Litla-Búrfell er frekar lítil jörð, en notagóð bæði hvað varðar ræktar- og beitarland. Örstutt er þaðan að Stóra-Búrfelli. Ábúandaskipti voru alltíð fram að 1942. Íbúðarhús byggt 195, 321 m3. Fjós fyrir 10 gripi byggt 1956 úr asbesti á trégrind. Fjárhús yfir 130 fjár, gömul torfhús. Hesthús yfir 12 hross, torf og grjót. Votheysturn 40 m3. Tún 12,7 ha. Veiðiréttur í Svínavatni.

Menn kalla þetta sjeu x € af Stóra Búrfelli, og heldur þessi jörð fjórðúngs fyrirsvar mót Stóra Búrfelh, en er gamalt afdeilt býli.
Jarðardýrleiki x € og so tíundast. Eigandi að þessum fjórðúngi jarðarinnar Stóra Búrfells er lögrjettumaðurinn Grímur Jónsson að Guðrúnarstöðum í Vatnsdal. Ábúandinn Jón Sveinsson.
Landskuld lxx álnir. Betalast í öllum gildum landaurum heim til landsdrottins. Leigukúgildi iii. Leigur betalast í smjöri heim til landsdrottins. Kvaðir öngvar.
Kvikfjenaður ii kvígur veturgamlar, hvörug mylk, xxxv ær, iiii sauðir tvævetrir, v veturgamlir, xii lömb vís og óvís, i hestur, i hross, i únghryssa, i foli veturgamall.Fóðrast kann i kýr,
i úngneyti, xii ær, ix lömb, ii hestar.
Allir kostir jarðarinnar og lestir eru taldir á heimajörðunni, Stóra Búrfelli, því afbýli þetta nýtur allra þeirra í óskiftum úthögum.

<1901> Jósef Sumarliði Jóhannsson 16. ágúst 1844 - 1. apríl 1910. Var á Neðri-Fitjum, Víðidalstungusókn, Hún. 1845. Húsbóndi á Litlabúrfelli, Svínavatnssókn, Hún. 1880 og 1890. Kona hans; Guðrún Jóhannsdóttir 24. maí 1857 - 9. des. 1904. Var í Litlabúrfelli, Svínavatnssókn, Hún. 1860. Húsfreyja í Litlabúrfelli 1901.
<1901> Halldór Hjálmarsson 24. nóv. 1871 - 25. júní 1958. Lengst af bóndi á Selhaga á Skörðum, A-Hún. Var á Akureyri 1930. Heimili: Vatnshlíð, Hún. Kona hans; Solveig Guðrún Guðmundsdóttir 1. maí 1873 - 31. des. 1943. Hjúkrunarkona. Ljósmóðir í Litlabúrfelli, Svínavatnssókn, Hún. 1901.

<1910> Ingimundur Sveinsson 29. ágúst 1842 - 10. mars 1929. Smáskammtalæknir og bóndi á Tungubakka í Laxárdal fremri, A-Hún. Bóndi þar 1880. Fráskilinn

<1920> Jón Jónsson 7. apríl 1857 - 17. mars 1937. Var í Látravík innri, Setbergssókn, Snæf. 1870. Bóndi á Helgavatni í Svínadal. Bóndi á Helgavatni, Undirfellssókn, Hún. 1901. Kona hans; Guðrún Þorsteinsdóttir 14. maí 1865 - 11. nóv. 1951. Var á Hamri, Auðkúlusókn, A-Hún. 1930. Bústýra á Hrísum, Víðidalstungusókn, Hún. 1890. Húsfreyja á Hrísum og Helgavatni. Húsfreyja á Helgavatni, Undirfellssókn, Hún. 1901.

1942- Daníel Ásgeir Þorleifsson 11. maí 1898 - 9. ágúst 1984 Bóndi á Stóra-Búrfelli, Svínavatnssókn, A-Hún. 1930. Bóndi á Stóra-Búrfelli. Síðast bús. í Svínavatnshreppi. Kona hans; Jóna Rannveig Eyþórsdóttir 29. júlí 1894 - 14. júlí 1972 Var á Stóra Búrfelli, Svínavatnshr., A-Hún. 1957. Síðast bús. í Svínavatnshreppi. Var á Mel, Staðarhraunssókn, Mýr. 1901. Var á Stóra-Búrfelli, Svínavatnssókn, A-Hún. 1930.

um1945- Þórey Daníelsdóttir 22. desember 1926 - 26. júlí 2011 Var á Litla Búrfelli, Svínavatnshr., A-Hún. 1957. Blönduósi. M1; Sigurður Þorbjörn Jónsson 5. október 1919 - 16. mars 1965 Var í Bjarnarnesi, Kaldrananesssókn, Strand. 1930. Bóndi á Litla-Búrfelli, Svínavatnshr., A.-Hún., síðar verkamaður. M2; Hreinn Ingvarsson 15. júní 1940 - 15. ágúst 2014 Var á Ásum, Svínavatnshr., A-Hún. 1957.

1970- Ólafur Þórarinsson 19. feb. 1951. Var í Árbæ, Blönduóshr., A-Hún. 1957. Kona hans; Guðmunda Hulda Sigurðardóttir 4. maí 1952. Var á Litla Búrfelli, Svínavatnshr., A-Hún. 1957.

Landamerki fyrir jörðunum Stóra Búrfelli og Litla Búrfelli í Svínavatnshreppi, sem eiga saman óskipt land.

Að sunnan, móts við Sólheimaland ræður merkjum grjótvarða, sem stendur á vatnsbakkanum, skammt fyrir utan Sandnes. Úr vörðu þessari er bein stefna til austurs í vörðu er stendur sunnanvert við Grjóthól, svo bein stefna úr vörðu þessari í Kirkjustein, síðan eru merki til landsnorðurs og í Auðnukot, svo eru merkin til austurs yfir Auðnufell og í vörðu, er stendur austur undan því, svo er stefna til norðurs úr vörðu þessari, og í vörðu er stendur vestanvert á melhól í Messuvegsholtum, svo úr vörðu þessari og í vörðu er stendur á bakka Búrfellstjarnar, austan megin við kelduós þann, er úr tjörninni fellur, svo í vörðu neðan til á Háuborg, síðan enn til norðurs í vörðu, er stendur skammt fyrir utan Háuborg, svo liggja merkin til vesturs móts við Tindaland úr hinni síðast nefndu vörðu og í Hlóðarstein, síðan úr Hlóðarsteini í Einbúa og er það bein stefna til vesturs í Svínavatn.

Ingvar Þorsteinsson, eigandi Sólheima.
Jósep Jóhannsson, vegna Litla Búrfells.
Guðm. Erlendsson, vegna Stóra Búrfells.
Jónas Erlendsson, eigandi að Tindum.
Ingibjörg Guðmundsdóttir Elísabet Erlendsdóttir, Ragnheiður Erlendsdóttir, allar eigendur Tunguness.
Guðmundur Klemensson, vegna Stóra Búrfells.

Lesið upp á manntalsþingi að Svínavatni, hinn 17. maí 1890, og innfært í landamerkjabók Húnavatnssýslu, No. 128, fol. 67.