Einstaklingur

Ingibjörg Stefánsdóttir (1907-1997) Fornastöðum

• Ingibjörg Stefánsdóttir (1907-1997) Fornastöðum

8.5.1907 - 11.4.1997

Ingibjörg Stefánsdóttir fæddist í Mjóadal í Laxárdal, Austur-Húnavatnssýslu, 8. maí 1907. Hún lést á hjúkrunarheimilinu Eir í Reykjavík 11. apríl síðastliðinn. Ingibjörg stundaði nám við Kvennaskólann á Blönduósi 1926¬-1927, Laugaskóla í Þingeyjarsýslu 1929¬-1931 og lauk ljósmæðraprófi frá Ljósmæðraskóla Íslands 30.9. 1935. Hún var ljósmóðir í Austur-Húnavatnssýslu frá 1935¬-1968, starfaði á heilsuhæli NLFÍ í Hveragerði 1969¬-1976 og vann síðan í fimm ár hjá Áklæðum og gluggatjöldum í Reykjavík. Ingibjörg er komin af traustum og góðum húnvetnskum og skagfirskum ættum. Móðir hennar, Elísabet, var systir Sigurðar Guðmundssonar, skólameistara. Ingibjörg aflaði sér góðrar menntunar á þeirra tíma mælikvarða. Var einn vetur á kvennaskólanum á Blönduósi og tvo vetur á Laugaskóla í Þingeyjarsýslu. Síðar fór hún í ljósmæðraskólann og útskrifaðist sem ljósmóðir haustið 1935.

Þá voru mörg og smá ljósmæðraumdæmi í landinu og var hún ráðin ljósmóðir í Bólstaðarhlíðarumdæmi um leið og hún kom heim 1. október 1935. Þar kynntist hún misjöfnum kjörum og aðstæðum sængurkvenna því allar fæddu þær börn sín heima. En það voru umbrotatímar í þjóðfélaginu. Samgöngur bötnuðu og þá gat sama ljósmóðirin sinnt stærra svæði og svo fór, að hún þjónaði öllu innhéraðinu og tók þannig á móti flestum Austur-Húnvetningum er litu dagsins ljós fram á árið 1968 er hún flutti suður.

Þegar nýr og fullkominn spítali leysti gamla sjúkraskýlið af hólmi í janúar 1955 vann Ingibjörg að því öllum árum, að allar konur kæmu á spítalann og ættu þar börn sín. Hún þekkti vel aðstæðurnar og líka hvar hættan gat leynst. Og það tók mjög stuttan tíma að fá konur til þess að breyta til og nýta sér þessa þjónustu.

Ingibjörg var gift Þorsteini Jónssyni frá Eyvindarstöðum í Blöndudal. Þau bjuggu fyrstu árin hjá foreldrum hennar að Gili í Svartárdal, en brugðu búi og fluttu í stríðslokin til Blönduóss. Þorsteinn gerðist þá sýsluskrifari hjá sýslumanni Húnvetninga. Hann var sérstaklega söngnæmur og söngmaður mikill, gleðimaður og kappsamur.
Hjónaband þeirra var einstaklega ástúðlegt og var oft sagt að þau væru ávallt eins og nýtrúlofað par. Frá árinu 1992 dvaldist hún á Laugaskjóli og síðar á hjúkrunarheimilinu Eir, þar sem hún lést 11. apríl sl. Útför Ingibjargar fer fram frá Blönduóskirkju í dag og hefst athöfnin klukkan 14.

Mjóidalur á Laxárdal fremri: Gil í Svartárdal: Fornastaðir á Blönduósi 1935-1968: NLFÍ Hveragerði 1969-1976: Reykjavík:

Kvsk á Blönduósi 1927: Laugaskóli 1931: Ljósmæðrapróf 1935:

Ljósmóðir:

Foreldrar hennar voru Stefán Sigurðsson, bóndi þar, síðar hreppstjóri, Gili, Svartárdal, fæddur 7.4. 1879, dáinn 30.8. 1971, og Elísabet Guðmundsdóttir, fædd 8.3. 1884, dáin 7.7. 1969. Þau áttu auk Ingibjargar eina dóttur, Sigurbjörgu, f. 1915, d. 1937. Hinn 12.6. 1932 giftist Ingibjörg Þorsteini Jónssyni, organista, söngstjóra og söngkennara, síðar sýsluskrifara á Blönduósi. Hans foreldrar voru Jón Jónsson og Ósk Gísladóttir, Eyvindarstöðum í Blöndudal. Börn Ingibjargar og Þorsteins eru tvö. 1) Þorsteinn Hængur, tannlæknir, f. 3.2. 1938, giftur Hönnu Láru Köhler og eiga þau fjögur börn, þau eru Carola Ida, f. 1961, Þorsteinn Páll, f. 1964, Dagný og Linda, f. 1966. 2) Elísabet, meinatæknir, gift Klaus Holm, arkitekt, og eiga þau tvo syni, Stefán, f. 1975, og Jóhannes, f. 1978.

Axel Valdemar Charles Gillies (1883-1965) Winnipeg (11.1.1883 - 2.5.1965)

Guðmunda Jónsdóttir (1908-1937) Eiríksstöðum (19.10.1908 - 30.7.1937)

Gísli Blöndal Jónsson (1902-1937) Eyvindarstöðum (15.5.1902 - 7.1.1937)

Elísabet Jónsdóttir Gillies (1856-1917) frá Björnólfsstöðum (30.8.1856 - 3.12.1917)

Friðrik Theódór Blöndal (1928-2015) Litla-Holt Staðarhólssókn Dölum (10.3.1928 - 20.12.2015)

Kvennaskólinn á Blönduósi 1921-1930 (1921 - 1930)

Mjóidalur á Laxárdal fremri ([1300])

Gil í Svartárdal ([1500])

Hængur Þorsteinsson (1938) Fornastöðum (3.2.1938 -)

Elísabet Þorsteinsdóttir (1944) Kiel, frá Fornastöðum (1.5.1944 -)

Elísabet Guðmundsdóttir (1884-1969) Gili (8.3.1884 - 7.7.1969)

Þorsteinn Jónsson (1904-1958) Fornastöðum (14.8.1904 - 15.7.1958)

Alfred Gillies (1886-1919) Winnipeg (9.1886 - 25.10.1919)

Elísabet Gísladóttir (1874-1949) Eyvindarstöðum (6.7.1874 - 14.10.1949)

Axel Johnson Gillies (1883-1965) Winnipeg (11.1.1883 - 2.5.1965)

Archibald Gillies Gíslason (1888-1973) Winnipeg (15.7.1888 -)

Fornastaðir Blönduósi (1933 -)

HAH01504

IS HAH

Loka

Fullt

GPJ 23.6.2017 https://www.mbl.is/greinasafn/grein/328067/?item_num=11&searchid=ee38b838507c099a90436a49a8c141358249ac6b

• íslenska

®GPJ ættfræði