Býli frá landnámsöld. Fyrst getið í heimildum er þar bjuggu Friðrekur biskup og Þorvaldur víðförli 980-984.
Jörðin er landmikil og mýrlend víðast með holtum hér og hvar. Útibeit var talin góð en slægjur rýrar. Jörðin hefur verið bændaeign svo lengi sem vitað er.
Land nær frá þjóðvegi til Víðidalsfjalls. Merki eru við Merkjagil sem eru hin fornu merki í Víðidalsfjalli á milli Lækjamóts og Stóru Ásgeirsár. Á jörðinni var hálfkirkja að fornu „og stóð húsið í voru minni“ segir Páll Vídalín.
Hefur verið í eign og ábúð sömu ættar frá 1835

Íbúðarhús byggt 1929 steinsteypt, kjallari , hæð og ris 768 m³. Fjós fyrir 12 kýr og 15 geldneyti. Fjárhús fyrir 420 fjár. Hlöður 1000 m³. Haughús 160 m³. Vélageymsla 150 m². Tún 38 ha.

Hjer hefur að fornu hálfkirkja verið og stóð húsið í voru minni. Enginn minnist hjer hafi verið tíðir veittar, og er nú húsið af fallið.
Jarðardýrleiki 1 ? .
Eigandann að xxv ? telur sig hr. lögmaðurinn Páll Jónsson Wídalín, ef að næstkomandi fardögum verði ekki frá honum leyst úr veði iiii € og fimm aurar, sem hann hefur á næstliðnu lögþíngi lýst, en xx € og níutíu álnir hefur hann eignast fyrr en 1702. Eigandinn að öðrum xxv € er Ólafur Ólafsson að Breiðabólstað í Vatnsdal.
Ábúandinn á parti hr. lögmannsins Páls Jónssonar Wídalíns er Jón Arngrímsson. Landskuld þar af er i € xxx álnir. Betalast með xx álna fóðri, xii stikum vaðmáls fyrir xxx álnir, ii sauðum tvævetrum fyrir xxx álnir, og skulu sauðirnir afhendast, hvert sem ábúandi vill, að fardögum heim til Víðidalstúngu, og fylgir þá vorull með, eður ábúandi geymir þá til kauptíðar og afhendir heima þá kallaðir verða, og fylgir þá engin vorull.

Leigukúgildi vj. Leigur betalast í smjöri heim til landsdrottins. Kvaðir eru öngvar. Kvikfjenaður ii kýr, ii kvígur veturgamlar geldar, lvi ær, iiii sauðir tvævetrir, iiii veturgambr, xxxii lömb, i hestur, i hross, i fob veturgamall, i únghryssa. Fóðrast kann á þessum parti iiii kýr, xxiiii lömb, 1 ær, vi hestar.

Ábúandinn á öðrum helmíngi jarðarinnar, sem Ólafur Ólafsson á, er Bjarni Guðmundsson. Landskuld i € , hefur fyrir tveimur árum verið i € xx álnir, en því aftur færð að torveldlega bygðist ella. Betalast í öllum gildum landaurum heim til landsdrottins. Leigukúgildi á þessum parti eru nú in, einni á fátt í, sem þar fyrir brestur, að landsdrottinn var í næstu fardögum ekki viðlátinn hana til að láta; áður fyrir fáum árum hafa iiii verið.

Um lángan aldur höfðu eigendur haldið þessa jörð, en fyrir 10 eður 16 árum skiftist hún bræðra í milli og hefur síðan landskyldarhæð og kúgildafjöldi gengið af hverjum parti so sem eigendur hafa komið kaupi sinu. Leigur Bjarna betalast í smjöri heim til landsdrottins. Kvaðir öngvar. Kvikfje hjá Bjarna ii kýr, ii kvigur veturgamlar, xxviii ær, xiiii lömb, i hestur, i hross, i foli þrevetur, i tvævetur. Fóðrast kann jafnmikið kvikfje sem áður er sagt um hinn helming jarðarinnar.

Torfrista og stúnga næg. Móskurður til eldiviðar hefur verið, meinast vera mega en brúkast ekki. Lax og silúngsveiðivon góð í Víðidalsá, en brúkast ekki. Lambaupprekstur á \'íðidalstúnguafrjett fyrir toll ut supra.

Enginu spillir Víðidalsá með grjóti og leiri. Ekki er misgreiníngalaust millum Ásgeirsármanna og Lækjamóts ábúanda, á parti hr. lögmannsins Páls Jónssonar Wídalín, um engjapart þann er kallast Þórunes. En hvor hjer hafi rjettara er ekki reynt að lögum.
Ekki er kvikfje óhætt fyrir foröðum.
Vatnsból erfitt um vetur fyrir fannlögum.