Marteinn Björnsson (1913-1999) Verkfræðingur Selfossi

• Marteinn Björnsson Verkfræðingur Selfossi

Marteinn fæddist að Orrastöðum í Torfalækjarhreppi 28. febrúar 1913. Hann lést 22. október síðastliðinn. Marteinn var svipmikill og í samkvæmum var hann hrókur alls fagnaðar. Hann var afburða tækifærisræðumaður en einnig flutti hann oft mál sitt í ljóðum og í þeim efnum var hann meira en hagyrðingur. Útför Marteins fer fram frá Selfosskirkju í dag og hefst athöfnin klukkan 13.30.

Orrastaðir: Reykjavík 1945: Selfoss 1958:

Marteinn varð stúdent frá MA 1936 og lauk cand. polyt. prófi frá Danmarks Tekniske Højskole 1944. Hann var verkfræðingur hjá byggingafyrirtækinu Høje- Christjensen í Hurup á Jótlandi 1944-45:

Verkfræðingur hjá bæjarverkfræðingnum í Reykjavík 1945-47 og hjá Almenna byggingafélaginu hf. 1947-50 en þá hafði hann eftirlit með byggingu Gönguskarðsárvirkjunar. Marteinn rak sjálfstæða verkfræðiskrifstofu í Reykjavík 1950-1956 og hannaði þá m.a. Akureyrarflugvöll. Marteinn var tæknilegur ráðunautur Húsnæðisstjórnar 1956-58 og byggingarfulltrúi Suðurlands með búsetu á Selfossi 1958-83 en þá fór hann á eftirlaun.
gerðist hann félagi í Rotaryklúbbi Selfoss, var forseti klúbbsins 1966-67. Þar undi hann sér vel og setti sterkan svip á klúbbinn og þar var honum margur sómi sýndur. Meðal annars var hann umdæmisstjóri íslenska rotaryumdæmisins 1982-1983.

Marteinn var orðinn þjóðsagnapersóna í lifanda lífi eins og reyndar faðir hans og frændur sumir fyrir norðan. Ótal sögur, sannar og lognar, eru til um hann og tilsvör hans. Eina ætlum við að segja, en hún gerðist á norrænni ráðstefnu um byggingar, sem haldin var í Reykjavík. Einn ráðstefnugesta, danskur, vék sér að Marteini og sagði: "Hafa menn aldrei reynt að byggja ódýrt á Íslandi?" "Jú," sagði Marteinn, "en þeð hefur alltaf reynst of dýrt."

Foreldrar hans voru Björn Eysteinsson, f. 1.1. 1848, d. 27.11. 1939, bóndi í Grímstungu í Vatnsdal, og Kristbjörg Pétursdóttir, f. 26.6. 1882, d. 18.10. 1974, húsfreyja.
Marteinn átti einn albróður og níu hálfsystkini, samfeðra.
Albróðir Marteins var Erlendur, f. 24. 9. 1911, d. 26.11. 1980, sýslumaður á Seyðisfirði.
Hálfsystkini Marteins, börn Guðbjargar Jónasdóttur, voru Jónas, f. 20.12. 1873, d. 1957, bóndi að Hólabaki; Guðrún, f. 10. 3. 1875, d. 1.4. 1955, húsfreyja á Guðlaugsstöðum. Hálfsystkini Marteins, börn Björns og Helgu Sigurgeirsdóttur, voru Eysteinn, f. 24.10 1883, d. 1.6. 1884; Sigurgeir, f. 7.10. 1885, d. 1.6. 1936, bóndi á Orrastöðum; Þorsteinn, f. 10.12. 1886, d. 27.5. 1973, bóndi í Selsundi á Rangárvöllum; Lárus, f. 10.12. 1889, d. 1987, bóndi í Grímstungu; Karl, f. 16.6. 1892, d. 21.4. 1896; Eysteinn, f. 10.6. 1895, bóndi á Guðrúnarstöðum; Vigdís, f. 21.8. 1896, d. 14.3. 1979, kennari og skólastjóri, síðast á Blönduósi.
Eftirlifandi eiginkona Marteins er Arndís, f.v. deildarstjóri hjá Fiskifélagi Íslands, húsmóðir, f. 26.3. 1910, dóttir Þorbjarnar Þórðarsonar, héraðslæknis á Bíldudal, og konu hans, Guðrúnar Pálsdóttur, húsmóður.
Börn Marteins og Arndísar eru:
1) Björn, f. 9.1. 1950, arkitekt og byggingarverkfræðingur hjá Rannsóknastofnun byggingariðnaðarins. Sambýliskona hans er Ólöf Helga Þór, kennari og háskólanemi. Sonur hennar er Gunnar Sveinn Magnússon.
2) Guðrún, f. 8.1. 1955, Ph.D, fiskvistfræðingur á Hafrannsóknastofnun. Maður hennar er Kristberg Kristbergsson, Ph.D, matvælaefnafræðingur og dósent við Háskóla Íslands. Dóttir þeirra er Hlín Kristbergsdóttir.

GPJ 7.7.2017

• Icelandic

http://www.mbl.is/greinasafn/minningaleit/