Bjarni Jónsson (1900-1980) úrsmiður Akureyri

• Bjarni Jónsson úrsmiður Akureyri

Bjarni Jónsson 30. ágúst 1900 - 7. maí 1980 Úrsmiður á Akureyri. Síðast bús. á Akureyri. Lærði úrsmíði og starfaði við þá iðn í New York, Reykjavík og Akureyri.

Gröf í Víðidal; New York; Reykjavík; Akureyri:

Úrmiður (JB úrsmiður Akureyri)

Að eiga krakka í lausaleik
lætur nærri að borgi sig.
Ef þú honum kemur á kreik
og karlmenn ekki vilja þig.

Að látast, það er lítils virði,
á listamönnum fólk er þreytt.
Skáld er að verða skammaryrði.
Skyldi það aldrei batna neitt?

Aldrei færðu ástarhót.
Alltaf máttu vona.
Undarlega ertu ljót
ekki stærri kona.

Allir grútar okkar lands
eru í Hrútafirði
svo er útlit ekki hans
eldhúsklúta virði.

Flónskan virðist fremur grimm
fyrr má nú vera galið.
Ekki geta þeir upp að fimm
einusinni talið.

Best er að hætta hverjum leik,
þá hæst hann stendur.
Eg held ég vildi heldur deyja
en heyra konu þetta segja.

Eikur falla, eyðist vín.
Ung vill spjallast meyja fín.
Maður hallast, máttur dvín.
Moldin kallar allt til sín.

Ég er ekki eins og þú
aurasjúkur talinn.
Kommúnista tók ég trú
til að dýrka Stalín.

Ég er oftast ekkert fyndinn
ætli ég mér að vera það.
Þótt í mig ekki vanti vindinn.
Vitið er bara takmarkað.

Augafull af ástargirnd
upp í rúm þau læðast.
Það er fyrir svona synd
sem að börnin fæðast.

Foreldrar hans; Jón Bjarnason 14. apríl 1864 - 13. júlí 1921 Bóndi í Gröf í Víðidal, V-Hún. Var í Syðri-Þverá, Breiðabólstaðarsókn, Hún. 1870. Vinnumaður á Vatnsenda, Vesturhópshólasókn, Hún. 1880. Vinnumaður á Refsteinsstöðum, Þingeyrasókn, Hún. 1890. Bóndi á Stóruborg, Breiðabólstaðarsókn, Hún. 1901, flutti þangað frá Refsteinsstöðum 1900 og kona hans; Rósa Stefánsdóttir 25. maí 1875 - 15. nóvember 1914 Húsfreyja í Gröf í Víðidal.
Systir Bjarna;
1) Elín Meldal Jónsdóttir 17. júní 1905 - 5. ágúst 1942 Húsfreyja í Melrakkadal í Víðidal. Húsfreyja í Melrakkadal, Víðidalstungusókn, V-Hún. 1930.

Kona Bjarna Ólöf Guðmundsdóttir 17. október 1912 - 30. október 1990 Húsfreyja á Akureyri. Vinnukona á Nýlendugötu 19 c, Reykjavík 1930. Síðast bús. á Akureyri.
Börn þeirra;
1) Jón Bjarnason 26. janúar 1936 úrsmiður Akureyri.
2) Stefán Bjarnason 26. apríl 1945

JB úr&skart er fjölskyldufyrirtæki og á rætur sínar að rekja allt til ársins 1939 þegar að Bjarni Jónsson úrsmiður, kenndur við Gröf í Víðidal, hóf rekstur. Flutti hann sjálfur inn úr fyrir verslunina sína og starfrækti viðgerðaþjónustu hér á Akureyri. Jón Bjarnason úrsmiður tók síðan við af föður sínum og nú hefur þriðji ættliðurinn tekið við, Bjarni Jónsson úrsmiður, og rekur hann fyrirtækið í dag.Í dag er JB úr&skart umboðsaðili á Íslandi fyrir nokkur þekkt svissnesk úramerki. Mido úrin höfum við flutt inn frá upphafi, eða í um 70 ár og eru enn mörg úr í gangi frá upphafsárunum.  Upp úr 1970 hófst innflutningur á Edox og Tissot úrunum og árið 2000 fengum við umboð á Íslandi fyrir Certina úrin. Sumarið 2009 hófum við einnig sölu á Rodania sem eru úr á góðu verði. 2013 Hófum við sölu á úrum frá Bering, dönsk hönnun eins og hún gerist best. Flott úr á fínu verði.

GPJ 5.12.2017

• Icelandic

®GPJ ættfræði
Íslendingabók
Föðurtún bls. 176