Stafn í Svartárdal

Bærinn Stafn er hinn fremsti í Svartárdal að austan, byggður skammt ofan vegar. Túnið er ræktað upp úr samfelldum vallendismóum norðan Stafnsklifs. Brú á Svartá syðst í túninu. Sunnan þess er Stafnsrétt á Löngueyri, síðan Stafnsgil með Háutungur og Stafnsfell á hvora hönd. Svartárdalsfjall rís í austri og þar liggur vegur um Kiðaskarð til Skagafjarðar. Jörðin á einnig land í Teigum vestan Svartár. Beitiland afar víðáttumikið og kjarngott. Íbúðarhús byggt 1950, 384 m3. Fjós yfir 6 gripi. Fjárhús yfir 510 fjár. Hesthús yfir 18 hross. Hlaða 200 m3. Verkfærageymsla 264 m3. Tún 19 ha. Veiðiréttur í Svartá.

Svartárdalur; Bergsstaðasókn; Bólstaðarhlíðarþinghá; Stafnsklif; Kúfustaðaklif; Svartá; Kúfustaðaseli; Káraskarð; Þröskuldar í Kiðaskarði; Háutungur; Aðalsmannsvatnalækur; Fossá; Arnarhól; Kóngsgarður; Fossárdalsbrúnir; Stafnsrjett á Löngueyri; Stafnsteigar; Lynghóll; Mælifellsá; Reykjaseli; Eyindarstaðaheiði; Mælifellsstaður; Kóngsgarður; Teigakot; Fossar; Hóll; Stafnsgil; Háutungur; Stafnsfell; Svartárdalsfjall; Kiðaskarð; Skagafjörður; Teigar; Hjarðarholti í Laxárdal í Dalasýslu; Hóll í Svartárdal; Stafnskot; Þorbjarnarstadir;

Jarðardýrleiki xxx & og so tíundast fjórum tíundum. Eigandinn Sr. Jón Þórarinsson í Hjarðarholti í Laxárdal í Dalasýslu. Ábúandinn Jón Björnsson. Landskuld i & lx álnir. Betalast með voð vaðmáls fyrir lx álnir, hitt í landaurum, oftast til landsdrottins eður þar nálægt. Leigukúgildi vi, áður fyri þrjátíu árum vii. Leigur betalast í smjöri innan hjera&s þángað sem til sagt verður. Kvaðir öngvar.
Kvikfje v kýr, i kálfur, Ixx ær, xii sauðir tvævetrir og eldri, xx veturgamlir, lii lömb, iii hestar, iii hross. Fóðrast kann iii kýr, i úngneyti, xxx lömb, i hestur; sauðfje er einúngis vogað á útigáng, hestum er burt komið til hagagöngu á vetur. Afrjett á jörðin fyri vestan Svartá að Fossá, sem kallast Háutúngur, og tekur bóndinn afrjettartoll af hvörjum sem þángað rekur, eitt lamb af hvörjum tuttugu og ei meiri þó fleiri sjeu lömbin, en ef færri eru er eftir samkomulagi, oftast tveggja álna virði til tíu, sjeu færri þá gelst ei fyri. Torfrista og stúnga grýtt og sendin, og valla nýtandi ef annað fengist. Hrísrif bjarglegt til kolgjörðar, nægt til eldíngar, brúkast og fyri nautpeníng til fóðurs með heyi á vetur. Silúngsveiðivon lítil í Svartá, hefur í margt ár engin verið. Grasatekja hefur verið bjargleg, eyðist mjög og er nú lítil. Beititeig á jörðin í takmörkuðu plátsi fyri framan Hólsland, brúkast til beitar eður slægna eftir sem henta þykir. Túninu grandar bæjarlækurinn og ber á völlinn grjót og sand til stórskaða. Engjar öngvar nema hvað hent er úr úthögum í fjallshlíðum, sem þó er mjög grýtt og sendið, sem áeykst árlega.

Stafnskot heitir örnefni eitt í beititeig þeim, sem jörðin á fyri framan Hólsland. þar meina menn að einhvörn tíma hafi bygð verið, því þar sjást enn deili til garðaleifa. Bygt hefur þetta forna býli verið fyrir þrjátíu árum, og varaði bygðin eitt eður tvö ár. það hefur hvorki bygst áður nje síðan so menn viti, og ei heldur með hvörjum kostum meðan bygðin varaði.
Ekki má hjer aftur byggja fyri heyskaparleysi; er og túnstæðið mjög lítið.

Þorbiarnarstader heitir annað örnefni í sama landsplátsi, þar þykjast menn sjá ljós byggíngamerki af tófltarústum og garðaleifum, en enginn veit annað til þess að hjer hafi
nokkurntíma bygð verið. Ekki má hjer aftur byggja, því tún það, sem meinast verið hafi, er nú komið í grámosamóa; er og slægjuland komið í holt og móa. Þetta land brúkast frá Stafni ut supra.

Ábúendur;

<1901-1908- Eyjólfur Hansson 8. feb. 1841 - 7. júní 1908. Var fósturbarn í Holtskoti, Glaumbæjarsókn, Skag. 1845. Bóndi, hreppstjóri, oddviti og sýslunefndarmaður í Efra-Lýtingsstaðakoti, Skag. og víðar. Seinnikona hans; Guðrún Jónsdóttir 12. maí 1831 - 8. maí 1913. Var á Bakka, Barðssókn, Skag. 1835. Var á Illugastöðum, Barðssókn, Skag. 1845.

1908> Ólafur Jónsson 18. mars 1844 - 7. jan. 1930. Var í Eyvindargerði, Blöndudalshólasókn, Hún. 1845. Bóndi á Brandsstöðum. Húsbóndi á Brandsstöðum, Bergstaðasókn, Hún. 1890. Bóndi í Stafni, Bergsstaðasókn, A-Hún. Kona hans; Guðrún Jónasdóttir 27. ágúst 1859 - 24. sept. 1923. Húsfreyja á Brandsstöðum. Húsfreyja á Brandsstöðum, Bergstaðasókn, Hún. 1890. Húsfreyja á Stafni, Bergsstaðasókn, A-Hún. 1910

<1920> Halldór Guðmundur Ólafsson 21. nóv. 1891 - 3. apríl 1945. Vefari og bókbindari á Skeggstöðum, Bergstaðasókn, A-Hún. 1930. Bókbindari á Skeggsstöðum.
<1920> Ingibjörg Dagbjört Ólafsdóttir 8. sept. 1886 - 3. apríl 1976. Húsfreyja á Skeggstöðum, Bergstaðasókn, A-Hún. 1930. Var á Skeggsstöðum, Bólstaðarhlíðarhr., A-Hún. 1957. Tóvinnukona. Ógift og barnlaus.

1934- Sigvaldi Halldórsson 30. sept. 1897 - 16. maí 1979. Bóndi á Kúfustöðum, Bergstaðasókn, A-Hún. 1930. Bóndi í Stafni í Svartárdal, A-Hún. Kona hans; Steinunn Elísabet Björnsdóttir 4. jan. 1899 - 7. feb. 1994. Húsfreyja á Kúfustöðum, Bergstaðasókn, A-Hún. 1930.

Þórir Hólm Sigvaldason 30. jan. 1925 - 11. júní 1992. Var á Kúfustöðum, Bergstaðasókn, A-Hún. 1930. Bóndi í Stafni.

Landamerki Stafns

Þessi landamerki fyrir jörðinni Stafni í Svartárdal, sem liggur í Bergsstaðasókn innan Bólstaðarhlíðarþinghár:
Að norðanverðu við Stafnsland ræður mitt Kúfustaðaklif, upp frá læk þeim, sem kemur framundan því og rennur í Svartá, af nefndu klifi rjettsýnis á fjall upp í grjótvörðu þá, sem stendur á hryggnum suður og vestur frá Kúfustaðaseli, og þaðan rjettsýnis í Káraskarð og norður á Þröskulda í Kiðaskarði, af Þröskuldum til suðurs, og af kirkjubust beint suður í Reykjafjall í Hlaupakinnarhögg og í Hlaupakinnargilið neðst. Síðan ræður Einarsdalslækur ofan í Svartá.
Vestan Svartár á Háutungum austanverðum ræður að sunnan Aðalsmannsvatnalækur, sem fellur austur í Svartá og úr Aðalsmannsvatnalæk beint vestur í Fossá, og verður hún þaðan norður á svonefndan Arnarhól gagnvart Kóngsgarðslandamerkjum. Norður af Arnarhóli ráða austanverðar Fossárdalsbrúnir ofan til gömlu Stafnsrjettar á sporðinum millum Svartár og Fossár. Vestan Fossár og Svartár byrja Stafnsteigar að sunnan gagnvart gömlu Stafnsrjett þvert upp á efstu brúnir í vörðu þá er það stendur, og þaðan beint til norðurs á Lynghól, af honum niður í Svartá móts við fyrnefndan læk undir Kúfustaðaklifi.

Stafn, 16. maí 1883.
Bjarni Ólafsson

Framanskrifaðri landamerkjalýsingu erum við undirritaðir samþykkir.
Eggert Eggertsson eigandi Kúfustaða.
Einar Hannesson eigandi Mælifellsár
Jóhann P.Pjetursson eigandi að Reykjaseli.
Gísli Ólafsson eigandi Eyindarstaðaheiðar.
Jón Sveinsson vegna Mælifellsstaðar.
Jóhann Guðmundsson eigandi að Kóngsgarði
Magnús Pálsson eigandi að Teigakoti
Stefán M. Jónsson prestur fyrir kirkjujörðina Fossa.
Árni Hannesson eigandi að Hóli.

Lesið fyrir manntalsþingsrjetti Húnavatnssýslu að Bólstaðarhlíð 19. maí 1885 og innfært í landamerkjabók sýslunnar No. 14 bl. 8b

GPJ 4.3.2019

• Icelandic

Guðmundur Paul
Jarðabók Páls Vidalín 1708. Bls 370
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók sýslunnar No. 14 bl. 8b. 19.5.1885
Húnaþing II bls 205