Corporate body

Geithamrar í Svínadal

[1300]

Skammt fyrir norðan Grund liggja Geithamrar í fjallsrótunum. Þar er mikið ræktanlegt land á láglendinu og rúmgott, notadrjúgt beitiland í fjallshlíðinni. Jörðin á land meðfram Svínavatni á 2-3 km kafla. Fram til 1961 voru byggingarnar uppi í brekkuhallinu, en hafa nú verið fluttar niður á flatlendið, nær veginum. Íbúðarhús byggt 1961 88 m2 431 m3. Fjós byggt 1973 yfir 16 kýr og 8 geldneyti, ásamt mjólkuhúsi og áburðargeymslu. Fjárhús yfir 320 fjár. Hesthús fyri 11 hross og auk þess torfhús yfir 20. Hlöður 1174 m3. Tún 25 ha. Veiðiréttur í Svínavatni.

Svínavatnshreppur; Svínavatn; Grund; Þrílækir; Þverlækur; Einbúi; Mosfell; Berjabrekkubrún: Hólastóll; Geithamrahólmi; Kúluheiði;

Jarðardýrleiki xx € og so tíundast tveim tíundum ut supra, Eigandinn er biskupsstóllinn að Hólum. Ábúandinn Jón Sveinsson.
Landskuld i €. Betalast í öllum gildum landaurum, stundum nokkuð í fóðri, til xx álna. Leigukúgildi v. Leigur betalast i smjöri sem áður segir um Mosfell. Kvaðir eru öngvar.
Kvikfjenaður v kýr, i kvíga veturgömul, lxiii ær, viii sauðir tvævetrir og eldri, xviii veturgamlir, xxvi lömb, iii hestar, iii hross, i foli veturgamall, i únghryssa. Fóðrast kann iii kýr, xl ær, xxx lömb, iiii hestar, Torfrista og stúnga er næg. Reiðíngsrista hefur verið, er nú fordjörfuð af skriðu, Hrísrif er þrotið. Silúngsveiði sem áður segir um Mosfell. Eggver lítið í hólma þeim, er liggur í Svínavatni og kallaður er Geithamrahólmi, hefur í næstu fjögur ár að öngvu gagni verið. Lambaupprekstur á Kúluheiði fyrir toll ut supra. Túnunum spillir lækjarskriða.
Enginu spillir sama skriða. Vetrarríki fyrir útsynníngum ut supra. Hætt er kvikfje mjög fyrir foröðum. Hætt er húsum og heyjum fyrir stórviðrum af útsuðri. Kirkjuvegur slæmur.
Girðíngar sjást hjer í landinu þar sem nú er stekkur. Munnmæli eru þar hafi bærinn áður staðið, en því verið færður, að vatn hafi grandað túninu. Ekki verður hjer bygt, nema eyðilögð sje heimajörðin, og þó miður til fallið.

1906-1944- Þorsteinn Þorsteinsson 12. mars 1873 - 27. jan. 1944. Bóndi á Geithömrum í Svínavatnshr., A-Hún. Kona hans; Halldóra Björnsdóttir 24. mars 1878 - 10. apríl 1961. Var á Marðarnúpi, Grímstungusókn, Hún. 1880. Húsfreyja á Geithömrum, Auðkúlusókn, A-Hún. 1930. Var á Geithömrum, Svínavatnshr., A-Hún. 1957. Húsfreyja þar.

1944- Þorsteinn Þorsteinsson 11. júlí 1908 - 29. sept. 1992. Var á Geithömrum, Auðkúlusókn, A-Hún. 1930. Bóndi á Geithömrum, A.-Hún. Síðast bús. í Svínavatnshreppi. Kona hans; Guðrún Björnsdóttir 14. mars 1920 - 18. ágúst 2014. Var á Hæli, Blönduósssókn, A-Hún. 1930. Var á Geithömrum, Svínavatnshr., A-Hún. 1957. Húsfreyja á Geithömrum í Svínavatnshreppi.

Þorsteinn Þorsteinsson 31. maí 1945. Var á Geithömrum, Svínavatnshr., A-Hún. 1957. Kona hans; Snjólaug Þóroddsdóttir 27. ágúst 1945.

Landamerki fyrir jörðinni Geithömrum í Svínavatnshreppi.

Að sunnanverðu gagnvart Grundarlandi ræður lækur, sem hefur upptök sín úr hinum svonefndu Þrílækjum uppí fjallsbrún, rennur lækur þessi ofan á milli bæjanna Grundar og Geithamra, þar til hann fellur fram úr þrengslum nokkru neðar en bæirnir standa, ræður svo merkjum bein stefna til austurs, og í þverlækinn, er fellur til norðurs fyrir ofan Grundar-beitarhús, síðan ræður lækur þessi merkjum til norðurs, þar til hann fellur í það sunnanvert við klett, sem kallaður er Einbúi, svo ræður lækur þessi merkjum að norðan, móts við Mosfellsland, upp fjallið, eptir Berjabrekkubrún, og svo beina stefnu til fjalls-brúnar, að vestanverðu frá greindu takmarki ræður fjallsbrúnin merkjum til suðurs allt að Þrílækjum.

Sveinn Pjetursson eigandi og ábúandi Geithamra. Egill Halldórsson (eigandi og umráðamaður Mosfells. Þorsteinn Þorsteinsson, eigandi að Grund.

Grund og Geithamrar:
Út af deilu þeirri, sem risið hefur upp milli eigenda jarðanna Grundar og Geithamra í Svínavatnshreppi, um landamerki milli jarðanna, er hjer með af eigendum gjörður svofelldur samningur: Landamerki milli jarðanna skulu vera þannig:
Á fjallinu ræður lækur, sem hefir upptök sín í hinum svonefndu þrílækjum upp í fjallsbrúninni. Rennur lækur þessi ofan á milli bæjanna Grundar og Geithamra, þar til hann fellur fram úr þrengsli nokkru neðar en bæjirnir standa. Ræður svo merkjum skurður sá, sem hefir verið gjörður, eptir Merkjalækjardraginu í vörðu, sem hlaðin er við enda hans, úr nefndri vörðu bein lína í vörðu við vaðið á Þrílæknum, gengt beitilarhúsatóptum frá Grund. Ræður svo lækur þessi merkjum þar til hann fellur í Vatnsvíkina. Hefir sýslumaður Húnavatnssýslu á Sveinstöðum hlaðið nefndar vörður til bráðabyggða, er jarðeigendur skuldbinda sig til, að hálfu að því er snertir hvora jörð, að hlaða vörðurnar betur og halda þeim við.
Þessu til staðfestu eru nöfn Þorsteins Þorsteinssonar, eiganda Geithamra, Ragnhildar Sveinsdóttur meðeiganda jarðarinnar Grundar og Jóhannes Guðmundsson fyrir hönd Oddnýjar, Jóhönnu og Jakobínu Þorsteinsdætra meðeigenda jarðarinnar Grundar.
Gjört að Grund 9. ágúst 1926
Lesið fyrir manntalsþingrjetti Húnavatnssýslu að Svínavatni 13. júní 1927 og innfært í landamerkjabók sýslunnar Nr. 317, fol. 172-172b.

IS HAH-Bæ

Final

Full

GPJ 26.3.2019

• Icelandic

Guðmundur Paul
Jarðabók Páls Vidalín 1706. Bls 325
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók sýslunnar Nr. 317, fol. 172-172b.