Hvammur í Langadal

Bærinn stendur ásamt fjósi ofan róta, brattrar, en grösugrar fjallshlíðar, kippkorn utan Hvammsskarðsins. Nokkru sunnar og neðar, á uppgrónum eyrum, mynduðum af framburði Hvammsárinnar, standa tvenn fjárhús. Hvammur var áður eign Holtskirkju, en er nú ættaróðal. Íbúðarhús 460 m3 byggt 1934 og endurbætt 1967. Fjós fyrir 22 gripi, fjárhús fyrir 300 fjár, hesthús fyrir 10 hross. Hlöður 892 m3 og votheysgeymslur 64 m3. Tún 23,9 ha. Veiðiréttur í Blöndu.

Langidalur; Engihlíðarhreppur; Austur-Húnvatnssýsla; Hvammsskarð; Hvammsá; Holtastaðakirkja;

Huammur.
Þessi jörð hefur í eyði legið síðan í næstu fardögum. Jarðardýrleiki xx € og to tíundast presti og fátækum. Eigandinn Holtastaðakirkja og proprietarii þar til. Landskuld i € , en inn til næstu sex ára i € xl álnir. Betalaðist í landaurum þar heima. Leigukúgildi iiii, fyrir tuttugu árum vi, þar fyrir vii. Leigur betöluðust í smjöri þángað sem tilsagt var innan hjeraðs. Kvaðir öngvar. Fóðrast kunni iiii kýr, i úngneyti, 1 ær, xxx lömb, iiii hestar. Afrjett ut supra. Torfrista og stúnga næg. Reiðíngsrista fyrir heimilið bjargleg. Lítið lýngrif og valla teljandi.
Enginu grandar Hvammsá, sem ber á það grjót og sand til stórskaða, sem áeykst árlega. Þessa jörð hefur enginn brúkað þetta ár, hvorki til slægna nje beitar eður annara gagnsemda.

Ábúendur;
1933-1943- Hólmgeir Aðalbjörn Sigfússon 25. júlí 1898 - 1. jan. 1967. Bóndi í Hvammi í Langadal, Engihlíðarhreppi, A-Hún. Með foreldrum fram um 1910. Í vistum á ýmsum stöðum í S-Þing. Rafvirki í Víðirkeri, Lundarbrekkusókn, S-Þing. 1930. Stöðvarstjóri við Laxárvirkjun í Aðaldal um tíma. Símstöðvarstjóri í Reykjavík. Síðast bús. þar. Kona hans; Björg Rannveig Runólfsdóttir 3. júní 1892 - 10. apríl 1977. Vinnustúlka á Hnausum, Langholtssókn, Skaft. 1910. Lausakona í Víðirkeri, Lundarbrekkusókn, S-Þing. 1930. Var í Hvammi, Engihlíðarhr., A-Hún. 1957.

1966- Runólfur Bjarnason Aðalbjörnsson 19. mars 1934 - 12. feb. 2016. Var í Hvammi, Engihlíðarhr., A-Hún. 1957. Bóndi í Hvammi í Langadal, síðar bifreiðastjóri og starfsmaður í Mjólkurstöð Húnvetninga á Blönduósi. Kona hans; Sigurbjörg Hafsteinsdóttir 1. nóv. 1931. Var í Hvammi, Engihlíðarhr., A-Hún. 1957.

Gauti Jónsson 14. jan. 1955. Var í Gautsdal, Bólstaðarhlíðarhr., A-Hún. 1957 og Rannveig Runólfsdóttir 10. des. 1958.

GPJ 19.2.2019

• Icelandic

Guðmundur Paul
Jarðabók Páls Vidalín 1708. Bls 401
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Húnaþing II bls 144