Stóra-Borg var um langan aldur aðeins eitt býli, en ern nú skipt á milli 3ja bænda, Stóraborg syðri er hálflenda jarðarinnar. Bærinn er landfræðilega nyrst í Víðidal og á engjalönd á bökkum Víðidalsár. Jörðin er bændaeign. Íbúðarhús byggt 1945, 235 m3. Fjós fyrir 10 gripi. Fjárhús yfir 240 fjár. Hesthús yfir 6 hross. Hlöður 845 m3. Tún 28,7 ha. Veiðiréttur í Víðidalsá og Vesturhópsvatni.

Ytri-Stóra-Borg I. Bærinn stendur austan við húsið að Ytri-Stóra-Borg II. Er það gamalt hús byggt fyrir aldamótin 1900, upphaflega sem dvalastaður enskra veiðimanna við Víðidalsá. Hefur þar verið þingstaður hreppsins um fjölda ára. Jarðarafnot hefur jörðin sem næst ¼ af allri Stóru-Borg og er það aðallega í suður og austur frá bæjunum. Íbúðarhús, 166 m3. Fjós fyrir 16 gripi. Fjárhús yfir 210 fjár. Hlöður 839 m3. Tún 21,8 ha. Veiðiréttur í Víðidalsá og Vesturhópsvatni.

Ytri-Stóra-Borg II
Bærinn stendur í sama túni og Syðri Stóra-Borg og er örskammt á milli húsa. Jarðarafnot hefur jörðin sem næst ¼ af allri Stóru-Borg og er það aðallega norðan bæjanna. Frá Stóru-Borgarbæjunum er útsýni fagurt austur yfir Víðidalinn og út á Hópið. Skammt í suður frá bæjunum gnæfir Borgarvirki. Íbúðarhús byggt 1963, 670 m3. Fjós fyrir 16 gripi. Fjárhús yfir 357 fjár. Hlöður 1075 m3. Votheysgeymsla 112 m3. Tún 39,2 ha. Veiðiréttur í Víðidalsá og Vesturhópsvatni.

V-Húnavatnssýsla; Þverárhreppur; Víðidalur; Vesturhópsvatn; Grænilækur; Borgarvirki; Víðidalsá; Tittlingastaðavað; Grjóthólmi; Borgareyja; Refsteinsstaðahólmi; Stóruborgarhólmi; Gottorpshólmi; Sandamerkjasýki; Merkjasteinn; Hlífartjörn; Gottorpslækur; Stuttagata; Vatnsendi; Litlaborg; Refsteinstaðir; Gottorp; Árnes; Ytri-Reykir; Ytri-Torfustaðahreppur; Reykir; Gauksmýrartjörn; Landamerkjasteinn; Gauksmýri; Blátjörn; Miðfjarðarvatn; Ytri-Reykir; Syðri-Reykir; Stóraborg syðri; Ytri-Stóra-Borg;

um 1880-1906- Péturs Kristóferssonar 16. apríl 1840 - 3. nóvember 1906 Var í Svignaskarði, Stafholtssókn, Mýrasýslu 1845. Bóndi á Stóru-Borg, V-Hún. Fk hans; Ingunn Jónsdóttir 12. mars 1817 - 4. apríl 1897. Húsfreyja á Þingeyrum, Þingeyrarsókn, Hún. Var þar 1860. Var á Stórólfshvoli, Stórólfshvolssókn, Rang. 1890. Sk hans 1888; Þrúður Elísabet Guðmundsdóttir 9. mars 1854 - 6. júní 1937 Var á Melstað, Melstaðasókn, Hún. 1860. Var á Stóru-Borg, Vesturhópshólasókn, V-Hún. 1930. Húsfreyja á Stóru-Borg, V-Hún. Húsmóðir þar 1910

<1920- Aðalsteinn Dýrmundsson 7. október 1886 - 26. mars 1959 Hjú í Hvammi, Undirfellssókn, Hún. 1901. Bóndi á Stóru-Borg, Vesturhópshólasókn, V-Hún. 1930. Kennari og bóndi á Stóruborg. Kona hans; Björg Margrét Pétursdóttir 3. nóvember 1892 - 17. júní 1963 Húsfreyja á Stóru-Borg, Vesturhópshólasókn, V-Hún. 1930. Var í Syðri-Stóru-Borg, Þverárhr., V-Hún. 1957.

Björn Leví, f. 9. apríl 1943, maki Marsibil Ágústsdóttir, f. 17. nóvember 1946,

Björn Tryggvi Guðmundsson 12. júlí 1878 - 1. maí 1918. Búfræðingur frá Ólafsdalsskóla. Bóndi í Klömbrum og Stóruborg, Þverárhr., V-Hún. Kona hans; Guðrún Magnúsdóttir 1. des. . 1884 - 1. nóv. 1968. Húsfreyja á Stóru-Borg, Þverárhreppi, V-Hún. 1930. Var í Ytri-Stóru-Borg, Þverárhr., V-Hún. 1957. Síðast bús. í Þverárhreppi. Húsfreyja þar 1920

Ábúendur Ytri-Stóru-Borg I;
Björn Tryggvi Jóhannsson 29. sept. 1921 - 29. mars 2010. Var á Stóru-Borg, Vesturhópshólasókn, V-Hún. 1930. Var í Ytri-Stóru-Borg, Þverárhr., V-Hún. 1957. Bóndi á Stóru-Borg í Víðidal, Þverárhreppi.

Ábúendur Ytri-Stóru-Borg II;

Karl Harlow Björnsson 20. maí 1907 - 16. júlí 2000. Bóndi á Gauksmýri, Kirkjuhvammssókn, V-Hún. 1930. Bóndi á Stóru-Borg, Þverárhr., V-Hún. Síðast bús. í Þverárhreppi. Kona hans; Margrét Tryggvadóttir 24. sept. 1911 - 26. júlí 2004. Var á Stóru-Borg, Vesturhópshólasókn, V-Hún. 1930. Var í Ytri-Stóru-Borg, Þverárhr., V-Hún. 1957. Húsfreyja á Stóru-Borg og átti þar heima til dánardags. Rak þar um tíma sumarhótel, sinnti farskólakennslu og vann að félagsmálum í héraði.

Landamerki jarðarinnar Stóruborgar í Þverárhreppi.

Við Vesturhópsvatn ræður Grænilækur merkjum að sunnan, frá þeim læk eru merki beina sjónhending í suðurhorn Borgarvirkis, og þaðan aptur í vörðu þá, sem hlaðin er við Víðidalsá, skammt frá Tittlingastaðavaði, að austan ræður austari kvísl árinnar merkjum, fyrir austan Grjóthólma og Borgareyju, en vestan Refsteinsstaðahólma út í hóp. Þá tilheyrir og Stóruborg svokallaður Stóruborgarhólmi, er liggur fyrir vestan Borgareyju en sunnan Gottorpshólma. Dragið milli Stóruborgarhólma og Gottorpshólma tilheyrir hálft hvorum hólmanum, fyrir vestan Víðidalsá eru merki að norðan úr Sandamerkjasýki í Merkjastein við Hlífartjörn og þaðan beina sjónhending í Gottorpslæk, og þaðan aptur í Stuttugötu og vörðu þá, sem hlaðin er þar vestur í flóajaðrinum, og sem er hornmerki milli Stóruborgar og Vatnsenda. Frá þeirri vörðu eru merki sjónhending suður í Vesturhópsvatn, þar sem í það sjer austast, ræður svo vatnið merkjum suður til áðurnefnds Grænalækjar. Í Stóruborgarengi liggur engjateigur sem tilheyrir Vatnsenda með þessum merkjum: Að norðan og austan er Hlífartjörn, að sunnan er skurður, sem liggur vestur úr suðurenda Hlífartjarnar, vestur að steini í skurðbakkanum, og að vestan eru þá merkin úr þeim steini norður í lítinn sýkisstokk, er gengur þar suður úr virki á Hlífartjörn.

Stóruborg, 27. maí 1889.
P. Christophersson eigandi jarðanna Stóruborgar, Litluborgar og Refsteinstaða.
Björn Jóhannsson, ábúandi á Vatnsenda (handsalað). Jón Th. Þorláksson eptir umboði frá eiganda Gottorps.

Lesið upp á manntalsþingi að Stóruborg, hinn 1. maí 1889, og innfært í landamerkjabók Húnavatnssýslu, No. 103, fol. 54b

Landskiptasamningur.
Við undirritaðir Björn Jónsson bifreiðarstjóri í Árnesi annarsvegar, og bræðurnir Karl H. Björnsson bóndi á Stóru-Borg og Hallgrímur Th. Björnsson, kennari í Keflavík hinsvegar, gerum hérmeð svofelldan Samning: Karl H. Björnsson og Hallgrímur Th. Björnsson, sem eru eigendur að 89,6 aln. Að fornu mati í jörðinni Ytri-Reykir í Ytri-Torfustaðahreppi, fá þessum eignarhluta sínum skipt úr jörðinni, þannig, að þeir fá landspildu austast í Reykjalandi, sem takmarkast að vestan af línu, sem dregin er frá stórum, gráum steini á litlum hól vestan við Gauksmýrartjörn (Landamerkjasteini milli Reykja og Gauksmýrar) í miðja Blátjörn, og eignast þeir þann hluta jarðarinnar, sem liggur austan nefndrar línu. Landspildu þessa eignast þeir Karl og Hallgrímur frá undirskrift þessa samnings, kvaðalausa með öllu, og fylgir henni hluti Reykja (bæði Ytri- og Syðri Reykja) í Miðfjarðarvatni, enda eignast þá Björn Jónsson alla jörðina Ytri-Reyki að öðru leyti, með öllum gögnum og gæðum, er henni fylgja. Þar sem framannefnd landspilda er í óskiptu landi jarðanna Ytri- og Syðri-Reykja, ritar eigandi Syðri-Reykja, Gunnar Jónsson, yfirlýsingu á þennan samning, um að hann sé samþykkur því, að landspilda þessi verði eign þeirra Karls og Hallgríms, svo sem samningur þessi ákveður. Kostnað við þinglýsingu þessa landaskiptasamnings borga báðir samningsaðilar að jöfnu. Mál sem rísa kunna út af samningi þessum, skulu rekin fyrir gestarétti Húnavatnssýslu. Samningur þessi er í 3 samhljóða eintökum. Heldur hvor samningsaðili sínu eintaki, en hið þriðja afhendist sýslumanni Húnavatnssýslu til þinglýsingar. Til staðfestu eru nöfn samningsaðila undirrituð í viðurvist tilkvaddra votta.

St.Hvammstanga, 7. maí 1946
Fh. Hallgríms Th. Björnssonar Karl H. Björnsson
Björn Jónsson
Karl H. Björnsson.
undirritaður eigandi jarðarinnar Syðri-Reykir, lýsi hér með yfir því, að ég er því samþykkur að landspildu þeirri, er um getur í framan rituðum samningi, verði skipt úr óskiptu landi jarðanna Ytri og Syðri Reykja, svo sem ákveðið er í samningnum.
Gunnar Jónsson