Þóra Þorsteinsdóttir fæddist á Grund í Svínadal, Austur-Húnavatnssýslu 19. september 1908. Hún missti föður sinn 13 ára en unnusti Ingiríðar systur hennar, Þorsteinn Sölvason, hjálpaði ekkjunni við búskapinn. Árið 1924 gekk lömunarveiki yfir landið og þá lamaðist Þóra á báðum fótum og var rúmliggjandi í heilt ár. Hún fékk aftur mátt í vinstri fótinn en hægri fóturinn var alla tíð lamaður upp í mjöðm. Hún flutti 17 ára til Reykjavíkur til móðurbróður síns, Þórðar Sveinssonar, yfirlæknis á Kleppsspítala og bjó hjá þeim hjónum, Ellen og Þórði, um hríð. Hún hélt heimili með systrum sínum og systurdóttur, lengst af á Flókagötu 7 í Reykjavík. Þóra var mikil hannyrðakona og listræn í verkum sínum. Hún var víðlesin og fróð og fylgdist grannt með þjóðmálum.
Hún lést á Landspítalanum Fossvogi 16. ágúst síðastliðinn.
Útför Þóru fer fram frá Kópavogskirkju í dag og hefst athöfnin klukkan 15. Jarðsett verður í Gufuneskirkjugarði.

Foreldrar hennar voru hjónin Þorsteinn Þorsteinsson, f. 4. desember 1842, d. 21. ágúst 1921 og Ragnhildur Sveinsdóttir, f. 27. júlí 1871, d. 24. febrúar 1951, bændur á Grund.
Alsystkini Þóru voru
1) Ingiríður Þorsteinsdóttir f. 4. október 1902 - 29. október 1990. Starfaði lengst af á Landspítalanum. Fóstursonur: Páll Sesselíus Eyþórsson f. 3. júní 1919 - 20. júlí 2002 Var á Auðkúlu, Svínavatnssókn, Hún. 1920. Var á Grund, Auðkúlusókn, A-Hún. 1930. Fósturmóðir Ragnhildur Sveinsdóttir. Var í Hvassafelli, Blönduóshr., A-Hún. 1957. Síðar búsettur í Reykjavík um tíma en flutti þaðan til Grindavíkur. Starfaði við þar mest við fiskvinnslu. Unnusti Ingiríðar var Þorsteinn Sölvason f. 24. maí 1893 - í júní 1924. Barnakennari á Grund í Svínadal, dó úr lömunarveiki.
2) Steinunn, f. 15.8. 1905, d. 5.10. 1993, verkakona í Alþýðubrauðgerðinni og Rúgbrauðsgerðinni. Dóttir hennar er Ásta Sigfúsdóttir, f. 9. ágúst 1930;
3) Guðmundur, f. 11.10. 1910 – 6.11.2000, bóndi á Syðri-Grund, kona hans er Guðrún Sigurjónsdóttir húsfreyja, f. 16.7. 1922 frá Rútsstöðum. Þeirra börn eru drengur, f. 12.6. 1944, d. 12.6. 1944, Valgerður, f. 18.12. 1945, Sigrún, f. 18.9. 1947, Þorsteinn, f. 27.11. 1952 og Sveinn Helgi, f. 17.1. 1956;
4) Þórður, f. 27.6. 1913, d. 8.8. 2000, bóndi á Grund. Kona hans var Guðrún Jakobsdóttir, húsfreyja, f. 2.10. 1921 -5.1.2005. Börn þeirra eru Lárus, f. 3.7. 1942, Valdís, f. 5.9. 1943, Ragnhildur, f. 12.11. 1951 og Þorsteinn Trausti, f. 11.5. 1959.
Hálfsystkini Þóru samfeðra, móðir var Guðbjörg Sigurðardóttir.

1) stúlka, f. 9.7. 1867, d. 9.7. 1867;
2) Oddný, húsfrú í Reykjavík, f. 31.8. 1868, d. 24.11. 1934. Ekkja á Klapparstíg 31 , Reykjavík 1930. Húsfreyja í Reykjavík. Maður hennar Jón Jónsson f 19. júlí 1878 - 16. nóvember 1918 úr spænskuveikinni. Húsbóndi í Reykjavík 1910. Kaupmaður.
3) Ingiríður, f.7.2. 1871, d. 11.6. 1894, vinnukona á Grund. Ógift.
4) Þorsteinn, bóndi á Geithömrum, f. 12.3. 1873, d. 27.1. 1944, kona hans 7.6.1906, Halldóra Björnsdóttir f. 24. mars 1878 - 10. apríl 1961. Dóttir þeirra á Marðarnúpi, Grímstungusókn, Hún. 1880. Húsfreyja á Geithömrum, Auðkúlusókn, A-Hún. 1930.
5) Jakobína, húsfrú í Hnausum, f. 3.5. 1876, d. 3.5. 1948, maður hennar Jakob Guðmundsson f. 30. júlí 1880 - 6. apríl 1915. Bóndi á Hnausum. Halldóra var systir Jónasar Bergmann á Stóru-Giljá.
6) Jóhanna, kennslukona í Reykjavík, f. 29.5. 1879, d. 13.7. 1957, ógift.
7) Sigurbjörg, Húsfreyja í Blöndudalshólum og Hnausum, f. 29.5. 1879, d. 4.11. 1948, maður hennar Erlendur Erlendsson f. 20. júní 1874 - 18. desember 1943. Ættaður frá Miklaholti í Biskupstungum. Bóndi í Blöndudalshólum, á Auðólfsstöðum í Langadal og Hnausum í Þingi, A-Hún.

„Ófáa sunnudagana sátum við hjá þeim systrum á Flókagötunni og röðuðum í okkur góðgæti. Peysur og sokka, húfur og vettlinga fengum við í farteskið og spottasokkarnir hennar voru víðfrægir. Svo voru það grýluleikirnir með svarta sjalið, Svarti Pétur, Langavitleysa og bollastellið bak við sófann.“
Guðrún Birna, Þórir, Una Eydís og Ragnhildur Lára Finnsbörn.