Bærinn stendur á syðri bakka Hrafnár, norðavestan undir Skógaröxl. Í austur opnast Hrafndalur. Árbakkaland er víðlent og grösugt - ræktunarmöguleikar eru miklir, en þó er sumsstaðar þörf framræslu. Þar er útbeit góð en þó veðrasamt. Hrognkelsaveiði telst þar til hlunninda.
Íbúðarhús byggt 1952 364 m3. Fjós yfir 12 kýr, fjárhús yfir 120 fjár. Hlöður 1691 m3. Vélageymsla 65 m3. Tún 25 ha.

Ábúendur;

Ólafur Björnsson 14. febrúar 1865 - 1. nóvember 1950 Bóndi og kennari á Hofi í Vindhælishr., Hún. Síðar bóndi og oddviti á Árbakka í sama hreppi. Kona hans; Sigurlaug Sigurðardóttir 16. desember 1875 - 29. mars 1960 Húsfreyja á Árbakka, Hofssókn, A-Hún. 1930. Húsfreyja á Árbakka, Vindhælishr., A-Hún.

Björn Ólafsson 25. janúar 1897 - 21. apríl 1936 Bóndi á Árbakka. (í ÆAH bls 423 er hann sagður f 25.6.1897, sama er líka í legstaðaskrá Spákonufellskirkju en þar er hann sagður hafa dáið 21.4.1986) Að venju verður haldið sig við íslendingabók vegna ættrakninga. Kona hans; Ólöf Pálsdóttir 9. nóvember 1909 - 14. júní 2005 Húsfreyja í Keflavík,

Til 1971- Guðmundur Ragnar Guðlaugsson 13. okt. 1899 - 8. maí 1985. Bílstjóri á Árbakka, Hofssókn, A-Hún. 1930. Búfræðingur og bóndi á Árbakka, Vindhælishr., Hún. Var í Árbakka, Vindhælishr., A-Hún. 1957. Síðast bús. í Reykjavík. Kona hans; Björg Ólafsdóttir 24. febrúar 1900 - 4. júní 1953 Ráðskona á Árbakka, Hofssókn, A-Hún. 1930. Húsfreyja á Árbakka, Vindhælishr., Hún.

Frá 1971- Jakob Hallfreður Heiðar Guðmundsson 27. apríl 1945. Kona hans; Helga Ingibjörg Hermannsdóttir 8. jan. 1947.

Skrá yfir landamerki þjóðjarðarinnar Árbakka á Skagaströnd
í Vindhælishreppi og Spákonufellssókn.

Að norðanverðu ræður frá sjó Hrafnsdalsá upp í millum Árbakka og Spákonufells, fram til þess Kambadalsá kemur í þarna, svo ræður Kambadalsá upp Kambadalinn, fram að þeim læk, er rennur norður úr Smiðjugili, og sem hann ræður til fjalls upp, og ofan há-fjallið, sem vötn að draga til norðurs, þaðan vestur í hnjúkinn fyrir ofan Smjörskál, svo í háa melhrygginn fyrir neðan Litluskál, þaðan í ysta hnjúkinn fyrir vestan neðri Hrossadalslækinn, og nefnist hann Stríta, þaðan yfir norðari enda Kolalágar, svo sunnanvert við Strítuhól og norðan við Hríshóla, í vörðu, sem þar er, þaðan sjónhending, sem merki vörður ráða, ofan í Presthól, svo til sjálfar, norðanvert við Seltanga.

Árbakka 11./7. 83.

J. Jósefsson. Ábúandi á Árbakka
F. Hillebrandt. Eigandi að Vindhæli

Samþykkt í viðurvist tilkvaddra votta
Frímanns Guðmundssonar
K. F. Þorbergssonar

Ofanskráðum landamerkjum er samþykkur
B. G. Blöndal umboðsmaður Þingeyrarkl.-jarða

Lesið upp fyrir manntalsþingsrjetti Húnavatnssýslu að Viðvík 27. maí 1884 og ritað í afsals- og veðmálaból sýslunnar Ltr. C. No. 1355 bls 227-228, og í landamerkjabók sýslunnar No. 1 bls. 2.