Halldór Ingimundur Eyþórsson (1924-2007)

Halldór Ingimundur Eyþórsson fæddist í Fremri-Hnífsdal í Eyrarhreppi við Djúp 12. mars 1924. Hann lést á Heilbrigðisstofnuninni á Blönduósi 21. september síðastliðinn. Halldór ólst upp í Fremri-Hnífsdal til 12 ára aldurs en þá flutti hann með foreldrum sínum í Húnavatnssýsluna þar sem þau bjuggu á nokkrum stöðum. Árið 1947 keyptu Halldór og Guðbjörg jörðina Syðri-Löngumýri í Blöndudal og hófu búskap þar ásamt foreldrum Halldórs. Halldór var allan sinn starfsaldur bóndi á Syðri-Löngumýri, nema nokkur ár en þá vann hann sem hirðir hjá Fáki í Reykjavík á veturna en var á sumrin vörður við sauðfjárveikivarnargirðingu á Kili. Frá árinu 1986 bjó Halldór á Syðri-Löngumýri ásamt dóttur sinni og tengdasyni en dvaldi síðustu mánuðina á Heilbrigðisstofnuninni á Blönduósi sökum heilsubrests.
Útför Halldórs fer fram frá Svínavatnskirkju í dag og hefst athöfnin klukkan 14.

Fremri-Hnífsdal: Syðri-Langamýri Svínavatnshreppi:

Bóndi

Foreldrar hans voru Jón Eyþór Guðmundsson, f. 19.2. 1894, d. 19.1. 1979, og Pálína Salóme Jónsdóttir, f. 9.2. 1889, d. 14.12. 1975.
Alsystkini Halldórs eru Guðmundur, f. 17.6. 1914, d. 26.12. 1982, Kjartan Blöndal, f. 19.12. 1915, d. 23.6. 1974, Elín Ingibjörg f. 19.9. 1917, d. 1. júlí 1973, drengur sem fæddist andvana 1920, Jóhann, f. 17.2. 1921, d. 2.9. 2005, Haraldur Róbert, f. 6.8. 1927, og Haukur Líndal, f. 18.10. 1929. Haraldur og Haukur dvelja nú báðir á Heilbrigðisstofnuninni á Blönduósi. Áður átti Eyþór dótturina Unni, f. 18.9. 1909.

Halldór kvæntist 1947 Guðbjörgu Sveinsínu Ágústsdóttur, f. 21.8. 1923, d. 2.2. 1974.
Dóttir þeirra er Birgitta Hrönn Halldórsdóttir, f. 20.6. 1959, maður hennar er Sigurður Ingi Guðmundsson, f. 16.1. 1957.
Börn þeirra eru: Halldór Ingi, f. 13.10. 1992, og Guðbjörg Pálína, f. 1.1. 2000.

GPJ 22.5.2017

• Icelandic

http://www.mbl.is/greinasafn/minningaleit/