Ottó Svavar Jóhannesson var fæddur á Móbergi í Langadal Austur-Húnavatnssýslu 1. júlí 1912. Hann lést á Landspítalanum í Fossvogi 12. október síðastliðinn. Svavar og Hallfríður hófu búskap á Hrútsstöðum árið 1943 og bjuggu þar um 11 ára skeið en fluttu þá í Kópavog og reistu sér hús í Löngubrekku 4. Hallfríður lést 12. desember 1992.
Síðustu ævimánuðina dvaldist Svavar á sambýli aldraðra á Skjólbraut 1a í Kópavogi.
Útför Svavars fer fram frá Kópavogskirkju í dag og hefst athöfnin klukkan 13.30.

Foreldrar hans voru hjónin Elísabet Þorleifsdóttir og Jóhannes Halldórsson. Systkini hans voru Óskar Þorleifur (1897-1988), Björg Sigurrós (1899-1995) Móbergi:, Ingiríður Guðbjörg (1900-1999), Halldór Helgi (1901-1984) Brún, Guðmundur Jóhannes (1904-1981), Jón (1906-1972) og Helga Kristín (1909-1929). Þau eru öll látin. Eftir lifir bróðirinn Axel sem búesettur er á Akureyri.
Svavar kvæntist hinn 17. júlí 1943 Hallfríði Mörtu Böðvarsdóttur, f. 8. júní 1913. Foreldrar hennar voru hjónin Böðvar Marteinsson, og Guðbjörg Jónsdóttir, sem bjuggu á Hrútsstöðum í Laxárdal, Dalasýslu. Börn Svavars og Hallfríðar eru: 1) Björgvin Böðvar, kennari, f. 12. apríl 1944. Hann var kvæntur Kristínu Garðarsdóttur, kennara. Börn þeirra eru, Helga, Svavar, Hörður Garðar og Hallfríður Anna. Núverandi eiginkona Björgvins Böðvars er Sesselja H. Guðjónsdóttir, kennari. 2) Elísabet Jóhanna, kennari, f. 8. apríl 1948. Hún er gift Ólafi Guðmundssyni skólastjóra, og börn þeirra eru Sif, Hlín og Freyr.