Hafursstaðir

Bærinn stendur nú á norðurbakka Hafursstaðaár, neðan vegar. Áður var bærinn sunnan ár og ofan þjóðvegar undir skýlli brekku. Í austri gnæfir Hörfell. Jörðin er landmikil og ræktunarskilyrði ágæt. Íbúðarhús byggt 1945 405 m3. Fjós yfir 6 kýr. Fjárhús yfir 370 fjár. Hlöður 653 m3. Geymslur 221 m3. Tún 16,4 ha. veiðiréttur í Hallá einnig hrognkelsaveiði..

Vindhælishreppur; Skagabyggð; Hafursstaðir; Hafursstaðakot; Hafursstaðaá; Hafursstaðagil; Sláttuhvammur; Klofasteinar; Hrafnabrík; Hrísgil; Brunnárdalur; Hrísgil; Haukaskarð; Fagragil; Fagragilsfold; Söndugihóll; Pálsbyrgi; Pálsbyrgi; Grenshjallahöfuð; Núpurinn; Borgirnar; Ófærubás; Ytrieyjar; Ytrieyjarnúpur, Kambakot; Smjörskálalæk; Hjallholt; Hellisgil; Hrafnaklettur; Selhólar; Skriðuskálarlæk; Kjalarlandsmerki; Kvennaskólinn á Ytriey,

Ábúendur;

-1901- Einar Stefánsson 2. júlí 1863 - 29. október 1931 Léttadrengur á Öxl, Þingeyrasókn, Hún. 1880. Var á Akureyri 1930. Bóndi á Hafursstöðum og síðar á Þverá í Norðurárdal. Böðvarshúsi Blönduósi 1920. Kona hans; Björg Jóhannsdóttir 17. september 1863 - 19. maí 1950 Var á Akureyri 1930. Húsfreyja á Þverá í Norðurárdal. Húsfreyja á Blönduósi.

-1910 og 1920- Sigurður Jónsson 1. sept. 1876 - 17. apríl 1956. Kaupmaður í Sigurðarhúsi á Hólanesi í Höfðakaupstað, A-Hún. Kona hans; Sigríður Guðbjörg Kristmundsdóttir 8. feb. 1869 - 15. júní 1941. Húsfreyja í Sigurðarhúsi á Hólanesi í Höfðakaupstað, A-Hún.

-1957- Sigurður Guðlaugsson 12. janúar 1902 - 19. júlí 1992 Bóndi á Ytri-Hóli, Hofssókn, A-Hún. 1930. Var á Hafursstöðum, Vindhælishr., A-Hún. Bóndi þar 1957. Síðast bús. í Blönduóshreppi. Kona hans; Auðbjörg Sigríður Albertsdóttir 27. september 1908 - 13. september 1994 Námsstúlka í Alþýðuskólanum á Hvítárbakka, Hvanneyrarsókn, Borg. 1930. Húsfreyja á Hafursstöðum, Vindhælishr., A-Hún. Húsfreyja þar 1957. Síðast bús. í Blönduóshreppi.

-1973- Jón Hall Magnússon 25. ágúst 1910 - 26. nóv. 2000. Var á Heinabergi, Skarðssókn, Dal. 1930. Kona hans; Guðrún Bjarnadóttir 16. des. 1920 - 14. jan. 2003. Var á Hreiðri, Akranesssókn, Borg. 1930. Síðast bús. í Hafnarfirði.

1973- Magnús Jónsson 16. jan. 1945

Landamerkjaskrá fyrir jörðinni Hafursstöðum með hjáleigunum Hafursstaðakoti og Kambskoti.

Að norðan ræður Halladalsá frá sjó og upp í Sláttuhvamm, úr Sláttuhvammi í Klofasteina, frá Klofasteinum yfir miðja Kjalarmýri, eptir því sem vörður vísa, í Hrafnabrík við Hafursstaðagil, þaðan og í Hrísgil, er allur Brunnárdalur norðan fram, fram hjá Hrísgili, Hafursstaðaland, eptir því sem fjallaeggjar vísa, yfir Haukaskarð og yfir Fagragilsfoldu, miðja vegu að bera milli Fagragils og Söndugahóls, og allur Brunnárdalur að sunnan fram, svo langt vötn að draga, tilheyrir einnig ofannefndri jörðu, þaðan liggur merkjalínan til suðurs eptir háfjöllum, í Pálsbyrgi, þaðan til vesturs í Marksteina, þaðan og í Grenshjallahöfuð, þaðan í stóran stein á Núpnum, þaðan rjettsýnis í garð í brekkunum, þaðan í Gildru á Borgunum, þaðan í stapa, er stendur í sjó, sunnanvert við svo nefndan Ófærubás. Sunnan línu þessarar, frá Pálsbyrgi og til sjáfar, er Ytrieyjar land.
Með samningi, dagsettum 18. ágúst 1874, og þinglesnum að Viðvík þann 27. maí 1884, hafa sameigendur Hafursstaða með hjáleigunum, skipt þannig landi jarðarinnar, að Kambakotsland er með öllu frá skipt, og nær það framan frá Smjörskálalæk í sunnanverðum Brunnárdal og ofan svokallað Hjallholt, fyrir neðan bæinn í Kambakoti, og er neðra takmark landsins úr vörðu á Hjallholtinu beina stefnu yfir ofanvert Hellisgil, út í Hrafnaklett í sunnanverðu Hafurstaðaárgili. Milli Hafurstaða og Hafursstaðakots er beitiland óskipt, en slægjulandi er skipt þannig: að Hafursstaðir eiga slægjuland á norðanverðum Brunnárdal fyrir framan Hafursstaðasel, er stendur neðan til við Selhólana, en Hafursstaðakot á slægju á sunnanverðum Brunnárdal, fyrir framan Smjörskálarlæk, fyrir neðan Hafursstaðasel á norðanverðum Brunnárdal, eiga Hafursstaðir slægjuland allt niður að Skriðuskálarlæk, en Hafursstaðakot fyrir neðan þann læk til móts við Kjalarlandsmerki. Slægjur á Sundunum fyrir ofan ásinn, út af Ytrieyjarnúpnum, upp að Kambakotsmerkjum, er áður eru nefnd, eiga Hafursstaðir, en slægjur í brekkunum fyrir neðan þann ás, og ofan undir Reiðgötur, á Hafursstaðakot. Á flóanum fyrir neðan bæinn er slægjum svo skipt, að Hafursstaðir eiga hinn syðri hluta, en Hafursstaðakot hinn nyrðri, og eru takmörkin bein stefna frá sjó eptir stórri þúfu ofan til við flóajaðarinn í vörðu á hól upp í Ytrieyjarnúpnum. Landið fyrir utan Hafursstaðaá, og upp á móts við Hrafnaklett er sameiginlegt beitiland fyrir báðar jarðirnar, en þyki þar eitthvað slægt, er Hafursstaðamanni þar heimil slægja. Með tilliti til selstöðu, mótaks og sjáfarnytja er landi milli Hafursstaða og Hafursstaðakots óskipt. Svo er túni skipt, að Hafursstaðir eiga tún fyrir ofan götuna er lína liggur norðan í hlaðið og fyrir sunnan skurðinn, er liggur upp eptir túninu, sunnan til við bæinn, en Hafursstaðakot á tún fyrir norðan þann skurð og neðan þá götu.
Landamerkjaskrá þessi er rituð í marzmánuði 1890 og samþykkt af undirrituðum.
Andrjes Árnason vegna eiganda Hafursstaða
Helga Guðmundsdóttir eigandi Hafursstaðakots.
Eggert Ó Brím formaður forstöðunefndar kvennaskólans á Ytriey, vegna þeirrar jarðar.
Kr. Þorbergsson eigandi Kambakots og meðeigandi Sæunnarstaða.
J. Jósefsson meðeigandi Sæunnarstaða.
Frímann Guðmundsson eigandi Kjalalands.
Árni Jónsson eigandi 7/60 af Syðriey.

Lesið upp á manntalsþingi að Viðvík, hinn 22. maí 1890, og innfært í landamerkjabók Húnavatnssýslu, No. 161, fol. 83b og 84

GPJ 26.3.2019

• Icelandic

Landamerkjabók sýslunnar 1890.
Húnaþing II bls 121