Möllershús Blönduósi 1877-1918

Fyrsta íbúðarhúsið sem reist var á Blönduósi. Brann 1913. Á sama stað og Sæmundsenhúsið reis síðar (1922) og nú er Kiljan.

Blönduós gamli bærinn. Aðalgata 2:

Möllershús var samsteypa margra húsa sem nefndust Möllers útbyggingar.
Þessi hús virðast hafa staðið stutt eða frá 1883-1888 (þessi hús sjást á mynd frá 1885).
Ekki er víst hvort strax varð alfaravegur þar sem Aðalgatan er núna, en þó er líklegt að snemma hafi orðið svo. Þó var svæði vestan við lóð Möllers ætlað til umferðar en fljótlegahefur orðið hálfgerður almenningur á plássinu milli íbúðarhúss Möllers annarsvegar og sölubúðarinnar og fjóssins hinsvegar, enda aðeins húslóðin girt.
Eftir að Jóhann Möller dó 1903, var kona hans eigandi húsanna. Ólafur [Ole Möller] sonur hennar rak versluninanæstu árin en dó 1910. Þá komust fasteignirnar í eigu annarra. Hillebrantshús, Bræðslubúð og Langiskúr eignuðust Jón á Húnsstöðum og Guðmundur á Torfalæk, útihúsin og sölubúðina eignuðust, Friðfinnur Jónsson, Þórainn á Hjaltabakka og Pétur Tímóteus Tómasson. Gamla læknishúsið (Kistu) hafði frú Möller sekt Gísla Benediktssyni og Halldóri Gíslasyni 2.6.1906. Íshúsið hafði Ole selt Pétri Péturssyni 15.5.1909.

Í íbúðarhúsinu bjó fjölskyldan til 1910, þá kom fjölskylda Árna Árnasonar frá Höfðahólum þangað. Kvennaskólinn hafði húsið á leigu 1911-1912 og bjuggu kennslukonur þar. 1912-1913 bjuggu í húsinu margir leigjendur, ma Hansína prestsekkja, Þorlákur Helgason og Vilhelmína Sigurðardóttir. Húsið brann síðla árs 1913.
Sölubúðin, sem Sigurður Berndsen hafði þá eignast og búið í í 2 ár fór á sömu leið og brann 21.12.1914. Þessi hús voru grænmáluð, sneru stöfnunum í austur og vestur, þau voru á þeim stöðum sem Sæmundsenhús og Samkomuhúsið standa nú. Þó hefur líklega verið skemmra á milli hinna eldri húsa.

1877- Thomas Jarowsky Thomsen fyrsti kaupmaðurinn á Blönduósi, faðir staðarins, f. 31. mars 1842 á Vatneyri d. 24. júní 1877 (fannst rekinn í Blöndu), bróðir Katrínar Alvildar Maríu Thomsen hér fyrir neðan. Óg bl.

1880- Sigvaldi Benediktsson Blöndal verslunarmaður, f. 24. júlí 1851 Hvammi í Vatnsdal, d. 13. mars 1901, eini skráði íbúi á Blönduósi 1880. Maki 28. ágúst 1886; Ingunn Elín Jónsdóttir Blöndal frá Steinnesi, f. 10. maí 1852. Vert Skróki 1890. Barn þeirra; Ólafur Blöndal (1888-1966) Rvík.
Fósturbarn;
1) Hallgrímur Tómasson (1877-1942) Reykjavík.

1880- Arnór Egilsson (1856-1900). Var í Hringveri, Húsavíkursókn, S-Þing. 1860. Verzlunarþjónn á Blönduósi, Hjaltabakkasókn, Hún. 1880. Ljósmyndasmiður á Hæl, Þingeyrasókn, Hún. 1890. Bóndi og ljósmyndari á Bjarnastöðum í Vatnsdal. Ljósmyndasmiður á Akureyri 1900. Vertshús.

1880- Nikulás Helgason (1858-1931). Var í Hæl, Þingeyrasókn, Hún. 1870. Bóndi á Skeggjastöðum og víðar.

1880- Karl Ludvig Lehmann (1865) Bergen Noregi. Foreldrar hans; Karl Ludvig Lehmann (22.9.1834) og kona hans 3.11.1861; Monsine Olufine Johansen Lehmann (1841). Kona Karls yngra um 1890; Anna Marie Rönneberg, Bergen 1890.

1880 og 1890- Sigurbjörg Einarsdóttir (13. jan. 1843). Var á Harastöðum, Hofssókn, Hún. 1845.

1880- Ingibjörg Jórunn Jóhannesdóttir (1854). Var í Hofi, Hofssókn, Hún. 1860. Var á Steinnýjarsstöðum, Hofssókn, Hún. 1870. Fór til Vesturheims 1887 frá Höfðahólum, Vindhælishreppi, Hún.
1901; Lára Jónsdóttir 1. jan. 1875 í Höskuldsstaðas. Vesturh. 1911, sjá Skagfjörðshús

1901; Bjarni Hallgrímsson (1858) sjá Böðvarshús.

1901; Einar Guðmundsson (1875-1934) Neðri-Mýrum.

1901; Hafsteinn SIgurðsson (1872-1948) sjá Bala.

1901; Helga Illugadóttir (1865-1954) frá Auðkúlu. Reykjavík.

1901; Fritz Henrik Berndsen (1880-1961) sjá Halldórshús innan ár.

1901; Ingibjörg Sigurðardóttir (1874-1970) Búðardal, sjá Kvennaskólann.

1901; Jakob Jósefsson (1842-1907). Var á Spákonufelli, Spákonufellssókn, Hún. 1845. Bóndi á Árbakka á Skagaströnd.

1901; Jón Ólafur Stefánsson (1875-1954) frá Flögu, sjá verslun Magnúsar Stefánssonar.

1901; Kristófer Einarsson (1871-1938) Breiðavaði.

1901; Skúli Jónsson (1870-1915) sjá Kaupfélagshús.

1901; Þórarinn Bjarnason (1877-1966) sjá Sunnuhvol.

1904-1910- Ole Peter Christian Möller kaupm. f. 7. ágúst 1854 d. 27. okt. 1917. Kaupmaður á Hólanesi, Blönduósi og Hjalteyri við Eyjafjörð. Bóndi í Möllers Kaupmannshúsi, Möðruvallaklaustursókn, Eyj. 1901, bróðir Jóhanns, maki; 19.sept. 1875; Ingibjörg Gísladóttir Möller f.  2. nóv. 1853 d. 21. okt.1942. Húsfreyja í Baldursheimi á Galmaströnd og Hjalteyri, Eyj. Var á Neðrimýrum, Höskuldsstaðasókn, Hún. 1870. Húsfreyja á Neðri-Mýrum, Höskuldsstaðasókn, Hún. 1890. Húsfreyja í Möllers Kaupmannshúsi, Möðruvallaklaustursókn, Eyj. 1901. Ekkja á Hólatorgi 2, Reykjavík 1930.
Börn þeirra;
1) Ludvig Kristján (1876-1951). Barn hjá foreldrum í Stóra-Bergi, Spákonufellssókn, Hún. 1880. Útgerðarmaður og kaupmaður á Hjalteyri og í Hrísey.
2) Jóhann Jón Vilhelm (1878-1900). Var í Stóra-Bergi, Spákonufellssókn, Hún. 1880. Var á Neðri-Mýrum, Höskuldsstaðasókn, Hún. 1890. Drukknaði í skautaferð á Hjalteyrartjörn.
3) Jakob Ragnar Valdimar Oleson (1880-1955). Ritstjóri, bankaeftirlitsmaður, ráðherra og sendiherra. Húsbóndi í Reykjavík 1910. Bankaeftirlitsmaður á Hólatorgi 2, Reykjavík 1930. Ekkill. Sendiherra í Reykjavík 1945. Heitir fullu nafni: Jakob Ragnar Valdemar Oleson Möller.
4) Sigríður Ólína (1885-1.5.1907). Var í Möllers Kaupmannshúsi, Möðruvallaklaustursókn, Eyj. 1901.
5) Sigurlaug Elísabet (1889-1.3.1907). Var á Neðri-Mýrum, Höskuldsstaðasókn, Hún. 1890.
6) Anna Lucinda (1892-1908). Var í Möllers Kaupmannshúsi, Möðruvallaklaustursókn, Eyj. 1901.
7) Haraldur Axel (1895-1921). Var í Möllers Kaupmannshúsi, Möðruvallaklaustursókn, Eyj. 1901. Síðast bús. í Reykjavík. Kvæntur.

1910-1912- Árni Árnason (1875-1941). Bóndi og umboðsmaður í Höfðahólum á Skagaströnd, síðar í Reykjavík. Ekkill á Ásvallagötu 27, Reykjavík 1930, bjó í Reykjavík til æviloka.
maki; Ingibjörg Pálsdóttir (1873-1930). Húsfreyja á Höfðahólum á Skagaströnd. Fyrri kona Árna Árnasonar. Sjá Möllersfjós.

1912-1913- Kennslukonur kvennaskólans

GPJ 21.5.2019

• Icelandic

®GPJ Býlaskrá Blönduóss 1876 - 1957
Upplýsingar um lóðamörk eru fengnar frá Jóni Arasyni (1949) í Skuld.
Skilningur á staðsetningu er alfarið minn. GPJ