Pétur Aðalsteinsson (1920-2003) Stóru-Borg

Pétur Aðalsteinsson fæddist að Stóru-Borg í V-Hún. 12. ágúst 1920. Hann andaðist á Landsspítalanum í Fossvogi 9. maí 2003.
Útför Péturs var gerð frá Hvammstangakirkju í kyrrþey 17. maí 2003.

Stóra-Borg í Víðidal: Grundarfjörður 1967: Hvammstangi:

Kennari:

Músikin var honum í blóð borin og spilaði hann bæði á harmonikku og hljómborð. Tvær ljóðabækur eftir hann og svo samdi hann fjölda lagatexta sem t.d. Lillukórinn á Hvammstanga hefur tekið inn í sína söngskrá.
"Bóndinn og landið" [Myndskreytingar eftir Halldór Pétursson] Bókaforlag Odds Björnssonar, 1969, 78 síður

Ég hylli þig Húnaþing
með heiðar og dali.
Með fjallanna fagran hring
með fossanna hjali.
Á tindum er gullin glóð
og glampar á voga.
Ég flyt þér minn ástaróð
þetta örstutta ljóð.

Ég fann aldrei fegri reit.
Ég fann aldrei grænni sveit.
Hér leikur sér lax í röst
með leiftrandi sporðaköst.
Ég hylli þig Húnaþing
og hér vil ég una.
Ég flyt þér minn ástaróð
þetta örstutta ljóð.

Heldur er að halla degi,
hljóðlát nóttin bíður mín.
Í draumum mínum oft ég eygi
annan heim, í leiftursýn.

Á fljótsins bakka ferja bíður
flytur mig á aðra strönd.
Ekki hamlar straumur stríður
styrk er ferjumannsins hönd.

Gott væri að deyja í drauminn
á dagmálunum enda för.
Hverfa hljótt og halda í strauminn,
hafa fengið óræk svör.

Vinna í garði vona sinna
vaxa að kærleik, gleði og trú.
Vera í fangi vina minna
að vexti og þroska öruggt hlú.
(Pétur Aðalsteinsson.)

Til átthaganna fer ég er þjóta vorsins vindar
og veröldin hún ljómar og blessuð sólin skín.
Í fjarlægðinni blána þá fjallsins háu tindar,
ég finn svo vel að þarna er heimabyggðin mín.

Er lóan fer að syngja og svanirnir að kvaka
og sindra björtu vötnin í ljóssins heitu glóð.
Og minningarnar vakna er lít ég langt til baka
ég leita þeirra slóða er fyrst mín vagga stóð.

Hér stóð gamli bærinn sem jafnað var að jörðu
og jörðin geymir sporin sem gekk ég hérna fyrr
og fornu veggjabrotin sem frosti og hríðum vörðu
frændur mína alla er vetur knúði dyr.

Óðalið hér stendur, sem ætt mín hefur fagnað
um aldalangar tíðir og blóði sínu vígt.
Athöfn þeirra hefur um áraraðir magnað
okkar stolt og heiður og minning þeirra ríkt.

Ekkert getur slitið þau bönd sem okkur binda
við bjarta, fagra dalinn og þessa helgu jörð.
Við austurfjöllin háu og strengi ljósra linda
við landið sem við elskum og færum þakkargjörð.

Foreldrar hans voru Aðalsteinn Dýrmundsson og Björg Margrét Pétursdóttir.
Pétur hóf búskap á Stóru-Borg árið 1941 ásamt Þóru Margréti Björnsdóttur, f. 22. mars 1919, d. 18. ágúst 1996, og bjuggu þau þar til 1966. Næstu ár á eftir stundaði Pétur kennslu í Grundarfirði og í Þverárhreppi en var síðan ráðsmaður á Sjúkrahúsinu á Hvammstanga frá 1971 til 1987 er hann lét af störfum vegna aldurs.
Pétur og Margrét eignuðust fjögur börn, sem eru:
1) Aðalbjörg, f. 6. janúar 1942, maki Jakob Gísli Ágústsson, f. 6. ágúst 1921, d. 20. september 1994, og eru börn þeirra fimm.
2) Björn Leví, f. 9. apríl 1943, maki Marsibil Ágústsdóttir, f. 17. nóvember 1946, og eiga þau tvær dætur.
3) Haraldur Borgar, f. 18. janúar 1945, maki Bára Garðarsdóttir, f. 12. maí 1949, og eiga þau þrjú börn.
4) Vilhjálmur, f. 18. júní 1952, maki Anna Jónasdóttir, f. 26. júlí 1955, og eiga þau fjögur börn.

GPJ 11.7.2017

• Icelandic

®GPJ ættfræði https://www.mbl.is/greinasafn/grein/735807/?item_num=1&searchid=370a621c986d2266908661b0cc86162bf67e0778