Björn Bergmann (1910-1985) kennari og ljósmyndari Blönduósi

• Björn Jónasson Bergmann (1910-1985)

• Björn Jónasson (1910-1985)

• Björn Jónasson Bergmann

Björn Bergmann 24. maí 1910 - 30. maí 1985 Var á Stóru-Giljá, Þingeyrasókn, A-Hún. 1930. Var í Helgafelli, Blönduóshr., A-Hún. 1957. Kennari á Blönduósi. Síðast bús. í Sveinsstaðahreppi. Ljósmyndari, Héraðsskjalasafn A-Hún. á stóran hluta af myndum og filmum frá honum.

Stóra-Giljá: Blönduós:

Kennari og Ljósmyndari:

Foreldrar hans; Jónas Bergmann Björnsson 26. október 1876 - 21. desember 1952 Bóndi á Marðarnúpi og trésmíðameistari á Stóru-Giljá og kona hans 10.7.1908; Guðrún Kristín Bergmann Guðmundsdóttir 10. júlí 1877 - 24. nóvember 1943 Húsfreyja á Stóru-Giljá, Þingeyrasókn, A-Hún. 1930. Húsfreyja á Marðarnúpi, Áshr., og síðar á Stóru-Giljá á Ásum.
Systkini hans;
1) Guðmundur Bergmann 18. mars 1909 - 13. desember 1987 Húsasmíðameistari, síðar bóndi á Öxl. Var á Stóru-Giljá í Torfalækjahr., A-Hún. 1957. Síðast bús. í Sveinsstaðahreppi. Kona hans 24.6.1938; Ingibjörg Hjálmarsdóttir Bergmann 20. janúar 1913 - 1. ágúst 2013 Vinnukona í Stóradal, Svínavatnssókn, A-Hún. 1930. Húsfreyja á Öxl II, Sveinsstaðahr., A-Hún., síðar á Blönduósi. Var á Stóru-Giljá í Torfalækjahr., A-Hún. 1957. Fósturdóttir: Bogey Ragnheiður Jónsdóttir, f. 1942.
2) Oktavía Bergmann Jónasdóttir 14. júní 1912 - 2. ágúst 1989 Lausakona á Hofi, Undirfellssókn, A-Hún. 1930. Var á Leysingjastöðum, Sveinsstaðahr., A-Hún. 1957. Húsfreyja þar. Síðast bús. í Blönduóshreppi. Maður hennar 24.6.1938; Guðmundur Halldór Jónsson 8. nóvember 1904 - 21. janúar 1983 Bóndi á Brekku, Þingeyrasókn, A-Hún. 1930. Heimili: Litla-Giljá. Var á Leysingjastöðum, Sveinsstaðahr., A-Hún. 1957. Bóndi þar.
3) Þorbjörg Bergmann Jónasdóttir 14. júní 1914 - 15. maí 1916
4) Elínborg Bergmann Jónasdóttir 30. maí 1916 - 31. maí 1916
5) Þorbjörg Bergmann Jónasdóttir 31. maí 1917 - 11. október 2005 Húsfreyja á Helgavatni, Sveinsstaðahr., A-Hún. og var þar 1957. Síðast bús. á Blönduós. Var á Stóru-Giljá, Þingeyrasókn, A-Hún. 1930, maður hennar 24.6.1938; Hallgrímur Eðvarðsson 14. mars 1913 - 18. nóvember 2000 Bóndi á Helgavatni, Þingeyrasókn, A-Hún. og vinnumaður þar 1930. Var að Helgavatni, Sveinsstaðahr., A-Hún. 1957.
6) Meybarn 19.2.1922 - 20.2.1922
Björn var ókvæntur og barnlaus

Björn fæddist á Marðarnúpi í Vatnsdal sonur hjónanna Jónasar Bergmann og Kristínar Guðmundsdóttur. Hann lauk kennaraprófi frá Kennarskóla Íslands 1936 og kenndi á ýmsum stöðum uns hann réðst sem kennari við Barnaskólann á Blönduósi 1942 og starfaði þar til hann lét af störfum fyrir aldurssakir.
Hann var góður ljósmyndari og liggja eftir hann ótal ljósmyndir bæði í Héraðsjlasafni Austur Húnvetninga og í einkasöfnum. Hann hafði næmt auga fyrir fegurð landsins og margbreytileika þess, en myndefnið sem vakt áhuga hans var ekki ævinlega það sama og hins almenna ferðalangs. Myndir hans hafa birst í Náttúrufræðingnum ásamt greinum eftir hann sem er sjaldgæft þar sem hann var ekki lærður náttúrufræðingur.
Áhugamál hans voru af ýmsum toga, en auk náttúrfræðinnar, var hann vel lesinn og fjölfróður um fornsögulegt efni og hafði velt fyrir sér m.a. uppruna örnefna í Vatnsdal og leitt rök að ýmsum sem ekki samræmdist gildandi skoðunum.
Björn var um margt sérstæður maður og fór sínar eigin leiðir. Hann var sáttur við tilveruna og sjálfum sér nógur. Tíminn virtist skipta hann litlu og gat hann sökkt sér niður í hugðarefni sín á ferðalögum óbundinn af ferðaáætlunum annarra.

GPJ 9.1.2018

• Icelandic

®GPJ ættfræði