Eldjárnsstaðir í Blöndudal

Eldjárnsstaðir er fremsta byggða býlið í Blöndudal. Bærinn stendur á hallalitlum stalli skammt frá Blöndu. Er sá stallur allur ræktaður og tæplega er þarna um annað ræktanlegt land að ræða. Hlíðin upp frá bænum er allbrött, að mestu gróin en allgrýtt. Mikill hluti eyðibýlisins Þröm hefur verið lagður undir Eldjárnsstaði með landskiptum við upprekstrarfélag Auðkúluheiðar. Íbúðarhús byggt 1960, 455 m3. Fjós gamalt torfhús fyrir 5 gripi. Fjárhús yfir 100 fjár og annað úr torfi yfir 230 fjár. Hesthús úr torfi yfir 12 hross. Tún 11,6 ha. Veiðiréttur í Blöndu og Gilsvatni.

Blöndudalur; Svínavatnshreppur; Blanda; Þröm; Auðkúluheiði; Hæstilækur; Þramarklif; Grenadalsbrún; Gilsvatn; Gilsárós; Einbúi; Stráksbrekka; Litlabunga; Eldjárnsstaðaklif; Hestalækur; Ljótshólar; Tindar;

Jarðardýrleiki xx € og so tíundast fjórum tíundum. Eigendur eru tvær systur, Þórey til heimilis að Ljótshólum, og Elen til heimilis að Tindum, báðar Ólafsdætur, báðar hjer í sveit
Ábúandinn Halldór Guðmundsson.
Landskuld i € . Betalast í öllum gildum landaurum heim til eigendanna, eður í kaupstað ef dauðir aurar bresta.
Leigukúgildi nú iii, áður fyrir fáum árum iiij, því hálfu fækkað, að eigendur höfðu í það sinn ekki fleiri kúgilda ráð. Leigur gjaldast í smjöri heim til eigenda. Kvaðir öngvar.
Kvikfjenaður iii kýr, i kvíga veturgömul, xl ær, iiii sauðir tvævetrir, ix veturgamlir, xx lömb óvís, i hestur, i hross, i únghryssa. Fóðrast kann iiii kýr, xx lömb, xx ær, ii hestar. Torfrista og stúnga næg. Rifhrís brúkast til kolgjörðar og eldiviðar. Silungsveiði í fjallvatni og læk einum, hefur að gagni komið þá vel hefur iðkað verið. Engjunum spilla leirskriður úr brattlendi.
Hætt er fyrir snjóflóðum og fyrir háskalegum húnkasvellum, sem bæði hafa mönnum og fjenaði að bana orðið. Kirkjuvegur er bæði lángur og háskalegur yfír Blöndu að sækja og brattlendis hættur.

Ábúendur;

<1910- Jónas Stefánsson 11. okt. 1881 - 4. jan. 1960. Bóndi á Geirastöðum í Sveinsstaðahr., A-Hún., síðar verkamaður á Akureyri. Miðstöðvarkyndari á Akureyri 1930.

<1920- Benedikt Einarsson 3. ágúst 1868 - 14. nóv. 1957. Bóndi á Þröm og Eldjárnsstöðum í Blöndudal, Hún. Kona hans; Ásta María Björnsdóttir 11. nóv. 1872 - 25. feb. 1925. Húsfreyja á Þröm og Eldjárnsstöðum í Blöndudal.

<1920- Ingvar Stefán Pálsson 25. okt. 1895 - 18. okt. 1968. Var á Rútstöðum, Auðkúlusókn, Hún. 1901. Bóndi á Balaskarði, Hofssókn, A-Hún. 1930. Bóndi á Balaskarði, Vindhælishr. Kona hans; Signý Benediktsdóttir 11. júlí 1900 - 7. jan. 1991. Var í Balaskarði, Vindhælishr., A-Hún. 1957. Húsfreyja þar.

1927-1952- Sigurvaldi Óli Jósefsson 24. júlí 1891 - 27. jan. 1954. Bóndi á Eldjárnsstöðum, Svínavatnshr., A-Hún. Nefndur Sigvaldi í 1910. Kona hans; Guðlaug Hallgrímsdóttir 5. okt. 1884 - 10. maí 1963. Húsfreyja á Eldjárnsstöðum, Auðkúlusókn, A-Hún. 1930. Var á Eldjárnsstöðum, Svínavatnshr., A-Hún. 1957.

1952-1976- Ingimar Sigurvaldason 26. sept. 1922 - 11. apríl 1976. Var á Eldjárnsstöðum, Auðkúlusókn, A-Hún. 1930. Bóndi á Eldjárnsstöðum, Svínavatnshr., A-Hún.

1952> Þorsteinn Sigurvaldason 18. nóv. 1924 - 24. apríl 2003. Var á Eldjárnsstöðum, Auðkúlusókn, A-Hún. 1930. Var á Eldjárnsstöðum, Svínavatnshr., A-Hún. 1957. Kona hans; Heiðrún Þórarinsdóttir 9. ágúst 1944 - 3. júní 1977. Var í Árbæ, Blönduóshr., A-Hún. 1957. Húsfreyja á Eldjárnsstöðum. Síðast bús. í Svínavatnshreppi.

GPJ 11.3.2019

• Icelandic

Guðmundur Paul
Jarðabók Páls Vidalín 1705. Bls 349
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók Húnavatnssýslu, No. 115, fol. 60b. 17.5.1890
Húnaþing II bls 234