Ljósmyndir sem ekki er vitað með vissu hverjir afhentu eða hvenær.

Óttar Lárusson Rist 20.7.1912 -3.4.1932. Verslunarmaður á Grettisgötu 1, Reykjavík 1930.

Georg Ottó Georgsson 30. mars 1962 Svíþjóð. Fæddur á Blönduósi

Ottó Valur Finnsson var fæddur í Skrapatungu í Vindhælishreppi, A-Hún., hinn 12. september 1920. Heimilið á Húnabraut 36 á Blönduósi, en þar bjó fjölskyldan lengst, var annálað fyrir gestrisni og myndarskap. Þangað kom fjöldi gesta og stundum voru næturgestirnir svo margir, að helst minnti á hótel. Ottó var trúaður, og hafði sterka sannfæringu fyrir lífi á öðru tilverustigi.
Hann lést á Héraðssjúkrahúsinu Blönduósi 10. nóvember 1998.
Útför Ottós fór fram frá Blönduóskirkju 14.11.1998 og hófst athöfnin klukkan 14.

Í Haukdælaþætti Sturlungu segir að Öxará hafi verið veitt „í Almannagjá og fellur nú eftir Þingvelli“. … Á 12. öld hafa menn talið að Öxará hafi ekki fallið um Þingvöll á landnámsöld, heldur hafi hún legið í Árfarinu og verið veitt ofan í Almannagjá til þess að fá vatn á þingstaðinn svo að menn þyrftu ekki að sækja það í gjárnar. Öxarárfoss er elsta „mannvirkið“ á Þingvelli eða afleiðing elstu vatnsveitu feðra vorra. „Þar sem Öxará rennur eftir Almannagjá er hraunið lítið vatnsnúið. Að vísu má finna þar lábarða möl, en hún er úr annarri bergtegund, hefur borist ofan úr fjöllum (Súlum). Þetta gefur í skyn að áin hafi skamman aldur runnið þarna, varla miklu lengur en síðustu 1000 árin“, segir Guðmundur Kjartansson jarðfræðingur.

Öxl I. Bærinn stendur spölkorn austan þjóðvegar við lága brekku í hlíðarrótum Vatnsdalsfjalls, beint vestur af svoköllupum Hrafnaklettum ( var áður á brekkubrúninni). Túnið liggur mest norður frábænum og upp í undirhlíðar fjallsins. Vestan vegar og mela eru engjar, áveita, en beitiland til fjalls og meðfram því [Balar]. Jörðin er fornt býli og bændaeign lengi, munnmæli eru um Gullberastaði í Axlarlandi. Íbúðarhús byggt 1951, 454 m3. Fjós fyrir 14 gripi. Fjárhús yfir 300 fjár. Hlöður 630 m3. Gömul fjárhús. Votheysgryfja 100 m3.Tún 18,3 ha.
Öxl II. Bærinn stendur á brekkustalli örskammt frá þjóðvegi vest suð-vestur frá Öxl, tún er austur og suðaustur frá bænum og engjar vestan vegar og mela, áveita. Beitiland er sameiginlegt með Öxl og eiga Axlarbæirnir 1/16 af Sauðadal. Jörðin er nýbýli byggður úr Axlarlandi að hálfu 1952. Íbúðarhús byggt 1970, 714 m3. Fjárhús yfir 240 fjár. Hesthús yfir 20 hross. Hlöður 330 m3. Tún 18,5 ha.

Öxnadalur er djúpur dalur í vestanverðum Eyjafirði, inn af Hörgárdal. Hann er um 25 kílómetra langur frá mynni dalsins við Bægisá inn að Öxnadalsheiði. Um hann fellur Öxnadalsá. Hringvegurinn, þjóðvegur 1, liggur um Öxnadalsheiði og Öxnadal áleiðis til Akureyrar.
Öxnadalur merkir eiginlega nautgripadalur eða uxadalur. „Öxn“ er hvorugkynsorð í fleirtölu, þau öxnin, og er gamalt orð um nautpening, skylt uxi. Samkvæmt Landnámabók var Öxnadalur numinn af Þóri þursasprengi.
Áður fyrr var Öxnadalur sérstakt sveitarfélag, Öxnadalshreppur, en tilheyrir nú Hörgársveit.
Árið 1952 hóf skógræktarfélag Eyfirðinga skógrækt utan til í dalnum, í landi Miðhálsstaða, þar sem nú er vöxtulegur skógur.
Innsti hluti dalsins er allur í eyði, innstu bæir í byggð eru nú Engimýri og Háls. Á Engimýri er gistiheimili og á Hálsi er veitingahúsið Halastjarnan. Næsti bær utan við Háls er Hraun. Þar fæddist skáldið Jónas Hallgrímsson, en fluttist á öðru ári að Steinsstöðum og var þar til 9 ára aldurs. Æskuslóðirnar eru áberandi í skáldskap hans. Stórbrotið landslag er á Hrauni og þar í grennd, með Hraundranga ofan við bæinn og Hraunsvatni, þar sem faðir Jónasar drukknaði. Í vatninu er silungsveiði. Á Hrauni er nú safn til minnigar um Jónas. Efsti bær í Öxnadal var Bakkasel sem fór í eyði 1960 og var einn af þeim síðustu í innri hlutanum í byggð.

Pálfríður Björg Bjarnadóttir 15.3.1955. Var í Bjarnarhöfn, Höfðahr., A-Hún. 1957. Kvsk á Blönduósi 1971-1972.

Pálína Halla Ásmundsdóttir fæddist í Ásbúðum 30. maí 1921. Hún lést í Kópavogi 11. maí 2009. Pálína verður jarðsungin frá Kópavogskirkju í dag, 20. maí, og hefst athöfnin kl. 13.

Pálína Bergsdóttir 17. apríl 1902 - 3. júlí 1985. Húsfreyja á Sauðárkróki 1930. Húsfreyja á Sauðárkróki. Síðast bús. á Sauðárkróki.

Pálína Birna Guðvarðardóttir fæddist á Syðri-Brekkum í Skagafirði 20. desember 1921. Hún lést á hjúkrunarheimilinu Sunnuhlíð 26. febrúar síðastliðinn. Pálína bjó á Syðri-Brekkum um tíu ára skeið, en flutti þaðan í Kópavog. Hún starfaði alla tíð sem húsmóðir og saumakona. Síðustu árin dvaldi Pálína á hjúkrunarheimilinu Sunnuhlíð.
Útför Pálínu verður gerð frá Kópavogskirkju í dag og hefst athöfnin klukkan 13.

Pálína Eggertsdóttir 11. nóvember 1882 - 21. júní 1963 Húsfreyja á Hvammstanga 1930. Var í Holti, Hvammstangahr., V-Hún. 1957. Ógift Ánastöðum 1920

Pálína Guðrún Gísladóttir Skálafelli, Suðursveit, fæddist á Smyrlabjörgum í sömu sveit 30. júlí 1912.
Pálína ólst upp á Smyrlabjörgum og fékk þá skólagöngu sem í boði var til sveita á þeim tíma. Þegar hún hleypti heimdraganum stundaði hún m.a. vinnu á Höfn, síðan lá leiðin til Vestmannaeyja þar sem hún dvaldi í 5 ár hjá presthjónunum Sigurjóni Þ. Árnasyni og Þórunni Kolbeins.
Kvennaskólanum á Blönduósi 1936-1937 og Þingeyrum sumarið 1937.
Eftir þessa dvöl á Norðurlandi var aftur snúið til heimahaganna, og þau Jón hófu búskap á Uppsölum. Þau fluttu að Skálafelli 1942 og keyptu þá jörð skömmu síðar, byggðu allt upp og ræktuðu. Þar var hennar lífsstarf í rúm 60 ár.

Hún var heilsuhraust, en þegar heilsu fór að hraka fóru þau hjón á hjúkrunarheimilið á Höfn eða í janúar 2005 og nutu þar frábærrar umönnunar starfsfólks þeirrar stofnunar. Pálína var södd lífdaga eftir langa ævi og að morgni föstudagsins langa sofnaði hún vært svefninum langa.
Hún lést á Heilbrigðisstofnun Suðausturlands að morgni 10. apríl 2009. Útför Pálínu var gerð frá Kálfafellsstaðarkirkju 18. apríl 2009 og hófst athöfnin klukkan 14.

Pálína Guðmundsdóttir 12.2.1887 - 14.7.1962. Var á Aðalbóli, Efra-Núpssókn, Hún. 1890. Þau hófu búskap í Hrygg í Hraungerðishreppi vorið 1912. Hryggur var þá mjög kostarýr jörð og því fluttu þau að Bala í Gnúpverjahreppi vorið 1914 . Þaðan flytja þau niður undir sjó á lítið býli, en heitir Selpartur, grasgefið býli, sem á þeim tíma með fremur litla möguleika til góðrar afkomu, fyrst og fremst vegna lélegra samgangna. Árið 1925 flytur fjölskyldan að Katrínarkoti á Álftanesi og stundar þar búskap til 1949.

Elín Pálína Gunnarsdóttir 21. október 1893 - 7. nóvember 1988 Var í Hólakoti, Sauðárkrókssókn, Skag. 1901. Vinnukona á Sauðárkróki 1930. Síðast bús. á Sauðárkróki.

Pálína Björk Jónsdóttir 13.1.1952. Kennari. Dufþaksholti Hvolhreppi. Kvsk á Blönduósi 1910-1971.

Pálína Ragnhildur Benediktsdóttir fæddist á Efra-Núpi í Miðfirði í Vestur-Húnavatnssýslu 21. júlí 1925. Hún lést á Sjúkrahúsinu á Akureyri 20. nóvember síðastliðinn. Pálína Ragnhildur ólst upp hjá foreldrum sínum á Efra-Núpi. Veturinn 1945-1946 var hún við nám í Húsmæðraskólanum á Blönduósi. Pálína Ragnhildur og Hjalti bjuggu í 7 ár á Melstað en árið 1954 keyptu þau Hrafnagil í Eyjafirði í félagi við Zóphonías bróður Hjalta og árið eftir keyptu þau hans hlut. Þau hættu búskap á Hrafnagili árið 1989 og í september árið 2000 flutti hún á Dvalarheimilið Hlíð.
Útför Pálínu Ragnhildar verður gerð frá Akureyrarkirkju í dag og hefst athöfnin klukkan 13.30.

Pálína Ragnhildur Björnsdóttir 1.7.1857 - 3.12.1917. Var á Úibleikstöðum, Melstaðarsókn, Hún. 1870. Húsfreyja í Efra-Núpi í Miðfirði.

Pálína Rósa Sigurðardóttir Arneson 22.8.1867. Var á Mársstöðum, Undirfellssókn, Hún. 1870. Tökubarn á Öxl, Þingeyrasókn, Hún. 1880. Fór til Vesturheims 1901 frá Blönduósi, Torfalækjarhreppi, Hún. Winnipeg.

Fæddist á Akureyri 2. júní 1915. Hann lést á Akureyri 7. janúar 2011.
Sendill á Akureyri 1930. Leigubílstjóri, sýningastjóri og ferðafrömuður, síðast bús. á Akureyri.
Páll bjó um tíma í Þýskalandi þar sem hann undirbjó hópferðir með íslenska ferðamenn til Evrópu fyrstur manna. Þá starfaði hann hjá Vegagerðinni en lét af störfum 1982, flutti norður yfir heiðar og byggði sér hús í Bugi í Hörgárdal þar sem hann stundaði skógrækt og fiskeldi af mikilli elju þar til hann fluttist til Akureyrar 2001.
Útför Páls fór fram frá Akureyrarkirkju, 21. janúar 2011, og hófst athöfnin kl. 13.30.

Páll Bjarnason 30. júlí 1884 - 27. feb. 1968. Bóndi á Gerðum, Árn. 1910. Bifreiðastjóri á Blönduósi. Var í Ólafshúsi, Blönduóshr., A-Hún. 1957.

Páll Dalmar Sigurjónsson 9. júní 1894 - 18. jan. 1970. Kaupmaður og ritstjóri á Siglufirði, síðast bús. í Kópavogi. Skrifstofumaður í Reykjavík 1945.

Frá Meðalheimi.
Verslunarstjóri á Akureyri og á Siglufirði. Bókhaldari og kennari á Akureyri, síðar erindreki Fiskifélags Íslands í Reykjavík. Erindreki Fiskifélags Íslands á Akureyri 1930.

Páll Friðrik Vídalín Bjarnason 16.10.1873 - 28.10.1930. Geitaskarði 1880, Þverárdal 1890, Sýslumaður á Sauðárkróki 1910, síðar í Gamla Apótekinu Stykkishólmi 1920

Páll Geirmundsson 19. okt. 1895 - 28. jan. 1975. Daglaunamaður á Blönduósi 1930. Veitingasali á Blönduósi 1926. Var á Mosfelli, Blönduóshr., A-Hún. 1957. Síðast bús. í Blönduóshreppi.

Fór til Vesturheims 1914 frá Leysingjastöðum, Sveinsstaðahreppi, Hún.

Páll Guðmundsson 29. mars 1885 - 25. maí 1979. Bóndi í Böðvarshólum í Vesturhópi, V.-Hún. Síðar innheimtumaður hjá Ríkisútvarpinu í Reykjavík. Húsbóndi á Vonarlandi við Sogaveg, Reykjavík 1930. Síðast bús. í Reykjavík.

Bóndi og leigjandi á Skólavegi 7, Vestmannaeyjum 1930. Heimili: Glaumbær, Hún. Bóndi í Glaumbæ. Síðast bús. í Vestmannaeyjum. Einn af Ofanbyggjurum Vestmannaeyja, Páll Árnason bóndi í Þórlaugargerði vestra, hefur kvatt jarðartilveru og verður útför hans gerð frá Landakirkju í dag. Fallinn er í valinn valinkunnur maður sem alla ævi vann hörðum höndum og í hverju einu sem hann tók sér fyrir hendur, stóru sem smáu, skilaði hann af sér betri hlut en hann tók við. Þannig er vandlifað, en svo mikill ræktunarmaður var Páll í Þórlaugargerði hvort sem var til andagiftar eða móður Jarðar að kynni við hann voru í senn skóli sem skemmtun. Skóli að skynja endalausan dugnað og vilja, skemmtun að skilja lífsgleðina sem á bak við bjó, ástina til þesssem lifir og hrærist.
Páll í Þolló, eins og við Ofanbyggjarapeyjarnir kölluðum hann í daglegu tali, flutti til Vestmannaeyja frá Húnavatnssýslu 1951 með Guðrúnu Aradóttur konu sinni og sonum. Páll fæddist á Geitaskarði í Langadal 5. ágúst 1906. Þau Guðrún giftu sig 1932 og höfðu búið í 17 ár nyrðra þegar þau fluttu búferlum til Eyja 1951. Þá höfðu þau búið á Móbergi og í Glaumbæ í Langadal. Ástæðan fyrir því að þau fluttu til Eyja var sú að Páll þjáðist af asma og hafði trú á sjávarloftinu til heilsubótar og meiningin var sú að stunda ekki búskap í Eyjum. Þegar þau Guðrún tóku við Þórlaugargerði vestra, einum Ofanbyggjarabæjanna í sveitinni í Eyjum, voru þar tvær kýr fyrir og bóndinn í Páli vildi halda þeim. En mói sem hægt var að brjóta í besta ræktunarland, hvanngræna grasið í Eyjum og andi bóndans tók í taumana og fyrr en varði var Páll farinnað rækta upp svæði Ofanbyggjara byggðarinnar sem aldrei fyrr höfðuverið ræktuð.
Í Þórlaugargerði bjuggu þau Guðrún til 1985 er þau fluttu sig um set til bæjarins. Í brennuleiðöngrum bernskuáranna fyrir hver áramót stálum við peyjarnir oft traktornum hans Páls, drógum hann með reipi út að hliði í skjóli nætur og gangsettum þar með allt annað en fermingarsvip. Auðvitað vissi Páll af þessu, en aldrei sagði hann orð þótt oft leiddi hann okkur til verkkunnáttu og vits í hinu daglega brauðstriti. Mest voru þau Guðrún og Páll með 16 kýr og alla tíð réð andi bóndans stemmningu þeirra Þórlaugargerðishjóna. Það var satt að segja með ólíkindum hvað Páll vann afkastamikinn og langan vinnudag þrátt fyrir veika heilsu lengstaf ævinnar. En ef andinn getur verið holdinu yfirsterkari þá var sú náttúra í Páli í Þórlaugargerði og ætíð fór hann blíðum höndum um gróður jarðar þótt heilsan væri honum ekki eins holl og vonir stóðu til. Páll í Þolló var sérstæður maður, sterkur persónuleiki og blærinn í lífi hans var hún Guðrún. Hann hélt sínu striki, laus við pjatt og hégóma, en lifði lífinu eins og sannur maður. Þegar aðrir óku um á tryllitækjum nútímans lét Páll sér nægja gamla traktorinn sinn og það var stórkostlegt eftir eldgosið 1973 að fylgjastmeð Páli í verkum sem lögðu grunninn að uppgræðslu Heimaeyjar. Þá nutu Eyjarnar sérstaklega bóndans sem bar að svo óvænt norðan úr landi.

Páll Hannesson fæddist á Undirfelli í Vatnsdal í Austur-Húnavatnssýslu 6. júlí 1925. Hann lést á gjörgæsludeild Landspítalans við Hringbraut 6. janúar síðastliðinn. Útför Páls fer fram frá Kópavogskirkju á morgun, mánudaginn 14. janúar, og hefst athöfnin klukkan 13.30.

Páll Hermann Jónsson 7.4.1914 - 31.10.1997. Var á Stóruvöllum, Lundarbrekkusókn, S-Þing. 1930. Bóndi á Lækjavöllum í Bárðardal. Síðast bús. í Bárðdælahreppi.
Hann var jarðsunginn frá Lundarbrekkukirkju laugardaginn 8. nóvember 1997 kl. 14.00.

Páll Hjálmarsson kjötiðnaðarmaður á Akureyri, f. 8.5.1953.

Páll Hjaltalín Jónsson 24. okt. 1892 - 4. maí 1944. Bóndi í Hamrakoti, Þingeyrasókn, A-Hún. 1930. Bóndi í Sólheimum í Svínadal, Hamrakoti og síðast á Smyrlabergi.
Baldursheimi 1943-1944.

Mjólkursamlagsstjóri á Blönduósi

Þann 5. febrúar sl. fórst vélbáturinn Heiðrún frá Bolungarvík með 6 menn innanborðs, einn þessara sex var Páll Ísleifur Vilhjálmsson frá Brandaskarði, A.-Hún. Páll var yngsta barn þeirra Jensínu Hallgrímsdóttur og Vilhjálms Benediktssonar bónda í Brandaskarði A-Hún. Jensína var Bolvíkingur en réðist tvítug að aldri norður í Húnavatnssýslu. Þar giftist hún Vilhiálmi Benediktssyni, húnvetnskum bóndasyni og hófu þau búskap árið 1930 á eignarjörð Vilhjálms, Brandaskarði, og eignuðust fimm börn.
Þau Jensína og Vilhjálmur voru um margt ólík, hún var skapmikil, en glöð og létt í lund, góður fulltrúi hinna óvilsömu Bolvíkinga, hamhleypa til allra verka og aldrei óvinnandi. Vilhjálmur var skáldmæltur vel og kaus gjarnan að sitja með penna í hönd og una í sínum draumaheimi en það var ekki hent fátækum bónda, og það áttu þau Vilhjálmur og Jensína sameiginlegt að þau vildu ekki vera upp á aðra komin.
En til þess að bjargast áfram á þeim kreppuárum, sem þau hófu búskap varð að vinna hörðum höndum og Vilhjálmur lét ekki sitt eftir liggja að vinna fyrir hópnum sínum en leitaði sér svo styrks í kveðskap þegar þreytan var að buga hann. Hann lýsir því sjálfur í einni vísu sinni:
Oft mér hugljúft yndi bar
ómþýð ljóðahending.
Hún í erjum vetrar var
vörn og þrautalending.

Með samstilltu átaki þeirra og hlífðarlausri vinnu búnaðist þeim fljótt vel og er börnin komust á legg voru þau dugleg að hjálpa og lét Páll ekki sinn hlut ekki eftir liggja þó yngstur væri, sérstaklega var hann góður og hjálpsamur móður sinni.
Páll var greindur vel og skemmilegur í viðmóti og fljótur til svars og lét ekki sinn hlut fyrir neinum og kærði sig kollóttan hvort hann deildi við kóng eða klerk.
Fríður sýnum var Páll meðsérkennileg leiftrandi augu, sem stundum virtust sjá út yfir hinn þrönga vanalega sjóndeildarhring.
Páll dvaldist nær óslitið í foreldrahúsum til 18 ára aldurs en þá slasaðist hann alvarlega og var vart hugað líf, og samur maður varð hann aldrei. Hann fór að heiman og dvaldi víða, vann ýmist til sjós eða lands og þótti hvarvetna hinn bezti starfsmaður.

Dr. Páll Isólfsson var fæddur í Símonarhúsum á Stokkseyri 12. október 1893. Foreldrar hans voru Ísólfur Pálsson, organleikari þar og tónskáld, síðar í Reykjavík, og kona hans, Þuríður Bjarnadóttir. Páll ólst upp með foreldrum sfnum á Stokkseyri til fimmtán ára aldurs, en fór þá til Reykjavíkur og dvaldist þar nokkur næstu ár með föðurbróður sínum, Jóni Pálssyni bankaféhirði, og konu hans, Önnu S. Adólfsdóttur. Voru þau honum sem aðrir foreldrar. Á þessum árum naut hann tilsagnar hjá Sigfúsi Einarssyni, tónskáldi og dómorganista.

29. mars 1878 - 12. okt. 1954

Páll „jökull“ Pálsson 17.8.1848 - 21.7.1912. Var á Keldunúpi, Kirkjubæjarklaustursókn, V-Skaft. 1850. Var í Kálfafelli, Kálfafellssókn, V-Skaft. 1860. Ekkill í Hlíð, Austur-Eyjafjallahr., Rang. 1910, skráður til heimilis að Vík í Mýrdal. Bóndi á Brunnum í Suðursveit, Hraunkoti í Lónum og á Skálafelli í Borgarhafnarhr., A-Skaft. 1880, síðar á Vestdalseyri við Seyðisfjörð. Barnakennari Vestmannaeyjum 1873-1874. Fyrstur íslendinga að ganga yfir Vatnajökul 1875.

Páll Jónatan Steingrímsson 25. mars 1879 - 23. ágúst 1947 Ritstjóri Vísis. Var í Reykjavík 1910. Ritstjóri á Tjarnargötu 3, Reykjavík 1930.

Páll Jónsson 21.11.1853 - 31.7.1939. Var í Helliskoti, Gufunessókn, Kjós. 1860. Vinnumaður á Iðu, Biskupstunguhr., Árn. 1910. Holtastaðakoti Langadal 1920. Ókvæntur.

Páll Jónsson f. 15.3.1875 - 24.10.1932. Bóndi í Sauðanesi í Torfalækjarhr., A-Hún. Bóndi í Sauðanesi, Þingeyrasókn, A-Hún. 1930,

Bóndi og kennari á Hofi, Hofssókn, A-Hún. 1930. Var í Breiðabliki, Höfðahr., A-Hún. 1957. Skólastjóri á Skagaströnd. Páll Jónsson fæddist 22. desember 1899 á Njálsstöðum í Vindhælahreppi. Árið 1920 höfðu systkini Páls, Pétur og Vilborg flutzt með foreldrum sínum frá Balaskarði út að Hofi á Skagaströnd og hafið búskap á hinu forna prestsetri.

Fæddur á Þórshöfn

Páll Jónsson Árdal 1. feb. 1857 - 24. maí 1930. Skáld og barnakennari á Akureyri. Var einnig vegaverkstjóri.

Páll Valdimar Guðmundsson Kolka 25. jan. 1895 - 19. júlí 1971. Spítalalæknir á Kirkjuvegi 27, Vestmannaeyjum 1930. Var á Héraðshælinu, Blönduóshr., A-Hún. 1957. Héraðslæknir í Vestmannaeyjum, á Blönduósi og síðast í Reykjavík. Síðast bús. í Reykjavík. Keypti Klöpp á Miðnesi og rak þar búskap, keypti hálfa jörðina Holt á Kolkumýrum, rak loðdýrabúskap 1937-1942 á lóð þeirri sem Héraðshælið stendur á nú.

Var á Hólabraut 4, Höfðakaupstað , A-Hún. 1957.
Húnabraut 22 Blönduósi um1972

Páll Kristjánsson 17.4.1901 - 14.1.1974. Bóndi á Reykjum, Blönduósssókn, A-Hún. 1930. Var á Reykjum í Torfalækjahr., A-Hún. 1957. Bóndi þar. Síðast bús. í Torfalækjarhreppi.

Páll Leví Jónsson 25. des. 1854 - 26. apríl 1922. Tökubarn á Útbleiksstöðum, Melstaðasókn, Hún. 1860, fóstursomur þar 1870. Söðlasmiður Aðalbóli 1880. Bóndi og hreppstjóri á Heggstöðum 1890 og til æviloka.

Páll Ólafsson 9. sept. 1832 - 22. maí 1910. Bóndi, hreppstjóri og dannebrogsmaður á Akri, Torfalækjarheppi., A.- Hún. Bóndi á Gilsstöðum, Undirfellssókn, Hún. 1860.

Fæddur á Höllustöðum í Blöndudal 17. mars 1937, dáinn 23. nóvember 2020. Foreldrar: Pétur Pétursson (fæddur 30. nóvember 1905, dáinn 7. maí 1977) bóndi á Höllustöðum í Blöndudal og kona hans Hulda Pálsdóttir (fædd 21. ágúst 1908, dáin 9. janúar 1995) húsmóðir. Maki 1 (26. júlí 1959): Helga Ólafsdóttir (fædd 30. október 1937, dáin 23. maí 1988) húsmóðir. Foreldrar: Ólafur Þ. Þorsteinsson og kona hans Kristine Glatved-Prahl. Maki 2 (18. ágúst 1990): Sigrún Magnúsdóttir (fædd 15. júní 1944) varaþingmaður, borgarfulltrúi í Reykjavík. Foreldrar: Magnús Jónsson Scheving og kona hans Sólveig Vilhjálmsdóttir. Börn Páls og Helgu: Kristín (1960), Ólafur Pétur (1962), Páll Gunnar (1967).

Stúdentspróf MA 1957.

Bóndi á Höllustöðum síðan 1957. Skipaður 23. apríl 1995 félagsmálaráðherra, lausn 28. maí 1999. Skipaður 28. maí 1999 félagsmálaráðherra, lausn 23. maí 2003.

Formaður FUF í Austur-Húnavatnssýslu 1963–1969. Í hreppsnefnd Svínavatnshrepps 1970–1974. Formaður Veiðifélags Auðkúluheiðar 1972–1977. Fulltrúi Austur-Húnvetninga á fundum Stéttarsambands bænda 1973–1977. Formaður Hrossaræktarsambands Íslands 1974 og 1980. Í Norðurlandaráði 1980–1991, formaður Íslandsdeildar þess 1983–1985. Forseti Norðurlandaráðs 1985 og 1990. Í flugráði 1983–1992. Kjörinn í samstarfsnefnd með Færeyingum og Grænlendingum 1981 um sameiginleg hagsmunamál. Í Rannsóknaráði 1978–1980. Í Vestnorræna þingmannaráðinu 1985–1987, formaður. Í stjórn Landsvirkjunar 1987–1995. Kosinn í Evrópustefnunefnd 1988. Í þingmannanefnd EFTA/EES 1991–1995.

Alþingismaður Norðurlands vestra 1974–2003 (Framsóknarflokkur).

Félagsmálaráðherra 1995–2003.

Formaður þingflokks Framsóknarflokksins 1980–1994.

Utanríkismálanefnd 1991–1995 (varaform. 1994–1995), iðnaðarnefnd 1991–1995, sérnefnd um stjórnarskrármál 1992–1995.

Páll Sigþór Kárdal (Paul Kardal) 20. ágúst 1916 - 17. ágúst 2002. Var á Blönduósi, A-Hún. 1920. Bús. í Ninette, Manitoba, Kanada.

Páll Sigþór Pálsson hæstaréttarlögmaður fæddist í Sauðanesi í Torfalækjarhreppi 29.1. 1916. Hann var sonur Páls Jónssonar, bónda og búfræðings í Sauðanesi, og Sesselju Þórðardóttur frá Steindyrum.

Meðal systkina Páls má nefna dr. Hermann, fyrrv. prófessor við Edinborgarháskóla; Gísla, fyrrv. oddvita að Hofi í Vatnsdal; Hauk, bónda á Röðli, og Ríkharð tannlækni.

Eiginkona Páls var Guðrún Stephensen, kennari, forstöðumaður á leikskólum í Reykjavík og starfsmaður á Þjóðminjasafni.

Börn þeirra Páls eru lögfræðingarnir Stefán og Páll Arnór; Signý, skrifstofustjóri menningarmála hjá Reykjavíkurborg; Sesselja forstjóri; Þórunn, kennari og leikari; Sigþrúður sem er látin, bar listamannsnafnið Sissú og var myndlistarmaður og arkitekt, dr. Anna Heiða bókmenntafræðingur og Ívar, viðskiptafræðingur og útflytjandi í Reykjavík.

Sonur Páls frá því áður og Kristínar Gísladóttur er dr. Gísli Hlöðver Pálsson, ættleiddur sem Jack Gilbert Hills, stjarneðlisfræðingur í Bandaríkjunum.

Páll lauk kennaraprófi frá KÍ 1937, stúdentsprófi frá MR 1940 og embættisprófi í lögfræði frá HÍ 1945. Hann var barnaskólakennari við Barnaskólann í Mýrarhúsum, Barnaskólann í Keflavík og Innri-Njarðvíkum og Miðbæjarskólann í Reykjavík á árunum 1937-42 og kenndi við Kvennaskólann í Reykjavík í tíu ár. Hann var framkvæmdastjóri Félags íslenskra iðnrekenda 1947-56 en stundaði jafnframt málflutning með öðrum störfum og starfrækti síðan eigin málflutningsstofu í Reykjavík frá 1956 og til æviloka. Páll var um langt skeið í hópi virtustu málflutningsmanna, gegndi ýmsum trúnaðarstörfum, var t.d. formaður Húseigendafélags Íslands, Lögmannafélags Íslands og The World Peace Through Law Center, og sat í fjölda opinberra nefnda, einkum um margvíslegar lagabreytingar. Páll lést 11.7. 1983.

Páll Sigurðsson 3. feb. 1860 - 3. feb. 1950. Verslunarmaður í Friðfinnshúsi. Selás;

Páll Sigurðsson Steingrímsson 25. júlí 1887 - 18. júlí 1964. Bóndi á Njálsstöðum, Vindhælishreppi, Bjargi Blönduósi 1940, síðar verkamaður í Reykjavík.