Torfi Sigurðsson (1917-1993)

• Hallgrímur Torfi Sigurðsson Mánaskál

Minning Torfi Sigurðsson bóndi á Mánaskál Í dag, laugardaginn 16. október, er til moldar borinn frá Höskuldsstaðarkirkju Torfi Sigurðsson frá Mánaskál, en hann lést á Landspítalanum 9. október eftir að hafa legið þar mikið veikur í þrjár vikur.
Torfi var fæddur að Ósi í Nesjum á Skaga 4. febrúar 1917, sonur hjónanna Sigurðar Jónssonar og Sigurbjargar Jónsdóttur sem þar bjuggu. Þau áttu átta börn og var Torfi fimmti í röðinni. Þau fluttust að Mánaskál í Laxárdal 1918 er þau keyptu þá jörð og bjuggu þar síðan allan sinn búskap. Torfi hefur því verið eins árs er þau fluttust. Móðir hans lést 1922 er hún ól sitt áttunda barn, af barnsfarasótt, sem var því miður nokkuð algeng á þeim árum. Torfi fór ungur maður í Eiðaskóla til að afla sér menntunar. Leið hans lá svo suður til Reykjavíkur þar sem hann vann við ýmis störf. Hann var mjög laginn og fljótur að læra og mun hann hafa unnið mikið við bíla- og vélaviðgerðir hér syðra. Þetta kom sér vel fyrir hann í búskapnum eftir að vélarnar komu til sögunnar. Eins munu nágrannar hans hafa notið góðs af hagleik hans, því að hann var mjög bóngóður og átti erfitt með að neita mönnum um greiða. Torfi keypti jörðina af föður sínum og tók við búinu 1953, en faðir hans lést 1968. Torfa voru falin ýmis trúnaðarstörf fyrir sveitarfélag sitt, Vindhælishrepp, sérstaklega nú síðari árin, er hann hefur setið í hreppsnefnd og verið fulltrúi þess á fjórðungsþingum. Þá hefur hann verið í sóknarnefnd Höskuldsstaðarsóknar og séð um kirkjuna í nokkur ár.
Torfi hefur ekki gengið heill til skógar undanfarin ár, þó að það hafi ekki komið í ljós fyrr en fyrir tæpu ári hversu alvarlegur sjúkdómur hans var, sem hefur leitt til þess að hann er nú allur.

Ós í Nesjum á Skaga: Alþýðuskólinn á Eiðum: Reykjavík: Mánaskál á Laxárdal fremri 1953:

Bóndi: Bifvélavirki:

Sonur hjónanna Sigurðar Jónssonar f. 17.9.1880 - 11.1968 og kona hans 23.10.1910 Sigurbjargar Jónsdóttur f. 15.1.1884 - 1.6.1922, sem þar bjuggu. Þau áttu átta börn og var Torfi fimmti í röðinni.
1) Jón Sigurðsson f. 24.6.1911 - 20.9.1990 smiður Brúarlandi Blönduósi, kona hans Guðríður Elísabet Hafliðadóttir f. 5.8.1903 - 25.9.1979
2) Björn Sigurðsson f. 26.4.1913 - 5.10.1999, járnsmiður Neðra-Jaðri á Skagaströnd, kona hans Elísabet Sigríður Frímannsdóttir f. 16.6.1913 - 1.9.1990.
3) Margrét Sigurðardóttir f. 16.3.1914 - 8.9.1982 , óg verkakona Fjallsmynni á Skagaströnd.
4) Guðrún Hólmfríður Sigurðardóttir f. 20.6.1915 - 18.9.2002 maður hennar 28.8.1949, Guðmundur Mýrmann Einarsson f. 24.6.1907 - 14.9.1976 bóndi Neðri-Mýrum.
5) Sigurbjörg Sigríður Sigurðardóttir f. 20.8.1918 - 26.5.1993, maður hennar Valdimar Guðbjartsson f. 29.8.1895 - 2.9.1972 trésmiður Reykjavík.
6) Lára Kristín Sigurðardóttir f. 2.5.1921 - 9.12.2008, maður hennar Magnús Einarsson Árnason f. 9.6.1916 - 3.7.1975 kennari Reykjavík. Alinn upp hjá Skúla Benjamínssyni og Þuríði Sæmundsdóttur í Skúlahúsi (Bjargi).
7) Ástvaldur Stefán Stefánsson f. 1.6.1922 - 6.1.2005, Málari Reykjavík, kona hans var Guðrún Guðfinna Jónsdóttir f. 9.10.1923, frá Suðureyri. Kjörforeldrar hans skv. Vigurætt: Stefán Guðmundur Stefánsson, f. 2.9.1887, d. 23.9.1971 og k.h. Sveinsína Guðmlaug Björnsdóttir, f. 20.5.1889, d. 22.5.1969.
Kona hans 1959 Agnes Sigurðardóttir f. 30.6.1918 - 15.10.2003. Foreldrar hennar voru hjónin Guðjónína Sæmundsdóttir, f. 19.11.1892, d. 18.7.1960, og Sigurður Kristjánsson sjómaður Reykjavík, f. 31.12.1886, d. 5..81983. Guðjónína og Sigurður eignuðust níu börn en tveir drengir létust í æsku. Systkini Agnesar, sem náðu fullorðinsaldri, eru Sveinbjörn (látinn), Björg, Ólafur, Ágústa, Kristján og Helga.
Uppeldissonur Agnesar er
1) Guðni Agnarsson f. 2. febrúar 1947, kvæntur Ágústu Hálfdánardóttur, f. 17. ágúst 1957, og eiga þau eina dóttur saman, Kolbrúnu (1981) núverandi bóndi í Mánaskál., en fyrir átti Ágústa dótturina Þórhildi sem Guðni gekk í föðurstað. Guðni átti fyrir tvö börn þau Agnar og Anítu.

GPJ 23.5.2017

• Icelandic

http://www.mbl.is/greinasafn/minningaleit/