Fyrirtæki/stofnun

Glaumbær í Langadal

(1950)

Bærinn stendur hátt, á brík milli brattra brekkuhalla. Land jarðarinnar, sem ekki er mikið, er grýtt og fremur gróðurrýrt til fjallsins en grösugt hið neðra. Ræktunarmöguleikar takmarkaðir. Býlið er nú í eyði, en er nytjað af Guðsteini Kristinssyni á Skriðulandi, sem jafnframt er eigandi þess. Hefur hann byggt stór fjárhús þar.
Fjós fyrir 12 gripi. Fjárhús fyrir 780 fjár. Hlöður 2825 m3. Votheysgeymslur 32 m3.
Tún 11,3 ha. Veiðiréttur í Blöndu.

Engihlíðarhreppur; Langidalur; Engihlíð; Blanda; Háagerði; Strítuhóll; Engihlíðarhnjúkur; Hrafnaklettar; Litlilækur. Fremstagil; Þingeyraklausturskirkja; Hofsstaðir í Helgafellssveit í Snæfellssýslu; Köldukinnarhagi;

Glaumbær.
Þessi jörð er tveir fimtu partar jarðarinnar Engihlíðar, sem bygð hefur verið fyrir manna minni í úthögum, og er óskift öllu landinu millum bæjanna, nema túni og engjum.
Jarðardýrleiki xx € og so tíundast fjórum tiundum. Eigandinn ekkjan Þorbjörg Björnsdóttir ýngri að Hofstöðum í Helgafellssveit í Snæfellssýslu. Ábúandinn Gunnar Jónsson.
Landskuld lxl álnir. Betalast í landaurum þar heima. Leigukúgildi ii, fyrir tveimur árum iii, þar fyrir iiij. Leigur betalast í smjöri þar heima. Kvaðir öngvar.
Kvikfje iiiii kýr, i kálfur, lv ær, iii sauðir tvævetrir og eldri, xv veturgamlir, xxi lamb, iii hestar, i hross, i foli þrevetur, i únghryssa. Fóðrast kann iii kýr, xl ær, xx lömb, iii hestar.
Afrjett engin ut supra. Torfrista lök, stúnga sæmileg. Reiðíngsrista lítt nýtandi fyrir heimabóndann. Grasatekja lítil og valla teljandi. Beit segja gömul munnmæli að jörðin hafi átt í Köldukinnarland um vetur, en er óvíst hvað mikla. Ekki hefur þessi beit brúkast jafnlega, nema þegar harðindi og jarðleysur hafa verið í heimalandi, því Köldukinnarmenn þykjast ekki
vita á hvörjum stofni þetta stendur, þar sem engin skjöl fyri sjeu so mönnum sje kunnugt. En enginn beitartollur hefur hjer fyri komið so menn viti. Hrísrif á jörðin í Köldukinnarland mót engjataki í Engihlíðarland i takmörkuðu plátsi, þar sem heitir Köldukinnarhagi. þessi ítök hafa oftlega verið brúkuð átölulaust frá báðum jörðunum.
Túninu grandar vatnsuppgángur, sem gjörir mýrarbletti og mosadý allvíða til stórskaða. Enginu grandar skriðulækur með grjótsáburði, sem áeykst árlega með vatnsgángi, sem jetur úr rótina. Vatnsból er erfítt mjög um vetur og lángt til að sækja, þrýtur þó sjaldan.

Ábúendur;

<1901 og 1920> Sigurður Þorfinnur Jónatansson 5. júlí 1870 - 26. júní 1951. Bróðurson bónda, tökub. á Víðivöllum, Miklabæjarsókn í Blönduhlíð, Skag. 1880. Hestkeyrslumaður á Blönduósi 1930. Verkamaður á Blönduósi. Kona hans; Kristín Jóhanna Davíðsdóttir 5. nóv. 1854 - 16. des. 1935. Húsfreyja á Blönduósi.

Páll H. Árnason 5. ágúst 1906 - 12. jan. 1991. Bóndi og leigjandi á Skólavegi 7, Vestmannaeyjum 1930. Heimili: Glaumbær, Hún. Bóndi í Glaumbæ í Langadal. Síðast bús. í Vestmannaeyjum. Kona hans; Ósk Guðrún Aradóttir 27. sept. 1909 - 24. des. 1995. Var á Móbergi, Holtastaðasókn, A-Hún. 1930.

Síðasti ábúandinn >1968- Jakob Sigurjónsson 18. ágúst 1897 - 21. des. 1996. Var í Glaumbæ, Engihlíðarhr., A-Hún. 1957. Síðast bús. í Svínavatnshreppi.

Merkjalýsing fyrir jörðinni Glaumbær í Engihlíðarhreppi.

Að neðan milli Glaumbæjar og Engihlíðar ræður gamalt garðlag neðan frá Blöndubakka til austurs í fjall upp, um sunnanvert Háagerði, sem er stórs grashóll fyrir utan og neðan Glaumbæ, þaðan til fjalls upp beina sjónhending í svonefndan Strítuhól, og úr honum beina línu í svonefndan Engihlíðarhnjúk, og þaðan til austurs ú sunnanverða svonefnda Hrafnakletta, og þaðan austur á fjall, sem það er hæst, Að austan eru merkin til suðurs eptir háfjallinu, þar til komið er beint í austur á móts við upptök Litlalækjar, en hann ræður merkjum að sunnan til vesturs, allt þar til hann beygist suður á við, sem er lítið vestar er í beinni línu milli Glaumbæjar og Fremstagils, að þaðan ræður til vesturs bein stefna í svonefndan Strítuhól, o g úr honum beint vestur í Blöndu, en hún ræður merkjum að vestan.

Þessa merkjalýsingu, sem samin er 14. maí árið 1887, samþykkjum vjer undirritaðir:
Eigandi jarðarinnar Glaumbæjar: Pjetur Oddsson.
Vegna klausturjarðarinnar Fremstagils: B.G. Blöndal, umboðsmaður Þingeyraklausturs.
Eigandi jarðarinnar Engihlíðar: Kristófer Jónsson.

Lesið upp á manntalsþingi að Engihlíð, hinn 22.maí 1889, og innfært í landamerkjabók Húnavatnssýslu No. 84, fol. 44.

Engihlíð í Langadal ([1000])

Ágústa Pétursdóttir (1885-1954) frá Holtastöðum (10.8.1885 - 24.12.1954)

Kaldakinn Torfalækjarhreppi ((1250))

Þorfinnur Bjarnason (1918-2005) sveitarstjóri Skagaströnd (5.5.1918 - 6.11.2005)

Guðmundur Guðmundsson (póli) (1838) Efri-Lækjardal (1838 -)

Jakob Sigurjónsson (1897-1996) Stóradal (18.8.1897 - 21.12.1996)

Skriður í Húnavatnssýslum (874 -)

Árni Pálsson (1942-2011) Vestmannaeyjum (14.9.1942 - 27.3.2011)

Langidalur ((1950))

Fremstagil í Langadal ((1950))

Guðrún Benediktsdóttir (1924-2001) frá Skinnastaðakoti (3.1.1924 - 29.10.2001)

Ingibjörg Þorfinnsdóttir (1892-1968) Tilraun (29.5.1892 - 15.3.1968)

Engihlíðarhreppur ((1000-2019))

Magnús Pétursson (1850-1925) Árdalsbyggð Nýja Íslandi Kanada-frá Glaumbæ og Miðgili Langadal (1.8.1850 - 10.11.1925)

Kristófer Pétursson (1888-1955) ráðsmaður Kvennaskólans á Blönduósi (1.10.1888 - 17.3 1955)

Júlíana Guðmundsdóttir (1852-1914) Glaumbæ í Langadal 1890 (19.7.1914)

Kristín Jóhanna Davíðsdóttir (1854-1935) Glaumbæ Langadal (5.11.1854 - 16.12.1935)

Þorfinnur Jónatansson (1870-1951) Sólheimar á Blönduósi (5.7.1870 - 26.6.1951)

Jensína Antonsdóttir (1899-1926) Glaumbæ, Engihlíðarhr (21.7.1899 - 11.10.1926)

Guðsteinn Kristinsson (1932-2002) Skriðulandi (16.6.1932 - 26.2.2002)

Guðrún Aradóttir (1909-1995) (27.9.1909 - 24.12.1995)

Páll H Árnason (1906-1991) frá Geitaskarði (5.8.1906 - 12.1.1991)

HAH00211

IS HAH-Bæ

Loka

Fullt

GPJ 26.3.2019

• íslenska

Guðmundur Paul
Jarðabók Páls Vidalín 1708. Bls 406
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu No. 84, fol. 44.
Húnaþing II bls 149