Fyrirtæki/stofnun

Hvammur í Svartárdal

[1300]

Bærinn Hvammur stendur skammt neðan vegar, norðan Hvammsár. Fellur hún austan Hvammsdal um stórgrýtta skriðu í Svartá við tún í Hvammi. Jörðin á land beggjamegin Svartár og er að vestan gamalt eyðibýli, Teigakot. Ræktun er bæði austan og vestan ár, sum í brattlendi við erfiðar aðstæður. Landrými er í Hvammi og landgott til fjalls. Íbúðarhús byggt 1954, 200 m3. Fjós fyrir 4 gripi. Fjárhús yfir 200 fjár. Hesthús yfir 30 hross. Hlaða 150 m3. Tún 15 ha. Veiðiréttur í Svartá, Hvammsá og Hvammstjörn.

Bólstaðarhlíðarþinghá; Hvammsdalur; Svartá; Svartárdalur; Teigakot; Hvammsá; Hvammstjörn; Bólstaðarhlíðarþinghár; Berjakinn; Hólaflá; Leifsstaðafell; Hrómundarskarð; Moshlíðarhnjúkur; Hrossadalur; Fenjadalur; Þröskuldur; Kiðaskarð; Stóragrjót; Dýjalág; Þrándarhlíðarfjall; Svartá; Mælifellsá; Skottastaðir; Kúfustaðir; Tindar; Stafn; Hvammstjörn;

Huammur.
Jarðardýrleiki xx € og so tíundast fjórum tíundum. Eigandi að hálfri jörðunni ábúandinn Bjarni Jónsson. Eigendur að hinum partinum áður taldir eigendur að Kúastöðum þær systur Steinunn á Stafni og Ingunn á Tindum Þorsteinsdætur, til jafnaðar. Ábúandi á hálfri jörðunni áðurnefndur eigandi Bjarni Jónsson. Ábúandi á hinum partinum Egill Illugason á Kúastöðum, sem hefur haldið þenna helming jarðarinnar þetta ár. Landskuld engin á parti Bjarna, meinast áður hafa verið lx álnir meðan leiguliðar hjeldu. Kúgildi og ekkert með þessum parti, áður, meðan leiguliðar hjeldu, ii. Landskuld á parti þeirra systra engin þetta ár, nema að svara tíundum og halda uppi öllum lögskilum, en hefur áður bygst so sem hinn parturinn. Leigukúgildi i, hafa áður verið ii. Leigur betalast í smjöri heim til landsdrotna. Kvaðir öngvar.
Kvikfje Bjarna ii kýr, xxiiii ær, xi sauðir veturgamlir, xv lömb, iii hross, i únghryssa. Fóðrast kann á parti Bjarna i kýr, i úngneyti, viii lömb.
Kvikfje á hinum partinum ekkert. Fóðrast kann á hinum partinum i kýr, i úngneyti, xii lömb; öðru kvikfje, sem á jörðunni kann að vera, er vogað á útigáng. Afrjett ut supra.
Torfrista og stúnga lítt nýtandi, brúkast þó árlega. Hrísrif til eldíngar mjög lítið, hefur áður bjarglegt verið. Silúngsveiðivon lítil í Hvammstjörn, hefur í margt ár ekki brúkast og meinast að litlu gagni þó til reynt væri. Grasatekja lítil ut supra. Enginu grandar grjóthrun og leir, grjót og sandur, sem smálækir bera á engið úr snarbröttu fjalli, sem áeykst árlega.
Hætt er kvikfje fyri snjóflóðum, og verður stundum mein að.

< 1880 og 1901> Guðmundur Jónsson 17. september 1827 - 18. júlí 1913 Bóndi á Hóli, Bergstaðasókn, Hún. 1860. Bóndi og bókbindari í Hvammi, Bergsstaðasókn, Hún. Var þar 1880. Kona hans; Guðrún Árnadóttir 23. ágúst 1830 - 22. september 1906 Var á Skottastöðum, Bergstaðasókn, Hún. 1835. Ógift heimasæta á Skottastöðum í Svartárdal, A-Hún. 1848. Húsfreyja á Hóli, Bergstaðasókn, Hún. 1860. Húsfreyja í Hvammi, Bergsstaðasókn, Hún. 1880.

<1906 og 1920> Sigurður Guðmundsson 15. ágúst 1865 - 12. mars 1941 Bóndi í Hvammi, Bergstaðasókn, A-Hún. 1930. Bóndi í Hvammi í Svartárdal A.-Hún. Bústýra hans; Elín Skúlína Pétursdóttir 8. desember 1890 - 30. október 1954 Ráðskona í Hvammi, Bergstaðasókn, A-Hún. 1930. Húsfreyja í Hvammi í Svartárdal, A-Hún.

1944> Þorleifur Skagfjörð Jóhannesson 23. maí 1913 - 6. nóv. 1988. Vinnumaður á Barkarstöðum, Holtastaðasókn, A-Hún. 1930. Bóndi í Hvammi í Svartárdal. Var í Hvammi, Bólstaðarhlíðarhr., A-Hún. 1957. Síðast bús. í Bólstaðarhlíðarhreppi. Kona hans; Þóra Sigurðardóttir 18. júlí 1925 - 1. okt. 2017. Húsfreyja í Hvammi í Svartárdal. Var í Hvammi, Bólstaðarhlíðarhr., A-Hún. 1957.

Landamerki Hvamms

Þessi eru landamerki fyrir jörðinni Hvammi í Bergsstaðasókn innan Bólstaðarhlíðarþinghár.
Að norðan ræður Merkjálag og beint úr henni upp í vörðu á Berjakinn, síðan í austur yfir á sjerstakan hól í ytri Hólaflá, úr honum í sömu stefnu í merki á miðjum landamerkjahrygg vestan í Leifsstaðafelli, þaðan enn í beina stefnu yfir tjeð fell og Hrossadal austur á sýslumót. (Sýslumót eru á vörðu á suðurbrún Hrómundarskarðs vestarlega gagnvart Moshlíðarhnjúk, og þaðan beina stefnu til suðurs austanvert við Hrossa- og Fenjadal á Þröskuld í Kiðaskarði undir kirkjubust) Að sunnan ræður merkjaskurður og lág upp í Stóragrjót á brúninni, þaðan eins og merkjavörður tilvísa í Dýjalág, þaðan eru beina stefnu yfir Þrándarhlíðarfjallið og Fenjadal í fyrgreind sýslumót, sem eru landamerki að austan, en Svartá að vestan.

Hvammi 14. maí 1885
Guðmundur Jónsson
Ofanskrifaðri merkjalýsingu erum vjer undirritaðir samþykkir.
Einar Hannesson, eigandi að Mælifellsá.
Ágúst Jónsson, umsjónamaður Skottastaða.
Eggert Eggertsson eigandi Kúfustaða.

Lesið fyrir manntalsþingsrjetti Húnavatnssýslu að Bólstaðarhlíð 19. maí 1885 og innfært í landamerkjabók sýslunnar No. 13, bl. 8

Guðrún Jónsdóttir (1880-1967) Finnstungu (14.3.1880 - 4.8.1967)

Skottastaðir í Bólstaðarhlíðarhreppi ([1500])

Bólstaðarhlíðarhreppur ((1000-2019))

Svartá - Svartárdalur ((1000-2019))

Halldór Halldórsson (1862-1940) Eldjárnsstöðum (22.5.1862 - 28.6.1940)

Skriður í Húnavatnssýslum (874 -)

Guðmundur Halldórsson (1926-1991) frá Bergsstöðum (24.2.1926 - 13.6.1991)

Halldóra Halldórsdóttir (1863-1944) Bala (14.10.1863 -20.4.1944)

Guðmundur Jónsson (1893-1961) Hvammi í Svartárdal (10.6.1893 - 13.7.1961)

Guðbjörg Þorleifsdóttir (1952-2020) Hrafnabjörgum (3.3.1952 - 29.2.2020)

Illugi Jónasson (1825-1900) Gili (30.8.1825 - 11.7.1900)

Unnur Björnsdóttir (1900-1990) Þórshamri Skagaströnd ov (1.9.1900-14.12.1990)

Stafn í Svartárdal ([1300])

Tindar í Svínavatnshreppi ([1200])

Þorleifur Skagfjörð Jóhannesson (1913-1988) Hvammi í Svartárdal (23.5.1913 - 6.11.1988)

Elín Skúlína Pétursdóttir (1890-1954) Hvammi Svartárdal (8.12.1890 - 30.10.1954)

Guðmundur Jónsson (1827-1913) Hóli í Svartárdal (17.9.1827 - 18.7.1913)

HAH00168

IS HAH-Bæ

Loka

Fullt

GPJ 4.3.2019

• íslenska

Guðmundur Paul
Jarðabók Páls Vidalín 1708. Bls 372
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Húnaþing II bls 203
Landamerkjabók sýslunnar No. 13, bl. 8. 19.5.1885