýri í Svínavatnshreppi. Var í Ytri Löngumýri, Svínavatnshr., A-Hún. 1957.

Landamerkjaskrá fyrir jörðina Ytri Löngumýri í Svínavatnshreppi.

Landamerkin milli Ytri Löngumýrar og Syðri Löngumýrar liggja úr vörðu á garðlagi niður undir Blöndu, og beina stefnu yfir ytri hólinn á Bekkjunum upp í Litlaklett austur á hálsinum, á þessum merkjum eru tvær vörður hlaðnar, önnur á Byrgisbrún, en hin á milli bæjanna. Úr Litlakletti heldur landamerkjalínan áfram yfir Sjónarhól, þar sem hann er hæstur, og vestur í vörðu á mel, rjett fyrir vestan Mjódal. Þaðan liggja landamerkin milli Ytri Löngumýrar og Stóradals beina stefnu úr vörðunni út og niður miðja svokallaða Múlatjörn á sundinu. Milli Ytri Löngumýrar og Svínavatns liggur landamerkjalínan úr viki austur úr syðri endanum á Múlatjörn upp í vörðu á Skollhól upp í Múlanum, þaðan beint upp í vörðu á Múlabrúninni, og þaðan beina stefnu í vörðu á Múlahyrningunum. Þaðan liggur landamerkjalínan milli Ytri Löngumýrar og Tunguness, beint yfir vörðu á miðju Skjólsholti niður í Blöndu, en Blanda ræður landamerkjum Ytri Löngumýrar að austan.

Þessum landamerkjum erum vjer, eigendur ofanskrifaðra jarða, að öllu leyti samþykkir, og undirskrifum því til staðfestu nöfn vor í viðurvist tilkvaddra vitundarvotta.
Þorleifur Jónsson,
Pálmi Jónsson.
Jón Jónsson.
Guðmundur Erlendsson. Ingiríður Jónsdóttir.
Guðmundur Klemensson. I.. Salome Þorleifsdóttir.
Þorleifur P. Erlendsson. Ingibjörg Guðmundsdóttir.
Ragnheiður Erlendsdóttir. Elísabet Erlendsdóttir.
Arnljótur Guðmundsson. Helgi Benediktsson.
Jón Guðmundsson.
Vitundarvottar:
Sigurður Kristjánsson. Sighvatur Bjarnason.
Stefán M. Jónsson.
Ingvar Þorsteinsson.

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 122, fol. 64.

GPJ 16.4.2019

• Icelandic

Guðmundur Paul
Jarðabók Páls Vidalín 1706. Bls 346
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 122, fol. 64.
Húnaþing II bls 228