Guðmundur Paul Jónsson (1950) bakari og skjalavörður Blönduósi

• Guðmundur Paul Scheel Jónsson (1950) bakari og skjalavörður Blönduósi

• Guðmundur Paul Scheel Jónsson bakari og skjalavörður Blönduósi

Guðmundur Paul Scheel Jónsson f. 11.9.1950 á Langanesi við Selfoss.

Langanes í Ölfusi; Selfoss; Þorlákshöfn; Reykjavík; Kópavogur; Egilsstaðir; Blönduós:

Barnaskólinn á Selfossi 1955-1962; Gagnfræðaskólinn á Selfossi 1963-1967; Iðnskólinn á Selfossi 1971-1973: Um vorið 1974 var leitað í framhaldsnám í Kaupmannahöfn sem var heldur endasleppt en mjög gagnlegt.

Verslunarmaður 1964-1969; Bakarnám 1969-1974, Bakari Danmörku 1974; Þorlákshöfn 1974-1979; Reykjavík og Kópavogi 1979-1987; Egilsstöðum 1987-1999; Blönduósi 1999-2010; Skjalavörður Blönduósi frá 2010.

Það sem genin geyma í sér
gildir daga og nætur
Þú munt hafa í hjarta þér
Hansastaða rætur
[RK 2019]

Hér við tölvu segg ég sé
sér í engu hlífa
Upp og niður ættartré
er hann þá að klífa.

Í því príli að sönnum sið
sýnd er hæfni lagsins.
Margar gátur glímt er við
gegnum stundir dagsins.

Sé ég hann við sína gjörð
sækja hart til fræða.
Leiki við hann lengi á jörð
lífsins innistæða.

Foreldrar hans; Jón Guðmundsson 15.7.1915 - 26.12.1994 bifreiðastjóri hjá MBF á Selfossi, frá Málmey í Vestmanneyjum og kona 20.5.1950; Brúnhild Pálsdóttir [Brunhilde Grethe Scheel] fædd 22.9.1927 í Stockelsdorf/Lübeck í Slésvík Holstein.
Systkini Guðmundar;
1) Kolbrún Jónsdóttir Petersen 16.6.1954. Maður hennar 13.1.1978; Holger Petersen, f. 10. mars 1956, d. 21. maí 1979 drukknaði við skyldustörf, Landamæravörður Niebüll. Sambýlismaður hennar; Hans Anton Heinsen, f. 25. mars 1956, Póstþjónn Niebüll Þýskalandi.
2) Olgeir Jens Jónsson, f. 25. ágúst 1958, símsmiður Selfossi. - Barnsmóðir Sigríður Guðbjörg Kragh, f. 26. júlí 1961, Reykjavík. M1 31.7.1982; Sigríður Sesselja Gunnlaugsdóttir, f. 10. okt. 1959, Grindavík. Þau skildu. M2 23.5.1998; Bára Kristbjörg Gísladóttir, f. 12. jan. 1972, Selfossi. Þau skildu
3) Birgir Jónsson, f. 26. júlí 1960, Netagerðarmaður og bifreiðastjóri Reykjavík. M1; Anna Gísladóttir, f. 3. okt. 1961, Þorlákshöfn. M2 15.11.2008; Friðbjörg Dröfn Magnúsdóttir, f. 3. jan. 1955, Reykjavík. Danmörku
Kona Guðmundar 13.11.1976; Rannveig Sigurðardóttir 28.6.1953 skrifstofumaður, þau skildu eftir stutta sambúð, barnsfaðir hennar 26.12.1971; Guðni Erlendsson 29.8.1950, M2; Eysteinn Jóhannsson 1.11.1953 frá Beinakeldu. Bf. 13.9.1992; Eggert Ósmann Levý 26.4.1947 þau slitu sambúð. M3 28.6.2013; Atli Gíslason Lögmaður og alþm.
Seinni kona Guðmundar 27.7.1985; Helga Sólveig Jóhannesdóttir 11.11.1961 frá Miðfelli í Hrunamannahreppi, félagsliði á Blönduósi.

Sonur Guðmundar og fyrri konu;
1) Jón Pétur Guðmundsson 23.8.1976 verslunarmaður Noregi. Kona hans; Katrín Jónsdóttir 29.1.1980 snyrtifræðingur Fredikstad, frá Sauðárkróki og Hólmavík. Börn þeirra; a) Jón Emil 2.12.2003, b) Emilía Anna 3.9.2005, c) Annel Jón 1.12.2010 og d) Ynja Marín 20.8.2013 [fædd að íslenskum tíma 22:03 19.8.2013 (tveggja tíma mismunur á Íslandi og Noregi)]
Börn Guðmundar og Helgu;
2) Brynjar Þór Scheel Guðmundsson 1.10.1987, bakari hjá Vilko á Blönduósi, sambýliskona hans; Frida Josefine Lenander 11.12.1987 Kristianstad Svíþjóð, þau slitu sambúð. Dóttir þeirra; Iðunn Ósk 15.3.2010.
3) Albert Már Scheel Jónsson 1.2.1991 trésmiður Kópavogi, sambýliskona hans; Dagný Björk Oddbjörnsdóttir 31.5.1989, dóttir þeirra Írena Sólveig 12.9.2015. þau slitu sambúð
4) Þóra Dögg Scheel Guðmundsdóttir 12.11.1992 kennaranemi á Selfossi, sambýlismaður hennar var; Örn Steinar Viggósson 10.12.1983, sjómaður Blönduósi, frá Öxl. Sonur þeirra; Daníel Veigar 27.2.2014. Dóttir Arnar og Sunnu „Tsunami“ Rannveigar Davíðsdóttur 21.6.1985 bardagakonu í blönduðum bardagalistum; Anna Rakel 7.9.2004. Sambýlismaður Þóru er Hjörtur Ingi Sigurðsson 25. okt. 1982, frá Sjávarlandi í Skagafirði

Guðmundur hefur haldið úti Niðjatali langafa síns Einars Ásgrímssonar (1834-1914) frá árinu 2000 einnig hefur hann séð um upplýsingaskráningu mannamynda á Héraðsskjalasafninu á Blönduósi.

Á árunum 1964 til 1969 vann Guðmundur við afgreiðslustörf hjá Kaupfélagi Árnesinga og var yngsti innanbúðarmaður þar er hann hóf störf í Fiskbúðinni í maí 1964, en sumarið á undan hafði hann unnið hjá Ísfélaginu í Vestmannaeyjum og gat þar verið langur og strangur vinnudagur stundum frá kl. 7:30 - 23:00.
Í nóvember 1974 tekur hann á leigu fokhelt húsnæði í Þorlákshöfn ásamt öðrum og var því breytt í bakarí og matvöruverslun, vegna skorts á fjármagni tók það eitt ár þar til opnað var 18. des 1975. Ævintýrið stóð aðeins til ársins 1979 og var þá gefist upp vegna ytri aðstæðna, en ekki síst vegna þess að ekki var þá grundvöllur fyrir slíkum rekstri í harðri samkeppni við fyrri atvinnurekanda.
Þá tók við sumarlöng vinna í Þýskalandi en erfitt að fá atvinnuleyfi þá líkt og við tilraun til þess 1974.
Guðmundur vann eftir það hjá Bakarameistarum í Reykjavík og Nýja Kökuhúsinu í Kópavogi þar til honum bauðst að taka við rekstri bakarísins á Egilsstöðum 1987 og var þar í 12 ár þar til hann keypti þrotabú Krútt á Blönduósi. Það rak hann svo í 11 ár þrátt fyrir mörg áföll.
Frá 2010 hefur hann starfað sem umsjónarmaður Ljósmyndasafns Héraðsskjalasafns A-Hún.Guðmundur kom víða við í félagsmálum og byrjaði það snemma.
1956 stofnaði hann íþróttafélagið Eldingu ásamt tveimur jafnöldrum, Gylfa Þ Gíslasyni og Tryggva Gunnarssyni báðir miklir snillingar á knattspyrnusviðinu og komust báðir í yngra landsliðið í knattspyrnu. Félagið var stofnað í kjölfar glæsilegs sigurs Vilhjálms (frænda) Einarssonar í Ástralíu, en kona Vilhjálms var bróður dóttir Guðmundar í Málmey afa Guðmundar.

Guðmundur gekk snemma í skátana og var í Skátaflokknum Birnir og handhafi forsetamerkis númer 14, en með honum þar undir það síðast voru Björn Marteinsson Björnssonar, Þórmundur Skúlason Jakobssonar frá Litla Enni og Ásgeir Arnoldssonar Falk og Kristjönu Blöndal systur Lárusar Bóksala í Reykjavík..
Guðmundur kom einnig að stofnun Batmintondeildar UMF Selfoss og var þar gjaldkeri. Guðmundur var varaformaður UMF Selfoss og síðar gjaldkeri, en undir þeirri stjórn var Árvaka Selfoss endurreist. Einnig stóð hann að útgáfu félagsblaðsins „Bragi“.
Guðmundur var í stjórn Bakarasveinafélags Íslands og í samninganefnd þess þegar náðust frábærir aukasmaningar þrátt fyrir að vera umboðslausir og enga verkfallsheimild að baki.
Guðmundur var einnig í stjórn Bakarameistarafélags Reykjavíkur. Guðmundur stóð einn og óstuddur að 75 ára hátíðar kvöldverði Bakarasveinafélagsins 1982 með því að safna auglýsingum og gat því niðurgreitt samkomuna verulega, þrátt fyrir það skilaði hátíðin ágóða sem hann afhenti félaginu sem áður hafði neitaða að koma að hátíðinni.
Í Þorlákshöfn gekk hann til samstarfs við Lions klubbinn og í stjórn hans um tíma, á Egilsstöðum var það Rotary klúbburinn og einnig í stjórn þar. Þegar komið var á Blönduós gekk hann til liðs við Oddfellow og var þar einnig í stjórn.
Á Egilsstöðum var hann stofnandi skötuklúbbs sem kenndur var við hann og kom saman öll árin sem hann bjó þar.
Á öðru árinu hans á Blönduósi bauð hann gestum og gangandi til morgunverðar í tilefni af 50 ára afmæli sínu sem síðar varð til þess að í samstarfi við Rækjuvinnsluna; Vilko; Mjólkursamlagið og Sölufélagið að komið var á hátíðarsamkomu undir heitinu „Matur og Menning“ sem síðar breyttist í endurreista Húnavöku. http://gudmundurpaul.tripod.com/kristbjorg.html

GPJ 24.7.2018

• Icelandic

®GPJ ættfræði http://gudmundurpaul.tripod.com/index.html