Örlygur Sigurðsson (1920-2002) listmálari

Örlygur Sigurðsson listmálari fæddist í Reykjavík 13. febrúar 1920. Listmálari, síðast bús. í Reykjavík. Var á Akureyri 1930. Hann lést á Droplaugarstöðum 24. október 2002.
Í Bandaríkjunum bauðst honum að verða teiknari hjá Walt Disney, en hann afþakkaði og sneri aftur til Íslands. Árin 1948-1949 dvaldi Örlygur í París.
Útför Örlygs var gerð frá Langholtskirkju 1.11.2002 og hófst athöfnin klukkan 13.30.

Hann lauk stúdentsprófi frá Menntaskólanum á Akureyri 1940. Eftir stúdentspróf hélt Örlygur til náms í Bandaríkjunum. Þar lagði hann stund á myndlist á árunum 1941-1945, fyrst við University of Minnesota og Minneapolis School of Art, þá við Choinard School of Art í Los Angeles og að lokum við Arts Student League í New York.

Örlygur hélt fjölda málverkasýninga. Viðfangsefni hans voru oft hughrif líðandi stundar, sem hann tjáði með kímni og gamansemi. Hann var mjög eftirsóttur portrettmálari og þar naut sín teiknigáfa hans. Örlygur var mikilvirkur greinahöfundur og skrifaði margar afmælis- og minningargreinar þar sem hann lýsti viðfangsefni sínu bæði í mynd og orði á sérstæðan hátt. Hann ritaði, myndskreytti og gaf út fimm bækur: Prófílar og pamfílar (1962), Þættir og drættir (1966), Bolsíur frá bernskutíð (1971), Nefskinna (1973) og Rauðvín og reisan mín (1977) og í þeim nutu lífsskoðanir hans og mannlýsingar sín vel.

Foreldrar; Sigurður Guðmundsson 3. sept. 1878 - 10. nóv. 1949. Var á Æsustöðum, Bólstaðarhlíðarsókn, Hún. 1880. Skólameistari á Akureyri 1930. Skólameistari á Akureyri og kona hans; 28.4.1915; Halldóra Ólafsdóttir 7. apríl 1892 - 27. jan. 1968. Húsfreyja á Akureyri 1930. Húsfreyja á Akureyri. Síðast bús. í Reykjavík.

Systkini;
1) Ólafur Sigurðsson 4. ágúst 1915 - 13. ágúst 1999. Yfirlæknir á Akureyri. Nemi á Akureyri 1930. Síðast bús. á Akureyri.
2) Þórunn Sigurðardóttir Tunnard 30. júní 1917 - 7. des. 2008. The Manor House, í Frampton, rétt fyrir utan Boston í Lincolnshire.
Maður hennar 25.7.1942; Richard Anthony Conolly Tunnard fæddist í Lincolnshire í Englandi 9. nóvember 1911 og lést á heimili sínu í Frampton, Lincolnshire 6.maí 1986. Anthony tók meðal annars þátt í herförinni til Narvik í Noregi, var tvö ár á Íslandi og síðar í Líbanon.
3) Guðmundur Ingvi Sigurðsson 16. júní 1922 - 21. feb. 2011. Var á Akureyri 1930. Lögfræðingur í Reykjavík og gegndi fjölmörgum félags- og trúnaðarstörfum. Kona hans 9.8.1947; Kristín Þorbjarnardóttir prófarkalesari, f. 4.6.1923, d. 23.12.2008. Systur hennar Arndís kona Marteins Björnssonar verkfræðings Selfossi og Guðrún kona Brodda Jóhannessonar menntaskólakennara, foreldrar Brodda fréttamanns á Rúv. Sonur Guðmundar Ingva og Kristínar er Sigurður Guðmundsson landlæknir.
4) Steingrímur Stefan Thomas Sigurðsson 29. apríl 1925 - 21. apríl 2000. Myndlistamaður og rithöfundur. Var á Akureyri 1930. Síðast bús. í Reykjavík. Nefndur Steingrímur Sigurðsson við skírn og í manntalinu 1930. Kona hans 23.12.1956; Guðrún Þorbjörg Bjarnadóttir 10. maí 1917 - 17. jan. 1988. Var á Ísafirði 1930. Meinatæknir í Reykjavík. Þau skildu.

Kona hans í janúar 1946; Unnur Eiríksdóttir 3. júní 1920 - 30. des. 2008. Var í Laugardal, Reykjavík 1930. Verslunarkona í Reykjavík.

Börn;
1) Sigurður myndlistarmaður, f. 1946, kvæntur Ingveldi Róbertsdóttur skrifstofustjóra, f. 1953. Börn þeirra eru: Unnur Malín, f. 1984, í sambúð með Trausta Hafliðasyni, f. 1981, Þorvaldur Kári, f. 1985, Arnljótur, f. 1987, Gylfi, f. 1990, og Valgerður, f. 1992. Sigurður átti áður dótturina Theodóru Svölu, f. 1978, móðir Hrefna Steinþórsdóttir, maki Theódóru er Tomislav Magdic, f. 1974, og eiga þau synina Viktor Gabriel, f. 2000, og Erik Alexander, f. 2002. Uppeldisdóttir Sigurðar er Ingveldur Steinunn Ingveldardóttir, f. 1975, gift Thomasi Ivanez, f. 1972, sonur þeirra er Lucas Thomas Ivanez, f. 2001.
2) Malín, kaupkona í Storkinum, f. 1950. Fyrri maður Malínar er Jakob Smári, prófessor í sálfræði, f. 1950. Þau skildu. Börn þeirra eru: a) Örlygur Smári, f. 1971, kvæntur Svövu Gunnarsdóttur, f. 1976, dóttir þeirra er Malín, f. 1998, b) Bergþór Smári, f. 1974, í sambúð með Þórunni Baldvinsdóttur, f. 1975, dóttir þeirra er Heba, f. 2000, c) Unnur Smári, f. 1980, í sambúð með Friðriki Magnus, f. 1980. Seinni maður Malínar er Gunnlaugur Geirsson, prófessor í réttarlæknisfræði, f. 1940. Synir hans og Rósu Magnúsdóttur, f. 1940, d. 1983 eru: a) Geir, f. 1966, kona hans Guðlaug Sverrisdóttir, f. 1964, sonur þeirra er Gunnlaugur, f. 1994. b) Björn, f. 1968, kona hans Bríet Birgisdóttir, f. 1970, dætur þeirra eru Rósa, f. 1992, og Anna María, f. 2000. c) Magnús, f. 1969, kona hans Karolína Valtýsdóttir, f. 1962, börn hennar eru Brynhildur Hlín, f. 1982, og Valtýr Breki, f. 1992. d) Aðalsteinn, f. 1973, sambýliskona hans Vilborg Kristjánsdóttir, f. 1973, dóttir þeirra er Emilía, f. 1997.

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

GPJ skráning 31.7.2023

• Icelandic

®GPJ ættfræði 31.7.2023
Íslendingabók
mbl 1.11.2002. https://www.mbl.is/greinasafn/grein/695901/?item_num=2&searchid=bf90446e8814c632696d172cc5490d25bd674809&t=983686228&_t=1690824115.1058447