Bærinn stendur á háum hól við fjallsrætur neðan undir samnefndri skál. Ræktunarskilyrði eru sæmileg. Íbúðarhús byggt 1930 327 m3. Fjós yfir6 kýr. Fjárhús yfir 140 fjár. Hlöður 375 m3. Votheysgeymsla 27 m3. Tún 15,6 ha. Mánaskál fór í eyði en nú er hún komin aftur í byggð.

Ábúendur;

1918-1953- Sigurður Jónsson 17. sept. 1880 - 11. jan. 1968. Bóndi í Mánaskál, Hofssókn, A-Hún. 1930. Bóndi í Mánaskál, Vindhælishreppi, A-Hún. Kona hans; Sigurbjörg Sigríður Jónsdóttir 15. jan. 1884 - 1. júní 1922. Húsfreyja á Mánaskál í Vindhælishreppi, A-Hún.

1953- Hallgrímur Torfi Sigurðsson 4. feb. 1917 - 9. okt. 1993. Var í Mánaskál, Hofssókn, A-Hún. 1930. Var í Mánaskál, Vindhælishr., A-Hún. 1957. Bóndi á Mánaskál. Kona hans; Agnes Sigurðardóttir 30. júní 1918 - 15. okt. 2003. Var á Ásgörðum, Hvalsnessókn, Gull. 1930. Húsfreyja á Mánaskál í Laxárdal, A-Hún.

um 2010- Kolbrún Ágústa Guðnadóttir 7. apríl 1981. Guðni faðir hennar var uppeldis sonur Torfa.

Landamerki fyrir jörðinni Mánaskál.

Landamerki fyrir jörðinni Mánaskál liggjandi í Vindhælishreppi í Húnavatnssýslu eru sem hjer segir: Að norðan ræður Balaskarðsá, og úr henni bein lína í vörðu á miðjum Þröskuld, þaðan í læk, sem fellur austur í Mjóadalsá, og ræður svo Mjóadalsá að austan landamerkjum, suður á móts við svo nefnda Smjörskál eða lækjargil, sem liggur ofan úr áður nefndri Smjörskál. Að sunnan eru merki úr Smjörskál beina línu vestur yfir fjall í Tröllaskarð, vestan í fjallinu, þaðan ræður lækur, sem fellur úr því í Laxá. Að vestan ræður Laxá þangað til áðurnefnd Balaskarðsá fellur í hana.

Ritað að Tungunesi 6. júní 1887
Fh. eigenda jarðarinnar: E. Pálmason.

Þessari landamerkjaskrá eru undirritaðir samþykkir:
Jón Guðmundsson ábúandi á Núpi
Gísli Bjarnason (handsalað) eigandi Balaskarðs.

Lesið upp á manntalsþingi að Viðvík, hinn 22. maí 1890, og innfært í landamerkjabók Húnavatnssýslu, No. 162, fol. 84b.