Smyrlaberg í Torfulækjarhreppi

Jörðin dregur nafn sitt af frekar lágu bergi, Smyrlabergi, sem bærinn stóð rétt sunnan við. Eigandi Smyrlabergs er Kristmundur Stefánsson í Grænuhlíð sem hann byggði á Grænunum í landinu þar sem áður hafði verið ræktun. Þar hefur Einar sonur hans byggt fjárhús yfir 80 fjár og hlöðu 220 m3, hann er eigandi þessara hús og hluta túns, Eigandi jarðarinnar að öðruleyti er Páll Stefánsson Blönduósi. Tún 12 ha. Veiðiréttur í Laxárvatni og Blöndu.

Torfalækjarhreppur; Grænahlíð; Laxárvatn; Blanda; Kaldakinn; Laxárvatn; Riðavíkurnes; Smyrlabergsbunga; Músarholt; Flatahamar; Strenghól; Kagaðarhóll; Smyrlabergi

Smirlaberg
Jarðardýrleiki xvi €. Eigendur eru Guðrún og Rannveig Jónsdætur að Köldukinn. Ábúandinn Christín Jónsdóttir. Landskuld tíutíu álnir. Betalast með viii stikum vaðmáls fyrir xx álnir, en hitt sem meira er í gildum landaurum. Leigukúgildi vj Leigur betalast í smjöri heim til landsdrotna. Kvaðir öngvar. Kvikfjenaður ii kýr, i kvíga tvævetur mylk, i veturgömul, lii ær, viii sauðir tvævetrir og eldri, v veturgamlir, xx lömb, iiii hestar, i hross með fyli, i foli veturgamall óvís. Fóðrast kann iii kýr, xx lömb, 1 ær, v hestar. Torfrista, stúnga og reiðíngsrista næg.
Rifhrís til eldviðar. Silúngsveiðivon í Laxárvatni sem segir um Köldukinn. Berjalestur þver mjög. Engi er það eitt sem menn velja úr hagmýrum, og líður stóran átroðníng af hesta yfírgángi um sumar og vetur. Vatnsból bregst um vetur, og er þá mjög erfitt í Laxárvatni.

Ábúendur;

<1901-1913- Sveinn Stefánsson 26. des. 1856 - 12. ágúst 1913. Tökudrengur á Höllustöðum, Svínavatnssókn, Hún. 1860. Tökubarn á Höllustöðum, Svínavatnssókn, Hún. 1870. Vinnumaður á Höllustöðum, Svínavatnssókn, Hún. 1880. Bóndi á Smyrlaberg, Blönduóssókn, Hún. 1901. Fósturbarn: Jóhann Hafsteinn Jónasson, f. 5.10.1901. Bústýra hans. Jósefína Jósefsdóttir 15. nóv. 1862 - 24. des. 1938. Var í Torfastaðahúsi, Staðarbakkasókn, Hún. 1870. Bústýra í Smyrlabergi, Blönduóssókn, Hún. 1901.

<1910 og 1920> Stefán Jónsson 20. sept. 1863 - 29. apríl 1924. Bóndi á Litla-Búrfelli í Svínadal og Smyrlabergi í Torfalækjarhr., A-Hún. Kona hans; Guðrún Kristmundsdóttir 5. des. 1883 - 28. des. 1947. Var í Ásbjarnarnesi, Vesturhópshólasókn, Hún. 1890. Húsfreyja á Litla-Búrfelli og Smyrlabergi, A-Hún. Húsfreyja á Smyrlabergi, Þingeyrasókn, A-Hún. 1930. Stefán Jónsson 20. sept. 1863 - 29. apríl 1924. Bóndi á Litla-Búrfelli í Svínadal og Smyrlabergi í Torfalækjarhr., A-Hún.

1946- Valdimar Stefán Sigurgeirsson 24. sept. 1889 - 15. jan. 1967. Bóndi á Brekku í Seyluhreppi, Selhaga á Skörðum og lengst á Gunnfríðarstöðum í Langadal. Var í Hamrakoti,Torfalækjahr., A-Hún. 1957. Síðast bús. í Blönduóshreppi. Kona hans; Jóhanna Magnúsdóttir 21. jan. 1892 - 24. ágúst 1962. Var í Hamrakoti,Torfalækjahr., A-Hún. 1957. Húsfreyja í Brekku og Selhaga, Skag. og lengst á Gunnfríðarstöðum í Langadal.

Eigendur;
-1946- Kristmundur Stefánsson, f. 3. október 1911, d. 3. ágúst 1987. Nemandi á Hólum, Hólasókn, Skag. 1930. Var í Grænuhlíð, Torfalækjahr., A-Hún. 1957. Bóndi þar í 30 ár. Síðast bús. í Torfalækjarhreppi. Kona hans 3.10.1946; Helga Einarsdóttir 27. des. 1915 - 16. júlí 2001. Var á Svarfhóli, Stafholtssókn, Mýr. 1930. Síðast bús. í Blönduóshreppi.

Einar Kristmundsson 28. ágúst 1947 - 3. sept. 2017. Var í Grænuhlíð,Torfalækjahr., A-Hún. 1957. Bóndi í Grænuhlíð í Torfalækjarhreppi.

Páll Stefánsson f. 6. sept. 1912 d. 16. nóv. 1982 Bifreiðastjóri Tilraun á Blönduósi, maki; Oktavía Hulda Bjarnadóttir, f. 14. nóv. 1921 d. 8. febr. 2000.

Landamerkjaskrá fyrir Smyrlabergi í Torfulækjarhreppi í Húnavatnssýslu

Milli Smyrlabergs og Köldukinnar, byrjar merkjalínan að vestan við Laxárvatn, úr nesi því, sem skagar fram í vatnið og heitir Riðavíkurnes, beina línu í flatan stein á Smyrlabergsbungu, og er sá steinn merktur stöfunum L.M. Þaðan beina línu austur í svonefndan Blöndu, og er hlaðin merkjavarða á áðurnefndum hól. Að vestan ræður Laxárvatn merkjum eptir miðju. Milli Smyrlabergs og Kagaðarhóls byrjar merkjalínan að vestan, við Laxárvatn, þaðan beina línu í Músarholt. Úr Músarholti beina stefnu austur í Flatahamar, og þaðan áfram beina stefnu austur að Blöndu í merki þar. Að austan ræður Blanda merkjum eptir miðju, norður að móts við Strenghól við Blöndu, og er hlaðin merkjavarða á áðurnefndum hól.

Gjört að Kagaðarhóli 23. júní 1922
Stefán Þórisson eigandi Smyrlabergs
Kristján Kristófersson eigandi Köldukinnar
Jón Stefánsson eigandi Kagaðarhóls.
Vottar:
Stefanía Guðlaugsdóttir,
Kristín Jónsdóttir

Lesið fyrir manntalsþingrjetti Húnavatnssýslu að Blönduósi þ. 24. júní 1922 og innfært í landamerkjabók sýslunnar Nr. 308 bls. 167-167b.
Vottar:
B. Brynjófsson.

GPJ 9.4.2019

• Icelandic

Guðmundur Paul
Jarðabók Árna Magnússonar 1706. Bls 317
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Landamerkjabók sýslunnar Nr. 308 bls. 167-167b.
Húnaþing II bls 263