Person

Björn Eysteinsson (1920-2014) frá Hafurstöðum

• Björn Eysteinsson

26.8.1920 - 5.5.2014

Björn Eysteinsson fæddist 26. ágúst 1920 í Meðalheimi á Ásum í Austur-Húnavatnssýslu og ólst þar upp fyrstu átta árin. Hann lést á Hrafnistu í Hafnarfirði 5. maí 2014. Var á Hafurstöðum, Hofssókn, A-Hún. 1930. Aðalbókari, skrifstofustjóri og deildarstjóri á Reyðarfirði og gegndi þar margvíslegum félags- og trúnaðarstörfum, síðar endurskoðandi í Hafnarfirði.

Meðalheimur; Hafurstaðir; Reyðarfjörður; Hafnarfjörður:

Björn stundaði nám við unglingaskóla hjá séra Þorsteini Gíslasyni í Steinnesi í tvo vetur og síðan við Samvinnuskólann í Reykjavík þaðan sem hann útskrifaðist 1940.

Björn flutti til Reyðarfjarðar 1941, stundaði afgreiðslu- og skrifstofustörf hjá Kaupfélagi Héraðsbúa á Reyðarfirði 1941-46, var aðalbókari og skrifstofustjóri þar 1947-67, fulltrúi kaupfélagsstjóra á Reyðarfirði 1967-76 og var deildarstjóri Reyðarfjarðardeildar KHB og fulltrúi á aðalfundum um árabil.
Björn sat í hreppsnefnd Reyðarfjarðarhrepps 1955-58 og 1963-74 og var m.a. endurskoðandi sveitarstjórnarreikninga, hafði umsjón með byggingu félagsheimilisins Félagslundar og var formaður bygginganefndar. Hann var um tíma formaður Ungmennafélagsins Vals, sat nokkur ár í stjórn Ungmenna- og íþróttasambands Austurlands og var fulltrúi á þingum þess í nokkur skipti. Þá var hann bókavörður Lestrarfélags Búðareyrarþorps og endurskoðandi útgerðarfélagsins Austfirðings hf. meðan það starfaði. Hann var umboðsmaður Happdrættis Háskóla Íslands og SÍBS árum saman.
Árið 1977 flutti Björn til Hafnarfjarðar og átti þar heima síðan. Hann starfaði á endurskoðunarskrifstofu SÍS í Reykjavík 1977-89 eða þar til hann hætti störfum vegna aldurs.

Foreldrar hans; Guðrún Gestsdóttir 11. desember 1892 - 30. ágúst 1970 Húsfreyja í Meðalheimi og á Hafursstöðum, síðar í Reykjavík. Húsfreyja á Hafursstöðum 1930. Síðast bús. í Reykjavík og maður hennar 20.9.1915; Eysteinn Björnsson 17. júlí 1895 - 2. maí 1978 Bóndi í Meðalheimi á Ásum, á Hafursstöðum í Vindhælishr., og síðan á Guðrúnarstöðum í Vatnsdal. Bóndi á Hafurstöðum, Hofssókn, A-Hún. 1930. Var á Guðrúnarstöðum, Áshr., A-Hún. 1957. Síðast bús. í Áshreppi. Þau skildu.
Björn kvæntist 3.3. 1945 Sigrúnu Jónsdóttur húsmóður, f. 7.5. 1925, d. 10.4. 1973. Þau bjuggu allan sinn búskap á Reyðarfirði þar til Sigrún lést og Björn flutti til Hafnarfjarðar.
Börn þeirra eru:
1) Erna Guðrún Björnsdóttir f. 9.2. 1944, kennari við Ártúnsskóla, maður hennar; Ellert Borgar Þorvaldsson 12. maí 1945 fv. skólastjóri og ráðgjafi, börn: a) Sigrún lyfjafræðingur, maki Ágúst Leósson, fjármálastjóri hjá Medis, sonur þeirra er Arnar Leó; b) Kristín leikskólakennari, börn hennar eru: Ellert, í sambúð með Sólveigu Magnúsdóttur og eiga þau soninn Daníel Gauta; Daníel og Erna; c) Björn Valur og á hann dótturina Anítu Sól,
2) Eysteinn Björnsson 26. febrúar 1954 , innkaupastjóri hjá Bóksölu stúdenta,
3) Hanna Ragnheiður Björnsdóttir 25. febrúar 1960 félagsráðgjafi maður hennar; Hafþór Theódórsson 6. júlí 1961 stýrimaður. Sonur Hönnu er Jóhann Birnir Sigurðsson 11. júní 1991 .

IS HAH

Final

Full

GPJ 8.1.2018

• Icelandic

http://www.mbl.is/greinasafn/grein/1509952/?item_num=1&searchid=bf107749e38c64a6011703272c3b808365b8836b